2006 年 11 月 23 日 星期四 【雨】

今日一點先返到去 poly．．．．搞到剩係得番 Stella 同埋 Claire 兩個o係度做野．．．．真係好對唔住呀！！！唔唔．．．成個 powerpoint 都差唔多已經搞掂架喇~~~~~~都係執番靚ｄ同埋加番ｄ資料就 ok 丫！！等埋曾淑，就一齊去左食 lun ~~~~~~呼．．．好飽！

返到黎，去左圖書館開始打 powerpoint ~~~~~呵呵．．．．唔錯唔錯丫！！個背景又真係幾靚啵~~~~~~之後去左上阿年堂，成堂都係同阿星傾計吹水，完全無聽過書．．．．屎得啦！！放左學之後同佢地去左新 can 食少少野~~~~~~炸雞脾真係好好食架！！食完之後轉戰 R1011，愛上 Chris o既堂~~~~~呵呵．．．．

八點，去左圖書館搵明仔，係咁搵ｄ quotation，但係．．．無咩斬獲．．．．．都唔知點屎喇今次！！唯有聽日再返 poly 努力過啦~~~~~~

>>November 24, 2006 at 10:51:09 PM GMT+8

2006 年 11 月 20 日 星期一 【微冷】

北星成立三周年

尋日去左明仔屋企做左成日 NS，但係都仲未做好．．．．今日決定一早返學校再戰！！

十點左右返到學校，搵埋阿立，就即時趕工~~~~~~唔唔．．．阿立教明左我好多野！真係明左好多~~~~~~過左無幾耐，阿 kim、阿 ki 都黎到，呵．．．一齊做啦咁！唔唔．．．．好好味丫ｄo者喱！！上英文堂，成堂都同阿立討論佢人生最後o既三十日會點過~~~~~超搞笑！！

lunch，成班人去左舊 can 食 lun，嗚．．．ｄ壽司無咩味o既．．．．之後行左去上 think so ~~~~~邊上堂邊做數．．．．．好辛苦呀！！！搞到兩頭唔到岸！！！兩個鐘之後，轉戰去到隔離o既課室，繼續做．．．．呼~~~~~總算都做好左喇！！！成堂 psycho 都係無乜點聽書．．．．落後左兩堂喇！！！！！

放學去左 R 交數俾阿 Wing ~~~~~佢個 time table 算咩 time table 姐！！！得o個一兩個格仔有字．．．．．其他都係空o既！！！哈哈．．．．阿年~~~~~~~呢個名真係超搞笑呀！！

ｐｓ１：北星成立三周年！！！話咁快就三年喇．．．．．真係好快呀！

ｐｓ２：阿星！下次 SOGO 大減價就早講啦~~~~~~

>>November 20, 2006 at 11:01:34 PM GMT+8

2006 年 11 月 18 日 星期六 【陰】

帽子戲法

朝早返學挑戰英文 test ~~~~~~唉．．．．阿立真係好唔識做人丫！！！算啦~~~~~~佢仲細，原諒佢一次啦！！開始做o個陣，一睇到份野，即時覺得好似考 UE 咁．．．．又係要做 comprehension呀！！！救命！！第一次o係限定時間之內做晒英文卷~~~~~~超開心！

放學，同阿星、阿 SA、影子同埋 Fiona 去茶軒食 lun ~~~~~~之後即時搭巴士去協同踢波~~~~~~~呵呵呵．．．．開波無耐，肥文隊第一個攻勢就搞到我隻腳傷左．．．．．．抖左一抖，忍唔住喇！！咁就出左場繼續踢~~~~~~呵呵呵．．．．呢個決定係無錯架！！！成場波入左三球！一個助攻！第一次o係一場波入面入三球！！！哈哈．．．大演帽子戲法丫！！！（沾沾自喜中）

