2005 年 10 月 27 日 星期四 【晴】

Pension Planning：
上網報名渣打馬拉松-十公里。一定要跑得晒呀！我要有 cert！

哲學堂：

Dr Yan：「愛係乜野呀？」
Jimmy：「係親密關係...」全班起哄...
某女同學：「親密關係可以用錢買個喎...」
Terry(好煩好多野講o既女同學)：「咁係唔洗錢o既親密關係囉」
Dr Yan：「你地對愛o既睇法，其實包含左你地對愛o既期望，咁如果期望過高點算呢？如果我想愛唔止係唔洗錢o既親密關係，仲想有錢收o既，咁會點呢？」
Terry：「咁你咪轉行囉」勁好笑

上堂睇左少少《A Cockwork Orange》，好三級喎，主要係暴力。睇到想嘔，唔知我係咪又接受過治療呢？想睇晒全套，聽日就去買。

>>October 29, 2005 at 5:50:23 PM GMT+8

2005 年 10 月 26 日 星期三 【晴】

八點半再戰 information space.....-_- 做到十點半上 Process Management，上上上，三個鐘後又再趕 SOM report，做完。原本打算 color print 兩張，其餘黑白，點知 Andy 禁錯製， print 左張黑白o既出黎....咁就四蚊喇

去書店買 file，豬仔簿真係靚~

Andy 插支 "手指"(flash disc) 落電腦，之後一掌拍入去，我話：「你因住拍斷呀」Andy：「拍斷？支野係我o既命根黎架」笑死

攪掂晒，已經遲左七分鐘上 SOM，不過我地都照去食飯，諗住走一個鐘堂。 Andy 唱左一句：「去廸士尼做足準備....」跟住我地就好寸咁出又一城食 lunch，KFC $$128 o個個餐.....夠鐘上堂(夠左好耐啦)

>>October 27, 2005 at 4:34:03 PM GMT+8

2005 年 10 月 25 日 星期二 【晴】

今個 sem 所有 project 都做得唔好......好唔開心好唔開心好唔開心好唔開心呀。

情緒極度低落！
唔洗諗住點幫我，因為無人會幫到我.....我o既煩惱我自己煩就夠喇，你地自己自有自己o既煩惱....

information space 個天花板都幾 romantic 個喎，我無聊望上天花板，見咁靚，就話：「嘩，個天花板咁無聊o既」隔離個男仔即刻望，正一八掛仔。

Connie 成日話我地唔知有 information space ，成日沾沾自喜：「我呀，未有紅色個牌已經入去喇」 我偷偷地同 Ada 講：「佢開心到好似第一個登陸月球咁 」

今晚要做到十一點先走.....仲未完成

都話今次 CCIV 做得好架啦
『婷婷:

你對兩題的回答很好.

你覺得收藏家對博物館館藏的形成有何貢獻？有何影響？
請參考本專題第一頁(三)私人捐贈的網頁來回答.

尹翠琪 』

>>October 27, 2005 at 4:22:38 PM GMT+8

2005 年 10 月 24 日 星期一 【晴】

叫 Tommy 幫我打去 Dell hotline 扮問野比我做project，人地問佢個電腦會唔會用黎打機，Tommy 好認真咁話：「踩地雷算唔算呀？」Tommy 無笑，對方無笑，但係我笑左好耐，佢地真係專業喇。

>>October 25, 2005 at 5:02:44 PM GMT+8

2005 年 10 月 23 日 星期日 【晴】

好悶呀！要 hea 兩個鐘先再開會....今日原本六點半 SOM 例會，Andy 竟然o係朝早十一點 send 個 e-mail 黎話改七點半就當全部人會知，太過份，完全無責任感！上次佢遲到，攪到我上堂佢地先開會，開完又無講返 d 野比我知....離譜！完全唔明點解佢變成咁，佢一定唔係真o既 Andy

由此太多時間，去左 Taste 行，見到本書勁大個 Piglet 做封面，睇左，有不同造型o既 Piglet，有 professor Piglet，Sir Piglet，doctor Piglet.....好得意，不過畫得唔係咁靚。

