2005 年 10 月 17 日 星期一 【晴】

去Garden Cafe count data，隻秒錶無電，勁低能，用相機錄音睇時間.....數地板.....
做gym，book o個時我睇佢個時間表，個阿姐話：「兩點半先上堂」我極度唔清醒：「下？我唔係上堂喎.......哦.....哦....我明喇」

沖涼，d 頭髮打晒 kick....

返工，o係三越地面有d promotion counter，有個男仔行埋黎，「我係好人黎個喎，唔洗驚喎」我走走走.....佢：「噢，拜拜」

返工，客：「Pasny Chan係唔係你家姐？咁似o既？真係好鬼死似呀」.....一路收錢一路講，一路講一路走....fade out。原來係家姐 d 學生o既家長。我印象中從來無人覺得我地似樣，通常話佢靚 d.....

買左件德國芝士蛋糕，未得閒食。
Emma話之前見到露體狂，跟住唔敢食腸仔....好好笑！
有兩個男仔o係coffee 個 counter 度叫野食，一路都用英文，咁我都用英文啦，執晒d野食比佢，放埋個數字牌o係個盤，佢地企左o係度，o係個 tray 度 搵搵搵，問："Where is the sandwich?"，我(廣東話)：「整好會拎比你架喇」根本佢就識廣東話....

>>October 20, 2005 at 4:39:32 PM GMT+8

2005 年 10 月 16 日 星期日 【晴】

還未過去....

>>October 17, 2005 at 4:31:51 AM GMT+8

2005 年 10 月 15 日 星期六 【晴】

真係覺得自己好鬼煩，每隔一段時間都總有 d 自尋煩惱o既時候。其實諗咁多做乜丫，我一介草民，乜都唔關我事啦。

好快就可以見到 Kenny，應承左一個月之後搵佢。希望我有能力兌現啦。好耐好耐無見，都幾掛住佢

>>October 16, 2005 at 4:32:15 AM GMT+8

2005 年 10 月 15 日 星期六 【晴】

賣冷o既阿嬸，勁多口。問佢兩包冷夠唔夠織件冷背心，佢望下我，話：「其實一包都夠」我問：「佢著呢？」佢話：「咁就要喇」比完錢，佢勁多口咁話：「你識織冷衫比男朋友咁叻呀？」-_- 多事啦你！本來諗住懶 surprise，而家比佢攪禍左.....無奈到爆。仲有我根本唔識織冷衫。

睇完一大輪書，一 d 都唔明，好在我預自己織一年....

>>October 15, 2005 at 5:25:09 PM GMT+8

2005 年 10 月 13 日 星期四 【晴】

唔知幾多日前o既新聞，P 牌電單車司機載女朋友返工，收埋個 P 牌，o係貨車間左穿右插，前面架私家車突然停車，電單車司機收掣不及，撞左埋去，女朋友被拋開，比隔離行車線o既汽水車軋過頭同手，死埋。個女仔今年o岩o岩大學畢業，當日第一日返工......

好辛苦呀，八點半 pension planning，開 SOM 會，上哲學.....無飯食，遷怒 Andy：「好憎你呀，正衰人黎架，有時間食飯....不如你唔好食住啦，等多三個鐘陪我食...」Andy：「好丫，不過我要四點半喎」死人頭，我返工喇...

pension planning 要即堂做 individual assignment，我又係衰o係 NPV 度，問完 Andy 就明喇。突然有個我唔識‧不過認得樣o既同學仔過黎問我點計。好奇怪，點解係我？佢仲話：「唔該晒呀，你好勁呀？」哈哈，有 d 唔好意思添：「(指住 Andy)，佢教我架，下次問佢丫」我從來都唔想人覺得我勁，唔覺得我差就夠

上哲學，我真係好鐘意我個 groupmate，原來佢同我一樣鐘意人個人活動。今日討論，我問好多關於佢o既信仰o既問題，我並唔係想 challenge 佢o既信仰，係想佢說服到我信多 d，我開始懷疑人死後係咪真係有審判，不過我唔想自己唔信神。今堂睇 Woody Allen o既 《愛與罪》，有良心，都可以 immoral，咁仲有咩可以令人有道德？

我今日，終於肯下心，連工作証都帶埋放o係公司，Katherine 見到，好驚訝咁問做咩放o係度，我輕描淡寫咁話：「我想今日填表丫嘛，唔係要比返你咩？」好似一 d 都唔傷感咁....好似
今日都唔係幾開心，想打比阿恆傾下計，無人聽，無人覆，算啦。
心情好沈重咁返工，竟然，一返到去，一見到 d 同事，我笑。我真係好唔捨得

好快，就可以過 平淡而奢侈 o既生活.....