ｐｓ１：我唔想再去睇跌打喇．．．．

ｐｓ２：聽日去明仔屋企溫溫書先~~~~~~~

>>November 18, 2006 at 8:43:06 PM GMT+8

2006 年 11 月 17 日 星期五 【晴】

巔峰之戰

朝早起身去左長沙灣度交 form，初時仲諗住會好似以前咁，資料唔夠，要再黎多次，呵呵．．．．好彩今次係例外丫！！！剩係等收信丫依家~~~~~~~

之後趕番去 poly，準備陣間o既巔峰之戰！就係由依家雄據榜首o既我地（APSS 隊）大戰上屆冠軍 fantasy 隊！！！唔唔．．．精彩可期丫！！初時都無咩觀眾架~~~~~但係踢踢下，見到愈黎愈多人黎睇我地比賽，哈哈哈．．．．真係好開心！！

上半場，憑著 Jacky o既射門，領先 1 : 0！但係好景不常，下半場開波無耐，就輸左個十二碼，俾人追成平手．．．．．再之後，再俾人地一個擦柱波，射成 1 : 2．．．．時間一分一秒咁過．．．．原本諗住追唔番，點知？！肥田一個遠射，洞穿對方o既大小龍門，成功扳平！去到尾段，我地仲有一個黃金機會反勝，點知早洩夫竟然唔為意，搞到遲左起腳射空門．．．．不過唔緊要啦！！！和到上屆冠軍雖然係有少少符碌~~~~~~但係真係好開心囉！！！

經過左呢場波，睇黎大家都要抖番成個星期先得喇~~~~~~呵呵呵．．．．．

ｐｓ１：都滿意自己今日o既表現~~~~~

ｐｓ２：feel 到同大家踢波o既喜悅~~~~~

ｐｓ３：多謝大家 day off 都特登返黎睇我地踢波~~~~~~~

ｐｓ４：我地要衝擊冠軍！！！

ｐｓ５：蘇馬基！生日快樂！！

>>November 17, 2006 at 9:53:35 PM GMT+8

2006 年 11 月 16 日 星期四 【晴】

一早起身，落街買早餐諗住請阿 kim 同埋阿 ki 食~~~~~點知．．．．一個就因為覆診唔返，另外一個就因為拎漏野遲返．．．．．卒之搞到ｄ腸粉唔多好吃喇~~~~~~不過．．．算啦！之後食番晒~~~~~~算你啦！！呵呵．．．．

趕起份 sociology o既 report 之後，就同沙華、八筒同埋 Vicky 去左尖沙咀行下街~~~~~~由 poly 一路行到去海港城，哦哦．．．都係第一次行海港城丫！！！唔唔．．．大開眼界丫！！！o係呢個時候，Vicky 亦開始將佢o既搞 gag 天份發揮出黎~~~~~~入到去 pizza hut，個侍應過黎問我地飲乜，Vicky 竟然即時拎左黎「朗讀」晒ｄ choice 一次俾我地揀．．．．即時搞到全場大笑，連侍應姐姐都要忍笑~~~~~~~之後仲有一連串o既 gag 位，呢度唔多講喇！！食完，位位都係三十六~~~~~~都 ok 丫！！之後再行番去 poly ~~~~~~超健康囉真係！

阿 Wing 堂~~~~~~真係聽到 wing wing 地．．．．超悶丫！！！搞到我都釣左陣魚~~~~~~之後去左搵 Simon 交 report，俾佢問到口啞啞．．．好彩 Vicky 兜得快~~~~~~呵呵．．．．跟著去左睇戲，唔唔．．．．一套都真係幾悶o既戲，雖然無釣魚，但係真係睇到我呆晒囉！！睇完．．．都唔明點解今次佢地會有咁大o既回響~~~~~~係咁問問題．．．．之後同佢地一齊去左都會食甸拿，撞到雞雄丫！！！哈哈．．．阿立竟然話佢似個阿叔？！唔係化？！食飽之後就散水~~~~~~

ｐｓ：聽日，巔峰之戰！APSS vs. fantasy！

>>November 17, 2006 at 1:06:30 AM GMT+8

2006 年 11 月 14 日 星期二 【陰】

補祝生日

呢排成日都唔願起身，今日都唔例外，由起身至完全醒覺用左成差唔多半個鐘．．．．初時仲以為實遲到，點知紅隧今日係異常暢通，短短四個字就飛返番去 poly 喇~~~~~~呵呵．．．第一個到達集合地點，哇哈哈．．．．我係一個超準時o既人黎架嘛！！

