2006 年 12 月 6 日 星期三 【微冷】

English Presentation

今日係英文 presnetation o既日子，聽聞 Kathy 想我地個個都著晒西．．．．但係我無西架嘛！！唯有拎左件外套著啦~~~~~~~

朝早返到去準備，唔唔．．．仲係對自己份稿唔多熟丫！！！真係好難o係五分鐘入面講晒出黎囉！！！不斷係咁 prepare．．．但係都係唔熟丫！！唉唉．．．．之後，聽過頭兩組o既 present 之後，o係千呼萬喚之下，就到我地 Beatles 出場喇！！Jacky 一出場，即時引起一浪接一浪o既笑聲~~~~~~~~真係好搞笑呀佢！！輪到我，唉唉．．．．用英文講野，好鬼屎緊張架真係！講到甩甩 cut cut 咁．．．．．影響左成個流程．．．．．嗚~~~~~~唔好意思呀！「Shall we overcome? It depends on you!」哈哈．．．．真係好搞笑呀！！

坐左成日，聽左另外o個五組講o既野，覺得自己o個組好似無人地咁好．．．．覺得 CCTV 佢地o個組真係好勁丫！！可以講得咁流利，真係超勁！哈哈．．．．做完晒個 presentation 之後，就同 Kathy 影左好多相~~~~~~~呵呵．．．．全班o既大合照丫！！！

放學之後，搭車返屋企再換衫出去踢波~~~~~~~好耶！有波踢喇終於！！十年難得一見o既雙o者都黎埋，真係好難得丫！！！九點幾就散水，同施純、大陸去左「有你有我」食甸拿，哈哈．．．．．一邊傾一邊食~~~~~~~過左一陣，阿蕭都黎埋~~~~~~搞左勁多 gag 囉！！超搞笑！！！哈哈哈．．．．．

ｐｓ１：女仔著裙咪幾好睇~~~~~~~多ｄ著啦女孩子們！！！

ｐｓ２：暫定平安夜為「北星發炮夜」！！

ｐｓ３：我都想去泰國呀！！！！

>>December 7, 2006 at 12:23:02 AM GMT+8

2006 年 12 月 3 日 星期日 【微冷】

hea 左成日．．．

繼 PS2 之後，電腦都甦醒過黎喇！！！！

功課進度如下：

eng essay（100%）
eng journal（0%）
eng present（10%）
soci essay（10%）
psycho report（0%）
self un（0%）

溫書進度如下：

psycho（0%）
NS（0%）
soci（5%）



開始進入奮鬥階段．．．．．

>>December 4, 2006 at 1:48:06 AM GMT+8

2006 年 12 月 2 日 星期六 【晴】

北星三周年同樂日

話咁快就三年喇~~~~~~估唔到北星仲可以繼續存在落去，真係可喜可賀丫！！

一早講好左今日朝頭早去踩單車，點知？！最後得番六個人去．．．．成隊波成廿個人，依家得o個六個人，咩料呀？！算啦！玩埋佢地o個份！去到大圍，食左個 lun，揀好車，一點左右就正式出發去大尾督！我地要繼上年，再一次征服呢個路段！！！

今日第一次踩 dum 頭車！都踩得唔錯架！之後又成功練到用一隻手踩單車~~~~~~ yeah！但係由於第一次踩 dum 頭車，搞到自己有時都唔知個 brake o係邊度．．．．卒之搞到自己先後三次撞車，一次撞落去施純度．．．一次撞落去個廣告版度．．．．一次就撞落去人地間餐廳度．．．．．好瘀呀！！仲擦傷左隻手．．．．嗚~~~~~~~呼．．．經過左兩個鐘頭o既時間，終於都到左大尾督喇！！！！好靚丫o個度~~~~~~猛咁影相！正！！

回程o個陣，我地順道去埋 ALO 暑假打工o既餐廳（小白露）岩岩撞正有人o係度搞婚禮，嘩！！包晒成個場囉~~~~~~肯定勁貴丫！！不過o個度ｄ景又真係幾好o既~~~~~~~起程返大圍o個陣有少少抽筋 feel．．．．呼~~~~~~好彩最後都挨得住，無抽到~~~~~~比上次進步左喇！！！返去用左一個幾鐘，好快丫！！

之後就出發返港島，去左炮台山拎番部 PS2 ~~~~~~哈哈．．．．出院喇部機~~~~~~~之後去中央搵番施源佢地，唔唔．．．借左本書，希望有用啦！！跟著去左維園泳池o個間巴西燒烤食甸氧拿~~~~~~~唔唔．．．．北星之夜正式開始！！！收到黃嶽o係美國寄黎o個封信~~~~~~唔唔．．．北星係唔會散架！！食飽飽之後，去左球場度暢談~~~~~~哈哈！ C.Y.Leung o個幾句說話，真係好中 point 丫！！！！真搞笑！又講番中學時ｄ野~~~~~~嘿嘿．．．．．十二點半鐘就散水嚕~~~~~