死一個人就係悲劇，死一百萬人只係數字？

>>October 14, 2005 at 4:45:43 PM GMT+8

2005 年 10 月 12 日 星期三 【晴】

好支力呀！尋晚做 process management 功課做到兩點，勁白痴，用左個 selling price 計 cost，唔怪得個數咁怪啦。

九點開早會，我個腦都未開始 run....

上process management ，ServiceModel 好硬！落堂 MSS 其中一個後選內閣黎宣傳，送支頹筆，吊住塊頹葉，貼住個頹價錢牌 $1.3，有個頹意思，「畢業過三」，大佬呀，目標高 D 得唔得呀？過左好多啦，我要過三點四呀。

我今個 SEM 好辛苦呀！好彩 DELL Computer 個 Managing Director 下星期唔o係香港，可以遲一星期 present 同交 report，不幸中之大幸。一個兩個 credits o既 course，竟然要對住 Dell o既 MD present，痴三筋！

開 S&P，入晒 d 數落 template 做 forecast，竟然有三百幾件 closing stock....以為自己入錯， check 左好多次都係咁，勁淆，睇返上一次 Konnie 入o既，原來一向都係咁架 -_- 嚇死我喇

開完已經六點九，去 book 七點半做 gym，雖然已經好支力，但係要搵 d 野減壓。未夠鐘，睇人打羽毛球。羽毛球真係唔係咁o岩我，話就話有人陪，不過傾唔到計。我好想打排球呀，以前中學真係開心，食完飯就打波，一夠鐘就四散趕去 on duty。

今日完全無停過，係咁做 -_-，一開始五分鐘 mp3 竟然無電，激死人。走o個時個人散晒，又差 d 唔記得拉筋，差 d 又死 -_-。下次試下跑下先，我諗可以辛苦好多.....好辛苦，唔記得做 gym o個一個鐘頭裡面諗過乜野，不過最近真係唔係咁開心....做完一個人走真係淒慘....

今日收到電話費個 SMS，點解怒 send 野比阿恆都唔洗比多 d 錢o既？唔通同台？係就好喇。

Tommy TOFEL 283/300，勁！GRE 要加油呀~

>>October 13, 2005 at 5:11:51 PM GMT+8

2005 年 10 月 11 日 星期二 【晴】

上九點半，超遲出門口，九點廿七分先出閘，仲去 Taste 行個圈買 Eclipse....雖然遲到，不過顯然未開始。交左第一個 decision，趁佢 run 緊，同 Chris 去 taste 買野飲，我又係飲草汁(V8)，仲整污糟左件白色衫....-_- 勁論盡！入厠所洗到非常雪白出返黎上堂。

個背囊係大左少少o既，不過"咩" o係我身上都未算過大。最重要，我鐘意。

落堂，見到 C Poon。同 阿 Roy 食 lunch，我又食草喇，(睇黎阿 Roy 真係好鐘意食用魚柳包)。佢太高喇，我頸痛講野o個時望唔到佢。

周圍炫耀豬仔手鍊，接受大家羨慕o既目光。

我話自己今日會做 gym ，我真係會去架，大家都睇小我 -_-

個背景音樂好聽呀，開 speaker 啦

等極都等唔到 Andy send 個 excel file 比我，去做 gym，我真係去呀！今日 gym 房 d 人咁型o既，好肌肉喎。有個特別型，肌肉得黎仲係白淨o既，白淨之餘個樣仲斯文o既，斯文o既同時仲頗靚仔....總之好型啦！哈哈哈。不過如果比我再見到佢我唔會認得囉，我最多以為佢係另一個好型o既人。
差 d 唔記得拉返筋先走....差 d 死呀，好險

去 CSC 諗住做功課，發覺根本無帶個 execel file....遇到 Eliza....佢！佢竟然著住 Giodano 件piglet 普通版 T-shirt。本來都無乜野，但係點解，點解係黃色底架，好核突囉！呢個配搭簡直係屎！(by Tommy 1984-2984)好傷心，佢咁樣折折磨豬仔.....

