2006 年 7 月 10 日 星期一 【晴】

同 Tommy 去奧海城食 lunch，我實在好鍾意食泡菜同o個個韓式粉絲。等左超耐，我最憎等！如果平日我一定唔肯等，算啦，佢都就快走，我就下佢啦。其實係我自己好想試下呢間野。

隔離有間 Trendy Land，好多豬仔呀，我一見到佢就發晒癲，語無倫次，講 d 好唔 logical o既說話：「嘩~咁得意都係十幾蚊咋....」如果越得意越貴，咁 Pooh 應該值......
客人：「請問呢隻 Pooh 幾多錢呀？」
Sales：「呢隻呀？一口價，如果你肯拎走佢，我地公司比返 $89.5 你啦。」

實在太無聊，搭地鐵去迪士尼站，跟住返屋企。Tommy 今晚去睇 Phantom of the Opera：「結果你今日唔洗返工，不過都係無得去，哈哈哈」天意。

>>July 19, 2006 at 4:20:08 AM GMT+8

2006 年 7 月 10 日 星期一 【晴】

第一日返工
經理比左個時間表我，係黎緊七月份返工及學習時間表。聽日已經放假，哈哈。

兩個o係薯條位 back up 我o既同事都係叫做 trainee XD，佢地知我大學畢業都覺得好難以置信，佢地話我個樣好細個，(要唔要放大鏡呀？)，其中一個話我似中四，哈哈哈哈

經理話我係月薪，所以唔洗打咭。la_la：「哈哈，咁我遲到你咪唔知囉」今朝經理同我傾計之前，叫我斟杯野飲，我飲橙汁，佢拎左隻大橙汁杯話教我斟，我上次 OJE 備過餐家嘛，所以懶醒：「我識呀~」檸檬：「咁自己黎啦」佢行開左，我"禁"錯細橙汁，趁佢睇唔到梗係即刻用蓋 cum 住先啦，立即攞飲筒扮飲，XD

夜晚收到小蕊電話，星期三晚 5C2 gathering。

>>July 19, 2006 at 4:19:12 AM GMT+8

2006 年 7 月 9 日 星期日 【晴】

Today is my 1st day in McDonald's, because I cannot disclose too much about McDonald's, so I have not much things to say here....

今朝經理同我傾計之前，叫我斟位野飲，我飲橙汁，佢拎左隻大橙汁杯話教我斟，我上次 OJE 備過餐家嘛，所以懶醒：「我識呀~」檸檬：「咁自己黎啦」佢行開左，我"禁"錯細橙汁，趁佢睇唔到梗係即刻用蓋 cum 住先啦，立即攞飲筒扮飲，XD

夜晚收到小蕊電話，星期三晚 5C2 gathering。

兩餐 duty meal 都飲鮮奶，加油加油。

Tomorrow is my 1st day off in McDonald's

>>July 10, 2006 at 4:00:49 PM GMT+8

2006 年 7 月 7 日 星期五 【晴】

Tommy 侮辱我偶像，話佢似陳錦樂 -_- 激死人！我反對！！我偶像咁型，點會似阿 Mark？！雖然佢地o既髪型係巧合地近似，不過只係巧合。

Tommy 說: mark is one of the ugliest guy i know, i can't think of anyone comparable actually
會長 說: yes
會長 說: lau bong
Tommy 說: no la mark is much much uglier
Tommy 說: lau bong is only a little abnormal
會長 說: can't stop laughing
Tommy 說: but mark.........ai，he intentionally makes himself shit
Tommy 說: and is very successful

我知我地勁衰.......對唔住， Mark 無得罪過我，我唔應該 "take advantage of him..."

左二

Tommy 果然係叻仔，教佢玩踩地雷諗住屈佢機，點知佢第三舖已經羸我。本來諗住唔返屋企食飯，點知佢車我返屋企 -_-。我幾型呀，我當住 Tommy 阿媽話 Tommy：「你一向都唔理我感受架啦...」哈哈哈....

一聽到樂樂話廿三歲後好難吸收鈣，我決定而家開始怒飲奶！今日飲左兩盒。我感覺到 d 骨強壯左呀 XD

我想聽日去玩呀，一開始返工就唔知幾時先有雅興去玩。算啦，等我孤獨地死去啦。

自己玩踩地雷，破左前兩日o既紀錄，434 secs，其實唔係好快，不過完成已經好好，叻！點解我咁叻o既？

好後悔配左副新眼鏡，戴得唔舒服，睇落又唔係幾好睇，都唔襯我o既。

好威呀，o係科技發達o既年代，我個無乜記性o既偶像記得我電話號碼呀！我地位超然 XD(我自己話o者)。

今日第一次細心咁睇 Tommy 個相簿，原來佢有 d 相真係好靚架。不過有 d 係我幫佢o既，因為佢係唔識欣賞身邊o既野。我話邊度邊度好 得意/靚，佢就影，有時就會出到 d 好靚o既相喇。

