2006 年 12 月 31 日 星期日 【颳風】

06 年最後一晚

今晚係 06 年最後o既一晚，諗到如果為左倒一倒數，而要出去同人逼成晚，覺得勁唔抵兼無聊，所以最後就決定o係屋企度過~~~~~~慶幸o既係，有施源佢地黎我屋企一齊過！同平時o既北星聚會無咩唔同，都係打機、打牌~~~~~~而最唔同o既係多左ｄ女仔出席！！哈哈哈．．．．



北星特別新聞報導：

北星三雄鼎立　球隊陷於分裂

【北星報專訊】經過除夕夜之後，北星又出現多一顆耀眼熾熱的新星（ALO）！他所創立的「乏愛派」（Lack of Love, 又稱 lol）與鵬爺的「行動派」（Action）、施源的「壓力派」（Stress）形成了三雄鼎立o既局面！現在，gag 神施源除了要面對鵬爺的挑戰外，還要應付多一個新的對手，令球隊現在正正陷入前所未有的危機之中，隨時會因為是次事件而弄到解體。

施源：「唔好妄圖挑戰小飛俠政權o既威信！」

北星隊長昨日正式就事件作出回應，他憤怒地表示：「鵬爺同 ALO 根本唔知真理為何物！呢單野只會令到佢地今後o係球隊失去立足之地！」施源亦對近日政權受到挑戰而作出回應：「我根本唔驚佢地o既挑戰！因為人係無可能贏到神！希望佢地可以明白呢個咁簡單o既道理，唔好做埋ｄ愚蠢o既行為！唔好妄圖挑戰小飛俠政權o既威信！唔係你地會死得好難睇！」

ALO：「我地要識得向錯o既訊息講一聲『不』！」

對於北星隊長施源昨晚的回應，ALO 只冷說：「施源o個套已經 out 晒架喇！依家呢個時代，只係存在一樣野，就係擁有愛定係缺乏愛！」他更即場以近日城中熱門話題作為論證，他說：「好似巴士阿叔咁丫！佢唔係有壓力而搞成咁架！佢係因為缺乏左愛！因為佢缺乏左愛，先會變到咁！所以我地應該俾ｄ愛佢，咁佢就會正常番，唔會再係咁架喇！」他亦對施源昨晚的回應感到失望，他說：「希望佢識得自重囉！講埋晒ｄ咁o既野呀！佢變得咁唔理性，我真係好失望囉！」他亦補充道：「我地要識得向錯o既訊息講一聲『不』！」

球王：「我剩係想踢波咋！」

對於分裂事件，球隊副隊長球王只笑說：「點都好啦！希望佢地可以以和平o既方式，盡快解決呢件事，我剩係想踢波咋！」他亦續說：「我係球王！嘿嘿嘿．．．」即時激起球場內北星球迷們的不滿，並衝入球場圍毆他，他事後被送入北星醫院，現時情況穩定。

>>January 3, 2007 at 12:56:40 AM GMT+8

2006 年 12 月 29 日 星期五 【颳風】

重臨工廠

o係睡夢之中，俾我媽打一個電話搞到醒左！原來佢要我去幫 Ronald 手入貨~~~~~~話係趕住要起貨~~~~~~~~做一個鐘 $50！聽完之後，覺得都幾好啵~~~~~~好過返 Samuel Li！即時換衫出發！

去到柴灣，跟著傑仔行，哦哦．．．原來要去工廠入面架？！哈哈．．．自從細細個o係工廠度幫阿『女麻』手之後，就再無去過工廠嚕~~~~~~~今次都算係一次唔錯o既經歷丫！！去到間舖，睇到佢ｄ貨，即時 O 晒．．．．點解全部都係女人裸體o既硬卡黎o既？！算啦~~~~~~~唔係男人o既裸體就得啦！！哈哈哈．．．．

做左唔夠半個鐘，就放食 lun．．．．同佢去搵佢老豆吃 lun ~~~~~~佢老豆都幾風趣，但係我係唔知點應佢囉！吃完免費午餐之後，繼續做野！又再做左個幾鐘，咁就收工喇！下？！好似做得o個兩個鐘咋喎我．．．．仲想做多幾個鐘添！之後收錢，哦哦哦．．．．有成兩百蚊！！計番一個鐘都成百~~~~~~~真係幾好做啵！！哈哈哈．．．．

