2006 年 7 月 9 日 星期日 【微雨】

掛靴前再演驚世絕技！！！施丹無敵鐵頭功！！！

六點同寶馬山03大戰~~~~~有簡拿華路（騫騰）o既鐵壁防守，有大波o既勁射掛網，又有球王千里走單騎、北星尖刀o既頭鎚破網．．．．．仲有好多精彩鏡頭丫！！！呼呼．．．．北星好耐都無試過咁齊人架喇！！！

踢完波，返左屋企屎白白，食甸拿，就去左域祺屋企等睇今晚o既大戰同埋阿叔散發最後o既光輝~~~~~~~~去到．．．．．剩係得域祺、明仔、派路、才子同埋TK五丁友．．．．．又話有好多人o既？？？今晚呢場波我好俾心機去睇、去聽，好留意阿叔講o既每句說話~~~~~~~但係，我勢估唔到，今晚最精彩唔係阿叔講波，唔係兩隊o既攻門、入波，而係施丹o既無敵鐵頭功！！！！哈哈．．．．佢真係勁到呢~~~~~~~完完全全表現出佢『球王』o既真正實力！！！！特登用個咁o既結局（領紅出場）黎幫自己o既球員生涯畫上句號（你放心啦．．．．無人會唔記得你呢下驚世頭鎚架！！）不愧係球王丫！！！無人估到佢想點丫~~~~~~~睇完波，繼續同明仔佢地玩我兒時o既遊戲（繞著地球跑）咁耐無玩，都仲係咁好玩丫！！！！

八點幾，我地就落去食早餐~~~~~~~~同時，亦為我地o既《黑仔．上山記》揭開序幕．．．．．．．落到去叫左野食，等左勁耐，仲未黎齊．．．．．咩料呀？！煮個公仔麵，煎隻蛋姐，都要等成半個幾鐘？？？食食下．．．．．嘩！！！！落狗屎呀！！！！！食完仲落緊丫~~~~~~~~截的士，無的士．．．．．好好彩，有架27，上去嚕~~~~~~~~去到協同．．．屎左火，成架車出晒煙，好似就爆咁．．．．．咩料呀？！唯有打的返學校啦~~~~~~~~拎完本校刊就閃人嚕~~~~~~~

返到公司，無乜點做過野就過左兩個鐘，中間仲訓著左添~~~~~~~~May May真係好人丫！！！無鬧我，仲叫我同佢一齊拿拿聲出去食lun，然後返屋企訓下．．．．．．．（無限o既感動）

ｐｓ１：意大利萬歲！！！！簡拿華路萬歲！！！！

ｐｓ２：哈哈．．．．明仔好蠢丫！！！俾我名正言順咁打~~~~~~

ｐｓ３：才子好勁丫！！！有乜理由可以次次都抽中張『遺失護照』架！！！！

ｐｓ４：多謝派路教曉我點寫辭職信~~~~~~~~

ｐｓ５：又收到第二張叫我去interview o既信喇．．．．．再次陷入煩惱之中．．．．．

>>July 10, 2006 at 6:36:43 PM GMT+8

2006 年 7 月 7 日 星期五 【晴】

面試成功！！

同大陸去左理工面試~~~~~~今次唔再係見design，而係我o既second choice．．．．social sciences~~~~~~~~其實我覺得呢科比起design會更加岩我讀丫！！唔駛成日用腦丫嘛！！！呵呵呵．．．．．．．

今次個面試係1on1，仲用中文in添~~~~~~真係岩晒我喇！！！完事，去左waiting room度等消息．．．．好悶呀！！！邊睇住個講普通話唔正o既人講普通話（E.Wong 2號），一邊等時間過~~~~~~~等左成個幾鐘，卒之到我喇~~~~~~~~~哈哈．．．．終於俾我入喇！！！如果再入唔到，就真係好樣衰丫！！！！

