2006 年 10 月 16 日 星期一 【雷雨】

照X光

尋日撞到個頭，本來都無咩野，直到尋晚洗頭o個陣，一烏地身，即時有野o係個鼻度流出黎，初時仲諗住係流鼻水姐~~~~~~點知拎張紙巾一抹，ｄ野竟然係黃黃地，超驚！！即時同媽打搭的士睇急症！！！

好耐都無睇過急症喇~~~~~~~等左成個幾兩個鐘，其間都媽打傾左好多野，希望佢可以開心ｄ啦~~~~~~同埋明白我多ｄ啦~~~~~~~苦苦等候之後，卒之到我喇！！！一入到去，醫生check左幾check，就叫我去照照X光！！！噢．．．咁大個仔，終於有機會可以試下照X光喇！！！（照X光好似唔係一件值得開心o既事黎啵．．．．）入到去照，過程原來係好簡單，同埋o個ｄ儀器好似有ｄ簡陋．．．．有ｄ失望．．．．．．之後再等左十幾分鐘，又叫名入去喇~~~~~~~個醫生話應該無咩事o既，話如果覺得痛暈或者係想嘔，就要再入醫院黎個詳細o既檢查！！！

ｐｓ：多謝大家對我o既關心！！！

>>October 17, 2006 at 12:00:22 PM GMT+8

2006 年 10 月 15 日 星期日 【陰】

爆頭了．．．

繼尋日之後，再一次好早起身，搭車去天后join北星佢地食早餐，之後就去維園備戰陣間場波~~~~~~呢場波北星成場禁住黎攻，始終都係臨門一腳比較差！！！攻勢雖多，但係都係入唔到波．．．．．成場踢成0：0，無加時，即時以十二碼決勝負！！施純要我射第二球．．．．唉~~~~~~我得唔得呀？？（學界o既陰霾又再返黎喇．．．）人地先射，得到何傑教路，玩心理，成功救到兩球丫！！！！之後自己親自操刀，十二碼一射中鵠！！！之後人地又射失，施純又入埋！！！北星卒之以3：0 o係十二碼戰贏左！！！晉身下一round~~~~~~

同北星一齊去維京酒樓食lun，嘩！！！真係貴到呢~~~~~~每人$50落樓，C.Y.Leung包底！！之後同C.Y.Leung去搵佢o既老婆同仔仔，唔唔．．．．家庭樂丫！！！好幸福~~~~~~~之後我就先離隊，去poly踢league~~~~~~~

去到換完衫就即時落場，唔唔．．．．好彩今場對手唔強，威脅不大，令到我今日可以繼續維持零失球丫~~~~~~~~贏到兩球之後，我就出左場嚕~~~~~~休息下，等陣間再出場踢前鋒！！！終於o係千呼萬喚之下，北星尖刀又黎喇！！可能贏左兩球啦，大家好似有ｄ鬆懈，俾人追成2：1，之後好彩個龍門勁！！！左飛右撲，救左幾球，唔係可能會輸埋丫我地．．．．．去到臨尾，一個反擊，阿kim一個妙傳，俾我輕鬆射成3：1完場~~~~~~~

之後就即時飛返維園，去到o個陣都已經係下半場開波喇~~~~~~o係大部份主力缺陣之下，北星輸緊一球．．．．換完衫即時就落場（北星尖刀降臨維園）落場無幾耐，俾人掃後腳，成個飛起撻落地，頭部率先著陸，咁都無流血．．．好野！！不過就成個腫起左囉~~~~~~場波，最後輸左．．．．完場之後即時去救護站度睇睇個頭，又搽野，又敷冰，唔唔．．．的確係好左ｄ喎！！！之後搭車返屋企，同阿蕭密密斟．．．返到屋企，繼續趕功課！！

