2006 年 6 月 19 日 星期一 【晴】

扭親條頸....嚴格黎講係訓親，訓到重傷。一起身即刻沖涼貼撒隆適，無乜用，因為已經傷及五臟六腑。好痛呀！

Final interview，極度緊張。早左四十分鐘到，o係 McDonald's 食杯士多啤梨新地先~明明係士多啤梨味好味過朱古力味，不過我以前成日凝住自己鍾意朱古力味。下次提我食士多啤梨味丫。千叮萬囑叫自己小心 d，點知聽個電話就滴左一大 pat 雪糕落條裙度 -_-，論盡到爆！ XD

McDonald's d 管理層有個好得意o既 culture，就係無論咩情況要坐低傾計，第一句：「要唔要飲杯野呀？」

我聽日又入 camp 喇，唔洗掛住我 XD 今次如果見到流星我叫佢比個 McDonald's offer 我先，生日願望等唔切喇，同埋我五月已經預支左喇。

>>June 22, 2006 at 5:34:40 PM GMT+8

2006 年 6 月 18 日 星期日 【晴】

今日黎整雪櫃o個個人 excellent 呀，態度好，睇落專業，好快搵出問題，而且好到不得了：「有無濕布呀？呢個位好難抹架，我幫你抹下佢」平日維修乜都好，我都習慣斟杯野比人。可惜今次雪櫃壞左，無得搵 d 飲品招呼佢，斷估佢都唔會好似我咁變態，大熱天時想飲熱茶掛。
好驚聽日個 interview 呀！大熱天時要 formal attire 真係辛苦。

Tommy send SMS 黎：「聽日 in 埋個 terview 你就係麥當勞大家姐喇」-_- 影帝式說話法。(eg. B 緊 BQ，pre 緊 sent)

今日用大棉花糖代替糖奶沖咖啡，都 ok 喎。

>>June 19, 2006 at 10:25:39 AM GMT+8

2006 年 6 月 17 日 星期六 【晴】

我地係租八人房架，不過得兩間雙人房加兩張梳化 -_-。我唔想同o個三個一 d 都唔熟o既女仔一齊訓，所以我決定訓梳化。嘩，一張梳化有四個人，另一張有兩個人 -_-

成日踼到康仔隻腳。唉，好似逼地鐵咁。我見到大家咁訓，忍唔住係咁笑，其實大家都覺得唔訓好過，結果我地就起身玩啤牌。 cum 綿胎，玩過前一後一、前二後二，次次我都係開頭走勢凌厲，最後又大部分牌返晒我度 -_-。由於已經六點幾，我地忍笑忍得好辛苦，忍到流晒汗。la_la 提議出去飲早茶，咁我地就去喇。抵到不得了，每人都只係十五個半，野食又 ok。返去訓覺，太攰喇，訓得辛苦都照訓。由七點幾訓到十一點半，每次我醒左周圍望，都覺得好恐怖，好似人地一堆人燒炭咁。

十二點正交屋，部分人走，部分人去飲茶食晏，去返o個間。康仔竟然記得我今朝飲茶講過我鍾意食菜肉包，特登拎左一籠比我，真係好喇。

尋晚有三條友無沖涼，強者，Kilian 同埋隊長，好污糟呀！佢地話 Kilian 係而家全中大拉車 (cello)最勁o既，so what？竟然唔沖涼？！

>>June 18, 2006 at 3:11:54 PM GMT+8

2006 年 6 月 16 日 星期五 【晴】

入 camp，有 Tommy，康仔，Karen，Kathrine，憬怡，Kilian。夜 d 有 Kelvin，強者，影帝，隊長。

等人期間我地去玩野晏 d 燒野食。買野飲，真係比佢地吹漲！飲利賓納？！

燒野食，一個二個怕熱，燒左一陣就走晒入屋嘆冷氣，頹摺(TJ)！得我，康仔，Kilian，Tommy 同強者作戰到底。佢地話隊長個女朋友叫 Piglet，la_la：「下？但係 Piglet 係我男朋友黎個喎。」

我一入到屋，覺得即刻要沖涼，感覺到自己好大陣汗味，雖然都無班男仔咁臭，不過既然無人去，我沖先一陣唔洗同人爭，仲好。

開西瓜食，實在太好喇，個人嚴重缺水。睇左陣電視，出沙灘行下睇星。強者訓左o係 Kelvin 個肚，Kelvin 大叫：「好嘔心呀，有個男人訓左o係我個膀胱度...」本來都唔係好嘔心，佢一講完大家都覺得好嘔心。

最後，我真係見到一粒又光又行得慢o既流星。當時係我一生人之中第一次聽到自己尖叫。肯定係流星唔係飛機，因為佢地個個都大叫。

>>June 18, 2006 at 3:09:49 PM GMT+8

2006 年 6 月 15 日 星期四 【晴】

小 Tim Tim 個 Xanga，簡直係笑話！
「保險公司推出的新計劃層出不窮，顧客除了由頭到腳都可以投保外，荷蘭一家保險公司更推出另類保險，當中最騎呢的要算是『戴綠帽保險』及『被外星人綁架保險』。

我亦正考慮投保一個『不再英俊瀟灑保險』。」

妖，你幾時英俊瀟灑過呀？定係你已經 claim 左錢喇？

豬仔你快 d 變做人，用你對好得意o既腳走入我o既生命。

去幫家姐買海洋公園飛，順手買芒果糖。o係銅鑼灣周街行，太嘈，太多人，行維園，行左去個唔知通去邊o既出口，原來係炮台山。跟住又行返過銅鑼灣，真係好悶，正當我o係天后想過馬路，回頭望下有無車，竟然見到阿恆o係我後面。喂，係咪等左好耐呀？車，見到我又唔叫我，好唔想比我見到你咩？下次我扮睇唔到你呀！