ｐｓ：ALO！！！唔好意思呀！！到最後都去唔到買．．．．．．

>>July 8, 2006 at 12:52:09 AM GMT+8

2006 年 7 月 6 日 星期四 【綿綿細雨】

多謝Eunice再一次介紹一份唔錯o既工俾我~~~~~~份工係長工黎架！！一個月$7000，係sell玻璃o既，仲有lunch津貼，每日$30，o係灣仔返工，好似話唔係好多野做，即係hea住咁返工，唔唔．．．真係唔錯丫！！！

返工途中，同明仔傾左成個鐘電話，不斷上網，真係博炒丫！！！仲整壞左部碎紙機添．．．．好彩~~~~~~最後我都整番好！！！（拆完再裝番，乜都無搞過就正常番）

ｐｓ１：之前見到件靚靚波衫唔見左喇！！！嗚嗚．．．．．早知唔理咁多，買左落黎先啦．．．．．

ｐｓ２：今日HKCC打黎俾我，叫我去in social sciences．．．．去唔去好呢？

>>July 6, 2006 at 9:52:04 PM GMT+8

2006 年 7 月 3 日 星期一 【乍寒還暖】

北星聚餐

今日去左理工面試，真係覺得個interview有ｄ問題~~~~~~~（可能剩係我覺得有問題啦！！）個interview總共有兩部份，一個係筆試，另外一個係小組面試，而我覺得有問題o既地方係，個interview剩係睇我平時有咩作品，而唔多理個筆試架呢？？？乜design唔係睇創意架咩？？？

其中有個interviewer（黑衣人）就係咁插我，又話我唔成日keep住練design係唔得o既，又話我無作品，雖然．．．我明白佢o既立場，但係我覺得design同埋畫畫係兩樣完全唔同o既野囉~~~~~~design係講求靈感架嘛，唔係日日keep住畫就有架~~~~~~畫畫就唔同，真係要keep住畫先會練到個技巧架嘛~~~~~~~（可能我o既睇法有錯啦！！）同埋我平時都無keep開ｄ作品o既習慣，好多時做完交左去就算，好似整board，設計平面圖，畫卡咁，都唔會keep o既我，又邊樹會拎到作品俾你睇呢？？？

完左個interview之後，就返左屋企訓，夜晚，同北星去左油麻地o既Drink's Cafe幫球王雞慶祝生日，但係今日個主角無黎到，搞到今次o既活動好似無晒意義咁．．．．．．食完野之後，北星就開始討論發展大計，希望可以重整北星o既架構（希望得啦！！）被任命為北星財政司~~~~~~呵呵．．．．超勁丫！！！！

ｐｓ１：球王雞！！生日快樂！！！！

ｐｓ２：ｄ青蛙成日都唔郁o既．．．．好似屎晒咁．．．．．．

>>July 4, 2006 at 12:09:32 PM GMT+8

2006 年 7 月 2 日 星期日 【酷熱】

面試日

朝早o係明仔o既帶領之下，去左理工度報名參加佢o既副學士，今日o既人數比起我想像中o既少好多好多，無明仔講到有幾百人咁得人驚~~~~~~~~~我報左設計黎讀，等左一陣，諗住等面試啦~~~~~~~~點知佢地叫我聽日再返多黎一次．．．．．．．下！！點解呀？？？原來係叫我聽日帶埋自己o既設計作品返黎面試~~~~~~~~設計作品？？我無架啵！！！叫我一晚就搞掂一份設計作品．．．．．有咩可能呀？？？天才都未必做到啦~~~~~~~~~

之後同明仔搭巴士去銅鑼灣唱ｋ，哈哈．．．．盡情發洩！！！加埋趙振，三個人齊齊唱到四點鐘~~~~~~~

唱完就去戲點赴約~~~~~~~約左好耐無見o既爆爆打左陣CS，哈哈．．．．好懷念以前放學落黎打機o既日子丫！！！

玩到六點半就走人，同佢傾左一陣計丫！！都知道下大家o既近況~~~~~~七點上到協同同肥文隊大戰，哈哈．．．．今日場波大家都表現唔錯，唔計一開波因為北星技術總監o既失誤而輸o既o個球波，北星對住肥文隊首次做到不失球o既紀錄~~~~~~~~~噢噢．．．．好犀利丫！！！其間我仲出左黎客串前鋒，即時由『北星守護神』變左做『北星尖刀』！！！好勁呀！！！！呵呵．．．．．