ｐｓ１：第一次成功撲救十二碼！！第一次射入十二碼！！第一次令到對手o係十二碼戰一球不入！！（沾沾自喜中）

ｐｓ２：俾早洩夫個女朋友欺負！！！我要殺！殺！！殺！！！

ｐｓ３：北星、APSS隊都踢得好好丫！！！十萬個開心~~~~~~

ｐｓ４：唔用得洗頭水洗頭丫！！！咁叫我點洗呀？？？

>>October 16, 2006 at 3:27:06 AM GMT+8

2006 年 10 月 14 日 星期六 【陰】

戰畢！

今朝六點就起左身，呼~~~~~~好耐都無咁早起身嚕~~~~~~~~八點左右，卒之都去到紅磡火車站間M記，唔好意思！！遲左成半個鐘．．．．．

食完早餐返學校溫NS，作最後o既掙扎！！同阿kim佢地o係廿四度呆左成個鐘，終於都到左入試場o既時候喇~~~~~~~整體黎講，今次測驗都唔係太難，唯一搞到我拎唔到滿分就係因為英文o既關係！！！唔記得左點串丫！！！！！返學之後，四圍搵腳去打牌~~~~~~憑住我o既真誠打動，卒之有五個人跟左我返屋企~~~~~~呵呵呵．．．．

返到去，打機o既打機，打牌o既打牌~~~~~~唔唔．．．．估唔到Vivian係一個乜都笑一餐o既人黎架！！！以後要搞爛gag o個陣，一定要o係佢面前搞先得！！！亦都估唔到Camille係一個乜都唔識o既人，有好多人都明、都識o既野，佢都竟然會唔識~~~~~~太弱喇！！！哇嘰嘰嘰．．．．玩到六點左右，全世界都散晒嚕~~~~~~

ｐｓ１：阿立！！中心會全力支持你架！！！！！！

ｐｓ２：爛gag分享『Vivian：加利福尼亞州 = 加州；德克薩斯州 = 德州；賓夕法尼亞州 = 賓州』之後自己狂笑．．．．（汗）

ｐｓ３：聽日．北星進軍維園！！！APSS揮軍POLY！！！

>>October 14, 2006 at 11:22:35 PM GMT+8

2006 年 10 月 13 日 星期五 【酷熱】

最後備戰

聽日．皇者對決！！！
孫孫大戰NS！！！

>>October 14, 2006 at 12:49:14 AM GMT+8

2006 年 10 月 12 日 星期四 【晴】

揭幕戰

今日一早就去左覆診，今次除左包手腕之外，仲包埋手爭．．．．包晒成隻手咁滯．．．．嚇屎人呀~~~~~~~~

返到學校，拉開同NS大戰o既序幕喇~~~~~~首回合，NS先勝一場，雖然做成朝數，但係唔係有太多o既得著．．．．之後去上Chris堂，明左ｄ野~~~~~緊接著就係阿Wing o既lecture喇~~~~~~真係悶到爆！！！唯有打打機解解悶，俾左少少，真係少少test o既tips我地，唔．．．好過無~~~~~~

放學去左book場，挑戰我o既極限，八點半到球場？！有ｄ遲到o既風險．．．．同阿Kim、阿立去食下野之後，就再一次返到圖書館，見到mei ling一個咁努力做數，好！！我都要加油！！！噹噹噹．．．同NS o既第二回合較量正式開始，做做下，feel到好似搵到正確o既方向，但係都係遇到ｄ問題．．．．．

之後同明仔一齊搭車返屋企，返到去，聽媽打講話我唔駛再幫Brian補習，我即時百感交集~~~~~~聽聞呢件事o既導火線係關於尋晚件事．．．．．

話說我約左佢九點鐘補習，點知佢又遲到！！！由於尋日唔多夠訓o既關係，於是乎，我等等下就訓著左．．．．大半個鐘之後，佢黎到喇，但係因為我訓著左，聽唔到敲門聲．．．．搞到要佢企o係屋外面~~~~~~講真．．．．雖然無左呢份工有ｄ可惜，但係．．．對住佢我真係會屎人囉！！！教佢點讀書會有成效ｄ，佢又唔肯用；問佢野，十問九唔識，仲要對住我嬉皮笑！！！成日叫佢做野又唔做，兩篇作文，做成個月都做唔起，仲要好笑到兩篇野各寫五十字（都無）之後整個省略號過我嘆，話遲ｄ先補番喎~~~~~呢ｄ係咩學習態度呀？？？又話想中文合格，但係又完全唔聽我講野，踢一踢都唔肯郁．．．．如果我唔係識得佢阿媽，晨早煎pan佢啦~~~~仲可以生存到依家咩？！

