2006 年 10 月 30 日 星期一 【晴】

繼續傾．．．．

晏晝湊表弟表妹去 M 記食 lun，佢地都好開心丫！！唔唔．．．間中都帶下佢地出黎食食野都幾好丫！！！之後去太古接 Vicky 同埋八筒，睇到 Vicky 中六張相，嘩嘩嘩！！！真係好搞笑丫！！！同八筒個樣好似架~~~~~~

一齊食完野之後，就上樓傾 project，今日進度比尋日快左丫！！！雖然都係有傾無聊野，玩無聊野．．．．．之後就猛咁影相！！七點幾就散嚕~~~~~~唔唔．．．今晚要繼續努力完成個 powerpoint 至得！！！

ｐｓ：今日唔好意思呀！！真係唔可以一次過咁多人黎我屋企丫！！！實會逼爆．．．．sor

>>October 30, 2006 at 9:53:17 PM GMT+8

2006 年 10 月 29 日 星期日 【晴】

時間是不等人的

成日都無咩點傾過，剩係打左幾版 powerpoint 咋．．．．呢日究竟做左ｄ咩架？？？同佢地玩猜謎語．．．．同佢地吹吹水．．．．咁就一日喇~~~~~~~時間果然是不等人的！！！

聽日，繼續傾！

ｐｓ：點解我部 notebook on 唔到 line 架？！

>>October 30, 2006 at 2:49:42 AM GMT+8

2006 年 10 月 28 日 星期六 【酷熱】

唔 gur！

唔經唔覺，原來差唔多有成個月無返過工喇~~~~~~今日返番去，個個都好驚訝！！哈哈哈．．．．我又返黎打擾你地喇！！！！今日都無咩點做過野，剩係 scan 左幾份 file，唔唔．．．返番工，第一日又點可以咁辛苦架呢？！輕鬆ｄ好~~~~~~

放工之後就過左去上環 join 北星，哈哈．．．何傑！好耐無同你並肩作戰喇~~~~~~~等你好番等到我頸都長埋！！今日北星大戰藍天，唔唔．．．去到o個度，一個人都無o既？！唔會 fake 我地呀？？？下午兩點，企o係o個度真係俾佢係咁乾蒸丫！！！同去左沙漠真係無乜分別囉~~~~~~方圓十里都無水源或者係ｄ陰暗o既地方，天呀！！！！！

兩點半終於等齊人開波，人地都踢得幾狼死丫！！真係下下去盡唔收腳，好聽ｄ就叫勇悍囉~~~~難聽ｄ就叫茅囉~~~~~~真係好少踢得咁唔 gur 丫！！！何傑之後都燥燥地，其實佢燥都成日見，慣晒~~~~~但係見到大陸都燥，真係好少有！！我都俾佢地又掃腳，又推，又撞．．．．好彩我脾氣好姐~~~~~~哇嘰嘰嘰．．．．但係去到臨尾，連我都好唔 gur！！有咩理由龍門出晒黎接仲要唔收腳，一腳踢埋黎架？！仲要係一個踢完到第二個！！！真係離晒譜架喎！！！友誼波都變到唔友誼丫！！！

五點幾，返到屋企，開始食我o既『早餐』．．．．超餓丫！！！食完就不省人事，一路訓到夜晚甸拿 time．．．又食？？同媽打睇『一公升眼淚』，見到佢喊到呢~~~~~~~真搞笑！！嘰．．．

>>October 29, 2006 at 4:15:09 AM GMT+8

2006 年 10 月 27 日 星期五 【晴】

中七 gathering

今日返左 poly 傾 project 兼交功課~~~~~唔唔．．．．遲左成大半個鐘．．．．唔好意思呀！！！等我富貴o個陣，實會請你地食野架！！！進度都算唔錯，總算大約知道左個 presentation 會講ｄ乜，show ｄ咩俾佢地睇~~~~~~之後我就邊趕功課邊同佢地吹吹水，唔唔．．．．八筒同我諗o既一樣，係個勁呆兼無反應o既人~~~~~~ Vicky就係個實智中我計o既人~~~~~真好玩！！

