2006 年 11 月 9 日 星期四 【晴】

press committee 聚會

尋晚昏睡左一整晚，訓到晏晝兩點鐘，o係床上面苦思緊今日返學定唔返學好．．．．．幾經扎掙扎之後，終於決定返學比較好~~~~~~應承左明仔今日佢去編委o個度丫！！

上阿 Wing 堂，一入到去，完全唔知佢講乜！！！之後教到去 chapter 9，ｄ數竟然係中三 level？！不過有好多都唔係好記得點去記嚕~~~~~睇黎真係要睇番ｄ中學教科書先得！break o個陣，去左圖書館搵三姑拎波衫錢~~~~~~之後返番去上堂，咦~~~~~見到我個位多左包野！哈哈．．．．原來係包冬甩黎丫！！Vicky 真係有我心喇~~~~~多謝晒！！

放學，阿 ki 陪我去圖書館搞一搞揀科o既野，搞左一大輪，卒之揀左 mass media 黎讀．．．．如果 history 係用中文考試o既話，就會轉番去讀 history 丫！！！對我黎講歷史拎高分應該無咩問題o既~~~~~一個奇怪o既電話，最後拒絕做咩咩 VIP 喇！！

之後同左明仔去編委o既聚會，一入到去，見到哎丞o係度收 winning 比賽o既費用．．．．．踩人場？！過左無幾耐，個聚會就開始喇~~~~~~一開波玩左個 game，呵呵．．．．原來我都幾有音樂天份丫！！！拍子都無咩點錯~~~~~~之後又玩左個唔知叫咩o既 game．．．．肥姐睇流星雨？仲要感動到喊出黎？！自己整完都覺得勁騎呢~~~~~

八點半就散嚕~~~~~其實真係唔係好知道成晚搞左ｄ乜架！！之後同明仔去左 M 記食甸拿~~~~~~傾傾大家o既近況~~~~~~之後齊齊返屋企！

ｐｓ１：多謝 Vicky o既冬甩！！多謝阿 ki 陪我搞揀科o既野！！

ｐｓ２：講真．．．真係唔知點解編委會搵到我架？我都無正式報名呀．．．．．

ｐｓ３：傑仔！！生日快樂丫！！！

>>November 10, 2006 at 2:47:29 AM GMT+8

2006 年 11 月 8 日 星期三 【微冷】

精力 = 0

做英文 essay，由尋晚返到屋企，一路做到今朝o既七點幾．．．．之後上床爭取訓覺o既時間，一路訓，訓到收到阿 ki o既 morning call，o個陣睇睇個鐘，十一點半．．．．訓左三個鐘多少少．．．．真係好唔捨得張床呀！！！！！

返學，本來都順順利利架！！！去到紅隧附近先係13:06，o個陣心諗今日咁早返，返到去點 hea 呢？？點知．．．．都仲未諗好，一轉左個彎，即時爆塞車！！一個燈位，都要成半個鐘先過到去．．．．即時失晒預算丫！！！

上到去，已經開始上英文堂喇~~~~~呢堂要幫人改卷，仲要俾埋 comment．．．兩個鐘，足足坐左o係度兩個鐘丫！！！超悶呀~~~~~~落堂，Kate 突然叫晒我地上五樓，o個陣都唔知係咩事架！！仲諗住係唔係要補課添~~~~~~~上到去先知原來係幫本月o既壽星仔壽星女慶祝生日~~~~~~~呵呵．．．．今次o既主角係阿立、八筒同埋 Meiling 三個丫！！！影影相，食食蛋糕~~~~~~開心！

之後同阿 kim、阿 ki 同埋 Jay 去左都會食 lun ~~~~~~中途，阿 ki 突然之間喊起上黎．．．．超驚！唔通係我整喊佢？！如果真係o既話，真係好對唔住呀！！！！嗚嗚．．．．我會請你食腸粉架喇！！！！