>>December 30, 2006 at 4:54:37 AM GMT+8

2006 年 12 月 28 日 星期四 【微冷】

班 gathering

今日去左愛秩序踢波~~~~~~對上一次o係呢度踢，就係整傷隻右手o個場．．．．．唔．．．原來我已經咁耐無黎呢度踢波架喇？！哈哈哈．．．．時間真係過得快！今日邀請左阿星、阿立黎踢~~~~~嘿嘿．．．．肥文隊今日突然間有個鬼佬坐陣！哈哈．．．．好耐無同鬼佬交手啦~~~~~~~

之後同佢地兩個一齊返屋企屎白白，打打機~~~~~~~之後就一齊搭車去尖東參加班 gathering~~~~~人數雖然唔多，但係都幾開心！琪琪o既布甸好好食丫！不過仲有進步o既空間（加多ｄ份量）之後係咁食野~~~~~~但係呢間巴西燒烤都唔多夠巴西 feel 丫！！都係維園o個間好 feel ｄ！臨尾，食左個七個球o既綠茶雪糕~~~~~~嘩！食到嘔丫真係！！食到無晒味覺丫！

ｐｓ：阿立真係好有吸引力丫！夜總會小姐會主動請佢入夜總會玩！後生女又會叫佢幫佢地影相！哈哈．．．

>>December 29, 2006 at 2:48:00 AM GMT+8

2006 年 12 月 27 日 星期三 【晴】

刺激o既雀局

尋日，大波周圍搵人打牌，初時仲諗住講下架姐~~~~~~點知係黎真架！朝早收到明仔同埋大波o既 morning call．．．．好喇好喇．．．．醒喇醒喇．．．．點知三缺一？！唯有周圍搵人，希望湊夠數啦~~~~~~搵域祺，要踢波．．．搵蓓蓓，要做 project．．．搵 Stella，要返工．．．算啦~~~~~~~放棄喇！叫我表弟啦都係！！

終於湊夠數開檯~~~~~~輸左o個位要飲晒成支兩公升o既忌廉~~~~~~~我唔鍾意飲忌廉丫！我唔可以輸！一定唔可以輸！！！由第一舖開始，大波就一路處於領先o既位置~~~~~~~我就緊隨其後，明仔同傑仔就分列三、四~~~~~~~去到六點（距離結束時間仲有兩個鐘）仲o係傑仔落後緊，仲勁俾我地嘲笑，點知過左無幾耐，一個自摸清一色，明仔即時跌到最尾！七點幾（距離結束時間仲有十幾分鐘）明仔仲落後緊第三位o既傑仔 242 分~~~~~~o係呢個時候，明仔一個十三么，搞到遙遙領先，兼且係由第一舖開始已經領先o既大波變左做最尾，呢個排名亦都去到最尾~~~~~~哈哈哈．．．．真係峰迴路轉丫！！大波呀大波~~~~~~叫你唔好咁囂架啦~~~~~~呵呵．．．．

呢排好似日日都打機、打牌．．．．好唔健康丫！勁o徒時間！！要快ｄ重返正軌先得！！！

>>December 27, 2006 at 9:59:28 PM GMT+8

2006 年 12 月 24 日 星期日 【微冷】

北星 BBQ 之夜

今日係平安夜暨北星 BBQ 之夜！！為左隆重其事，我地特別用左成個晏晝o既時間，去選購一份岩心水o既禮物去作為抽獎之用~~~~~~~~呵呵呵．．．．．我份禮物實在係好有心思丫！係細心o既表現！！！哈哈哈．．．．．其間買左一粒一號波俾身處遠方o既黃嶽~~~~~~~~希望佢可以踢住粒波，去暫時頂住踢波癮丫！！