唉．．．．依家真係要為自己o既經濟諗諗計喇．．．．．．識女仔？遙遙無期嚕~~~~~~~

>>October 13, 2006 at 1:11:41 AM GMT+8

2006 年 10 月 10 日 星期二 【陰】

再睇醫生

朝早起身同媽打一齊再尋訪名醫，聽聞屋企樓下有個跌打師傅幾ok，就即時動身去搵佢睇睇~~~~~~~可能因為係我先入為主o既諗法，覺得腳痛醫腳，手痛醫手，所以，當呢個醫生睇我隻手，仲幫我o係隻手敷藥o個陣，感覺上好似比陳照實際可靠得多~~~~~~~~~俾佢紮完隻手之後，就同媽打去食lun，岩岩出糧，就梗係到我請佢食番餐啦！！！！

之後返學校同阿宗傾project，進度都係好慢．．．．但係經過左同Simon一個鐘頭o既對話之後，即時諗通晒，知道之後要點樣做落去~~~~~~~~之後一齊飲下午茶，第一次同佢地傾左咁耐計，咁先似係讀同一班架嘛！！！

上數學o既tutor，唔唔．．．．明晒所有o係lecture唔明o既野！！！！都係母語教學好！！！！！Chris，我支持你！！！放左學之後，去左圖書館搵明仔，諗住一齊溫溫書，做做功課，諗係咁諗，點知．．．．唔知點解，次次見到佢都會溫唔到書，之後就係傾計、玩．．．．唉~~~~~~就黎到星期六喇！！！！要快ｄ搵部計數機同埋睇notes喇！！！！

ｐｓ１：隻手唔掂得水，搞到屎白白o個陣好鬼屎狼狽．．．．．．

ｐｓ２：一定要o係星期日前好番呀！！！！！

>>October 11, 2006 at 2:33:25 AM GMT+8

2006 年 10 月 8 日 星期日 【晴】

北星中秋夜

星期六朝早起身陪左Brian去網吧打左陣機，唔唔．．．因為無人陪o既關係，好耐都無去過網吧嚕~~~~~之後十一點就過左去搵北星食早餐，跟著就開始搜羅BBQ用品o既行動~~~~~

之後齊齊搭車去中環，轉地鐵去東涌，再轉巴士，經過大家o既努力之後，卒之成功到達目的地，北星梅窩兩日一夜團就正式開始喇！！！大家即時拿拿聲走去睇間屋，八個人．．．會好逼囉！！！設施又有問題，廁所門quite quite地，水喉水又時有時無，電視機又勁花，張檯又斷腳．．．．唉唉~~~~~~算啦！！一晚姐~~~~~~

接埋騫騫之後，就一齊奔向沙灘！！！！北星為左慳o個5蚊雞，決定唔買新排球，買左個舊足球，真係硬到呢~~~~~~~o係救生員前面踢波，卒之俾人趕．．．．玩數字球，球王連輸兩次，第一次要o係救生員面前插花，第二次要俾人埋~~~~~~之後就踢左陣波，北星戰鬥力激升！！！o係大家玩得咁高興o既時候，ALO都不忘搞個爛gag：o係沙地踢波真係好難踢丫！！都唔知沙地阿拉伯ｄ人點踢波架！！！即時全場爆滴汗．．．．．

玩左成個晏晝，返番間屋就開始準備BBQ喇~~~~~~今次o既火，比起上次o既大左，勁左幾多呀！！！！上次根本就係生食o既，今次終於可以試下咩叫做熟食喇！！！呵呵呵．．．．第一次燒野食係可以食晒所有野丫！！！初時仲驚話買得太多野，燒唔晒~~~~~~跟著去迎接隊長施源！！o係街邊偷左支國旗落黎影相，仲俾佢傳授左玩國旗o既精髓~~~~~~~玩到兩、三點，同騫騫、ALO齊齊搵周公~~~~~~~又會訓訓下訓左o係騫騫o既心口度o既．．．．．可怕o既睡姿丫！！！