上次跑完到而家仲未支力完.....痴線

等左兩個鐘，開左半個鐘 Andy 話可以散會，我同 Ada 真係想撕開 Andy ！後來扮下 print 野，都用多左廿分鐘，咁都好過 d ~XD

>>October 24, 2005 at 5:58:13 PM GMT+8

2005 年 10 月 22 日 星期六 【晴】

十一點 S&P meeting，撞到d師姐，Bonnie 做 network builder，我問阿瑤：「咁你呢？」佢就話：「我而家o係迪士尼做呀」然後阿瑤同 Bonnie 對望一眼，跟住一齊唱：「去迪士尼做足準備...」佢地唱晒成首，不過我唔記得 d 歌詞。講左一兩句之後就趕住去開會喇，佢地話影相o個日會預埋我。

落 CSC 撞到 Edith，無時間講野，但係見到佢已經好開心~

跟住去開會，開開開，完

返屋企，織冷衫，織織織，跟住訓晏覺，訓醒又織，跟住去街買褲，途中見到零食店，就買左好多喇。行左成個灣仔同銅鑼灣都搵唔到鍾意o既褲，點知突然間望到 Bossini，入去睇一睇就買到喇。跟住返屋企又織冷衫，好眼訓，訓覺

煲粥聽日做早餐

>>October 23, 2005 at 6:21:54 PM GMT+8

2005 年 10 月 21 日 星期五 【晴】

一早起身做 CCIV，我覺得今次做得唔錯。

去跑步，跑左三公里行左一公里，已經無力....扯住 Tommy 衫尾先肯跑，一放手就賴死唔郁.....哈哈哈。睇怕參加左都跑唔晒。

去食晚飯，飲大左，開頭都無乜野，比 Tommy 搖左個頭幾下之後好辛苦，起身走o個時都差 d 企唔穩。行行行，去到維園都無乜野，其實一路都幾清醒，不過一坐低，訓著左，半個鐘之後醒返就覺得好辛苦，坐左o係草地，話比 Tommy 知我想嘔，一分鐘之後我就勁嘔喇.....去 toilet 再勁嘔，坐低又訓著左個半鐘，迷迷糊糊間仲同 Tommy 講左好多野，記憶中佢係咁問我凍唔凍。雖然仲係好暈，不過突然想逼自己清醒，一起身行左幾步就落大雨，全條街 d 人都無遮，不過我有，我地仲一人有一把，幾型。

酒醒，返屋企，沖完涼刷完牙都比阿媽聞得出我飲過酒，不過我唔認...算啦，大家心中有數。

>>October 23, 2005 at 6:13:10 PM GMT+8

2005 年 10 月 20 日 星期四 【晴】

上 pension planning，如果我記得今日有人黎講野，我會準時返學。覺得自己遲到已經好無禮貌 -_-，所以即使 眼訓到死，我一刻都無訓著過。
後面o個行 d 女仔極無禮貌，係咁 print 野，傾計超大聲.....一d 家教都無

Andy 自己定SOM project 個deadline 係今日上午十一點半，呢個同時係開會時間。佢不單止遲到，仲遲左半個鐘，仲要無道歉，仲要大條道理，仲要去買飯，(仲要尋晚早訓)可惡！

上哲學，眼訓到就快死。

開會，見到份 form 比 Andy 改到咁 "唔正常"，真係好想鬧佢。

返工，最後一日喇，阿靜特登留返比我出包，點知 Katherine 指明要新人阿如出。但係出出下，爆車，阿盈叫我入去幫手，天助我也。個架已經滿晒，(當中有盤小紅莓波)，我一接手，又有野出爐，係芝士波，大佬笑說：「真係一波未平一波又起呀......我已經出得好慢架喇」

大佬問我係咪聽日最後一日，雖然細節有 d 出入，不過總算知道我走，我已經好滿足。我地突然講起 d 好嚴肅o既話題：供樓....。其實我都唔係出得好慢o者，大佬竟然幫我手出包，真係好~從來都未試過....我好唔捨得大佬呀。我好後悔今日無帶相機，電話都照影啦，同大佬合照~好野

大佬今日走同我講拜拜呀~

今日清 coffee，拎 d 野入三文治房，見到棟碟上面有對豬仔筷子同豬仔橡根，開頭見到都無諗過係比我o既，只係奇怪點解公司會有 d 咁o既野...睇真 d，有張字條，原來係阿靜送比我架，o個刻呆左，估唔到我走，會有人送野比我.....多謝呀。

