2006 年 6 月 18 日 星期日 【晴】

何傑受浸日

前幾日收到風話何傑今日會受浸，身為朋友o既我就梗係要去現場睇下佢架啦~~~~~~

途中撞到C.Tse，原來佢都係黎睇何傑丫！！！呵呵．．．．何傑真係好有面丫！！！請到佢黎~~~~~~~不過C.Tse今日個look就真係厲害丫！！！剩係睇佢個樣，仲諗住佢係個o靚妹仔黎架咋．．．．．keep得超好丫！！！連街上面ｄo靚仔都不停咁要望佢~~~~~~~嘿嘿嘿．．．．．

睇完成個儀式，唔唔．．．終於知道咩叫做受浸啦~~~~~~~~之後聽左o個六個受浸o既人o既分享，唔唔．．．．有ｄ都好感人丫！！！不過何傑o個個就真係完全例外丫！！！根本就係搞笑丫！！！嘰嘰．．．．．

之後同何傑影下相，去茶餐廳食下野，就去左協同會一會肥文隊丫！！！！真係好開心丫！！！終於有波踢喇！！！！

ｐｓ１：祝天下o既老爹．．．．父親節快樂！！！！

ｐｓ２：肥文隊有個成員原來係迪士尼o既職員黎丫！！！佢話可以俾我地免費入場玩丫！！！嘰嘰．．．．正！！

ｐｓ３：海外球員回歸北星！！！熱烈歡迎何博，何同志o既歸來！！！！

ｐｓ４：『囡』＜～唔該！！有無人知道呢個字點讀呢？？？

>>June 19, 2006 at 3:32:47 AM GMT+8

2006 年 6 月 16 日 星期五 【晴】

久違o既太陽終於出現喇！！咁先至係夏天架嘛！！！

夜晚．．．．成家人出左去食甸拿，提早慶祝父親節~~~~~~~

深夜．．．．同北星玩左成晚，又睇波，又打牌．．．．．

朝早．．．．四丁友個個都累到就黎屎．．．．．

>>June 17, 2006 at 7:52:39 AM GMT+8

2006 年 6 月 6 日 星期二 【陰】

人生交叉點～＞煩惱．．．

律師樓文員 VS 有人工o既『義工』

每月人工：

$3500 VS $7000（$6000 + $500 + $500）

工作地點：

金鐘 VS 不定

工作時間：

星期一至五

09:00~17:00 VS 10:00~19:00

星期六

09:00~13:00 VS 唔肯定

星期日

放假 VS 放假

日常開支：

$6（車錢） + $35（lunch） VS $20（車錢） + $35（lunch） + 其他交通開支

人際關係：

良好 VS 未知

工作量：

少 VS 多

自我增值：

無乜 VS 多

興趣：

無乜 VS 較多

穩定性：

高 VS 較低

其他因素：

承諾o既壓力、工作環境舒適、熟識工作程序 VS 擴闊生活圈子、滿足感較高



哎唷唷．．．．

真係好煩丫！！！諗爆頭丫！！！！！

第一次面對工作上o既抉擇．．．．．．．

>>June 7, 2006 at 1:07:26 AM GMT+8

2006 年 6 月 5 日 星期一 【陰】

唔想做！！

－一個月$3000

－一個星期返五日半（星期一放假，星期二、六返半日，星期三至五、日返全日）

－返工時間定左係朝頭早九點做到晏晝五點半

－食飯時間係晏晝兩點至三點



以上四點就係由暑期工轉為長工o既合約條款~~~~~~~~

聽完真係好嬲．．．好嬲．．．．．．

人工大減！！少左成半！！！！星期日仲要返工，連唯一可以同朋友一齊o既時間都無埋！！！星期日返工仲要係無冷氣．．．．．問心．．．個老細份人係無乜野丫~~~~~~~~但係佢就真係好Q市儈！！！話唔想o徒左星期日份租喎~~~~~~~~（星期日係唔駛返工）乜呢個係理由黎架咩？？？咁不如叫晒所有人返啦！！！！！！！費事o徒啦！！！！！你不如將成間公司變做廿四小時營業丫笨！！！

我自問你叫我做o既野，我樣樣都好認真咁去做，點知到頭黎，你就話我做得太慢，又話我手頭上o個ｄ野係無用o既，求其就得，咁講即係點姐？？係唔係想我馬馬虎虎咁做先？？好大o既打擊黎架囉我覺得，人地做得咁辛苦，時時都驚入錯野，cut錯野，點知最尾就同我講o個ｄ係垃圾黎o既~~~~~~~~~喂呀！！！咁即係咩意思呀？？係唔係話我唔駛做呀？？？士氣無晒啦！！！又唔係唔知你份工係十級悶呀！！！！！做黎做去都係做埋同一樣野~~~~~~