>>June 16, 2006 at 5:54:06 PM GMT+8

2006 年 6 月 14 日 星期三 【晴】

今日心情好好，因為 d 頭髮好滑，係呀，我咁就會開心架喇~

落惠康行下，特登著件外套先去，都係覺得好凍。低能架？浪費能源！哈哈哈，唔知發生咩事，我突然有好多散銀，最憎！我數左十九蚊散銀買野，過份到係一個五蚊，兩個一蚊，其實全部兩蚊。個收銀一定想打我一身喇。

沖咖啡....我又失敗左喇，其實都唔算好難飲o者，哈哈哈！又令我諗起 d 電視劇情節。

明明用繁體中文打，點解要用簡體中文睇架？哈哈哈哈，la_la 寫 d 野好無聊，好！証明我已經回復狀態喇。

想沖杯綠茶，但係心不在焉，落錯茶葉，真係唔開心。我飲親水仙都會作嘔，而家好辛苦。我要拎 d 茶葉去釘十字架，罰佢地。

"懂得喊痛，痛楚是會被嚇走的"，想大叫嗎？叫吧！我想唱 k 多 d！都係唔好喇，不如你地唱歌比我聽丫~

>>June 15, 2006 at 4:19:25 AM GMT+8

2006 年 6 月 13 日 星期二 【晴】

煮飯，煮左個奇怪到不得了o既送，菠蘿、洋蔥、蝦、豬肉煮埋一齊，唔難食，不過好無聊。

右腳膝頭好痛，可能呢幾日行得太多。搵極都搵唔到個護膝！好痛呀，企一陣都有困難。今日終於得閒磨左包 Starbucks 咖啡豆，聽日一定要沖。

好無聊，全日係咁打機，其實好悶，不過無其他野玩。佢地又話去沙灘，得個講字。好掛住樂樂，好耐無見過佢喇。

我懷疑自己係透明架，又或者其實世界上根本無我，有無人見到我呀？

哈哈哈，知唔知六月廿九號咩日子丫？答中你話乜都得.....都係唔好喇，答中有獎算啦。獎咩好呢？同你合照，幫你簽埋名，就咁啦。vice versa。

到而家，我對於上年o既生日仲有一個疑問，不過我諗我唔會問，免得自討沒趣。如果要講，應該已經講左，既然唔諗住講，我亦唔應該問。

就快到國際豆漿月，為紀念黃豆之父─Baidouming Kwanni 發明新黃豆培植方法，所有人都會o係七月狂飲豆漿慶祝。我都應下節先~ XD

>>June 15, 2006 at 2:57:30 AM GMT+8

2006 年 6 月 10 日 星期六 【晴】

I need someone to talk to, but everyone just ask me to take a rest....

>>June 11, 2006 at 2:37:02 PM GMT+8

2006 年 6 月 10 日 星期六 【晴】

我已經放返六號到八號o既日記出黎喇。過晒 OJE，已經唔係祕密。

女士注意：
此項四年一度，為期一個月的活動，可以讓你和男朋友發生許多不可預計的事。所以你首先要知道一些最基本的知識：
今年世界盃在德國舉行。
　
比賽時間在晚間至凌晨舉行。
　
今年最有機會奪冠的分別有巴西、荷蘭、意大利，和你男朋友支持的隊伍。
　
英格蘭球星是有碧咸。但如果你告訴你男朋友，你喜歡林伯特或謝拉特，你男朋友會較開心，因為他會覺得你是喜歡有實力的人，縱使那人並不靚仔－就如自己的情況一樣。另類選擇是英格蘭前鋒高治。你告訴你男朋友你喜歡高治是因為他「得個高字」，你男朋友會笑得很愉快～
　
請不要在賽事中途說「都唔知點解，十幾個人追住個波走來走去」，你男朋友一聽絕對會發火，小心。
　
往後一個月，你男朋友只會記得今晚及明晚賽事的時間和對賽隊伍。請不要在此其間考他記性，例如，問男朋友記不記得六月份的某一天是什麼日子。就算那天是你們的拍拖紀念日，也請不要問，因為如果他答你「十點鐘，巴西對荷蘭！」多麼傷感情！
　
雖然是委屈了你，但四年一度，請你原諒。你最想見到男朋友的時間，通常就是開波的時間。你男朋友會盡力安排時間的。四年一度，你將就一下他吧。
　
續上題，你最想和男朋友通電話的時間，通常亦就是開波的時間。
　
如果，你男朋友興高釆烈和你說一大堆外籍人名、戰術分析和專業術語，再加上事後孔明和馬後炮，四年一度，聽他說說吧。不明白也不用問，因為他也不知道自己在說甚麼。你只要聽完給他一個「你好叻喔」的表情，世界盃後你就會有美妙回饋。
　
你見到男朋友的時候，他都是未睡醒的。不用問候他，世界盃後自然會復原。
　
如果你男朋友支持的球隊出局，也不用太擔心他。每隔四年他支持的球隊都會出局，他已習慣了。

>>June 11, 2006 at 3:19:32 AM GMT+8

2006 年 6 月 4 日 星期日 【晴】

Go to bed at 2 am, wake up at 7:45 am, extremely sleepy!
Go to Ocean Park with Tommy's family. Uncle do not allow me to pay even a lunch....超唔好意思，佢話等我搵到錢先喎.....That's why I don't really want to go today....

So tired....sweat a lot....so smelly!!!

Start with McDonald's breadfast, end with McDonald's ice cream...

>>June 5, 2006 at 10:53:17 AM GMT+8