星期日朝早，訓到十一點，唉~~~~~~~仲諗住早ｄ起身去曬曬太陽添．．．．．玩左一大輪『魔術』之後，就搭船返香港嚕~~~~~~~

ｐｓ１：施源愈黎愈似一個政治上o既激進份子喇！！！

ｐｓ２：好想曬黑ｄ呀~~~~~~~

ｐｓ３：我部電腦點解會hang左架？？？唔知點樣先搞得番好．．．．．

>>October 11, 2006 at 2:32:39 AM GMT+8

2006 年 10 月 6 日 星期五 【晴】

中秋節快樂！！！！！！！

>>October 11, 2006 at 2:31:23 AM GMT+8

2006 年 10 月 4 日 星期三 【晴】

開心o既gathering

一大早起身同媽打食早餐，做番個孝順仔~~~~~~~之後返左學校傾project，進度仍然緩慢．．．．psycho堂present，唔唔．．．．無乜點俾人插，算係咁啦！！放lun，同ｄ組員一齊共進午餐~~~~~~~

英文堂，阿Kate唔知咩事，勁發脾四，先後省左我、阿SA、Jacky同埋Mark，喂！！！唔明先問你姐嘛~~~~~~明又駛鬼問你咩？？你又唔解一解『paradoxically』點解喎！！剩係叫我地自己查番個解釋．．．咁我咪問一問隔離知唔知個字點解囉~~~~~你又鬧！！！喂~~~~~~唔係我唔聽你解釋呀！！！係你無解到俾我知丫嘛！！！全班俾佢省完一大輪之後，就放學嚕~~~~~~

去左圖書館傾第二份o既project，進度同第一份一樣．．．．．傾野、搵野到五點幾，就散嚕~~~~~~我就再返番入去圖書館搵阿星佢地o個組，八下佢地點做~~~~~~~其間仲幫佢地影埋ｄ艷照．．．．．依家勁後悔囉！！！！！無面！！

六點半，就開始細O o既gathering喇！！！去左paris cafe食甸拿，傾左好多野！！！估唔到我地會有咁多野傾架！！！！（開心 + 驚訝）一路傾到十點幾先散~~~~~希望快ｄ再黎個gathering啦！！！

ｐｓ１：組長真係好似個細路仔丫！！！！

ｐｓ２：今晚俾三菇教識左好多新名詞~~~~~~~『womenlism = 女人主義』『冷巾 = 冷頸巾』『低V = deep v + 低胸』

ｐｓ３：明仔！！！！！生日快樂！！！！！！

>>October 5, 2006 at 3:39:16 AM GMT+8

2006 年 10 月 3 日 星期二 【晴】

陳照骨科

去左睇陳照骨科，唔唔．．．．唔知信唔信得過架呢？？

入到去，同佢講左我傷左o既地方（右手手腕、左手手指尾、右腳腳指尾同埋左腳腳面）佢即時向我彈左句，你唔再儲多ｄ先再黎~~~~~~~~依家剩係傷左四度姐嘛！！又話依家唔係儲錢喎~~~~~~~駛唔駛咁講野呀？？原本剩係諗住去睇對腳姐~~~~~~都無諗過隻手會o係兩日前整傷埋架嘛！！！講到我好似咁縮骨咁．．．．．

之後就開始黎了，佢話腰管腳，頸管手，所以腳有事就即係腰有事，所以佢即時幫我o拍左條腰幾野．．．．．又o拍左個頭幾野．．．．．佢又問有無咩感覺呀？？講真．．．我真係唔多覺得有咩特別好左o既感覺喎~~~~~~咁又無理由落佢面架，咪唯有話好似好左囉！！！佢話過兩日要返黎覆診．．．．唉唉~~~~~真係唔知佢信唔信得過喇．．．．．

ｐｓ１：好彩剩係抖番十日就ok，仲趕得切同北星進軍維園~~~~~~~~

ｐｓ２：對唔住！！！黎唔到大O o既gathering．．．．

ｐｓ３：多謝晒各位關心我隻手傷勢o既人~~~~~~（衷心感謝！）

>>October 4, 2006 at 2:33:16 AM GMT+8