五點，佢地散人，我就自己一個繼續自己o既功課，唔唔．．．．果然無佢地o係度，真係會專心ｄ，做得快ｄ丫！！！交完功課就自己一個去左銅鑼灣 hea．．．．七點，同 Ronald、表弟表妹一齊去睇免費戲（地海傳說）~~~~~~嘩！！！頭15分鐘眼訓到訓著左．．．．之後就好留心咁睇，呢齣野真係有ｄ悶，去到尾仲有少少爛 gag 丫！！！初時仲對佢有好大期望添．．．．．

睇完戲，十點就趕去石硤尾 join 中七 gathering 兼 Ricky 生日會~~~~~~今次見番 George、Maggie、TK、Melody 呢ｄ好耐無見o既同學仔，哈哈．．．．都有少少唔同左丫！！！點解茄汁吉列豬扒飯ｄ茄汁會變左做黑椒汁架？？？十二點，蛋糕出場喇~~~~~~唔唔．．．．個蛋糕都幾好味丫！！！朱古力中有ｄ好香o既士多啤梨味 ~~~~~~正丫！！！之後齊齊搭地鐵返屋企，途中傾左好多無聊野丫！！！！唔唔．．．．好似返番去中學時期咁~~~~~~~後生左ｄ！！！嘰嘰．．．．．

ｐｓ１：域祺、阿 Sa！！生日快樂丫！！！（打呢篇野o個陣已經過左十二點，即係28號架喇！）

ｐｓ２：期待下次o既 gathering 丫！！！

ｐｓ３：又見到 Mizuho 姐姐！呵呵．．．．

>>October 28, 2006 at 2:05:48 AM GMT+8

2006 年 10 月 26 日 星期四 【晴】

鵬爺強勢回歸！

中午 APSS 聯隊經歷滑鐵盧，4：8大敗！！仲要o係ｄ女仔面前輸咁多．．．．．搞到成隊都好唔 gur 丫！！！之後，大家決定化悲憤為食量，一口氣叫左四十籠點心，再加五、六碟炒飯炒麵．．．．．真係好奢侈丫！！！！卒之o係大家o既努力之下，總算搞掂左晒所以點心咁滯，但係仲有好多飯、麵剩．．．．．埋單每位$47~~~~~~~

NS遲左成個鐘先去上堂．．．．真係好唔尊重阿 Wing 囉！！！咁係唔得架！！！放學同阿星去左廿四做 self un o既功課，唉唉~~~~~~果然．．．．我地兩個會係咁傾計，完全做唔到野！！！之後仲加多左個 Jacky．．．．傾左勁耐計囉~~~~~~~去左成個幾鐘，兩個人一句都寫唔到出黎．．．．．之後突然收到鵬爺打黎．．．．．咩話？！鵬爺？！佢唔係o係澳洲讀緊書架咩？？？？？唉~~~~~~~條友成日都返香港，但係返親都係得o個幾日，真係勁有米囉！！！之後同佢一齊去大圍踢比賽，呢場波又係輸埋呀！！！！！！好慘丫~~~~~~算啦！！都唔係好緊要丫場波．．．．．

返屋企，同施純、鵬爺傾左好耐計，但係主要都係環繞番女仔呢個話題~~~~~~唔唔．．．．鵬爺真係好想有拖拍咁喎．．．．．

ｐｓ１：今次擦損條腰．．．．．

ｐｓ２：紫衫姐姐真係有ｄ似 Mizuho 丫！！！超靚丫~~~~~~~

ｐｓ３：Ponnie！！生日快樂！！！！

>>October 27, 2006 at 5:30:29 AM GMT+8

2006 年 10 月 25 日 星期三 【晴】

點解？

中學．成日同人互攻胸部

依家．得人搞我，無我搞人

今日．行行下街，突然俾咁岩撞到o既青梅竹馬攻擊

點解？點解會咁架？？？（苦苦思索中．．．）

>>October 26, 2006 at 3:23:02 AM GMT+8

2006 年 10 月 24 日 星期二 【陰】

我好斯文架！

尋晚一返到屋企即時開著部腦做功課，無錯！又係 Kam Lo o個份 journal ，今次仲打孖上．．．．真係做到嘔．．．．做到清晨五點左右，唔得喇！！抖一抖先~~~~~一訓就訓到十一點先醒，即時彈起身繼續苦戰．．．．晏晝兩點幾，呼~~~~~~終於搞掂左一份喇！！！！跟著即時轉戰第二份，呀！！！真係趕唔切丫！！！！o係呢個時候，奇蹟再一次降臨o係我身上喇~~~~~~~ Shadow 打黎話 journal 改左o係星期五交．．．嘩嘩嘩！！！喜訊！天大o既喜訊丫！！！！可以安心返學校喇~~~~~~