>>July 8, 2006 at 6:30:09 PM GMT+8

2006 年 7 月 6 日 星期四 【晴】

比隻好毒o既蚊咬左幾啖，去 camp o個 d o岩o岩先好返晒，激死人！上次清 locker d 野仲o係個背囊度未執出黎 -_-。收到 transcript，好頹！仲裁比郵差摺左一下，好慶！我辛苦三年就係為左呢兩張爛紙？！

大掃除！抹晒所有有可能有塵o既地方，我而家無姓氏。

你地鍾意傷害人，唔等如我要咁回應，有咩氣，都係自己吞左佢啦。

呢個世界最蠢、最無意義、最無謂o既說話：
「早知乜乜乜啦...」
「如果咩咩咩...」
不過今日怒講，哈哈哈。

唉，o係你心裡面我係一個會呃隻 DVD 黎賣o既人 -_-，你之前話過：「我係唔會幫你賺到錢架喇....」o岩丫，我得一隻，我點會捨得賣呀？想呃你比多隻我咩？你又唔信我喎.....無啦，乜都無喇。

哈哈，我對你真係好，教識你待人處世之道。知唔知點解我要教你丫？咁係因為你真係需要人教。自此你就人見人愛，到時唔好唔記得我呀。

叫營養師幫我揀 d 最健康o既 McDonald's 食品做第時o既 duty meals，樂樂話女仔廿三歲前飲奶先吸收到鈣，之後就幾乎無用。早講丫 -_-，你唔等我下次生日先講？佢問我做乜突然咁注重健康，「因為我第時要生個 perfect baby」
lok：「生個 prefect baby 好過啦」
la：「生個 prefect body 好唔好？」我仲問食咩可以生孖仔 XD
我第時要生個好似樂樂咁得意o既，如果係孖仔，就有兩個樂樂咁得意喇，哈哈哈。我仲要問 Tommy 個媽咪食 d 咩生得 Tommy 咁聰明，不過佢太曳喇，唔得！我仲要問自己細個食 d 咩大個左咁乖、咁醒。問埋許景霖媽咪食 d 咩，再比對下佢同 Tommy 個媽咪食o既野，佢有食而 Tommy 個媽咪無食o個 d 我永遠都唔再食 XD

我會胎教，我會每日叫樂樂講十個笑話比我聽；每日叫朱穎恆開場 recital 比我睇；每日叫 Tommy 計數同埋打羽毛球比我睇；每日打比阿泰問佢去邊，然後避開佢；每日同阿 Tim 通一次電話，心裡默念：「唔好學佢.....唔好學佢....ignore 佢.....ignore 佢....」，每日同阿沈玩一個鐘 MSN，從而吸收 IT 界靈氣.....yo，a perfect baby。噫？唔記得講 piglet 添...唔準佢鍾意 piglet，同阿媽爭玩具會比雷劈架。

>>July 8, 2006 at 2:57:00 AM GMT+8

2006 年 7 月 5 日 星期三 【晴】

好唔開心呀，可唔可以過得精彩 d 呀？

我尋日發夢自己做警察呀，陳探員！不過我鍾意軍警多 d，著制服丫嘛。(諗起o個套死人《桃色》就火都黎埋！！影衰晒 d 軍裝警察>_<！！)如果 Piglet 去做警察就可以一次過滿足我兩個願望~

嘩，好野呀！o係 SOGO 外面撞到樂樂，好耐好耐無見喇，仲係咁得意o既。樂樂走左之後，la_la：「你估下我而家o既願望係咩。」
Tommy：「見到阿恆？」窒左一窒。
la_la：「唔係喎，我而家o既願望係見唔到阿恆.....」其實我係希望第時有對孖仔，hehehe~咁就開心喇。不過要健康正常，聽話聰明，靚仔，最少要有我咁醒。

「我就係唔想跟佢學，我咁蠢，又懶....」
『你驚佢發現你其實唔係咁醒o既...』
「係呀，驚影響我形象。我真係好醒家嘛，萬一佢以為我唔醒....」

我入左大學之後，唯一一次唔合格o既 test...就係捐血o既血紅素測試。今日又去捐血，又吉手指，又發現血紅素唔夠，姑娘話唔係貧血，不過捐完我自己就會唔掂，所以無得捐。不得不提，我一入到捐血中心，o個兩個八十幾歲o既婆婆比表我填，問：「小姐，你夠十八歲未架？」「夠就得喇...」「你個樣好細個..」哈哈哈哈，真人真事。可能因為我今日無化妝，又戴眼鏡，清純 d。我以後都唔化妝唔戴 con 出街喇。定係o個兩個八十幾歲o既婆婆睇唔清楚....一定唔會啦，佢地精神奕奕，神采飛揚。

去渣甸坊o既 蒲公英 食晚飯，好食，唔知點解我對日式食品特別鍾情。去 levi's 睇下有咩買，用生日o個 $200 discount，買左條 901，扣鈕真係好 q 煩！一試褲就覺得好有需要瘦身 -_-，其實一早已經要架啦。衣櫃真係無位喇，satuated！