之後行番 poly 等域祺搭車過番港島~~~~~~上到佢屋企，真係超眼訓丫！！！差ｄ訓著左．．．．七點，去左陳維周踢波！！呼．．．好耐無黎踢波喇~~~~~~之後我地就起勢咁怒踢！！一踢就踢左四個鐘．．．．好累呀~~~~~~~~踢波o既時間仲多過訓覺o既時間丫！！！太可怕喇~~~~~~運動完之後，去左王子度食甸拿~~~~~~超飽！返到屋企，真係要抖抖先喇．．．．．

聽日係揀科o既 last day 喇．．．．．究竟點揀好呢？

ｐｓ１：早知 Kate 唔睇篇文，我就唔駛作到屎屎下啦~~~~~~

ｐｓ２：要麻煩影子幫我拎野，唔該晒！！

ｐｓ３：我地班真係好融洽丫！！！到我生日o個陣我都要一齊切蛋糕兼影相丫！！

ｐｓ４：我唔要有人再因為我而喊！

>>November 9, 2006 at 2:08:53 AM GMT+8

2006 年 11 月 7 日 星期二 【陰】

夜戰英文 essay！

今朝早又唔知醒喇！！！明明較左九點起身，卒之搞到十一點幾先起身．．．．足足遲左成兩個鐘呀！！！你搞乜鬼架？！

唔唔．．．第一次咁早返到黎上 self un ~~~~~突然之間覺得自己好叻！！呵呵．．．．又答岩 Kam Lo o既問題喇~~~~~~（沾沾自喜）之後俾佢捉左出去同 Camille 對話，嗚嗚．．．阿立！你唔好打我呀~~~~~~跟著睇到阿 kim 同埋阿 ki 兩個含情脈脈咁對望，十指緊扣兼講「我愛你」．．．．嘩！！當堂 lum 屎晒丫~~~~~~哈哈！！！上完呢堂，成功賺左 Kam Lo 兩餐飯~~~~~不過幾時兌現，就真係無人知．．．．

之後去上 NS tutor，對呢一課仍然係唔多明．．．．由教呢課o既第一堂開始，已經係唔明架喇．．．．唯有等鵬爺返黎教教我啦~~~~~~放學，同阿星、阿 kim 同埋阿 ki 去左尖沙咀食甸拿！！幾經辛苦，卒之決定去食「唯一」，一間食麵o既舖頭，我地竟然個個都叫飯食．．．．有點兒怪怪地~~~~~~之後去左食兒時食品，雞蛋仔！！！正哦~~~~~~搭車返屋企，又訓著左，又差ｄ唔知醒．．．．

返到屋企，即時開機打 essay ~~~~~真係好想屎丫！！！成千字，都唔知點作喇．．．．一開波真係好迷茫．．．．唔知從何入手．．．．．．．不過之後作作下就開始順喇~~~~~~~開始放膽去作喇~~~~~~~

現時時間：05:34
現時戰況：作緊尾二o個段．．．．但係完全未加過任何 quotation ．．．．．依家都唔知o係邊度嘔ｄ引文出黎喇！

ｐｓ１：今日收番張「心意卡」，唔唔．．．睇到大家俾我o既說話．．．．．．
　　　　的確！呢班廿四個同學仔都係我o既好朋友！

ｐｓ２：聽日．期待已久o既踢波日！！！不過唔知有無精神踢喇到時．．．．

>>November 8, 2006 at 5:43:43 AM GMT+8

2006 年 11 月 5 日 星期日 【晴】

曬哥洛治勝！

原本諗住八點半去 poly 搵阿立溫書，點知．．．俾阿 ki 同埋影子兩個係咁電話轟炸都繼續訓~~~~~~訓到十點半先知醒．．．．咦~~~~~~好憎自己丫！！！成日都係唔願起身！！！之前都唔係咁架！o係中學o個陣一聽到鬧鐘聲就即時彈起身．．．．我要變番做以前咁呀！！！

以勁快o既速度出門口，總算o係十一點半返到去 poly 喇~~~~~~大家！好對唔住呀！！！！嗚嗚．．．．溫左一個鐘左右，去左上英文堂~~~~~~~呢堂真係悶到呢~~~~~~~~聽同一段帶三次，真係就黎訓著丫！！！

