2006 年 6 月 30 日 星期五 【晴】

可惡！每日下午一點幾就有人打黎玩我電話，我都未黎得切唱歌對付佢佢就收線。可惡可惡可惡！最衰我係一個 well-mannered o既人啦，如果唔係就可以鬧佢。煩到死，如果唔係公司打黎都無來電顯示我就唔聽架喇。

黃大x，「噫好衰架」係你講先架，你竟然見到我用話想打我？我都話我好記性架啦。(唔響全朵，咁一半好未呀？)

第一"句" 生日快樂竟然來自馬來西亞，何志健。哈哈哈。之後就係好耐無 contact 過、好型o既阿 Roy 同學。估唔到你地記得我之餘仲記得我生日，多謝晒。
會長：「我偶像係咪好型呀？」
Roy：「你話型咪型lor」-_-
roy 說: 「係架，你俾人感覺mature,independent,reliable」呵呵呵...

我幫 Tommy 講：「得我最唔型o既o者.../ 佢地型晒啦....」
你影相o個時咪型囉。



>>July 1, 2006 at 1:08:20 PM GMT+8

2006 年 6 月 29 日 星期四 【晴】

又抽筋痛醒，發生咩事呀？係咪因為成日唔食野呢？

我一定係患上左抑鬱症，醫生話想我好返，就要乜都就晒我。即使我o既要求幾唔合理，都要好寬容咁迎合我。真架。

尋晚發夢自己發脾氣掟爛左 Tommy 個腳架，o係佢未黎得切鬧我我就離開左個夢，好彩我醒o者。今朝都未訓醒就收到佢 SMS，原來佢o係 Mr Wong 度返左黎。

我終於向朋友們宣佈左我o既喜訊喇。今天開始我o既漂牙療程，唔準飲綠茶以外o既茶！

又有人打 133 玩我電話 -_-，收遲 d 線你就死。我出絕招，唱歌比你聽，哈哈哈~

噫好衰架 XD，邊個鄰居放左 d 香水百合o係屋企呀？好鬼香呀，香死人喇，香到重傷~第時我自己o既屋企一定會放鮮花裝飾，可能有人覺得o徙錢，不過我就認為呢 d 叫生活情趣。

再難過o既日子我都已經熬過，再震撼o既說話我都消化左，我已經成仙喇。估唔到阿妹比阿媽更識諗。我問佢覺得做 McDonald's 點，佢回應：「無咩特別丫，最緊要自己開心o者。」Great！我決定自我治療，重身振作。

Yo，攞手信，好大樽綠茶茶葉呀~多謝晒。真係掃興，我都知我本身o既直髪係好引人入勝 XD，不過我覺得扎左辮好型喎，讚兩句都唔怕死啦你！千祈唔好對 la_la 吝嗇一兩句讚美，我會轟炸你好耐架！
「乜我今日套衫唔靚咩？(靚...)咁你做乜唔讚我呀？(-_-你今日套衫好靚喎...)叫你先讚，即係敷衍我啦，即係唔係真係覺得靚啦....blah blah blah」哈哈哈...

我扎左辮都日日有洗頭架！唔準掩住個鼻呀！>_< 一陣 d 路人真係以為我無洗頭影響我形象呀。

o係某快餐店，人物係一大班年輕o既男仔及一個中年婦人，仲有八掛o既我。
中年婦人獨自坐o係班男仔o既遠處，大聲講：「點解你咁大隻o既？」
無人理佢，再講：「點解你地咁大隻o既？你地o岩o岩打完波呀？」大隻？邊度邊度？我都即刻昅下先，都無乜特別o者。
都無人理佢，再講：「今晚有波睇喎，你睇唔睇呀？」我印象中班o靚仔望都無望過佢。我當時得一個人，故此我忍住唔大笑，我偷偷地笑。嘩佢都真係好悶，佢契而不捨係咁講：「十一點睇唔睇呀？」「咁三點睇唔睇呀？喂四眼仔...」
我唔再理世俗o既眼光，一個人坐o係度係咁笑，唔係唔笑呀？然後我即刻用我隨身帶備o既記事本記低呢件事。希望我唔會有一日寂寞到咁o既地步啦。

噫....「我年頭講o既野係真架，我真係好驚好驚飛蛾架....嗚嗚嗚」嚇死我喇，咁鬼大隻，又飛得快，對翼拍下拍下好似就甩咁，好恐怖呀！我鄭重聲明，如果大家某日返回天家諗住黎見我最後一面，請唔好化身飛蛾，我實在係非常非常非常驚飛蛾。如果掛住我，化身做隻雀仔又好，貓狗都好，唔好係昆蟲。

我咁驚係因為我覺得佢地好脆弱，我想像唔到生命點解可以脆弱成咁。夠喇，好辛苦呀，個心又痛喇。飛蛾同我聽住，我唔要再見到你！

去捐血，吉左手指發現血紅素唔夠，簡單 d 講係貧血，無得捐。姑娘比本有關血紅素o既小冊子我，我真係睇架。應該係唔夠鐵質同 Vit B12。可以理解，因為我近一星期"胡亂節食"同埋"進餐時喝茶令身體難以吸收鐵質"。要飲蘋果菠菜汁，好似好型咁喎。不過我係唔會飲，我係唔會改架....雖然今日好幾次企唔穩。而且我仲明知空肚飲茶會令血糖急降都照做。我係咁任性架喇....不過我想捐血呀....

