2006 年 10 月 1 日 星期日 【陰】

今次輪到右手．．．．．

今日去左愛秩序踢波，對手係NLC，北星剩係得七丁友，仲要有個係非北星架添（抽筋）北星半力出擊之下，仍然可以同人地踢成3:3，算係咁啦~~~~~~~而我呢把北星尖刀呢，仲首次笠射成功，收死左人地個港青龍門丫！！！！（沾沾自喜x100000000000）你地都笠得我耐喇，今次到我笠番你地！！！哼！！哼！！哈哈．．．．同埋有個靚靚助攻~~~~~~~太勁喇！！！！（再一次陷入沾沾自喜o既狀況）

由於有波入，所以非常開心o既我，去到中後段，竟然因為一次傻仔搶波，搞到失左重心，整親隻右手．．．．．咩料呀？！又傷？？？？繼左右兩隻腳之後，右手都不能幸免．．．．好一個容易受傷的男孩！！！！（好彩仲有隻左手姐~~~~）搞到依家無左一半o既活動能力．．．．．．唉唉~~~~~搞到我拎唔到支筆，做唔到功課添！！！！慘~~~~

之後去左M記食甸拿，再搭車去旺角租間屋for下個星期o既北星camp~~~~~~去到見到個價錢．．．．嗚~~~~~~好貴呀！！！！租一晚姐~~~~~都成千銀？！之後經過大家o既商議之後，都係決定逆來順受．．．．．搞掂之後就起程返屋企，o係車度睇到煙花，哈．．．唔駛同人逼~~~~~~返到屋企，當老爹知道我又傷o個陣，竟然叫我唔好踢波！！！噢．．．．這是沒有可能的！！！你都係放棄罷啦~~~~~~~

ｐｓ１：我要睇醫生！！！睇醫生呀！！！！！！！！！！！！要快ｄ好番呀~~~~~~~~~~~~

ｐｓ２：下個星期好多節目架嘛~~~~~~~依家有好多都玩唔到．．．．．

ｐｓ３：好彩阿蕭提我聽日唔駛返學姐~~~~~~唔係我聽日實會勁傻仔咁返去poly！！

>>October 1, 2006 at 11:29:10 PM GMT+8

2006 年 9 月 29 日 星期五 【晴】

唉．．．晨早流流就搞ｄ咁o既野？！搞到遲左出門口，返到公司都成兩點鐘喇~~~~~~~返到去，即時怒printｄnotes，無計啦~~~~~~~鬼叫我屋企部printer壞左咩！！！！卒之，公司o既資源就俾我好好咁去運用喇~~~~~原本一路都風平浪靜，點知．．．．臨放工，俾老細捉住同佢傾計，講左一大輪o既理財o既野，唔唔．．．．悶係悶左ｄ，不過．．．好好去理財都岩丫！！！咁．．．就俾佢捉左半個鐘去．．．．．

放工之後，去左旺角（唔講咩事喇！）總之就過左一個開心o既夜晚啦~~~~~~~~

ｐｓ：快ｄ出糧啦~~~~~~就屎喇我．．．．

>>September 30, 2006 at 2:37:09 AM GMT+8

2006 年 9 月 27 日 星期三 【晴】

煩惱

煩惱，唔會有人想去面對佢．．．唔會有人想去對住佢．．．唔會有人想去接近佢．．．．．

不過有煩惱都係好o既~~~~~起碼佢可以令到我變得成熟ｄ．．．．．．我唔敢話自己係一個好成熟o既人，一個比起其他人有好多人生經歷o既人，但係．．．．起碼我真係有o係呢ｄ煩惱、困難之中，學到野，睇到呢個世界o既真面目！！！！

人真係好奇怪，細細個就想快ｄ變大個，想唔駛俾老爹媽打管，想做咩就做咩，但係．．．．大個左喇，就想變番細個，想變到好似以前咁乜都唔駛我諗，乜都唔駛我煩，做完功課，就拿拿林倒ｄ車仔出黎推下、玩下，或者睇下閃電傳真機．．．．．

可能遲ｄ，去到四十幾歲o個陣，我就會想返番呢依家，做番廿歲仔，o岩！應該要好好珍惜依家，唔好做ｄ會令到自己後悔o既事．．．．o岩！就係要咁樣！！！我就真係唔信世間上有野會係我做唔到o既！！！！

