2006 年 4 月 14 日 星期五 【晴】

我睇唔過眼間房地下咁污糟，拖地。家姐：「我第時邀請你黎我屋企拖地丫」
會長：「食屎啦，你叫陳嘉利啦.....我第時邀請你黎我屋企摺衫丫」
乾淨晒，又可以赤腳周圍跳。天使同嬰兒都唔著鞋o既，因為佢地對腳靚。

呀！我比洗衣機夾斷左隻手指 -_-，痛死人，嗚嗚嗚....我今日都黑仔架喇，連續穿左兩個........coffee filter -_-，成杯咖啡都係渣，結果換到第三個，極小心先無事咋。

我尋晚發夢星期二會有 d 開心o既事發生，哈哈，不過我知一定係假o既。-_-「我係個無人錫o既不幸細路仔，所有不幸o既事都發生o係我身上，個天咁鍾意整蠱我架？」_大雄

十點半起身睇叮噹，好好睇呀。
大雄話壞人：「真係卑鄙呀！」
壞人：「壞人梗係卑鄙架啦！」

自己買左個手袋，同 Amy o個個一樣，不過白色。
無喇無喇，我買唔返條灰色西褲，我套 suit 玩完喇，一次都未著過 -_-。減肥吧啦 -_-，買乜鬼灰色丫？-_-
最衰都係家姐啦，頭先引誘我食雞脾。攪到食晚飯都無晒胃口。

結果都係比商務屈機，買光油。

我好想好想買頂帽，Columbia 淺藍色 cap 定係 puma 淺藍色太陽帽好呢？
想配過副眼鏡，試晒所有先發覺唔戴先係最 smart，哈哈哈！真係天生麗質....呀唔係.......天生我才........呀都唔係.......總之係醒啦！嘿嘿嘿嘿....

我畫左幅畫，只有我先知......哈哈哈

支 vitamin E 油比家姐拎開左，無再放o係電腦前面，我就成日唔記得食，可惡。再唔食我會死架！

一個網頁無寫自己 latest update o既資料真係奸-_-，要人地睇晒所有野....
如果有人每日都睇我個日記，而且每日都睇晒每一個 entry，我會...............................................
覺得佢好蠢囉，哈哈哈哈哈哈 XD

過左今個假期，我諗我有排都唔會有機會見到我 d 朋友仔。

睇返以前 d 日記，錯漏百出，其實好多一早已經知，不過都懶得 login 改....

>>April 15, 2006 at 5:21:15 PM GMT+8

2006 年 4 月 13 日 星期四 【晴】

無喇無喇，我變喇，無晒修養。最近將底線拉低一次之後一發不可收拾。

康佬：「飛機 行勻成個沙田都買唔到波(羽毛球)...」
會長：「沙田暈左...」
康佬：「...-_-，係呀係呀，沙田暈左....」
我都 feel 到好爛，唔講喇。

睇 Pooh's Heffalump Halloween Movie ，好笑，哈哈哈，piglet 演技真係好，唔知幾時做影帝呢。死人 Lumpy：「連 piglet 都可以咁勇敢，我都.......」而家 piglet 好唔勇敢咩？哼！Tigger 好好笑：「佢地比我地嚇到唔記得尖叫」

勁好笑呀，piglet 好驚有怪物，用一堆木板釘實個門，但係原來死人 Winnie the Pooh o係門外一推就可以入黎。Winnie the Pooh 敲門，Piglet 問係邊個，Pooh 話：「pooh bear」
Piglet 唔信，叫佢講 d 平時會講o既野
Pooh ：「例如呢？」
Piglet ：「例如....例如話 I am Pooh Bear」
蠢Pooh ：「You are Pooh bear？ Then who am I?」
Piglet ：「咁你係喇」，Winnie the Pooh 正死蠢！

佢地輪流去大家屋企預習玩 trick or treat，第一個去豬仔屋企，豬仔就入返屋，佢地敲門，piglet 就好驚咁問係邊個，死都唔肯開門。下一個去 tigger 屋企，一路行，tigger 話：「唔知我o係唔o係屋企呢？」

哈哈哈哈，陳錦樂上左 Belle Nuit，好好笑。佢上去 Take advantage of other.....哈哈哈

好頭痛呀今日！

>>April 15, 2006 at 4:25:05 PM GMT+8

2006 年 4 月 11 日 星期二 【晴】

今日好熱呀，行到落地鐵站已經全個人滴汗。今日聽 present，好悶。Andy 又o係度攪笑，突然間有個中文連接詞，佢自己都笑到碌開左。

話咁快就放學，由於聽日就放假，今晚又約左一齊食蛋糕 buffet，大家都好開心，時間過得特別快。

落堂，各散東西，Amy，Brenda 同我上七樓玩大富翁，Brenda o係度屈晒機。落藍山村買畫筆。過銅鑼灣會合 Ada，攞位先。我地四個o係 Italian Tomato 由六點五呆坐到七點三先叫野，好尷尬呀！又凍喎，凍死人喇。Connie 囉，又話六點由九龍塘過黎，點知六點半先話o係公司開始走。我地等o既期間睇住張 menu 已經揀晒野食，又開始多人喎，好香，我地就好肚餓喇。