NS tutor，o係課室外面等入去o個陣，個個見我著得斯文ｄ都勁驚訝．．．哈哈！！你地真係唔認識我丫！！再一次證明聽 Chris 一個鐘，好過聽阿 Wing 十個鐘！！！明晒~~~~~~返學之後，同班同學仔去睇戲（考試家族）之前真係聽都未聽過呢齣野丫！！！聽完之後，覺得個細路女真係好得意，而且仲好鬼屎叻添！！（同我表妹一樣，人細鬼大）之後，同佢地一齊去食甸拿，哈哈哈．．．．你講得岩丫！！我係好斯文架~~~~~~哇嘰嘰．．．．．

>>October 25, 2006 at 12:12:35 AM GMT+8

2006 年 10 月 23 日 星期一 【晴】

APSS戰衣

放學之後，同早洩夫佢地一齊去旺角睇APSS o既戰衣~~~~~~~上到去，見到間舖o既擺設，直覺上即時覺得好似唔多好咁．．．．．親身睇左次佢地早前揀o既波衫，唔唔．．．．個款都ok，不過質料就差左少少．．．．．態度又唔多好喎！！！仲要無細碼試．．．．唔係化？！過左一陣，決定走人，去第二度睇睇~~~~~~~由於我o既建議下，佢地就同我一齊去左銅鑼灣度睇~~~~~~

去到，睇過ｄ款，唔唔．．．覺得ｄ質地同埋款式都真係比起旺角o個間好丫！！！不過個價就貴左好多（$185．波衫加波褲兼印字）．．．．．同我初時講o既有好大出入（$130．波衫加波褲兼印字）卒之都不了了之．．．．．真係好唔好意思呀！！！搞到大家一場歡喜一場空．．．．o徒錢o徒時間咁同我過黎睇．．．．

ｐｓ：好多野做丫！！！又要做功課，又要趕project．．．．太煩喇！！！！

>>October 23, 2006 at 10:49:10 PM GMT+8

2006 年 10 月 22 日 星期日 【晴】

Kam Lo奪命十小時 + 班camp

遲左成個鐘先返到學校上self un，搞到大家咁遲先開始到．．．．唔好意思呀！！今日o既self un要一口氣上十個鐘，上咁耐做ｄ乜？？就係要同學仔各自分享人生o既轉捩點，未分享之前，我仲諗住自己應該係最慘o既一批黎架啦~~~~~~點知聽落先知，自己o係佢地面前，真係好微不足道囉！！！講真，成日坐左o係度，悶就梗係悶架喇~~~~~~但係呢日真係對我有好多o既得著囉！！挨過左奪命十小時之後，開心o既班camp就即刻到臨喇！！！！

落堂之後，我地一行十幾人就出發去國際都會食甸拿，之後就即時搭隧巴過海，再轉搭慢船入長洲，成個行程要成個幾鐘丫！！！唔．．．．已經有成十幾年未黎過長洲喇~~~~~~去到目的地之後，同阿立一齊迷左路，嗚~~~~~俾佢地拋棄左．．．．．之後好彩有阿Ki佢地過黎接我地，唔係就屎喇！！！去到，間屋都唔錯丫！！！比我想像中好好多~~~~~~~跟著幫阿Kim、早洩夫佢地兩個預早慶祝生日！！！開心~~~~~~之後就各自玩野，都係o個句啦，打牌o既打牌，打機o既打機，仲有大懲罰丫！！！輸左要俾人用指甲油畫手，畫左一輪，阿立對手就變成左一件唔錯o既藝術品~~~~~~~呵呵．．．．到左清晨時段，大家先上床訓覺，但係好逼囉！！！！o個度得兩間房，四張床，有兩張就由Sara、佢男友（大隻仔）同埋阿Kim、阿Ki兩啤分別佔用左，其餘o既人（8個人）就只可以好似難民營咁逼o係兩張床度訓~~~~~~~諗番都真係勁搞笑丫！！！嘰嘰嘰．．．．．同Jacky兩個攬住一齊o係疏化度訓，真係凍到呢~~~~~~~~