人生匆匆數十年，應當珍惜每一天；把握機會勇向前，誓要戰勝各挑戰！

>>September 27, 2006 at 9:03:13 PM GMT+8

2006 年 9 月 24 日 星期日 【暴雨】

北星友賽日

今日天氣非常好丫！！！唔熱唔凍，仲落左少少雨，o係咁o既環境踢波，真係超爽！！！

因為下個月有比賽o既關係，施源就特登邀請左隊外隊黎番場友誼波~~~~~~北星尖刀終於入唔到波喇．．．．今日無入球進帳！！！而且仲要俾自己友（騫騰）攻入左一球亳無力水兼且亳無角度o既烏龍波．．．．．．咩料呀？！最後雖然係輸左，不過．．．．見到北星o係呢場踢左大半場好波，同埋個個都好盡力，呢場友誼波o既贏輸就變得唔多重要~~~~~~~（有ｄ自我安慰o既感覺．．．）

十月．北星進軍維園！！

>>September 25, 2006 at 12:10:05 AM GMT+8

2006 年 9 月 23 日 星期六 【晴】

學友社聚會

七點半上左學友社，一個陪我度過兩次公開考試o既地方．．．．．

由於學友社o既活動室係潛建o既，所以俾某某政府部門話要拆左佢，所以．．．．以後o既學友社，唔會再有一個活動室俾我地玩架喇．．．．．今晚，乒乓波黨o既成員得一半人出席（我、明仔、施純、域祺）玩完遊戲，食過甸拿，就到大合照o既時候喇！！！！！今晚影低左唔少乒乓波黨o係活動室o既相，以後一定會好回味呢ｄ相丫！！！臨走之前，我地就拎左張學友社派俾我地o既卡周圍搵人簽名（好似中五、中七last day咁）

呢度真係俾左我唔少o既回憶，好似乒乓波league、桌球league、對六合彩、包剪dup練習、怒刨一疊疊o既山咁高o既碌屎．．．．．．呢一切一切我都會記住架！！！！JCG（阿Jan、Candy、阿根）之後我會多ｄ上黎溫書，探下你地架喇！！！

ｐｓ１：好開心！！終於都買齊套漫畫喇！！！！！！

ｐｓ２：熱刺．．．．．熱火 + 馬刺？？？

ｐｓ３：Carol = keroro？？？

>>September 24, 2006 at 2:29:40 AM GMT+8

2006 年 9 月 22 日 星期五 【晴】

繁忙o既 day off

尋晚四點幾醒左（訓左三個鐘左右），起身填埋張『關窿』form，半填半hea，去到九點幾就返工嚕~~~~~~半個月無返過黎喇．．．．嘿嘿~~~~~各位同事，有無掛住我呢？？之後發現唔記得左帶媽打同埋老爹o既身份證副本．．．．唯有o係金鐘返番去太古啦．．．．．．以極快o既步速由太古城行番屋企~~~~~~（爆汗！）之後落街影印，兼搭的士返母校（聖記）搵Dora姐食lun，呼~~~~~~好耐都無食過雲景喇！！！！（掛念從前中．．．）之後行返聖記，見到珍姐俾人用蛋糕掟，好睇！！之後同明仔搭108返poly交『關窿』，ｄ資料好似有ｄ問題丫！！！算啦~~~~~~~應該唔會有咩麻煩o卦．．．．．交完份form，就拿拿林搭車趕返去繼續開工~~~~~~返到去，打打下份文件，釣左魚丫！！！好樣衰丫！！！！！放工之後，去左康怡間商務幫個細路揀番本岩佢o既練習，順便買下幾枝筆同埋幾個file for上堂用，買一買野，咁就無左百幾二百蚊．．．．錢，永遠都係駛得咁快！！！

唉．．．原本一個好好o既day off，諗住可以用黎好好咁休息下、放鬆下~~~~~~點知．．．．突然之間多左好多野都要o係呢一日度做，搞到無得休息，返工o個陣仲釣釣地魚添！！！！下個day off我要休一休丫！！！！！

ｐｓ１：原來上網都可以申請報考高考丫！！！！好彩今日無o徒時間走去灣仔一轉姐~~~~~~~

ｐｓ２：聖記愈黎愈似火山高校丫！！！！

>>September 23, 2006 at 2:43:08 AM GMT+8

2006 年 9 月 21 日 星期四 【陰】

同學仔聚會

今日係第一次有天地堂，朝早9:30要上sociology o既tutor，要分組做project丫！！！一個月之後就要做起兼present．．．．．好趕丫！！！

上完呢堂，差唔多成班都一齊走左去附近o既CEO唱ｋ，唔唔．．．．第一次o既同學仔聚會丫！！！o係o個度．．．我又再一次做左顏福偉．．．．．估唔到大家會咁high丫！！！嘰．．．．．唱到三點幾，就齊齊行番去poly上堂~~~~~~