ｐｓ１：期待北星四周年！

ｐｓ２：essay 就黎完全搞掂喇！！！！！

ｐｓ３：踩完成日單車．．．聽日好有可能會全身痛．．．．

ｐｓ４：可以打番 winning 喇！哈哈．．．

ｐｓ５：羅羅！生日快樂丫！！

>>December 3, 2006 at 2:36:29 AM GMT+8

2006 年 12 月 1 日 星期五 【微冷】

十二月o既第一日

我部 PS2 入左廠．．．．要快ｄ好番呀！！

功課進度如下：

eng essay（80%）
soci essay（0%）
psycho project（0%）
self un（0%）
eng journal（0%）


溫書進度如下：
psycho（0%）
NS（0%）
soci（0%）

差唔多全部都係 0%．．．．要努力ｄ先得喇！！

ｐｓ１：聽日．北星三周年同樂日！

ｐｓ２：熱烈歡迎鵬爺回歸北星！

>>December 2, 2006 at 12:55:35 AM GMT+8

2006 年 11 月 30 日 星期四 【微冷】

一波未平，一波又起！

返學校聽 present，今日無遲到丫！！今日 Jacky 佢地o既 topic（全球化）其實都幾吸引架！聽完，迷思o個 part 覺得 ok 丫！

之後同同學仔行左去尖咀食 pizza hut，呵呵．．．．好吃好吃！不過比上次貴左好多．．．．位位 $47！！傾左好多野~~~~~~估唔到傾傾下，就咁就過左四個鐘！！時間真係過得快丫！

買左ｄ雞蛋仔返去俾佢地食~~~~~~搞到遲左丫！邊上阿年堂，邊上網~~~~~~~今堂教到 matrix 好難呀！！！！但係經過阿星o既講解之後，明左好多嚕~~~~~~ thanks 呀！

放學去左圖書館搵料做英文 essay，點知．．．．野又搵唔到，又眼訓，終於決定返屋企休息下~~~~~~~甸拿食羊腩煲！好好吃丫！！同時，財赤亦都得到解決~~~~~~~呼．．．．鬆左口氣丫！！唔唔．．．．過埋今晚，奪命十一月亦都過去喇．．．．．但係．．．瘋狂十二月又黎緊喇！！！！！

ｐｓ：聽日．大戰英文 essay @ poly！

>>November 30, 2006 at 10:50:04 PM GMT+8

2006 年 11 月 29 日 星期三 【微冷】

psycho present

尋晚，第一次o係 poly 過夜~~~~~~夜晚o既 poly 真係令人覺得好舒服~~~~~~~奮鬥左成個夜晚，終於搞掂份野，呼．．．．總算都趕起左喇！

o係 present o個陣，覺得自己講得太多野喇~~~~~~真係要好好控制下自己！！ present 完左之後，都覺得做得唔太好丫！唔唔．．．唯有o係 report o個 part 做番好ｄ啦~~~~~~之後就到 Jacky o個組，唔唔．．．做得真係幾好，唔錯唔錯！仲幾搞鬼添~~~~~~嘿嘿．．．．

放學之後，同組員們一齊返屋企打打牌~~~~~~太眼訓喇．．．．唯有一邊打一邊高歌啦！！但係都係猛咁釣魚．．．．打到第二圈．．．我唔得喇！我終於都倒下了~~~~~~真係唔好意思！叫左你地上黎打牌，但係最尾自己就訓左覺．．．．下次唔會架喇！昏睡左九個鐘，終於都精神番喇~~~~~~精精神神的確好！

ｐｓ：準備迎戰英文 essay！



北星三周年同樂日（2/12/06）

Mission 1（北星單車日）
時間：11am
地點：大圍

Mission 2（北星巴西燒烤夜）
時間：待定（單車之後）
地點：待定

>>November 30, 2006 at 3:02:41 AM GMT+8

2006 年 11 月 27 日 星期一 【晴】

換左個新 number，轉埋個台添喇~~~~

一早返到去同組員們傾 psycho project，今日．．．．同我預期o既一樣，唔見阿 Mark o既出現．．．．．唉~~~~多謝 Camille 佢地整左張檯過我地~~~~~~一路做，做到十二點半，上英文嚕~~~~~~成堂都係對卷，之後有少少時間俾我地傾傾 presentation~~~~~~好多野做呀！！！

落堂，同同學仔同埋 Kate 一齊去飲茶~~~~~~落一落樓，上到去，十幾碟野俾佢地清晒！！！好彩．．．．佢地都有心~~~~~留番隻蝦餃過我吃．．．．．（笑）以後要食多ｄ菜至得！！健康丫！！呵呵．．．．遲左上 think so，同親阿 ki 佢地坐，就一定上唔到堂，今次都唔例外，無咩點聽書，剩係o係度猛咁影相、打機、傾計．．．．．．之後過去隔壁房上 psycho，好悶呀~~~~~~釣左陣魚．．．．．