雖然 d 同學仔都笑我個背囊太大，用黎返學好誇張，不過我都好鐘意個背囊。話說我放學去 Taste 買左罐 1.36 L o既蕃茄汁，唔洗膠袋，幾型！近日好蕃茄，每日至少一個，代替生果。飲埋蕃茄汁，事半功倍，仲有好多維他命 C。

好眼訓，訓醒先做功課

訓訓訓，聽到家姐同媽咪一齊返黎，佢地講野好大聲，佢地一入黎就嘈醒左我 -_-d 對話好唔用腦仲好鬼無聊！
媽咪：「睇下洗唔洗煲水」
家姐：「唔洗呀」
媽咪：「點解呀」
家姐：「仲有好多...仲好熱添」
媽咪：「唔通婷婷煲左先走？」
家姐：「婷婷都未走，o係度訓覺喎」
聽到好想要笑，不過太支力喇，都係繼續扮未醒啦，無力

阿靜收工打比我訢苦。新人阿 Q 諸多要求，比 炒左-_-。好震驚，.....因為佢地話Katherine 從來唔炒人架。
Luisa 又衰到爆！全晚轟炸阿靜話唔想收錢，其實我真係好唔鍾意呢條友！佢仲衰過 Winnie the Poon！佢今日仲成日o係度話新人：「咁晏都未叮完盤喎」「佢仲未清晒 coffee 呀」既然我就快都唔做，阿靜唔敢鬧，就等我黎啦！自己都未顧得掂就咁寸？！

阿靜咁慘，我仲填唔填表好呀？話晒成並肩作戰咁耐，我又唔忍心撇低佢-_-

>>October 12, 2005 at 5:44:39 PM GMT+8

2005 年 10 月 10 日 星期一 【晴】

嘩，我發夢見到 Mark Lui 呀，好開心好開心。勁開心！

一早起身做 Process Management 功課，勁勤力！發現 Andy 做錯，即刻打電話去笑佢：「我已經勁過你喇」Andy：「唔係掛，無可能個喎」

今日一返工就係咁遇到 d 麻煩客，一定因為今日係重陽節，我無登高，所以遇到厄運！「走呀，走上山呀！」

今日都算係好日子，Emma，阿靜同我收夜，從容不逼。星期五又係咁，不過 Katherine 收夜。
好野呀，放兩日假。星期六又放.....好野好野

清潔阿嬸真係好乞人憎，我同阿靜一齊反佢！

Carol o個邊無蛋糕賣，不過仍然有得加錢要盒。好無聊

布人買蛋糕，我拎入去叫大佬寫野，佢話：「你望住我我會手震個喎」好好笑，扎晒馬咁寫，唔話大佬型喇，阿 Fan 頂唔順呀，哈哈哈

噫呀Katherin　好奸呀！我上星期話比佢知我做到下個星期二(18 號)，佢叫我預返時間遞紙，點知今日佢放假，聽日後日我放假，咁就遲左三日喇.....
阿盈話我第時黎幫襯比八折我，好野。(而家都係得九折咋)
做咁耐，都無乜人黎探過我o既？

>>October 12, 2005 at 1:51:11 AM GMT+8

2005 年 10 月 9 日 星期日 【晴】

偷左 Garfield 日記o既背景音樂，聽個前奏好有久石壤o既味道，有 d 《風之谷》感覺(SORRY,係《歲月的童話》至o岩)

好野，風乾左同換左電，隻心愛o既(o.d.m)錶果然無事，想換埋 TIMEX o個隻錶粒電，發現粒電原來好特別，要另外買....呢粒電都算長命，中二到而家....時間過得真係快

噫..........................CCIV 講座！
S&P，一起完 plant 我就無用武之地 -_-
等我諗下點搶分先，要快 d 追到 company 3同拋離 company 4

去旺角意粉屋，食食食。埋單比左張 coupon 我地，Tommy：「六點前"狂食"有八折」原來我聽錯係堂食-_-
問你借 d 野，竟然送左咁多豬仔野比我，多謝你呀。我勁鍾意個豬仔布袋同手鍊“ )
變！電話唔再掛頸。