捐血中心o個兩個八十幾歲o既婆婆，我估係義工啦，佢地令捐血者有賓至如歸o既感覺，令你覺得自己真係好偉大，好熱心，好有貢獻。佢地兩個好專業啊！

去攞眼鏡，今日睇又好似唔好睇咁o既？

又去左 Game cyber(無記錯掛....)，嘩返到屋企終於頂唔順，拆辮，好大陣煙味，我要徹底咁洗下頭。

>>July 1, 2006 at 10:43:40 AM GMT+8

2006 年 6 月 28 日 星期三 【晴】

我估尋晚訓覺抽過好多次筋，今朝起身兩隻腳條筋都好痛。

又唔落雨，我想今日落雨呀！妖，你真係落個喎 -_- ，我把遮咁細....

阿 Tim，多謝您！幾日以黎，同你講o個十幾分鐘算講得最開心，you are ten-feet tall to me~我都唔想咁樣收你線咁衰架，不過偶像打黎，唔係唔收你線呀？你七月五號生日，o個日第一次出糧，係咪好應該請我食餐飯，比個機會自己比我同你慶祝呢？(講到你都以為自己想，覺得好合理)，我知你想o既....

我好想擁有一隻會照顧我又唔洗我點照顧o既狗，我真係會好鍚佢架。不過唔好喇，我驚佢會死得早過我，我會好傷心；我又驚我會死得早過佢，我會好擔心無人照顧佢。如果有個咁o既男朋友係咪仲好呢？情況都係一樣，人始終難免一死。點解萬物要建立可以牽動感情o既關係？好自然咁建立完，即使無被人為破壞，最後又會好自然咁分開，Why？Why？Why？

死喇，我條頸痛返，我要請個跟身按摩師。XD

>>June 29, 2006 at 7:32:31 PM GMT+8

2006 年 6 月 27 日 星期二 【晴】

妖，落大雨比雨淋醒，起身關窗。我實在提唔起心情做任何野....可能我 太眼淺

yo，停雨，係時候去旺角銀行中心做 medical check....(我美化左呢件事，我同家姐唔係咁講架 XD)

我唔想咁早返屋企，如果有人o係我返屋企前約我去玩就好喇。我出發 lu (01:08 pm)

我好型呀，o係地鐵站挑釁一行十幾人，單挑，勁摟打。我都知我當時塊面黑晒，不過我本身已經燥，佢地咁大堆人，排開晒咁行又行得慢，阻住晒我o既去路。la_la，你都唔知個死字點寫...平日o既我唔會咁架，我變喇。

嘩，d 姑娘無禮貌到丫，態度！洗唔洗驗咁多野呀？仲要照肺，要人除衫，我嗌架 -_-，好煩，無預過要攪咁多野。嘩，醫生讚我叻呀~醫生叫我拎轉身撥起 d 頭髮比佢聽肺，跟住佢讚我 d 辮靚喎，佢問我係咪要整好耐，我話自己整都只係個幾鐘，佢好 surprise 咁話：「嘩，你自己扎架？你好叻喎...」係尋日到而家，我第一次笑，第一次真係覺得開心咁笑。不過都維持唔到幾耐。

今日o係街經過 d 鏡，我唔敢望自己，我覺得自己今日個樣好恐怖，雙目無神，完全無表情....我唔認得鏡裡面o既人。

我今日自己記得食 Vit E。最近第一次聽張國榮o既《不想擁抱我的人》好好聽。
我呢，好好記性架，我記得人地應承過我o既任何野，如果我好肯定咁話你食言，就一定係你食言。我唔理因為咩原因，總之你食言而唔嘗試主動作任何解釋，就係你錯，不過我嬲唔嬲係我o既事。

>>June 28, 2006 at 4:30:30 PM GMT+8

2006 年 6 月 26 日 星期一 【晴】

點解？我咁大個人就係唔可以自己決定自己行邊條路？由細到大，我未得到過屋企人任何支持。我想玩音樂，你地唔比，你地話我唔掂....我有自己想做o既野，我自己比晒所有學費，band 費，呃你地話唔洗錢，只係想你地唔好阻止我。你地為我著想，但就從來無關心過我，無試過由我o既角度睇野。