呼．．．．兩個鐘o既數學堂，真係好鬼屎悶架！！！做數機會唔多，大多數時間都係聽佢講．．．．悶到呢~~~~~~之後真係頂唔順，就唯有同隔離ｄ同學仔玩一玩啦！！！俾佢地呃左去食人地留低左o既餅．．．．．知道之後即時嘔番出黎！！！依家仲未驚完丫！！！！之後見Jacky上上下堂訓著左，就拎左塊餅掟入佢個口度~~~~~~~連隔離位o既姐姐見到都笑左出黎丫！！！你睇你幾瘀丫！！！

放學去左旺角搵明仔佢地，嘩嘩！！！J.Hui因咩事肥左咁多o既？？？個頭好似村姑丫！！！哇嘰嘰嘰．．．．趙振個扁頭，你做乜負離子丫！！！嘿．．．．一路吹水，吹到七點幾，之後就一齊閒逛旺角，八點搭巴士走人~~~~~~~

ｐｓ１：我唔要走顏福偉路線！！！！！

ｐｓ２：嗚．．．請人食野，搞到自己差ｄ仆親，仲要整損隻腳．．．．

ｐｓ３：邊個訓，我就請邊個食餅！！！



特別新聞報導！！！

全港打擊地鐵色魔拘2人 (明報) 09月 21日 星期四 05:05AM

【明報專訊】警方鐵路警區昨日展開全港打擊地鐵色魔行動，在下班繁忙時間派出大批便衣警員在地鐵全線月台及車輛埋伏監視，最後在港島線擒獲一名在車廂內摸臀非禮女學生的色魔；另一名用手機偷
拍「裙底春」的男子則被休班警員擒獲。

一摸女生臀 一拍「裙底春」

警方稱是次行動非因近期地鐵非禮案顯著上升，警方過往亦曾在地鐵範圍進行針對扒手的同類全港行動，選擇在下班繁忙時間出動，是因為色魔往往在人多擠迫時落手。

昨傍晚6時許，鐵路警區警署警長鍾建光率領9名男女便衣警員，在地鐵港島線埋伏，並重點監視人潮最旺的金鐘站。其間，警員發現一名青年不斷在轉車月台徘徊，有列車到站亦不登車，疑是正在尋找目標犯案，於是把他盯緊。未幾，青年找到一名身穿校服的17歲女學生作獵物，尾隨她登上東行列車，警員於是跟蹤。該青年在擠迫的車廂中緊貼站在女學生背面，懷疑不斷伸手摸撫女學生臀部，女學生當時表現驚慌，但只是啞忍，沒有高呼求救。當列車駛至銅鑼灣站時，色魔疑察覺被監視，下車欲逃，警員即時將他截停搜查，並向女學生查問是否感到被非禮，最後將色魔拘捕。被捕人黃╳康，20歲，事後被帶署扣查。

差不多時間，一名駐守新界區的休班督察，在金鐘站月台搭扶手電梯上大堂時，前方一名45歲穿裙的女子腿部感到碰到物件，轉身察看時見26歲青年周╳豐手握具拍攝功能的手機，懷疑被偷拍「裙底春」，遂與對方理論，此時站在周後的休班督察表露身分，周即拔足逃跑，終擒獲。



ｐｓ：痴線！！唔會又係聖記之光『柏康哥』呀？？？俾人捉完一次又一次，仲唔識死架喎！！！

>>September 22, 2006 at 6:06:28 AM GMT+8

2006 年 9 月 20 日 星期三 【晴】

楢山節孝

今日奇蹟咁第一個返到課室上堂！！！哈哈哈．．．．．早到15分鐘丫！！！超勁！！！英文堂，唔多明佢講乜，都唔知應該點寫先係中庸之道，又要唔闊，又要唔窄．．．．．好難姐~~~~~~~

之後同曾淑、meiling、stella黎番個下午麼麼茶，兼傾下psycho project o既野．．．．．又要上堂嚕~~~~~~好好彩，無乜組同我地爭topic，剩係得番阿立o個組同我地爭，最後要用到猜包剪dup決勝負！！！！！嘿嘿嘿．．．．咁就岩晒我丫！！！之前o係中六、中七，我係日日都有苦練架！！！最後，勝利當然係俾左我呢個日日『練拳』o既人啦~~~~~~~（沾沾自喜）