落堂，同阿 ki、Vicky 兩個一齊去圖書館溫書，唔唔．．．．一邊溫書，一邊食充滿「愛心」o既三文治~~~~~~~呵呵呵．．．．．阿 ki 都話感受到ｄ愛心丫！！！哈哈哈．．．．之後繼續溫，Vicky 同埋阿 ki 兩個係極唔專心丫！！！溫一個鐘書，一個就有八成時間唔見人，一個就係咁訓~~~~~~~太唔努力喇！！都係得我一個係個乖乖仔~~~~~

之後上 Simon 堂，講揀科o既野，好似好複雜、好麻醉咁o既款．．．．．之後上堂，唔唔．．．成堂都係顧住聽佢講野同埋睇片，搞到最後咩都溫唔到．．．．話咁快，時辰到喇！！過左成隔離房領屎．．．．一個鐘之後，test 完喇~~~~~即時對埋答案，五十條 MC，錯左廿條．．．．嗚嗚嗚~~~~~~好差丫！！！今次俾阿立威番次喇．．．．

返屋企，o係車上面訓著左．．．．差ｄ落唔到車．．．．．唉~~~~~未來兩日，又要繼續趕英文o既 essay 喇．．．．．真命苦！

ｐｓ：好多謝阿 kim、阿 ki 兩個幫我影ｄ碌屎！！！

>>November 6, 2006 at 10:44:45 PM GMT+8

2006 年 11 月 5 日 星期日 【晴】

大戰曬哥洛治！

原本諗住一早去中央溫書，點知我同明仔兩個都一路訓，一路訓到十一點先知醒．．．．．出門口都己經十二點半喇~~~~~~~去左 M 記食 lun，一個星期內第四次食 M 記喇．．．．真係嘔屎．．．．．．

去到中央，問過ｄ職員，先知道無得無線上網！！！唔係化？！太令我失望喇~~~~~~之後唯有去搵下本 psycho 書啦~~~~~點知．．．唔係俾人借左．．．就係轉送中．．．．唔係咁黑呀？！發覺成個中央都坐滿人，都唔明佢地點諗o既！！！後生世仔，咁好o既天氣梗係要去行下街架嘛！！！都唔知點解要o係度同我爭位坐o既！！！

之後轉戰 poly，坐左o係廁所o既隔離．．．．坐左o係度成日，溫左唔多，成日玩 msn．．．．．嗚嗚~~~~~~溫到咁上下，明仔突然大笑，拉左我出去．．．咩料呀？！又會將 Melody 睇左成蓓蓓o既？？勁樣衰丫！！！又過左無幾耐，突然間聽到拍門聲同埋聽到有人嗌．．．．一睇．．．．．乜原來係明仔黎架？！竟然反鎖左o係o個廁所度．．．．．好樣衰呀~~~~~~~

溫到九點幾，閃人~~~~~~諗住去食 KFC，點知．．．．又無晒野賣．．．．去大家樂呢~~~~~~都係同樣o既情況．．．．咁即係又逼我去食 M 記架姐！！！！好！！！食咪食囉~~~~~~於是乎，我就o係一個星期入面，食左第五次 M 記喇．．．．．依家好驚聞到薯條味丫！！！！

ｐｓ１：唔想成日都過海溫書丫！！！睇黎要買番條 cable 線喇．．．．．

ｐｓ２：我要踩單車~~~~~~嘰嘰．．．

ｐｓ３：聽日．大戰爆發！！

>>November 6, 2006 at 12:43:22 AM GMT+8

2006 年 11 月 4 日 星期六 【微冷】

哈哈．．．

期待已久o既死亡筆記終於都睇左嚕~~~~~~

真係幾好睇丫！！！不過．．．．去到後尾就真係唔多明丫！！！太快喇~~~~~聽完ｄ解釋都未 load 好就講左第二度喇．．．．．不過整體黎講，都算唔錯丫~~~~~~~