ｐｓ：隻腳傷左！休戰中．．．．．

>>July 4, 2006 at 12:10:19 PM GMT+8

2006 年 6 月 30 日 星期五 【晴】

中七放榜日

尋晚同北星o既高考生一齊玩左成晚~~~~~~~希望藉住大玩特玩，消除對今日放榜o既緊張、憂慮情緒，亦都想咁樣癲癲喪喪咁過一個唔會訓得著o既夜晚~~~~~~~

第二朝，七點幾落左樓下M記食早餐，呢個時候，開始慢慢feel到緊張o既心情，唔唔．．．．呢種感覺同我第一年F5 o個陣一樣，明知自己考得差，仲有著升上去o既一ｄｄ希望．．．．．．．．

之後同施純去左北角轉車返學校，入到hall，已經開始派緊成績，即時周圍睇下班朋友考成點，好快就輪到我嚕~~~~~~~~望到爆袋華同埋C.Tse個樣，我就覺得應該中左招架喇我．．．．．果然~~~~~~佢同我講，你有無心理準備呀？我話我預我UE屎架喇~~~~~~~咁佢見我有晒心理準備，就即時俾我自己睇．．．．．．（震驚）唔合格？？？？我UE真係唔合格呀！！！

唉．．．．．見到咁o既成績，我就即時諗住要再考多次UE！！吳校長、好多先生、朋友都係咁同我講，考多次UE啦~~~~~~~岩！！我一定要考多一次丫！！！真係好唔gur呀！！！之後再望望自己o既成績，都估唔到會拎到ｄ咁o既成績（2C1D）．．．．．諗番自己溫書o既態度同埋所擺落去o既時間，我真係諗住一隻C都拎唔到架！！好彩．．．．歷史拎番隻C，起碼無辜負C.Tse丫！！！GPA都pass左，起碼無整衰C.P.Lau個100%紀錄~~~~~~中化條C，我都真係唔知發生咩事．．．．．總之，出黎o既成績好過我之前所諗架啦~~~~~~~

留左o係學校度hea到十一點左右，就落左去學友社度搵阿Jan佢地傾下計~~~~~~~~睇下佢地有咩意見，傾到一點左右，真係太累喇．．．．．即時飛番屋企訓番覺好o既~~~~~~~~ZzZzZz．．．．．．