>>June 7, 2006 at 1:08:04 AM GMT+8

2006 年 6 月 3 日 星期六 【陰】

中七畢業日

今日係我中學生涯o既終點，睇番學校o既周圍，每處都有我o既足跡~~~~~~~~~~（好似作文丫！）

放工之後，返左學校，即時上課室換番套校服，之後就繼續為陣間o既表演黎個綵排~~~~~~~~~~排左兩次，因為練到好悶，所以都係好求其丫！！！

問淼淼借左件底衫，著好之後再入hall坐定定，上台拎左張畢業證書之後，就拿拿林跑左去後台作準備，心情並唔係想像中咁緊張丫！！！表演完左之後，就唱畢業歌同埋校歌，呢次應該係最後一次以學生身份唱校歌架喇．．．．．心有ｄ酸（願你也後悔當初　為何胡亂唱這歌　卡拉OK裡面無法直播）~~~~~~~~~~~o係呢個感人o既時候，竟然因為唔記得左落台，搞到好lol呀！！！！

之後又係咁搵人一齊影下相（在臨別　就似明星跟我簽名　對我表演）之後就齊齊去左灣仔街市食甸拿，賣單o個陣，每人只須三十幾蚊咋~~~~~~好抵丫！！！希望除左謝師宴o個晚，大家仲有機會一齊開開心心咁聚埋一齊啦~~~~~~~~~



我們的紀念冊

作曲／編曲／監製：伍樂城
填詞：林夕

臨別要在這間愉快的班房起舞
願我愉快三個　友誼萬歲七個
小馬自稱懷勉我　但無法解釋牽掛我甚麼
在這紀念冊之中　大傻成熟了很多
他竟祝福我未來要突破

* 同學驟變老友　都想有前程錦繡
從前未算老友　也突然想握下手 *

# 誰在悼念　快將接近成年
誰告誡我　課室不要睡眠
在臨別　就似明星給我簽名　對我表演
還未學習怎麼記念從前　便發覺要懂得擁抱明天
祝福都當諾言　以後不知會點 　大個當然會善變 #

就算忘了功課　我們記得怎坐
考試罰抄嘗試過　但誰會記得怎去唱校歌
願你也後悔當初　為何胡亂唱這歌
卡拉OK裡面無法直播
(repeat * #)

從此怎偷看校草　才深深悔恨常常遲到
他給我們　支撐過每個清早
臨別要在這間愉快的班房起舞
(repeat #)

>>June 4, 2006 at 2:13:32 AM GMT+8

2006 年 6 月 2 日 星期五 【颱風】

出糧日

人生第一次o既出糧日呀！！！！！！！！（感動）

望著張支票．．．．雖然唔係好多錢．．．．但係有種講唔出o既感覺丫！！！！！！

>>June 3, 2006 at 2:14:38 AM GMT+8

2006 年 6 月 1 日 星期四 【雷雨】

甲蟲壽司

今日係最後一日綵排，練到悶屎丫！！！之後又去左社工室同鷓鴣傾左陣計，呢次都係第一次同佢傾計架咋~~~~~~~~

六點幾，一行六人就齊齊行落山，超焗丫今日！！！勁爆汗！！！落左山，買左我最鍾意食o既布甸，好好味哦~~~~~~~呵呵呵．．．．．跟著返屋企打機，玩到咁上下，就出去食甸拿~~~~~~~

又係明將，今日唔駛等就有位坐啦~~~~~哇嘰嘰．．．．食到嘔丫！！！臨尾見到等左好耐o既鰻魚壽司，抵擋唔到佢o既吸引，一拎就拎左五碟，短期內都唔會再食壽司架喇！！！！

ｐｓ１：『疊字』呢個名都幾好聽丫！！！

ｐｓ２：甲蟲壽司！！！

ｐｓ３：我隻眼依家究竟係瘀左定係黑眼圈黎架？？？

>>June 2, 2006 at 4:00:55 AM GMT+8

2006 年 5 月 31 日 星期三 【陰】

北星浴場

連日黎不斷落雨，今日係難得無乜落雨o既一日，咁就梗係要去踢波啦！！！

踢完波之後，成身都係汗，又濕又臭，o係呢個時候，就梗係想屎番個靚白白啦~~~~~~~~~~由於有呢個需求，於是，北星全體就決定徵用政府o既浴場，哇嘰嘰．．．．．成為北星浴場！！！！屎完個白白，呼．．．．舒服呀~~~~~~~~~

之後去左M記食野，C.Y.Leung繼續傳授佢o既溝女絕技！！唔唔．．．．果然係對呢樣野有深入o既研究丫！！！！

ｐｓ：隻眼撞瘀左耶~~~~~~~~嗚嗚．．．．．

>>May 31, 2006 at 11:09:14 PM GMT+8

2006 年 5 月 30 日 星期二 【雷雨】

出世喇！！！

我o既第一張提款卡今日出世喇！！！！！！！

>>May 30, 2006 at 11:25:24 PM GMT+8

2006 年 5 月 27 日 星期六 【雷雨】

學包粽

用左成日跟阿（女麻）學包粽~~~~~~~~~

同May姨兩個學左大半日，始終都係整得唔靚丫！！！一係就整爛塊葉，一係就包得唔夠實，隻手都超累！！！

好在，皇天不負有心人，卒之o係幾個鐘之後學識點樣包喇！！！開始包得靚靚啦~~~~~~~~

唔唔．．．．學包粽真係仲辛苦過返工丫！！！

>>May 28, 2006 at 3:16:49 AM GMT+8