之後買埋ｄBBQ 用品就上晒我屋企準備陣間o既 BBQ 之夜~~~~~~~~~由八點開始燒，燒到凌晨點幾兩點丫！！o係 BBQ 其間，仲加插左好多唔同o既「表演節目」，好似施源同鵬爺o既 gag 神爭霸（當然最後o既勝利者梗係神級施源啦！）又有抽獎活動（呵呵．．．大陸真係幸運！抽到我精心挑選o既禮物！！）亦有賽車越野戰等等．．．．．．．唔唔~~~~~~得閒望下個星空，得閒望下棵聖誕樹，得閒吹下涼風，得閒就傾下計~~~~~~~~~你話幾爽丫！！哈哈．．．．

兩點之後，BBQ 之夜o既下半場開始喇！！一如以往，打打機，打打牌，吹吹水，咁就幾個鐘，一路挨到去第二朝十一點半，o係抗戰睡魔中途，阿蕭、施源、大陸、ALO 等等，先後要退出戰場~~~~~~哈哈．．．．訓到成隻屎豬咁丫！！！唉．．．點知．．．．ALO！以後唔好喇！再黎一次好麻煩架！嘿嘿．．．．．

十二點，一齊去左康怡睇戲~~~~~~~乜．．．乜唔係 007 咩？！．．．．都唔緊要丫！睇左傷城，感覺都 ok o既．．．但係無想像之中咁好睇囉！！之後就散水嚕~~~~~~~同 ALO 兩個去左樓下 M 記食 lun ~~~~~~~~兩個人傾左好多野，一傾就傾左成兩個幾鐘！！之後返番屋企，見到亂亂地o既屋企．．．．．又要執下先抖得喇．．．．．．呢個時候，已經係連續廿八個鐘無訓覺．．．．．

ｐｓ１：聖誕快樂！Merry Christmas！

ｐｓ２：收到好多 sms 丫！！多謝大家丫！有好多平時無咩兩句都有腥，開心屎！！！哈哈．．．．

ｐｓ３：黃嶽粒波．．．又唔想寄喎．．．好貴架嘛！不如．．．．等佢暑假返黎先親手俾佢啦~~~~~~~~嘰嘰．．．．

>>December 25, 2006 at 7:27:05 PM GMT+8

2006 年 12 月 23 日 星期六 【微冷】

身體老化？

呢排好似訓極都好眼訓丫！訓足成十個鐘都要繼續訓．．．．．

而且又唔願起身．．．．

唔會係身體機能衰退o卦？！

>>December 23, 2006 at 10:27:39 PM GMT+8

2006 年 12 月 22 日 星期五 【微冷】

做冬

尋晚五點先上床訓~~~~~~訓左幾個鐘就起左身．．．．嘩！辛苦到丫！

返左去 poly 踢波~~~~~早洩夫又話叫我早ｄ到！十點左右就去到球場喇~~~~~~~佢呢？大半個鐘之後先到！俾佢 fake 左．．．．下次我唔會再早到架喇！！！嘿嘿嘿．．．．等左差唔多成個鐘先夠兩隊開波~~~~~~~哈哈．．．我入左波呀！哎丞！你收皮啦~~~~~~哇哈哈．．．．

之後同施純、域祺去左都會伊甸園食 lun，學精左，唔要咖哩~~~~~~之後就去左旺角閒逛，嗚．．．．係咁兜，都搵唔到女人街o既？！五點幾返屋企同佢地開檯打打牌~~~~~~好耐無打牌喇！！之後一家人食甸拿~~~~~~~但係．．．．同平時食甸拿都無分別o既．．．．咪都係差唔多！

ｐｓ：踢波踢到腳板底甩左皮！好痛呀！

>>December 22, 2006 at 10:26:18 PM GMT+8

2006 年 12 月 21 日 星期四 【微冷】

o徒左一日．．．

訓左成大半日．．．．．．

以後盡可能要早ｄ訓丫！！！唔要再咁夜訓~~~~~~~~

>>December 22, 2006 at 10:26:53 PM GMT+8

2006 年 12 月 20 日 星期三 【颳風】

最後的戰役

今日係 SEM 1 o既最後一戰，原本諗住睇下有無朋友仔早返，可以一齊返學校溫溫書~~~~~~~點知一醒左，發現手提俾人「咳」左！！！最弊o既係，屋企個電話o係前o個幾日都俾人「咳」埋．．．．．咁都算~~~~~~諗住有電腦，都可以聯絡到人，點知今朝唔知做咩事，成日斷線！！想搵都搵唔到．．．．．突然覺得自己好似同呢個世界有個隔膜．．．．．．