放工，原本 Emma，阿靜同阿盈佢地仲整左 d 三文治，話係歡送會喎.....d 三文治賣相唔掂架，不過真係好開心.....更加唔捨得......我無乜大反龐，只係我今日好努力咁冷靜自己.....真係非常多謝大家。
你話，咁好o既同事，去邊度搵丫？讀咁多書做咩丫？有份做得開心o既工，真係唔簡單。好彩好彩我做唔到 mentor，神o既安排，真係比我o既打算好好多，感謝神。

返到屋企，有件極唔開心o既事，我件白色豬仔背心比家姐條裙染到一撻撻，佢仲完全唔用腦用高濃度漂白水浸住下半截，黃晒............我真係好唔開心，好傷心！我o係廁所起碼喊左十分鐘......我好傷心，我都估唔到我咁重視件衫，我估我自己黃左都未必有咁唔開心，而家講起都悲從中來。我決定自閉一星期。

>>October 21, 2005 at 5:40:42 PM GMT+8

2005 年 10 月 19 日 星期三 【晴】

今日狀態好差，超級眼訓，專心唔到。放 break 昏迷左十五分鐘，聽到 Connie o係我隔離係咁講野，係咁問 project d 野，不過我都費事理，好辛苦！安安樂樂訓左十五分鐘，好左好多，不過自己話比自己知好支力，縱容自己唔留心聽書。

放 lunch，講到興起，想同Ami 一齊報渣打馬拉松，佢知道男女唔係一齊跑，話要叫男朋友扮女仔陪佢 -_-，大家都覺得佢應該放開佢男朋友，有些少自己o既生活，男仔邊度靠得住架？我就唔同呢，成日獨來獨往，幾型呀！星期六試跑睇下兩個鐘跑唔跑到十公里先報。又講到 sem break 可以一齊去旅行....唔知係咪真係去得成呢？

Connie 明明年年都有 full grant，佢份 part-time 又高人工，大家聽到佢 loan 左十二萬都好驚訝，問佢點解佢又隱隱晦晦咁：「唔好問啦....」我：「唔通你買晒倫敦.....定係寶藥呀？種金？」佢話尋日o係 maga sale 買左隻錶....我地就笑佢用左十二萬買o個隻表。戴左o個隻錶一日有廿六個鐘用....

派 SOM partial report-evaluation form，得4.5/10分，全班最低，好灰，爭在未喊.....即刻走堂開會。開開下又跑人去影班相，影完又走返出去，勁唔俾面 Dr Tso。我鍾意呀，吹咩！

開 S&P，有個分連跌三個 quarter 之後慢慢升返，好彩o者，company 4 d 後勁唔見左，我地推測佢地之前個分升左係唔小心 make 錯 decision....可以 ignore 佢地.....

o係 CSC 見到 EF o個個 Sunny，，佢個髮型係用 lego 砌出黎架。之前普通話同佢一組，開親會我講乜佢都 ban，我勁唔鐘意佢囉




係邊個話 EF d 男仔靚仔 d 架？

雖然好支力，都去做 gym，好悶。

件冷衫織得唔靚，拆晒由頭開始過

>>October 20, 2005 at 4:42:31 PM GMT+8

2005 年 10 月 18 日 星期二 【晴】

上 S&P，玩 IQ 題。"右邊細佬無得住"....Chris 開估時阿茹如夢初醒：「哦~」
比Chris 話佢似邪留丸，笑死

之前提過我有個好靚仔o既小學同學同我一班上 CCIV，(最近朝朝返學都o係樓下撞到佢，好彩佢呂認得我)今日佢o個組 present，我對佢完全改觀。我覺得佢好幼稚，一 d 都唔 pro，咬字極度唔清楚，虛有其表。得個樣都係唔掂架喇....悶死人，over run 左好多，阻住個地球轉，今日多左四個鐘。

叫餐，o個兩個女人同時一輪咀咁講佢地要乜，又改左好幾次，攪到我亂晒。阿榮出黎我扮見唔到佢，免得佢問我野。女人真係好鬼煩！阿榮同我一樣咁唔清醒，人地意粉唔要肉咪唔要肉囉，佢問：「點解唔食肉呀？」我都唔知點應好。

放工返到屋企已經唔記得左件蛋糕，好在家姐同阿妹提我。哈哈哈，食食下阿媽返黎，好野，有麥當勞雞翼食。

>>October 20, 2005 at 4:38:49 PM GMT+8