2006 年 6 月 3 日 星期六 【晴】

豐澤店員介紹緊個望遠鏡：「又可以睇雀仔，又可以睇女仔，鍾意睇埋男仔都得...」好好笑，我又買我又買。

>>June 4, 2006 at 5:00:22 PM GMT+8

2006 年 6 月 2 日 星期五 【晴】

成十點幾先起身，而家十一點七就已經覺得好眼訓。

Piglet 比人妒忌呀，算啦，不招人妒是庸材，piglet 生得咁得意就預左架喇。唔好憎 piglet 啦，piglet 都無憎你啦，佢會唔開心架。

呀，好眼訓，我都係去訓晏覺先。(11:50 am)

都未訓著已經起返身，因為好想放隻歌落電話。攪攪攪，跟住就唔眼訓。好想飲 d 水/茶以外o既野，無喎，得 d 唔凍o既可樂，咁唯有去雪櫃斟杯酒飲啦，點知坐低正想拎起黎飲，就唔小心倒瀉左，全身都係。杯酒其實就斟左好少，唔知係神跡定乜野，可以令我裡裡外外，衫褲都濕曬，頂！仲要拖地同抹返兩對鞋，好好玩咩下？！

無聊得滯，執自己個衣櫃，丟左好多衫，多左好多位。(其實又唔係好多o既，可能多左位係因為整齊左。)熨左好多衫，嘩，熨衫實在太難喇，熨到人都癲，呢頭熨完前面，一陣熨後面前面又縐返。由於唔鍾意/唔識熨衫，有好多衫好耐都無著過 -_-。

>>June 3, 2006 at 6:40:43 PM GMT+8

2006 年 5 月 30 日 星期二 【晴】

會長 說:而家呢d 時勢,海灘夜晚危險
Crystal ........... 說:都可以wor.. 早d lor
會長 說:c poon 呢
Crystal ........... 說:why danger?
會長 說:唔知呀，聽講有食人族
斯同學 說:會食左邊個?
Crystal ........... 說:去探險lor..haha，應該cpoon 最危險wor..
會長 說:"食人族：我諗o個個小學生好味 d...小學生無壓力"
會長 說: 即刻offline！唔好o係...唔好o係線上！(我癲左)
la_la o係 msn 怒扮人講野：
聽日唱 k
會長 說: 斯同學 說: 小 PAUL PAUL，我地唱xxxxxxxxx lor....
會長 說: Crystal ........... 說:好呀，我又唱
會長 說: 斯同學 說:你收聲，即刻出去，唔好o係.....唔好o係間 k 房度
斯同學 說:......................
斯同學 說:個project可能會無左A+
Crystal ........... 說:why??
斯同學 說: 因為我地個tutor比得太鬆, 會adjust返, 可能會無左A+....不過我個project都唔係好值A。唉...無3.87喇
會長 說: 斯同學 說:得3.88咋....激死人。我要3.87 家嘛，我唔理，你快 d 扣返....即刻
Tommy o岩 o岩加入
會長 說: tommy 你尋日有無睇有線新聞
Tommy 說: 無，咩事
斯同學 說:上網都可以睇
Tommy 說: 尋日無線新聞有咩睇？
會長 說: 新聞好似話有個城大女生因為拎唔到3.87，拎左3.88，持刀脅持張信剛
Tommy 說: 調轉下嘩 =,=
會長 說: crystal 係咪睇過呀
Tommy 說: o個0.01好緊要咩？影響first hon?
Crystal ........... 說: 係ar..
會長 說: 無調轉
Tommy 說: 張信剛係乜水？點解佢想拎低d？
會長 說: 佢話點都要3.87
Crystal ........... 說: 仲對住d 人話"你有壓力, 我有壓力"要減到3.87 ar
Tommy 說: o個個女生係唔係你地其中一個？
會長 說: 張信剛，cityu校長
會長 說: 唔係我
Crystal ........... 說: 都唔係我
Tommy 說: 下???!!!! 咁容易搵到個校長挾持，早知我都入城大。個個sem挾持一下佢，4.0畢業
會長 說: 張信剛....... 說:又係你？
講是非
斯同學 說: 你地有無睇過d poon xanga?dood 到爆
Crystal ........... 說:"技術平平的我十分滿意被編入中音, 而有 謝醫生, 世界第三 和 現役全港最強女口琴手 負責一音, 和前世界冠軍 英重五重奏 的成員負責長笛, 低音和首席中音, 要在亞太口琴節大合奏組別比賽取得獎項該不成問題!"
斯同學 說: gap到爆
Crystal ........... 說: 全港最強女口琴手 << saying u ar.. CPOON
斯同學 說: camay ja....我係最強女 hea 口琴手
會長 說: 我係最強女口琴助手
Crystal ........... 說: 我係最強女口琴手經理人
會長 說: 我地都係最強，yo
斯同學 說: 何伯係, 最強口琴駁手大師
Crystal ........... 說:俾 lok 知道又叫佢世界第三.. 真係士多啤梨佢都有份
會長 說: hkl係強口琴相撲手
斯同學 說: d poon係最強口琴口水大師