諗住去尖沙咀交錢啦~~~~~~~點知．．．間野收左皮，外面仲寫住旺舖招租．．．．即時 O 晒！唔係咁黑呀？！之後自己一個人去左尖東間 M 記吃 lun．．．．即時發覺自己一個人食 M 記係好悶架！！！好慘．．．．遲左少少入試場，見到份卷，即時有想屎o既感覺！！係咁問 theory 囉~~~~~~~又話溫晒 theory 先可以岩岩 pass，我睇落去，根本唔只 pass 囉~~~~~~係拎高分丫！！！根本就無空間俾我吹．．．．我係分析王黎架嘛！！！即時覺得好頹．．．．三個鐘不停寫野，唔唔．．．．久違o既感覺~~~~~~雖然係寫滿晒份野．．．但係，覺得自己好似答到離晒題！完全唔知自己答緊咩！！睇黎 soci 好有機會沉船．．．．爆灰！

考完同阿星、阿立一行三人去左尖東閒逛~~~~~~~~之後交埋個電話費，就返番 poly 個巴士站搭車去北角踢波~~~~~~~呼．．．o係咁凍o既天氣踢波，感覺認真爽丫！！！o係陳維周踢波都幾開心丫！！！唔唔．．．．除左油站（北星已故主場）之外，呢個係唯一一個俾到我開心o既球場~~~~~~~由七點踢到十點，踢到腳板底勁痛！兩隻腳都就黎抽筋丫！之後去左有你有我食甸拿~~~~~同班低 form 又傾又食，哈哈．．．．．估唔到佢地同北星都咁傾得埋丫！！傾番聖記ｄ野，真係傾足成晚都傾唔晒丫！！！勁多笑料丫！十二點，起程回家~~~~~~唔唔．．．呢個時候，手提終於復活喇！！可喜可賀！！

ｐｓ１：平安、聖誕有咩搞呀？？？

ｐｓ２：仲有漫長o既 SEM break ~~~~~~~~做咩好呢？？

>>December 21, 2006 at 1:18:31 AM GMT+8

2006 年 12 月 19 日 星期二 【颳風】

「年戰」後遺症？

尋晚眼光光訓唔著~~~~~~~今朝七點幾就醒左，起身返學校繼續溫書~~~~~~~唔．．．都係 R ｄ房好坐ｄ，又有個靚靚景觀喎！！哈哈．．．．溫到十二點幾，同同學仔們去左都會間伊甸園吃lun ~~~~~~~~間野都 ok 丫！！不過．．．．見到影子碟咖哩．．．．．下次都唔好黎呢度吃咖喱喇．．．．．

仲有成半個鐘先開考，同佢地去左草地附近ｄ位度坐坐傾傾計~~~~~~~~好寫意丫！！臨考前o個一刻，沙華拎左本雜誌黎，嘩嘩嘩！！欣宜呀！！！！！考試鬥心即時無晒．．．．．．

兩點鐘，阿年之戰正式爆發！預我開戰前所料，做唔晒份卷丫！不過，成份卷都唔係太難丫！！都應付到o既~~~~~~~應該合格啦今次！！！哈哈哈．．．．考完，突然心情唔知點咁．．．．有ｄ唔開心．．．．．開始諗番起開考o個陣諗o既野．．．．乜考完多一科唔係應該開心ｄ架咩？？開心ｄ啦~~~~~~~~返屋企途中，開始諗到累．．．．唉~~~~~~也許我要睡一睡．．．．．返到屋企，對住四面牆，又諗．．．．又開始煩ｄ其他野，一ｄ完全唔關自己事o既野．．．．人真係犯賤！！

ｐｓ：明日．sem 1 最終戰！唔唔．．．．要 plan 下考完做乜好，玩乜好丫！！！哈．．．

>>December 20, 2006 at 3:10:44 AM GMT+8