叫野食，佢地好似一開始已經拎左六件蛋糕 -_-，order 左三個意粉。最後得知一個驚人數字，我地六個女仔 total 食左十二件蛋糕，唔知會唔會更多，加好多意粉及沙律。Connie 食左起碼四件蛋糕，一定有。Ada 超好笑，食食下o係度........鬆皮帶，之後又食野。會長及 Connie：「你唔係好飽咩」Ada：「鬆完仲有好多空間...」佢 d 語氣好好笑。

Connie 自己坐最出又9去拎野食，知唔知點解丫？我同 Brenda 出去，Connie：「我要 chocolate mousse，藍莓撻，tiramisu 同埋芒果撻....」實在太核突喇，要人拎咁多野食，旁人都為之側目啦，所以我只係拎左其中兩件比佢

其實好多蛋糕都好好味架，chocolate mousse，new york cheese，cherry cheese，german cheese，mango cheese，mille-feuilles.......都好好味-_-。不過樣樣都 cheese，我每件食一啖咋。上次試過鮮果千層夾心餅已經愛上左佢，今日係咁遊說佢地試。不過呢，我已經無咁鍾意佢喇，因為原來 cherry cheese 都超好味架。世界咁靚，點可以為一棵草放棄整個森林...XD

原來多 d 人食野真係開心 d 架。蛋糕的確可以令人心情開朗。

食完周圍行下就散。好眼訓呀

d 男仔正一豬頭黎架，有 d 野，明知唔健康，但係對女仔黎講好緊要。即使明知唔係咁好，我地都會用。你地 d 豬頭就o係度 ge ge gut gut，叫人唔好呢樣唔好o個樣....真係想指住人地個男朋友講句，！哈哈哈哈，諗下都大快人心。

>>April 12, 2006 at 5:14:53 PM GMT+8

2006 年 4 月 10 日 星期一 【晴】

今日 Connie 比紀念冊我地寫，好好笑。
會長：「哈哈，你小學畢業呀？你睇，要填"最喜愛的明星"，"最喜歡的食物"，"最害怕的事"...」
Connie：「咁無一本紀念冊係比大學生用家嘛」
哈哈，好幼稚呀，不過我仍然保持童心咁填。
最害怕的事：發生最可怕的事 XD
會長你好無聊呀！

好彩無打比你o者，如果唔係都唔知講咩好喇。
好野~

一放學返到屋企就落維園跑步，真係健康呀！不過只係跑左 1.5 K，之後就自己去行街。今日好熱呀，成個人都流汗。一個人跑步真係好鬼悶。

成個銅鑼灣都無畫筆同水彩賣，痴線！商務一支二號畫筆要四十幾蚊，藝術家都係要有返咁上下財力先可以講藝術。好啦，銅鑼灣佢玩晒 -_-

正人渣，乜都搵老婆仔女出氣，抵你無仔送終！我之前廿年已經受夠，我發誓無男人可以再要我受氣！你呀！生仔無XX，好彩我係女o者。

我要嫁去杜拜 -_-，其實都唔洗，我但求唔洗做，好食好住就得架喇。香港仲有無好男人架？要單身，最好靚仔啦，唔靚仔都得，型都可以架。要獨立，識照顧人，當然最好對我唯命是從啦。有無咁o既人架？如果有不如鍾意我丫 -_- XD 哈哈哈，等我算下去咩方位會遇到呢個人先。

>>April 11, 2006 at 4:41:40 PM GMT+8

2006 年 4 月 9 日 星期日 【晴】

日日運動身體好...........支力，所以無





我覺得自己o既童年實在係過得唔開心，我決定將來過返我o既童年。

University of NG KONG....hahaha


不如阿恆 send 個 e-mail 比我等我開心下丫~

>>April 11, 2006 at 5:02:01 PM GMT+8

2006 年 4 月 8 日 星期六 【晴】

今日係我決定逢星期日去跑步之後第二次跑，哈哈，上一個跑o既星期日係........耐到我都唔記得喇。好熱呀！其實我鍾意天氣好熱o既日子做運動架，不過我唔想曬黑，唯有黃昏先出發啦，另外仲要逼自己做完功課先去。結果六點幾行落維園....跑半個圈已經支力，今日目標係三公里。完成，變成一個汗人。我其實係特登著長袖....