>>October 10, 2005 at 4:51:45 PM GMT+8

2005 年 10 月 8 日 星期六 【晴】

好辛苦呀，八點三起身，返去開 S&P，好唔清醒。比預期早左一個鐘完，唔做 gym 喇，會死架。

行下百佳，買蕃茄同蕃茄汁。勁早返工，唔打咭住，周圍無聊下。有隻小強扒左o係度，阿怡話係我帶返黎o既，我又同佢無聊：「o係你個袋走出黎架」阿怡：「o係你個身爬出黎架」.....

阿 Fan 返左黎呀，o係廚房吹水。卿卿夠鐘食飯，阿 Fan 叫我頂住先，咁就可以入去同佢傾計。哎呀，我出盤o岩o岩出爐o既芝士波"辣" 親手呀，我無意識到佢係 "o岩o岩出爐"，一拎上手，覺得好熱，仲猶豫緊放返上架定拎過去出，就已經覺得好痛，一放低除手套睇下，隻手已經變左叉燒。

Katherine 叫我上方包，點知大佬 d 野阻住左，(o個個o係發烤房推出黎o既架)，我問大佬可唔可以推開，佢話：「你推到咪推囉」咁我就推喇，勁重喎，(有超起碼一米八高，兩米幾長，不過個底有轆個喎)，又對唔o岩位，所以推唔到，大佬就笑：「你推到面都紅晒」(又會啦，推左都唔夠五秒)，跟住佢就行過黎幫我，哈哈哈，大佬真係型呀！

今日 阿靜，Luisa 同我收夜，慘呀！我堅持要清 coffee，真係醒呀！因為同 Luisa 抹櫃會癲架！留返比阿靜。另外 Katherine 話要教Luisa 抄包，好彩唔關我事~yo！阿靜：「我唔教呀」我：「唔理呀，我教左 Emma，你教佢呀.....一係叫 Emma 教啦....」大家:「哈哈哈，(模擬)Emma 話:『我自己都自身難保呀』.....哈哈哈」

我暗地裡同 Emma 講：「加油呀，快過佢學識，唔好衰比佢睇」Emma 一個懶洋洋o既樣：「仲好呀，佢學識佢就要抄，我就唔洗學 」-_-" 無志氣！

我有少少後悔清 coffee 呀，洗洗下野，阿靜叫我睇，嘩，大佬出舖面幫人 pack 包呀，Katherine o係佢隔離收錢。好羨慕呀！如果我收錢就好啦，好羨慕呀好羨慕呀好羨慕呀。大佬連 pack 包都咁型o既？咩構造？Emma 都無我咁好氣，一路o係度羨慕佢一路o係度潑冷水....我冷親喇

Luisa 收錢，勁打錯單，(我o個時都係o既....所以我都只係叫佢小心 d )，我企佢隔離 pack 包順手睇住佢唔好打錯(咁多)，見佢打 $6.5 打左 $65，幫佢"禁" error correct，點知佢又錯仲 enter 埋-_-，我話等我打，點知佢立刻消失左，(死野，連包都唔幫我 pack 就走左，留返我o係度收拾殘局)
我打過張新單，o個兩個客連我都信唔過，係咁睇袋包，我拎出黎逐個講一次個價錢，心算埋比佢聽，佢地都唔信，又係咁睇袋包，大都黎埋，我再計一次佢都唔信，叫 Emma 拎個計數機黎計佢先信，-_-，原始人，連心算都唔識，仲懷疑我計加減數o既能力 -_-


三文治櫃頂o個盞燈壞壞地，時不時o個度閃，我：「可能係應萬聖節架」阿靜：「閃下閃下咁，一定係有鬼呀」我：「係啦，一定係，一定係o個 d 枉死o既腸仔o既鬼魂返黎....」哈哈哈。蘭子：「我都無你地咁好氣....」哈哈哈

我要去沙灘玩~~我幾時先會識游水呢？(大概要等到我肯放棄尊嚴，跟 d 小朋友一齊學 -_-，諗下都恐怖)

>>October 9, 2005 at 4:49:54 PM GMT+8