第二朝，食完早餐之後，早洩夫同埋Shadow就先行返番香港，其他人就去左沙灘玩，睇到ｄ人o係度玩水上活動，真係超勁丫！！！玩左沙排、數字波、閃避波．．．．．成日都無咩點落過水，想曬曬太陽又無乜太陽喎．．．．超慘！！o係無無聊聊期間，見到隻蟹仔，四個大男人就同隻蟹就即時進入大戰狀態，搞左一大輪後，總算都捉到佢，獲得最後o既勝利！！！之後返番間屋o既途中，見到個靚靚球場，即時同Jacky佢地一齊衝左落去踢踢波，最後搞到自己爆爆地甲．．．．夜晚，全部人一齊圍住黎食班女仔親自下廚o既甸拿，又真係似模似樣丫！！！又玩左一陣，之後就上天台BBQ，順便就幫埋阿Sa預早慶祝生日，食完野，又開始重複做番尋晚做o既野，夜深，同阿Sa、Fiona佢地圍住吹水，又係六點先上床訓~~~~~~~五個鐘頭之後，就開始準備執野出camp，齊齊食完lun就搭船返香港~~~~~~~

ｐｓ１：阿Jay！！我地呢幾日咁麻煩左你，唔該晒~~~~~~

ｐｓ２：雖然個甸拿唔係好豐富，但係都真係好多謝班女仔咁落力去煮俾我地食！！！

ｐｓ３：好多人都多左新名出camp丫！！！（eg.九萬、八筒．．．）嘰嘰．．．．

ｐｓ４：開心o既班camp完左喇~~~~~~黎緊o既係繁忙o既返學日子．．．．．

>>October 22, 2006 at 10:25:24 PM GMT+8

2006 年 10 月 18 日 星期三 【陰】

敏感

尋晚搽左藥，諗住會好番架啦~~~~~~~~點知．．．都好似無咩好轉咁．．．．．嗯！！我係講緊我隻手呀！！！係呀！！上次拎左去睇跌打o個隻呀！！！！！包完ｄ藥之後，搞到依家敏感．．．．好痕呀！！！又唔R得喎．．．．．依家隻手真係嚇屎人呀！！！！要快ｄ好呀！！！

今日本來約左小峰峰同埋大陸一齊食lun，我遲左三個字到，諗住要同佢地say sorry架啦~~~~~~點知，原來佢地仲遲過我呀！！！雖然小峰峰遲左十分鐘左右先到啦~~~~~~~但係都好過o個隻衰野大陸！！！仲話自己o係屋企，仲係岩岩訓醒o個隻．．．．真係想打屎佢！！！同小峰峰撐檯腳，又食又傾，過左十二點．．．．．大件事！！！實遲到啦~~~~~~即時走人搭巴士返學校！！

返到去，遲左廿分鐘到，當我仲o係度諗緊要點同Kate解釋之際，入到課室，咦~~~~~~Kate呢？？原來佢o係我後面，哦~~~~~~~頭先o既腳步聲原來係佢發出o既．．．．做乜事今日個個都遲到o既？？

上完堂，同組長佢地一齊去左圖書館搵做project o既資料~~~~~~~唉唉．．．．．好亂丫！！好亂丫！！！psycho同埋soci兩份project我都係做男女，搞到依家好鬼屎亂丫！！！勁驚會用左社會學o既角度去做psycho o個份，咁就會錯晒架喇！！！！！！！之後大家齊齊傾揀咩題目黎做，傾左好耐都無結果，最後Stella話用畫鬼腳決定，畫完之後，大家好似都唔多滿意個結果，最後就推翻左畫鬼腳o既結果，自行決定要做第二個topic．．．．．咁．．．咁頭先畫黎幹麼？？點都好啦~~~~~今日總算都決定左做咩題目，已經好叻架喇我地！！！！哇哈哈．．．．．

ｐｓ１：唔理係敏感定係受左傷o既地方，你地都要快ｄ好番呀！！！！！

ｐｓ２：踢埋聽日o個場就一定要抖抖呀！！！！！

ｐｓ３：你呀！！係你呀！！！爭我七野呀！！！我星期五就要你慢慢嘆~~~~~~呵呵．．．．

>>October 19, 2006 at 1:18:20 AM GMT+8