行街，行 Jusco $10 plaza，宜家傢俬，(呀，我記得自己話過要開間 "遲 d 傢俬" )，d 蠟燭好香呀，好似糖....不過我係唔會為一已o既私慾而白白浪費氧氣o既。下次去開睇下丫，後面寫住"請勿用火潑熄"，哈哈哈，人手改做 "水"。

我無食飯呀，好肚餓。

Tommy 說:
although you are not a prophet, you are very helpful
會長 說:
i am ar
Tommy 說:
=,=
Tommy 說:
氣死人喇
會長 說:
mei ar
Tommy 說:
我真係唔明點解你要話自己係先知，真係好好笑 XDDD
會長 說:
i really am
Tommy 說:
you really are funny ma
會長 說:
i don't know why you don't believe
會長 說:
it's not a joke

我又忍唔住買左盒 Angela tea bag，哈哈，唔緊要啦，總會飲得晒

今次係化左妝o既假畢業相



>>April 10, 2006 at 11:34:15 AM GMT+8

2006 年 4 月 8 日 星期六 【晴】

今日睇《天作之盒》，唔知自己今日痴咩線，係咁流眼淚，真係係咁流。我其實之前睇過本書，今日睇套戲又唔係特別受感動........都唔知做乜

地鐵廣播：please take care of elderly and children
我：「elderly take care of children, children take care of elderly, I take advantage of other....」我今日好無聊。

沒有昨日的你 沒有這日的我
就算努力爭取也是無味
只需感覺到你 一切沒顧忌
沒有你在分享世界也沒生氣
但有你在鼓舞
怎麼都做得到
為你我願挑選這漫長路
只想給你知道 不再願退步
面對壓力都可 有你在旁傾訴
曾活得不見天日
疲倦滲入我的髮膚
沿途幸有你最明了這辛苦算什麼
就如最佳歡呼
在路上 能跟你
見證這一切曲折 倦透也不顧

>>April 8, 2006 at 5:32:58 PM GMT+8

2006 年 4 月 6 日 星期四 【晴】

好，今日有 d d 特別野可以寫。
我雖然尋晚打機打到好夜，不過今朝一早起身，打算去跑步。可惜，非常可惜，我好唔舒服，無去，算啦，是但做左幾下 sit up 代替，又打機打到兩點三，極速換衫返學。

又到最鐘意o既 critical thinking，終於派 mid-term test，98分，哈哈哈哈哈，叻！其實個 mean 都非常高o既。唔叻 lu~

去和民食野有 Angela Tea 飲，好飲過綠茶。我簽卡找數，今次係我人生笫二次o係街簽卡，第一次簽食肆消費。我淨係簽名無寫 Amount，好懦！次次簽都唔係自己卡，上次阿媽o既，今次家姐o既。

我好想食星星糖 -_-

From Amy:
有兩個港女人, 返大陸做spa, 在美容院度話去shopping, 講埋想買d咩, 個賊聽到, 就係佢地離開美容院後捉左佢地去一間屋仔度, 但佢地身上得幾百蚊, d賊就搜佢地個銀包, 見到d卡, 但只是聯宜會的卡, 因佢地無學識, 以為個d卡都碌到錢
要密碼拿錢, 個兩個女人話張卡不能攞錢, d賊就打佢地, 佢地就求其講左個密碼出來, 當然最後攞唔到錢, d賊就在坑渠用針筒抽左d坑渠水, 打入佢地度
佢地返到香港, 一個死左, 一個留醫同講番件事出來

好恐怖

本是同根生，真係恐怖

落花流水

流水　像清得沒帶半顆沙
前身　被擱在上游風化
但那天經過那條提壩
斜陽又返照閃一下　遇上一朵　落花

相遇　就此擁著最愛歸家
生活　別過份地童話化
故事　假使短過這　五月落霞
沒有需要　驚詫

流水很清楚　惜花這個責任
真的身份不過送運
這趟旅行若算開心
亦是無負這一生
水點　蒸發變做白雲
花瓣　飄落下游生根
淡淡交會過　各不留下印

流水　在山谷下再次分岔
情感　漸化做淡然優雅
自覺心境已有如明鏡
為何為天降的稀客　泛過一點　浪花

天下　並非只是有這朵花
不用　為故事下文牽掛
要是　彼此都有些　既定路程
學會灑脫　好嗎

講分開　可否不再　用憾事的口吻
習慣無常　才會慶幸
講真　天涯途上　誰是客
散席時　怎麼分


寫得好靚

唔知係我自己誤解左內容，定係你唔記得左....我寧願係我自己誤解，或者你唔記得，我最多唔嬲，我唔想有第三個可能。如果話左打比我又無，代表咩呢，未返？有事發生？

我開始發現唔守承諾唔係最壞情況，守唔到可能更壞。我唔理你講過乜，無事就得喇。

(四月十一日註：自己諗多左，無野 lu~ XD)

都唔知人擔心o既，可惡。

>>April 11, 2006 at 4:24:31 PM GMT+8

2006 年 4 月 5 日 星期三 【晴】

今日.........好似無發生過咁，真係無謂。

(切蘋果切親手指)，無流血，不過隆重其事，貼塊膠布先。

返黎未呀？

>>April 6, 2006 at 3:12:36 PM GMT+8

2006 年 4 月 1 日 星期六 【晴】

今日咁熱，好想去跑步

>>April 2, 2006 at 4:35:40 AM GMT+8