ｐｓｌ：聽日要俾心機溫書喇！！！！！

ｐｓ２：大陸~~~~~不認不認還須認丫！！！
　　　　一早乖乖地認錯咪幾好囉~~~~~~
　　　　以後唔好再扮可愛喇！！哇哈哈哈．．．．．

>>November 5, 2006 at 1:22:05 AM GMT+8

2006 年 11 月 3 日 星期五 【微冷】

家庭樂

- 去潮樓飲茶，好好味丫ｄ野食！

- 因為老爹帶錯路o既關係，搞到黎左個九龍一日遊．．．．．

- 俾個的士司機話我地似新加坡人~~~~~哇嘰嘰．．．．

- o係油麻地巧遇 Stella ~~~

雖然剩係行左一陣，但係都覺得好開心~~~~~~~要好好珍惜同屋企人o既時光！！



一家人

作曲：The Invisible Men
填詞：劉德華
編曲：The Invisible Men

家　兩代似不想多對話
孩兒最怕　嘮叨爸爸　吟噚媽媽
卻慶幸　活得不太差
對雙親　又可放任下
人「支力」了　那管一齊產生的變化

＊悠然地　置身這個家
　名和利　亦可以淡化
　就算泰山崩開了　仍未覺可怕

　每天　爸爸媽媽在家總會念掛
　時時和孩兒　訴說真與假
　記住記住吃虧只好去算吧　你聽到嗎

　說聲　爸爸媽媽內心不要念掛
　在孩兒童年時　你已天天轟炸
　想到就怕　以後犯錯　請打我十下＊

家　會讓我安心的放下
旁人笑我　毫無出色　仍能歸家

REPEAT ＊

我最愛怕醜的爸爸
你要愛錫媽媽　知道嗎
外面都不可怕　孩兒能招架

我知　爸爸媽媽在家總會害怕
孩兒成才時　放棄這個家
怕又怕在某天這出嫁女兒　不想歸家

說聲　爸爸媽媽內心不要害怕
在孩兒回來時　即使風光身價
不會忘記　兩老在家　只等我念掛



ｐｓ：ｄ詞真係唔錯~~~~~~香港就係好少呢ｄ咁o既類型o既歌丫！！！

>>November 4, 2006 at 2:03:10 PM GMT+8

2006 年 11 月 2 日 星期四 【陰】

presentation

尋晚工作左一整晚，做到就黎屎丫！！！成個腦都係男女．．．男女．．．男女．．．．真係搞到頭都爆丫！！！！通頂之後，七點出門口，哈哈．．．．半個鐘都唔駛就返到 poly，真係快到呢~~~~~~臨 present 之前，同左八筒去 print powerpoint，搞左勁耐都係影唔到．．．．一係就 print 得勁慢，一係就唔夠深色，一係就食紙．．．．．真係黑到呢~~~~~~~

終於開波喇~~~~~打頭陣o既係 Vicky，講左一輪定義之後就到沙華講性喇~~~~~~睇左幾段片，搞到依家有ｄ想睇「戀上你的床」丫！！！然後就到 Annie 講減肥同埋八筒講家庭、工作呢兩 part．．．．．「其實．．．其實．．．其實．．．其實．．．其實．．．」跟著就到我嚕~~~~~~唔唔．．．講得唔多好丫！！！覺得自己唔知講左ｄ乜咁．．．．之後格仔人就過黎俾 comment．．．．

放學之後，同八筒、 Vicky 去左搵阿 kim 佢地一齊食 lun ~~~~~~o個陣已經係勁眼訓丫！！！有ｄ想死咁丫！！！之後還番部 notebook 俾明仔~~~~~多謝你丫！！！跟著返左屋企打打牌兼休養休養，真係好對唔住呀！！！！無去到幫你地做實驗．．．．五點開始訓，大昏迷至凌晨一點幾．．．．．

ｐｓ１：多謝今日大家o係我 present o個陣有俾反應我~~~~~~

ｐｓ２：我著乜都咁型仔架啦~~~~~~呵呵呵．．．．

>>November 3, 2006 at 2:58:47 AM GMT+8

2006 年 11 月 1 日 星期三 【陰】

身心疲憊

尋晚做野做到四點先訓覺，搞到今朝遲到．．．．返十點半，十點八先起身．．．．咩料呀？！搭車返學途中，曾淑打黎話上完堂．．．．．呀呀呀！！！走左一堂 tutor．．．．人生第一次走堂！！