我係咪真係咁無出息呀？身邊o既同學朋友話我叻，經理讚我做得好，都唔夠，我都唔開心。我想得到屋企人o既支持呀。我一直都唔出聲，其實我好介意你地成日咁潑冷水。

好唔開心，九點幾就走去訓，十點幾就醒左，訓唔返....個心好痛，係咪飲得過多茶呀？我今日全日只係食左一餐，唔肚餓，亦無乜胃口...食一餐係因為我本來諗住扮出街食，唔同屋企 d 人食，咁自己就出街食 d 無聊野。但係個天玩我，我結果無出街，不過為左啖氣我又唔想o係屋企食呀，所以我就去訓。

Tommy 去左 Mr Wong 度，無人提我食 Vitamin E，我日日都唔記得 -_-

知唔知點解我咁唔開心丫？係因為我真係好唔開心。重複睇左好多次今日寫
o既野....我今日睇過我張出世紙喇，原來我o既親生媽媽係姓石架，石頭。

>>June 28, 2006 at 1:47:50 PM GMT+8

2006 年 6 月 25 日 星期日 【晴】

阿 Tim 侮辱我偶像話說我o係 MSN 放左尋晚同阿恆o既合照
Tim：「咁似成龍個仔?」
la_la：「佢型過成龍個仔好多!!!!!!」
Tim：「啲人都話我靚仔過湯告老師好多」
你收皮啦！我唔準你咁講...哈哈哈！

好多人懷疑我憑乜野話自己係先知，我就鄭重咁話比大家知！就係憑：
我透徹得似水晶一般o既洞察力
我無肄懈可擊o既邏輯推理
我準得令人覺得恐怖o既直覺
我絲毫不存在o既羞愧感及罪惡感

Tommy 同 uncle 去Mr Wong 玩五日。(黃山)

之後去我配眼鏡o個度搵下有無我用開o既 con 藥水，原來轉配方，最快八月先有，咁我點呀？我用晒喇.....順手睇下 d 眼鏡，我想配過副，而家o個副都成四年喇....嘩，原來咁耐。個老闆 nice 到不得了，由於係樓上舖，無乜人，佢跟足我全程同我介紹，我幾乎試晒所有框 -_-。由於深近視，又想戴玻璃鏡，無得配我最鍾意o個款，最鍾意o既永遠都比 d 外在因素分開 -_-。好啦，退而求其次。後來有第二個客人，老闆走左去招呼佢，我就自己睇啦，跟住有個員工返左黎，又跟住我係咁建議 d 框比我，又係非常 nice o既。本來我只係想睇下，但最後都配埋，服務太好，價錢太抵 ！我近視好深，一隻六百幾，一隻七百幾，仲要有百幾二百度散光，三百蚊都唔洗，無野好講啦。係呢間特別平定係只係因為係上樓舖？由於我之前o係度配過 con，有 record，十分鐘都唔洗已經走得。客人自己本身的確會受惠於 customer loyalty。

>>June 26, 2006 at 2:24:55 PM GMT+8

2006 年 6 月 24 日 星期六 【晴】

點解條頸仲係咁痛o既？睇黎我要調返轉自己訓喇。(近日頭同腳調轉左)

返城大清 locker，咁熱咁曬真係唔想出街。原來係有咁多野架！等我仲拒絕晒所有想幫忙o既人，今次數仆直喇。有三本書，係大學教科書，本本都幾寸厚，仲有一盒月用品，兩個羽毛球，幾科o既 notes。重到死，係呀，死呀。或者重到重傷啦。落 CSC print 多幾張 la_la工作室制作o既行事曆。

上環文娛中心原來o係深山之中，要經祕道先去到架。我問左三個人先去到。地球環繞太陽行左一圈先有得入去，(簡單 d 講，"企左一年"，我諗住營造 d 攰o既氣氛之嘛)，攰死人！

今次我終於覺得指揮型喇，佢講野係好笑喎，同我差唔多咁啦。嘩嘩嘩，trombone好聽到不得了！！

多...謝...朱...穎...恆...，個德國特別版鎖匙套。(要用小學生講：「老...師....早....晨....」o既速度講。)
朱穎恆今日套 suit 好型呀！

>>June 26, 2006 at 1:22:40 PM GMT+8

2006 年 6 月 23 日 星期五 【晴】

lau 家姐去行街，我買左超多野囉，今日買野好似唔洗錢咁，不過實際上又要比錢喎。d 幻覺可唔可以再真實 d 呀？之前睇中左對 puma 鞋，雖然好鍾意，不過覺得貴左 d，曾經揚言有 offer 就買比自己。而家有 offer，仍然唔係好捨得，算啦，呃人就話唔好o者，呃自己，我慣架啦。有時，鍾意都要面對現實。冷靜與熱情之間......

