2005 年 12 月 6 日 星期二 【晴】

神呀，一個女仔，受唔住一次過咁多打擊架

>>December 7, 2005 at 3:57:09 AM GMT+8

2005 年 12 月 4 日 星期日 【晴】

尋晚，係我人生o既極限。做 SOM 做到五點，都未做晒，今朝十點九再戰


希望所有朋友都暖

我o係 yamaha 網頁偷左阿恆好耐之前表演o既
recording

其實網上都有，不過點知會唔會突然無左架....以前用同樣方法偷過 Tsunami

>>December 5, 2005 at 6:03:04 PM GMT+8

2005 年 12 月 2 日 星期五 【晴】

發夢無左右邊隻犬齒，幾唔開心呀，我打算以後都唔笑添呀....

睇 Kitty o既網頁.....唔通......我都覺得唔開心。

>>December 3, 2005 at 4:59:36 PM GMT+8

2005 年 12 月 1 日 星期四 【晴】

兩點訓到七點，雖然已經無之前咁辛苦，不過可能維持太耐咁o既生活，仍然覺得好辛苦！

又眼訓，又要聽書又要溫 quiz.....都唔知做邊樣。支力到望住份 note一句成分鐘都未入腦....

曾淵滄放 break 過黎同我地傾計，話星加坡有六成女大學生嫁唔出，因為唔肯嫁比 d 低學歷o既男仔..... 我本來想訓下，點知 Connie 話阿 Sir 講o個時望住佢，大笑，所以嘈醒我，我又一齊講。

原來星加坡政府會o係大陸引入男大學生供應比 d 當地女大學生.... Connie 好嚮往，話又要移民去星加坡，阿 sir話：「女大學生佢地唔歡迎，大陸o既女中學生，靚o既就歡迎」我叫 Connie 快 d 去大陸讀個中學學位，佢都話好o既....阿 sir 繼續話：「d 女中學生過到去就嫁比 d 低收入o既男中學生....」Connie 聽到低收入即刻好唔開心。佢話香港政府都應該引入 d 男大學生，要靚仔，有錢，仲要高o既....哈哈哈，如果香港係咁我都好嚮往。

Meaning of Live 30% quiz，為左溫書無食 lunch，一路 quiz 個肚一路叫，超無奈...-_-

今日真係好日子呀！訓訓下晏覺阿恆打比我呀~佢話比我知今晚 RTHK 4 十點有佢o既直播，聽lu~
收音機音質唔好 ，我都係鍾意聽 live 多d，因為仲可以見到埋阿恆

>>December 2, 2005 at 5:09:52 PM GMT+8

2005 年 11 月 30 日 星期三 【晴】

終於，終於做完個奪命 process project，唔洗再撘尾班地鐵喇。

>>December 1, 2005 at 4:08:43 PM GMT+8

2005 年 11 月 27 日 星期日 【晴】

十點半至十一點十，個幾鐘？食懵你呀！十三個鐘呀！

我非常不滿 Peggy，之前已經無乜點出現，今後個星期四交 report 同 present，聽日話開會都仲話要補習唔開，你食乜大架？個人咁不負責任o既。

好辛苦，我需要朋友o既支持

>>November 28, 2005 at 5:19:15 PM GMT+8

2005 年 11 月 26 日 星期六 【晴】

下晝開電視，播緊太空人訪港， d 中學生問太空人野，媽咪o係度扮太空人，用 d 好差o既普通話講：「你的國語很差，快d 去讀書....」講完仲未夠，中學生又問，佢再扮：「小朋友，你的國語很差，唔好講」....-_-，後來個中學生問佢o係太空食乜野：：「去到太空咁耐我都未食過野喎」(用口語打o既係廣東話)

>>November 27, 2005 at 7:59:42 AM GMT+8

2005 年 11 月 25 日 星期五 【晴】

尋晚四點訓，今朝九點`半起身....本來早 d 架，不過諗住較個遲 d o既鬧鐘訓多少少，點知較左時間唔記得確定就訓著左，夠鐘出門口就扎醒左，好彩無遲到開會。

一做就十個鐘，低能！

家姐打黎話阿媽話趁阿爸唔o係度，出街食飯桌，去大久保，我無得去喇.....係我話唔去o者....
Tommy 表演完返中大，搵一搵我，「我而家o既願望就係去食麥當勞」，跟住就去喇。

返到屋企家姐話雪左罐可樂入冰櫃，一齊飲。我話飽，唔飲，佢好失望，佢話叫埋媽咪飲就飲得晒，咁就斟啦~佢斟左一小杯我想拎起飲，佢話：「度下先~」如是者斟左兩小杯，剩低o係罐比媽咪，我地想拎起飲，媽咪就係要斟落杯度，佢又話：「度下先~」笑死，汽水都係三個人分o岩o岩好

阿妹同媽咪聽日可以全日免費搭車，家姐幫佢搜集左 d 資料，睇下有乜好去處，仲話：「你聽日有咁遠去咁遠呀」好好笑，我同阿媽一聽到係咁笑，家姐先知講錯野

為什麼婚戒要帶在無名指上 (轉貼)

請照著步驟做，神奇的事情發生了
1、首先大家伸出兩手，將中指向下彎曲，對靠在一起，就是中指的背跟背靠在一起。　　
2、然後將其他的4個手指分別指尖對碰。　　
3、在開始遊戲的正題之前，請確保以下過程中，5個手指只允許一對手指分開。下面開始遊戲的正題。　　
4、請張開你們那對大母指，大母指代表我們的父母，能夠張開，每個人都會有生老病死，父母也會有一天離我們而去。　　
5、請大家合上大母指，再張開食指，食指代表兄弟姐妹，他們也都會有自己的家世，也會離開我們。
6、請大家合上食指，再張開小母指，小母指代表子女，子女長大後，遲早有一天，會有自己的家庭生活，也會離開我們。 　　
7、那麼，請大家合上小母指，再試著張開無名指。這個時候，大家會驚奇的發現無名指怎麼也張不開，因為無名指代表夫妻，是一輩子不分離的。真正的愛，粘在一起後，是永生永世都分不開的。

>>November 26, 2005 at 4:32:01 PM GMT+8

2005 年 11 月 22 日 星期二 【晴】

我想 free rider 絕種

>>November 23, 2005 at 4:18:23 PM GMT+8

2005 年 11 月 21 日 星期一 【晴】

發噩夢，o係小巴上，有個抱住 BB o既男人坐我隔離，個 BB 突然嘔 d 野固體 o既野落我膊頭上面，我呆晒，又好激動，指住 pat 野望住個男人，佢非常唔好意思咁幫我清理，佢拎起舊野放落口食-_-，跟住怱忙落車，好恐怖呀。

>>November 22, 2005 at 5:58:34 PM GMT+8