今日終於試到 7-11話自己獨家發售但成日無貨o既豆腐雪榚，一 d 都唔甜，好得！不過係豆漿味，唔係豆腐味。仲有o個個咖啡味雪米糍，又係好食到丫，好食到暈。我o係 7-11 裡面食，由開始到食完，一路講住「真係好好味」「喂我覺得呢個好得喎」「點解可以咁好食o既？」應該請我做 marketing，企
o係 7-11 雪櫃旁不停講。

>>July 6, 2006 at 5:42:36 PM GMT+8

2006 年 7 月 4 日 星期二 【晴】

愛本身已經唔可以令人非常開心，何必比愛令自己非常痛苦。愛情唔可以令人開心，唔可以令人生有價值，只會令人變得蠢，同不設實際。

>>July 4, 2006 at 5:28:20 PM GMT+8

2006 年 7 月 4 日 星期二 【晴】

如果邊個聽晚會去飲酒o既預埋我丫

>>July 4, 2006 at 4:44:46 PM GMT+8

2006 年 7 月 2 日 星期日 【晴】

心情唔係幾好，三句唔埋兩句就爆粗，要改。係你地攪到我咁架，唔怪得我。

o係銅鑼灣地鐵站等外面見到個型到震，仲好靚仔o既警察o係度周人，搜晒身咁，仲要周得好密下，唔通銅鑼灣發生左大事？

搵 Tommy 去飲茶，之後由灣仔行去時代 整/睇 錶，再行去上環文武廟，周圍行，佢話要去醫學博物館，我望到條無盡頭o既樓梯就卻步。狡辯：「我唔識去呀」，有個好心o既男士話o係樓梯盡頭再唔知點行就到，禮貌地講聲唔該，暗暗同 Tommy 講：「如果佢唔識教我地去就好啦。」Tommy：「佢估唔到自己已經鑄成大錯。」

今日玩電話o既人收左皮，一定係比我拋窒左。不過個電話全日無響過，帶住出街真無癮。

去左 Pizza Hut 食 tea，我倒左半樽黑椒落碟野度 -_-，我講多次，係唔小心，唔係玩野！諗諗下，好彩 pizza hut 唔 in 我，佢一 in 我就抗拒唔到要請我，佢得咁少分店，咁我咪無得o係 CWB 返工囉。神o既安排，果然好體貼。

我都話佢變態架啦。

同樂樂 MSN，佢懶到丫，淨係用 voice message，都好，好耐無聽過佢把聲喇，真係得意。佢連同我 MSN 都扮緊阿泰 -_-。你快 d 稱霸阿泰口琴節。做阿泰冠軍，哈哈哈。樂樂回應：「dood sai」

>>July 3, 2006 at 6:19:59 PM GMT+8

2006 年 7 月 1 日 星期六 【晴】



四個人去 Neway CEO 唱 K。Tommy 買左件 strawberry cheese cake 比我，佢話未開門，佢要走入餅舖廚房先搵到人拎件餅比佢。

C Poon 同 Crystal 買左個 haagen-dazs 雪糕蛋糕比我，strawberry again。個蛋糕好靚，大熱天時 C Poon 千里迢迢去拎蛋糕返黎....原來雪糕蛋糕都幾可愛個喎。d 乾冰好好玩，好有氣氛呀！玩乾冰玩得好開心！

第一首，《時代曲》，唔係聽開o既 version，有一句入早左：「方看到場內燦爛燈火(發現入早左).....挑」跟住繼續唱。當時本身成間房都好靜，Tommy 一開始笑佢地就一齊笑我，唔係笑入錯，係笑我o既反應。我若無其事：「噫？你地聽到呀？」

點晒 Eason《Get a Life》演唱會o既歌開個 mini concert。雖然唔多人，無乜特別，不過我知佢地有心。我特登點左陳慧琳《我會掛念你》，唱比 Tommy 聽，我仲叮囑佢留意歌詞。

樂樂今日 full rehearsal，唔黎得，不過佢 send 左個好好笑o既 SMS 比我。「你好，陳xx，生日快樂～祝你早日稱霸麥當勞，統一連銷快餐店。」XD

買左條褲，唔洗改，即係我都唔係好矮o者。

去左怡東酒店飲野，六點幾要走，約左人。

當阿恆行開左一陣，我收到 Piglet 叫阿恆 forward 比我o既 SMS
la_la：「喂唔該晒喎.....你笑咩呀？」
恆：「笑佢無膽囉，又唔自己 send 喎，要叫我 forward...」

又比人玩電話，今日改左時間打黎。
la_la：「變態！」
恆：「可能佢想聽下你把聲呢...」
如果係就叫佢去死啦，點解唔直頭同我講野呢？懦夫！如果o者。

>>July 2, 2006 at 3:26:04 PM GMT+8