>>May 31, 2006 at 6:37:07 AM GMT+8

2006 年 5 月 29 日 星期一 【晴】

係咪低能架？日日都有人 search "starbucks written test" 而入左黎.....唔係以為會有 tips 呀？你們的腦是用來裝飾嗎？(.jpg)

細個好飲麥精，因為我見佢啡色，所以一直以為係朱古力味。但事實上佢又一 d 朱古力味都無，所以我唔鍾意。大個左，仲要真係好大個先知麥精唔應該係朱古力味，所以就唔憎喇。今朝，打開雪櫃，見到支雀巢o既飲品，又係啡色，我又以為係朱古力味，一飲，差 d 噴返出黎，又係麥精，仲有燕麥片，感覺就好似飲人地嘔出黎o既野咁。

大懵到暈，記錯 written test 個時間，成日以為五點開始，點知一點九先發現其實係三點至五點。即刻用畢生最快o既動作 dress up，兩點零六分出門口，無車，乜車都無。落中央圖書館搭 23 跪，少塞車。有絛友由上車開始問我隔離個中學生，美國領事館o係邊落，佢唔知。之後絛友又問另一個女人....好煩！可唔可以收聲呀？
問：「美國領事館o係邊個站落車呀？」
答：「金鐘遲一個站」
問：「金鐘前一個站？」
答：「金鐘遲一個站...之後呀，金鐘之後一個站」
問：「哦，金鐘遲一個站。你係咪o個個站落呀？」
答：「唔係，我o係金鐘落，你遲我一個站落」
問：「哦，前你一個站落.....」
答：「遲一個站呀...」
小！佢地重複左一千四百七十二次.....煩！終於到左佢落車o既站，司機大叫：「美國領事館喇...」條友郁都唔郁，繼續坐o係度，又周圍問人：佢終於肯起身喇，行到車門，企o係門中間，又問：「呢度係美國領事館拿？呢度係咪美國領事館呀？美國領事館係咪呢個站呀？」終於死落車，又望返住架巴士，再問：「呢度係美國領事館拿？呢度係咪美國領事館呀？美國領事館係咪呢個站呀？.....(fade out)」問左一兆次。

之後有個細路，一上車就怒喊。覺得喊得唔夠大聲，再喊大聲 d，都唔夠，再大聲 d....頂，好煩呀！

個天咁鍾意玩我o既，要我記錯時間，(陳小姐，你姓賴架？)，又比我及時發現。比我及時發現，又要塞塞地車，要我遲到。ok，落車跑樓梯，跑斜路....頂，highheels.....new balance 或者 puma 有無出高踭鞋架？

好彩，雖然遲左，不過未開始。嘩，個 speaker 好得呀！佢好似氹小朋友咁，答問題或者問問題有紀念品呀。我鍾意佢呀，好靚，(overall)，好似.....童話裡面o既仙子咁。我鍾意 d 當我地係小朋友咁對待o既人。

What the fuck!!!!!
我自己已經食左飯，一入到門口衫都未換家姐就叫我煮飯。算，念在你今日幫左我，煮飯都無所謂。但係陳嘉利乜都唔做，o係度玩，平日佢負責煲飯，今日唔叫，就唔煲，玩玩玩，我換好衫諗住開始煮野，見周圍都係未洗o既碗，飯又未煲，火都黎埋，仆街，我唔返黎你地食屎呀？我由聽日起唔！會！再！煮！飯！(收皮啦，聽日實死死地氣咁去煮...約我出街食飯丫~咁我咪唔洗煮囉。)