等齊人之後，就去左綠怡食 lun ~~~~~都 ok 丫！！食完就禽禽青走番去 poly 上堂~~~~~今堂都 ok 悶丫！！ Kam Lo 繼續要我地默詞語．．．．哈哈！比上堂多左三個丫！！！隔離o個個影子竟然多左成廿個．．．．不過佢o個ｄ根本都唔係形容詞黎o既！！之後成堂都係睇片咁滯．．．．悶到呢~~~~~~~去到臨尾，又要拍片，第一場，Annie vs. 阿屎！嘩！！阿屎都幾好戲丫！！！厲害！第二場，阿強 vs. 影子！一開波影子即時搞左個爛 gag．．．．．之後再接再厲，「嬰兒」！真係寫個服字俾佢~~~~~~NS tutor，繼續唔明呢課講乜．．．．唉~~~~

放學，去左足球場邊睇波邊等趙振~~~~~呵呵．．．．無見一排，好似有ｄ唔同左丫佢~~~~~~~細看之下，先發覺佢多左粒「墨」o係個咀仔上面~~~~~~嘰嘰．．．．等埋琛哥（今晚主角）同埋其他人，就出發去左紅磡搵野食~~~~~~搵左好多間，都唔多岩心水，最後決定去椰林閣食甸拿，又傾又講左成晚~~~~~~唉．．．成班 degree o係度傾．．．．我好似唔多插到咀．．．．嗚~~~~~~~下次一定要帶埋明仔黎丫！！！

>>November 15, 2006 at 3:09:20 AM GMT+8

2006 年 11 月 13 日 星期一 【微冷】

家姐畢業日

九點幾俾阿媽捉左起身，之後開始準備陣間要用o既野同埋執靚個樣~~~~~~搞左勁耐，等埋家姐返黎，o係屋企影左幾張相之後，到左十二點幾一點先出門口~~~~~~落到樓下拎番之前訂o既o個紮花，呵呵．．．都真係幾靚丫！！！ Ronald 車左我地去 BU，一落車，即時猛禁影相~~~~~~時間緊迫丫！！！影左幾張之後，連茶都飲唔切就要趕番去 poly 喇．．．．

今日 sociology 有 test 丫！測驗方式係做 essay ~~~~~初時仲諗住岩晒我啦！！點知．．．做落先知係另一回事．．．．好耐無寫 essay 喇．．．．做得好慢，又諗得唔夠快．．．．算啦！都過左去啦！唔理喇~~~~~~之後過左隔離房上 psycho ~~~~~~堂都仲未開始上，我地幾個男仔就衝左去七仔買野食~~~~~返到去，感覺上好似無咩心機去聽書．．．．不斷同阿 ki 同埋影子傾計~~~~~~呵呵．．．．靚人寫靚字丫！！！我ｄ字係咪好可愛呢？嘰嘰嘰．．．．

放學去左 R 參加 winning 比賽~~~~~~去到，坐左成個半鐘先到我．．．．．揀英格蘭，頭場 4 : 1 搞掂阿仙奴！之後 1 : 2 俾巴塞隆拿搞掂番．．．．最後一場 4 : 0 KO 曼聯~~~~~~~唔唔．．．．總算都出到線丫！！！哇哈哈．．．．

想去大陸落後o既地方睇下．．．．．

ｐｓ：家姐！恭喜你畢業啦！！！！

>>November 13, 2006 at 11:22:56 PM GMT+8

2006 年 11 月 12 日 星期日 【微冷】

北星踢波日

六點去左協同踢波~~~~~

之後去左 24 M 記食甸拿兼商討北星事宜~~~~~~

有關北星三周年o既活動，暫時o既有關決定係．．．．
1. 日期：由正日（20/11）改為（2/12），諗住等埋斌仔、鵬爺先搞
2. 主要活動：單車同樂日
3. 晚宴：巴西燒烤