放學之後，同班同學一齊去睇電影，睇o個套『楢山節孝』，呢套野真係厲害喇~~~~~~~同四仔基本上係無咩分別，除左有裸露場面之外，仲有血腥同埋人獸交添！！！真係滴晒汗丫！！！其實呢套野都有ｄ悶丫！！！雖然係對我學sociology係有用，但係．．．．唉~~~~~~

>>September 20, 2006 at 11:14:53 PM GMT+8

2006 年 9 月 19 日 星期二 【晴】

人生最後的24小時

今日晏晝返學校踢波，超曬呀！！！活生生咁俾個太陽蒸乾．．．．．

之後上kam lo堂，今堂講價值，佢問左我地一個問題．．．．『人生最後o既24小時，你會點過？』諗左一輪之後，就開始圍住黎講，初頭都無咩野，去到臨尾，開始有人因為咁而喊．．．．．o個陣，我真係有ｄ愕然．．．．．見到佢地喊，我自己都有ｄ心酸．．．．．

點解人要去到生命o既盡頭o個陣，先會珍惜自己身邊o既親人呢？？？先會對佢地好好．．．．點解平時唔對佢地好ｄ呢？？？係唔係要等到失去o個陣，先至會去珍惜架姐？？？人係唔係真係咁犯賤架姐？！明知將來會後悔，都唔去做．．．．．『樹欲靜而風不息，子欲養而親不在。』呢句話真係值得我地去反思一下．．．．．

大家試下靜靜地咁去諗下．．．．．如果你剩番24個鐘頭命，你又會做ｄ乜呢？？？

>>September 20, 2006 at 2:19:56 AM GMT+8

2006 年 9 月 17 日 星期日 【晴】

細O

呢兩日都入左camp，第一日朝早，去到poly集合，鬥快吹晒2公升o既可樂就可以拎到行程表，之後就出發嚕~~~~~~我地組去晒咁多個o既check point，雖然係辛苦、好累，但係都幾開心丫！！！起碼沿途都係講有笑，唔似大O o個陣無咩交流~~~~~~

入到camp site（西貢），見到間房，都幾大丫！！！雖然床係唔夠（11個人8張床），但係唔緊要啦~~~~~夜晚都唔會訓架啦~~~~~~之後食甸拿，玩game，跳營舞．．．．十一點就返房屎白白嚕~~~~~~~屎完就梗係開始玩game架啦！！！！又玩下鋤D，又玩下UNO，又玩下killer，又玩下結尾估．．．．．咁就玩到三點幾嚕~~~~~~跟著去左玩星際漫遊（一隻個個都話非玩不可o既game）既然係咁．．．．咁就梗係要入去玩下架啦！！！！點知．．．俾人fake左！！！原來入去係俾人整蠱！！！去到四點．．．．．．由於太累o既關係，同三姑一齊上床訓覺覺~~~~~~~

第二朝，晨早就出發去三星灣~~~~~~~晨早流流，由camp site行左十幾分鐘o既山路，卒之到左碼頭，再坐左陣船，先到三星灣．．．．雖然係麻煩，但係去到o個度，見到個咁清o既海，真係乜都抵番晒啦！！！！點知．．．．ｄcommitee話唔落得水．．．．咩料呀？！黎到海灘又唔俾人落水！！！唉~~~~~之後又開始玩game，其中，閃避球係最好玩！！！！玩左兩舖，第一場激戰到去1 on 1，最後成功搞掂對手！！！！第二場，雖然一開波俾人ko左兩、三個人，但係之後形勢一面倒，o係唔駛再屎人o既情況輕鬆搞掂對手，真係大獲全勝丫！！！之後就返去camp site，屎白白、執行李同埋食lun，跟著四圍影下相，之後就散水喇．．．．．

大O細O都玩完嚕~~~~~雖然細O剩係兩日一夜，唔似大O咁可以玩多一日，而且ｄgame有ｄo係大O都玩過，但係．．．．我都係覺得細O係比大O好玩好多，開心好多丫！！！起碼組爸同組媽都係咁錫我地全組，組員個個都咁好玩~~~~~~真係唔想咁快就玩完丫！！！有ｄ唔捨得．．．．

>>September 18, 2006 at 10:59:22 AM GMT+8