話親佢乜野就：「我平時都係咁架啦」「媽咪都未鬧我呀」好，你咁講，我以後唔洗講野啦。媽咪擺到明乜都偏幫你，佢實唔會鬧你架啦，佢會鬧你都唔會攪成今日咁。

>>May 30, 2006 at 3:51:22 PM GMT+8

2006 年 5 月 28 日 星期日 【晴】

「本來想請你食兩粒芒果糖架，不過拎出黎o個刻覺得都係比一粒你算啦，另外o個粒留返比自己食，哈哈哈」

比人笑 ，咩喎，咁係好想食丫嘛XD

Carol 呀，你仲係唔係返緊灣仔分店架，我尋日四點去又撞唔到你。我見唔到你訓唔著呀....哈哈

>>May 29, 2006 at 1:33:57 PM GMT+8

2006 年 5 月 27 日 星期六 【晴】

沖咖啡，嘩，真係好難飲。每次沖兩杯就一定失手，都係注定我唔可以沖比人飲。睇電視咪好興男主角送女主角返屋企，跟住女主角留低男主角：「入黎飲杯咖啡先啦」跟住，佢地就飲，本來好浪漫o既環境，一下子有幾條黑線由男主角個額角垂落黎，佢心諗：「嘩，呢杯咖啡，點解可以咁難飲o既？XD」跟住佢地從此無再見面....真係悽美。

Kate 估我叫咩名:，笑死我。
會長 說: why you know is chan X ting?
L'Arc~en~Ciel 華 __|¯¯¯| ● (￣□￣")/ 說: 你e-mail 有ting。俾我估下x .......
會長 說: imagine tingcube means what
L'Arc~en~Ciel 華 __|¯¯¯| ● (￣□￣")/ 說: 哦，芳?
會長 說: cube wo
L'Arc~en~Ciel 華 __|¯¯¯| ● (￣□￣")/ 說: 正方體
會長 說: yes
L'Arc~en~Ciel 華 __|¯¯¯| ● (￣□￣")/ 說: 正?
會長 說: or ^3，ting ting ting。tingsquare originally,but too long and someone use already
L'Arc~en~Ciel 華 __|¯¯¯| ● (￣□￣")/ 說: 次方
會長 說: tingX ting=.....，just guess
L'Arc~en~Ciel 華 __|¯¯¯| ● (￣□￣")/ 說: ............3 婷.......2 婷......次婷.......體婷..........唔會係其中一個呀可，立婷......方婷........好難....乘婷.......
笑死我，笑到抽筋。大佬呀，你個腦用咩做架？

轉載咋，唔關我事。
8句女人最憎的說話 ( 唔知大家覺得邊句最中呢?)

1‧你咪咁小器啦！

女人點解憎：

小器是女人擁有但又不想認擁有的特質，你明寸佢？等開拖吧！

男人說這句話時通常笑笑口，點解？因為知女人唔岩聽？明知不應說但堅持說出來，就是撩交嗌？

男人說這話前通常已說完「嬲完未呀？」、「唔好嬲啦？」之類的話，但游說不果；唔識?人就賴人小器，屙屎唔出賴地硬！

即係話我唔應該嬲者？女人發嬲一定有佢道理，男人駁嘴即係話我螿不講理，作死！
建議：要女人唔嬲，真的惟有等她自己嬲完，但不等 於什麼都不做，男人最好做點事來縮短過程，愈拖只會愈難TUM基本上連個嬲字都不能提，女人好憎呢個字，唔嬲都變嬲！告訴你，叫女人唔好嬲，佢嬲得仲勁！

女人在小器、嬲爆爆，男人TUM佢盞晒氣！要軟化女人從身體入手，抱抱或緊握她手吧！

2‧對唔住囉！(同類說話：我唔岩;囉 、我衰囉、我錯囉)

女人點解憎：

「囉」什麼？晦氣到死！

最討厭是加個「咁」字在前頭，「咁對唔住囉？」，一個「」咁字包含了「我唔覺得自己錯但買你怕囉」這十二個字的意思，明激我啦！

男人說時通常皺眉頭、眼神厭倦，擺明在說「你又來了」，乜我好難頂咩？
建議：用口去表示歉意是低層次的做法，倒不如用行動表示。

道欺最緊要誠意。

3‧鍾意嗎？ 我送比你Y！

女人點解憎
因為得個講字，男人總以為講左就等於買左，毋需真的買！
見我雙眼發晒光仲問，你盲架？
要我用把口去講我鍾意，即係要我認貪心！
建議：講得出就要做得到！一定要趁熱買，一拖，女人又話你無誠意！