返到學校去左傾 psycho，唔唔．．．．決定左喇！！愈簡單愈好丫！！！唔再挑戰難度喇~~~~~英文堂，係咁釣魚．．．．就黎屎架喇~~~~~~放左學，去左搵明仔借 notebook，嗚．．．明仔！！你真係好架姐~~~~~~我有難你就即時幫我！！我愛你呀！！！！！去搵明仔途中，又撞到琛哥同獅子．．．．真係好有緣丫！！！之後同 Kerk 去左整上網o既野，唔唔．．．．終於可以o係 poly上網喇~~~~~~~哈哈．．．

之後去左廿四繼續做 soci o既 project．．．．苦戰左幾個鐘，都仲未搞掂好個 powerpoint．．．．．八點返屋企繼續作戰！！！哈哈．．．．今晚食 pizza hut 呀！！！！好開心~~~~~~好耐都無食嚕~~~~~~好好享受左一頓豐富o既甸拿！！之後，再次向 soci 宣戰！！！！殺呀！！！！！！今晚又無得訓喇．．．．．．（挑戰自己極限中）

ｐｓ１：明仔！！真係好多謝你呀！！！

ｐｓ２：聽日請大家多多支持！！！唔好插我呀~~~~~

ｐｓ３：@yahoo跳com跳hk

>>November 2, 2006 at 2:43:32 AM GMT+8

2006 年 10 月 31 日 星期二 【晴】

10月31日

尋日約左佢地十點返 poly 傾 project，今日十點左右，o係搭緊巴士o既途中，我收到個令到我好震驚o既電話．．．．．Annie：「．．．佢地仲未出門口丫．．．．」聽完呢句．．．．咪料呀？！諗住我最遲架啦~~~~~~點知佢地三個仲遲過我．．．．．

一去到即時開機做野，做到咁上下，佢地一個二個終於蒲頭喇！！！最後，等左兩個鐘，八筒都到埋喇~~~~~~齊人！！！不過都係無咩點傾過．．．．o係廿四o個度撞到幾個熟人（Carol、琛哥）過左一陣，格仔人黎到，俾左少少意見我地，唔唔．．．我都仲係好迷茫丫！！！！

之後齊齊去左 M 記食 lun．．．．今個星期第三次食 M 記喇~~~~~~去到，又撞到琛哥！！！今次仲加埋隻獅子丫！！！嘰．．．食食下，影子都黎 join 我地！咦~~~~~~ Vicky 支甜筒好似俾人淋左豬血咁o既？！

self un，圍埋一齊寫紙仔，嗚．．．無睇到自己o個張卡丫！！！！！點樣係一個好o既社工？？唔唔．．．．好難o既 topic 丫！！！仲要背生字，記圖畫！！！重溫小學o既片段．．．．．俾 Kam Lo 問左條問題，呵呵．．．．一答即中！！！（沾沾自喜）多謝你o既零食~~~~~

NS tutor，終於都派卷喇~~~~~好耶！！！高分過阿立！！只要高過佢就得架喇~~~~~~~嘰嘰．．．．繼續係唔明 Chris 講o既野．．．．算啦~~~~~唯有遲ｄ自己自修下啦！！！

放學同ｄ同學仔行去搭地鐵，途中大玩『 IQ 題』，早洩夫o既問題根本就唔係一條正常o既 IQ 題丫！！！搞到之後個個都出埋晒ｄ無聊題目．．．．．（汗）搭地鐵去太古，企o係度都可以訓著o既？！去太古城食甸拿，嘩！！北京樓？！好似好勁咁喎~~~~~~~食片皮鴨丫！正呀！！！見到王浩信o係溜冰場度唱歌．．．．唔唔．．．無興趣丫！！如果係 Purple 姐姐或者係顏福偉就唔同~~~~~~

ｐｓ１：邊個有部正常o既 notebook 借我用一日呀？！我趕住救命呀！！！！！！

ｐｓ２：萬聖節快樂！！！！

>>November 1, 2006 at 3:06:58 AM GMT+8