由於面對現實，我變左心，買左第二對，都係 puma，好似麻包袋咁o既。仲買左個 le coq sportif 袋，一對斯文到不得了o既皮鞋，一件無聊衫，兩件我搵左好耐先搵得返o既打底背心。嘩，呢兩件野真係得來不易，好耐之前買左一件，極鍾意，不過而家開始舊，想買返，搵左好多地方都無，搵過銅鑼灣，灣仔，旺角，長洲，赤柱，今日o係葵芳搵到，好野，果然所以野都順我意。o個件無聊衫本來都係猶豫緊買唔買，不過個 sales 好 nice，仲好靚，最後我就買左喇。

>>June 23, 2006 at 6:02:20 PM GMT+8

2006 年 6 月 21 日 星期三 【晴】

我返黎喇，係咪好掛住我呢？

一早起身出沙灘睇日出，天文台話五點八日出，我地五點已經 set 好相機，一路等一路用電話播住《最愛是誰》o既音樂，嘩，好有 feel。都頗多雲，結果都睇唔到。臨日出有舊大厚雲飄過黎遮住晒所有野，我坐左個幾鐘架，頂你！飲早茶，返去訓。

十二點交房，食 lunch，搭車去長沙。一上車問司機，坐我前面有個男仔，小學生聽到，好主動咁幫我地。佢問：「你地而家去定遲 d 去呀？」唔係好明佢o既問題，我地而家搭車，梗係而家去啦。佢話：「去到我話你地知啦，不過我唔知我會唔會訓左覺架。」我覺得佢好得意，la_la：「你訓啦，我問司機得喇」佢話咁快就訓著左，哈哈。到左，司機同我地講，可能小朋友太想幫我地，佢即刻醒左，咁我就同佢講拜拜喇。個小朋友真係友善喇，佢一定係大嶼山親善大使，即係我 d friend 啦。

行塘福沙灘，已經算好靚。再行，就去到我恨左好耐o既長沙，d 旅遊書話長沙係全港最靚o既沙灘，有三公里長，d 沙又幼。嘩嘩嘩，好大o既沙灘呀！雖然個灘好長，不過好淺。好少好少人，好多蟹仔。佢地行得超快，係超級快！計埋腳佢地得一吋半倒，不過行得快過人。我稱之為，「鐵掌水上飄」。我嚷住要個寶貝螺，結果就真係執到個寶貝螺，好野。

行左好耐，行埋長沙就走，上到車，隔離有個得意到不得了o既 bb，應該都有一歲幾，有牙仔喇。嘩，得意到不得了，好活潑，不過好乖好靜。嘩，我好鍾意佢呀！好想同佢玩，不過佢媽媽似乎唔太想，算啦。離島 d 小朋友特別得意！

>>June 22, 2006 at 5:38:44 PM GMT+8

2006 年 6 月 20 日 星期二 【晴】

又入 camp，今次去梅窩

梅窩 d 警察又講粗口又食煙，又唔 fit，唔型！行鳳凰徑，行左頭一段，一路係咁上斜，超攞命！不過其實只係一直o係石屎路行，好頹。經過個公廁，d 洗手盆o係外面o既，有個水喉長開，我特登走過去關，真係一個好市民。

好鬼熱，勁出汗。不過好彩天氣唔錯，無落雨，少少曬。o係山上望返落去見有 d 野行下，所以落左山就行入 d 村落。嘩，有間大石屋，似係荒廢左，不過寫住私人地方，唔比人去云云，仲有隻黑過夜空o既黑狗看守住。請我都唔敢入去，淆底。如果影相，可能會見到"多左 d 野"。快 d 走人！當我仲睇緊間石屋，聽到背後有 d 怪聲，好似牛o既叫聲。因為過石屋前見到隻狗，我聽到 d 聲回頭望又只係見到隻狗。我問：「點解隻狗叫到好似牛咁o既？」掉頭走，發覺原來有一群牛唔知由邊度走左出黎，有大有細。雖然 la_la 嚷住要同牛合照，不過又其實好驚佢地，唔敢行埋去。

夜晚出沙灘睇星，都唔算太多雲，今次訓o係度睇，好似仲多星過上次。我今次要脅 d幫我實現我o既願望：「bla bla bla.....如果今晚比我見到流星我 d 願望就要實現。」由於未有新o既願望，咁照舊啦，仲有我要 McDonald's 個 offer。啊，我見到超過三粒，就咁決定啦。點解 d 沙可以訓到人咁辛苦架，條腰超痛。

睇星睇到兩點幾，訓 lu。

>>June 22, 2006 at 5:37:00 PM GMT+8