立即在她面前付款是最方便的做法，但女人最憎呢種方便，唔浪漫。

男人總係唔識送禮物，以為買左然後交過去就大功告成！其實送禮物最重要是點樣交到對方手上，即係心思、驚喜。

4‧使唔使幫你？(同類說話：使唔使車你、使唔使幫你拎？ )

女人點解憎
廢話！
問來幹麼？答得你我都做完！
建議：女人最憎男人「齋TALKING 」，唔聲唔聲做左先才是英雄做多無壞，即使自己搞得掂，女人都鍾意男人獻殷勤的！

5‧搵日同你去……

女人點解憎
搵日，通常不會兌現，又信口開河了！
你估我係你D客，「搵日出黎飲茶」咩！
建議：女人記性很好，此等不兌現的小事是她日後炒大鑊的導火線

女人無要求的話，男人切忌自動OFFER，無謂製造機會比人CHALLENGE

6‧得架啦！得架啦！(同類說話：掂架啦！掂架啦)

女人點解憎
認屎認屁叻，結果錯漏百出無樣得！

你覺得佢係怕你煩，想塞住你把口，所以吹到天咁大，但其實得鬼！
建議：無希望就無期望，無期望就無失望，實話實說吧！

7‧明啦明啦 (同類說話：係啦係啦、得啦得啦)

女人點解憎
明個屁，想我收聲至真！
真係明？咁我岩岩講到邊度先？
建議：她在跟你說一些她認為很重要的事，即使你覺得無聊，也請耐心聆聽，硬食吧！
在她喋喋不休時緊握她的手，信我，好快收口。

適當時候發問，讓她知道你在聽；無傷大雅的小事不妨附和，大事情則要糾正。

8‧是但啦

女人點解憎
無要求，無原則，無性格！
你又嫌我煩了！
你寧願SUFFER任人擺布，我諗我真係好討你厭，嗚……
建議：大可拋個波比佢，溫柔地說：「你話呢？」她反而覺得你尊重她

不在乎說什麼，而是在乎怎樣說；男人說話時語氣夠堅定就是說服力，女人自然收聲。

>>May 28, 2006 at 6:12:01 PM GMT+8

2006 年 5 月 26 日 星期五 【晴】

講開吳剛師父：
la_la：「佢死左未呀？」
人：「未呀，太古坊有間飲茶o既野咪佢開囉」
la_la：「哦，佢食晒 d 炭無得煮野食...」
人：「所以咪用煤氣囉」
la_la：「佢與時並進，第時表演吸煤氣」
人：「吸 d 著左火o既煤氣」
l我地：「......哈哈哈哈哈，呢個好笑喎」
人：「快 d 寫落日記啦」

>>May 26, 2006 at 4:30:09 PM GMT+8

2006 年 5 月 25 日 星期四 【晴】

嘉利唔知點解又有得去廸士尼，仲可以帶多一個人去，家姐要準備考試，佢懶興奮咁同我講即係想叫我去啦。
家姐：「嘉利又有得去廸士尼喎，可以帶多一個人去....」
la_la：「你去囉，我無興趣喎」一 d 表情都無咁講。
家姐：「唔洗錢喎....」
la_la：「咁又點呀，我無興趣同佢去」又再一 d 表情都無咁講，"咁又點呀"，係最乞人憎o既說話，嘿嘿嘿。
家姐：「去廸士尼喎....」
la_la：「你咪同佢去囉」

Announce Course Grades：from 7 Jun 2006 (tentative)

>>May 26, 2006 at 9:55:55 AM GMT+8

2006 年 5 月 24 日 星期三 【晴】

好悶，無野寫，你地約我去玩，我就有野寫架喇。

>>May 25, 2006 at 1:31:43 PM GMT+8

2006 年 5 月 23 日 星期二 【晴】

好多野得，係因為除左我信自己得之外，身邊o既你地都話我知我得；好多野唔得，係因為身邊o既你地都話我唔得....好傷心。

知唔知咩叫 empathy 呀？唔該學下 empathic listening。唔係真心關心我o既唔該唔好理我，好煩呀！

>>May 25, 2006 at 2:10:50 AM GMT+8