ｐｓ１：多謝關心我o既朋友，多謝你地丫！！！亦都恭喜考得好o既朋友~~~~~~~~

ｐｓ２：老爹、媽打．．．．對唔住呀！！！又辜負左你地對我o既期望喇．．．．你呢個仔真係無用呀！！！

ｐｓ３：訂下目標！！UE要黎個大躍進！！！讀左十幾年英文，我唔要唔合格呀！！！！

ｐｓ４：我想考多一次AL呀．．．好唔好呢？黎緊呢一年，我又要點樣過呢？？（苦惱）

ｐｓ５：施源、騫騰！！！生日快樂丫！！！！！

>>June 30, 2006 at 9:23:45 PM GMT+8

2006 年 6 月 29 日 星期四 【雨】

放榜前夕

聽日就係中七放榜喇~~~~~~~仲未感覺到緊張o既心情，因為覺得自己考得比水準差，應該無咩機會架喇~~~~~~~~

夜晚，同左北星o既高考生一齊去『張記燒臘』食甸拿，哈哈．．．．大波！！噴飯丫！！大波！！

之後就去左我o既屋企（戲點）度打左四個鐘機，呼．．．．好耐都無試過黎網吧打機喇！！！今次終於可以盡情捕殺獵物！！打過痛快！！！

打到累累地，就齊齊上左黎我屋企休息下~~~~~~~~

仲有唔夠幾個鐘，就知道結果喇，雖然都知道今次應該屎得架喇，但係都想知道下自己有咩成績丫嘛．．．．．．我o既命運究竟係點架呢？？

ｐｓ：祝同學仔、朋友仔高考成功！！！！

>>June 30, 2006 at 2:08:15 PM GMT+8

2006 年 6 月 28 日 星期三 【雨】

中七謝師宴

今日係中七謝師宴，為左呢次宴會，我都獻出左人生o既第一次，就係著西裝行出街~~~~~~~~感覺怪怪地丫！！！嘿．．．．

去到香格里拉，哈哈．．．．個環境都幾靚丫！！！見到男o既著西裝，女o既著晚裝，個個都咁靚仔靚女丫！！！影左一陣相之後，就開始睇表演，玩遊戲~~~~~~雖然ｄ表演、遊戲就唔係好吸引，但係都睇得出籌備o個班人o既努力！！！o個度o既野食，o係甜品方面就真係無得頂，唔錯唔錯丫！！！但係主菜方面o係選擇真係唔多，味道亦麻麻．．．．．

o係食食下野o既時候，就開始播番我地全級o既中六、中七o既生活照，睇番ｄ相，個腦入面突然有番好多已經變得模糊o既記憶，諗番起，覺得呢兩年真係過得好開心丫！！！不過．．．．我地班o既o個段片就係咁播我上堂訓覺o既相．．．．．全世界都睇到．．．．．C.P.Lau都即時走過黎揶揄我，好瘀呀！！！！

最後就齊齊係咁影相，由十點幾，一路影到十二點先肯走，呵呵．．．．之後就同自己o個班去左附近唱ｋ，好耐都無去唱過喇！！！不過太累喇．．．．卒之我都係無唱，o係三點左右就同趙振、明仔佢地走人先~~~~~~~~

行到出去，竟然唔識路走，o係o個邊係咁兜圈，卒之我地班西裝友就樣樣衰衰咁走左去問個差佬．．．．．嗚~~~~~~~~俾好多路人睇到我地o既衰樣丫！！！！真係好樣衰呀！！！！之後又繼續行，行到身水身汗，不過，憑著我地o既毅力、熱誠，我地終於都搵到N102 o既巴士站喇！！！！巴士穿過左條海底隧道之後，丫！！！！終於返到黎熟識o既香港島．．．．．．

>>June 29, 2006 at 5:54:06 PM GMT+8

2006 年 6 月 27 日 星期二 【酷熱】

巧遇聖記名人

今日同搵左ALO陪我去買野丫！！！！真係好多謝佢肯陪我行左成半日，同埋佢俾我o既寶貴意見~~~~~~~~

唉．．．．你話叫我揀波衫、波鞋就易姐~~~~~~叫我揀領呔、皮鞋我邊掂丫！！！真係睇到眼都花，腳都累，頭都暈丫！！！！

去到太古城，估唔到會撞到呢位聖記名人丫！！！我諗佢都係為左聽日o既謝師宴而黎呢度買呔丫！！！同佢o係同一間舖度揀野．．．．真係好有壓力丫！！！！最後．．．．間舖無佢想要o既款（淨色，但係有公仔圖案o係頂o既，咁即係點呀？？要淨色定係要有花架？？）於是佢就唯有繼續佢o既『尋找領呔的故事』，再一次踏上征途．．．．．．．（感動）

ｐｓ１：一連四日都請假，之後七月可能又會因為要返大陸而再請假．．．．我唔會俾人炒o卦？？

ｐｓ２：見到一件幾靚o既波衫丫！！！出糧o個陣，一定要仆到黎買！！！

ｐｓ３：嗚．．．．著西裝個樣好怪呀！！！

>>June 28, 2006 at 5:05:08 AM GMT+8

2006 年 6 月 26 日 星期一 【酷熱】

同朋友一齊踢波，真係好開心，踢完之後，覺得好舒服、好滿足．．．．的而且確，踢波，係可以俾人忘記日常生活o既煩惱、唔開心．．．．．踢波，真係好！！！

ｐｓ：仲未買tie，又未買鞋．．．．點算呀？有無人肯陪下我去買呀？？

>>June 27, 2006 at 1:48:55 AM GMT+8