以上各項決定都係暫定，日後可能會有改動~~~~~~

本來傾傾下都好地地架~~~~~~點知．．．突然間彈左個中年漢出黎，話叫我地幫佢買個勾，話個勾可以令到我地方便ｄ拎野，應該要買俾阿媽，等佢買「食送」o個陣可以拎野都拎得舒服ｄ丫！！！聽完．．．滴晒汗．．．．．一個要成廿蚊！！！佢仲話我地出街o個陣可以拎個勾周圍掛住，咁就唔駛時時刻刻都要拎住ｄ野丫！！！聽完．．．．即時 O 晒咀．．．．．．之後趁佢唔為意就即時閃人！

成個過程已經俾我地o既攝影記者（阿蕭）拍左落黎，片段將會擺o係 youtube 供各位細賞~~~~~~~

ｐｓ：大波！你唔好唔踢波呀~~~~~~

>>November 13, 2006 at 1:07:27 AM GMT+8

2006 年 11 月 11 日 星期六 【晴】

永遠懷念天星碼頭！

永遠懷念十八歲o既琛哥！

兩個都唔會再有架喇．．．．．嗚嗚~~~~~~

>>November 13, 2006 at 12:49:59 AM GMT+8

2006 年 11 月 10 日 星期五 【晴】

阿 kim ~！

今朝一早返工，繼續o係度 hea 住做野．．．同占士兩個係咁吹水~~~~好快就返工，即時過去 poly 準備比賽~~~~~

今日o既對手係 IT 小隊~~~~~~哈哈．．．由大波領軍！！一開波即時由 Jacky 遠射建功，之後再由阿星拋開比數至兩球~~~~~原本一切都順順利利o既．．．．．點知．．．．去到中途，阿 kim 一次右路快放，點知俾人一個飛剷，成個失左平衡跌左落地！初時離遠睇，以為無乜事啦~~~~~點知見佢突然間跌左o係地上面，就知有ｄ野喇．．．．去到見到佢隻手甩晒臼，真係覺得好恐怖丫！！跌傷o個個人竟然一句 sorry 都無！仲要連行過黎睇下佢都無！！！真係可惱耶~~~~~~~之後叫左白車送佢去醫院，呢個時候係晏晝三點左右．．．．

之後大波小隊竟然話想取消場波，話當自己輸！！咩料呀？！咩當呀？！根本就係輸啦！！！之後我地一致通過話要繼續先繼續，可能因為呢件事比人地打窒左個氣勢，攻勢明顯無頭先咁流暢~~~~~~最後我地再憑阿星同埋早洩夫各建一功，以 4 : 0 大勝對手！！！！阿 kim！呢場波係為你而贏架！！！之後趁住個場無人踢，就同哎丞佢地踢左場友誼波~~~~~~呵呵．．．有助攻架我！！

屎完白白之後，同班同學仔去左醫院去探阿 kim，見到阿 kim 個樣，面色係好左，但係都知佢辛苦架喇．．．．睇到佢隻手都知道好痛丫！！！真係睇見都心痛．．．．之後同佢傾左幾句計，開解下佢~~~~~~講講下，就覺得奇怪，有咩理由咁耐都仲未睇到醫生架？？一問之下，先知話o個個醫生唔o係醫院，要急 call 佢返黎．．．．．聽到之後，即時 O 晒咀囉~~~~~~成間醫院咁大！唔通連一個醫生都無？！咁唔通話搵唔到o個個醫生，就由得佢先？？？都唔知係咩醫院黎架！一路等．．．．見到阿 ki o個個樣，唉．．．．去到六點幾，先有個醫生黎睇佢．．．．真係有ｄ唔 gur 囉~~~~~~~要個傷者痛左成三個幾鐘先有個醫生彈出黎．．．．真係唔知呢班人o係度搞乜架！！！！

ｐｓ：阿 kim！你要早日康復呀！！！！阿 ki！開心番ｄ先啦~~~~~~

>>November 10, 2006 at 9:50:38 PM GMT+8