放學去左圖書館繼續做 project，收到哎丞o既電話，叫我星期三去比賽？！唔喇．．．o個晚真會訓到成隻豬咁架喇！哈哈哈．．．．成晚主要都係聽 Claire 講佢o既男朋友．．．．．無乜點做過野丫！！！嗚嗚~~~~~~唯有聽日努力啦！！！真係要努力呀！！！！！！！

返到屋企，呵呵．．．．終於有張「新」卡用喇！！！！雖然要轉埋個電話號碼，但係唔緊要啦！！！轉左 3，可以同好多朋友仔 sms 喇~~~~~~開心！呢晚，真係咁大個仔第一次收 sms 收唔停丫！！好忙哦~~~~~~哈哈！

>>November 28, 2006 at 2:31:05 AM GMT+8

2006 年 11 月 26 日 星期日 【晴】

大日子

媽打！生日快樂呀！！！啜~~~~~~

斌仔！歡迎重投北星o既懷抱！！

>>November 27, 2006 at 12:32:20 AM GMT+8

2006 年 11 月 25 日 星期六 【陰】

傑仔！大個仔喇~~~~

凌晨五點幾醒左，起身繼續溫溫 NS ~~~~~成朝都係溫左 ch.1 ~ ch.5 ~~~~諗住點都應該會出一條o卦~~~~~~點知．．．打開份卷，竟然．．．竟然一條都無？！咩料呀？！白費左成朝o既努力．．．．．做完之後，唉唉．．．．唔炒已經好好架喇！！！考完之後，即時衝左落去搵早洩夫，經過佢o既提示，終於知道阿立將佢o既目光投放左o係o個個女仔身上~~~~~~個樣都正正常常丫！！

之後同左曾淑佢地去左東南亞食 lun，唔唔．．．早餐食得太飽喇．．．．食唔落丫依家！大玩 IQ 題~~~~~~原來 Casey 係最醒o個個黎架！！呵呵．．．．．食完之後去左 M 傾 psycho project，去左友緣人睇相~~~~~~~哈哈．．．好搞笑丫！！之後又去左其他 forum 睇相，有ｄ相真係超搞野丫！！！成日就係猛咁睇相，好似無咩做過咁o既．．．．五點左右，餓到屎喇我！一齊去左火車站間 M 記食野~~~~~~同 Stella 去食 M 記真好！有六折丫！！！！正！！食到嘔丫~~~~食食下，突然收到個電話，話今晚要幫傑仔慶祝生日．．．．．咩料呀？！之前都無人講過俾我知o既？！依家食飽飽添架．．．．之後繼續同佢地吹水~~~~~一吹就吹到七點幾，之後各自散水~~~~~

搭車去北角閒逛，去左兩間舖睇碟，無隻岩o既！！又會有顏福偉o既碟而無梁靜茹o既碟o既！係唔係呀？！ hea 到咁上下，去左酒樓搵番屋企人，呼．．．．好豐富o既菜餚丫！！不過．．．．無咩胃口．．．．但係話就話無胃口，食下食下，又食左幾多野啵~~~~~~好可怕呀！之後係咁影相，唔唔．．．都影得我幾靚仔丫！！！哇哈哈．．．．因為食得太飽喇，決定行番屋企，唔唔．．．出左一身汗~~~~~爽哦！

ｐｓ：傑仔！生日快樂！！（雖然係遲左講．．．）

>>November 26, 2006 at 12:23:55 AM GMT+8

2006 年 11 月 24 日 星期五 【陰】

洪爺挑戰賽

又起唔到身喇！點解？點解成日都唔知醒？！點解呀？？

三點先返到去 poly，搵埋阿立一齊做數~~~~~~做做下，唔唔．．．好肚餓呀~~~~~~~同阿立去左新 can 食 lun，呼．．．好滿足丫！！之後去左 R 上 NS 補習班~~~~~上左陣就走左嚕~~~~~~趕住去參加洪爺挑戰賽（winning 10）！！

去到．．．嘩！多人到呢~~~~~~睇黎都無咩可能可以o係八點走人架喇~~~~~~我第二場比賽就對住「洪爺」！！！嘩~~~~~一個神級人物！不過．．．．我係唔驚架！最後，兩球挑低「洪爺」！！超開心哦~~~~~~參加呢次比賽係無錯架！！！哇哈哈．．．．

十點先返到屋企，又要繼續同 NS 玩遊戲喇．．．．．我唔想同佢玩呀！！！！！

>>November 24, 2006 at 10:51:45 PM GMT+8