2006 年 2 月 25 日 星期六 【晴】

一無是處，covering letter 真係好難寫

>>March 1, 2006 at 8:05:46 AM GMT+8

2006 年 2 月 24 日 星期五 【晴】

煎 pancake，發覺易潔鑊實在太重要，所以諗住夜晚就去買。

同 Tommy 去菲菲茶餐廳食飯，本來落緊細雨，食食下落起大雨。(傳說中o既菲菲茶餐廳，一早已改名為荳荳茶餐廳，由於個名仲樣衰過之前，我堅持唔改口。呢間野雖然環境欠佳，又多人食煙講粗口，不過野食很不錯， d 伙計好友善同埋好 gap，即使好生面口都同你傾兩句架。值得試下。地點，er...銅鑼灣 SOGO 後面條街，有間寵物店，專賣 d 得意同埋細隻o既狗o既，你地睇 d 狗仔一陣，跟住向右行一間舖就到喇。我已經食左都有三四年，都未試過死，同埋肚痛。)走o個時雖然細雨左，不過仍然唔係好細。由於我著住件買得抵，但仍然買貴左o既屈機褸，去到星巴克一撥已經乾晒，幾型呀。當然，我係一定有把遮o既。

途中見到個男人超型，佢無遮，不過仍然不懼風雨，用個紙袋笠住個頭就o係銅鑼灣鬧市之中穿梭。好！我欣賞佢，想開電話影低呢個好漢，可惜，我o岩o岩 ready 佢就變返凡夫俗子。

有個可惡o既女人，o係等過馬路時用把遮撐開左我把遮，令我把遮整到 Tommy 濕晒，之後就走左。會長：「比我就唔忍佢喇。」無錯，我就係唔忍佢，我最睇唔過眼 d 咁無公德o既人。我地極不滿，一路跟住佢左右夾攻，用自己把遮 fing d 水落佢個身度，(就係咁咋？)，顯然失敗，因為當時實在唔係太大雨，而佢亦唔知我地不滿緊，真無癮。不過我已經表達完不滿，心滿意足地行去星巴克。哈哈哈，真係好鬼小器同幼稚！

今日杯凍焦糖咖啡都唔好飲o既，睇左一大輪雜誌就離開。去 Watson's 睇維他命 B 同 E，過兩日買黎試下先。維他命 B 係比我抗抑鬱o既，最近心理有 d 唔平衡，個心去左左邊。

晏晝諗住買左個屈機易潔鑊，夜晚就真係去 IKEA 買。睇睇 d 大相架，又係超屈機，非常平。好有衝動曬晒 d 大相出黎周圍掛，同埋掛 poster。好想買o個舊紅色o既香味爉燭呀，好似糖。哈哈，其實我好多野都想買。

叔本華話用念力可以實現願望，(其實係歪理，係 Roberto Benigni o係 《Life is Beautiful》入面斷章取義講o既)，我成日諗住好想入 Pizza Hut，就會入到。諗左一大輪，由好擔心，到而家開始積極備戰，我一定得。就算唔得，都總算係我人生之中首次，盡盡盡晒全---力去帶領自己行自己想行o既路。之前咁頹廢，引起大家不安 XD

>>February 26, 2006 at 2:54:11 AM GMT+8

2006 年 2 月 22 日 星期三 【晴】

我上上下堂o係度搽潤膚膏，Carmen話：「你呢隻潤膚膏好香喎，咩牌子呀....哦，梨牌呀？我細個o個時都用架，唔怪得隻味咁溫馨啦」

>>February 24, 2006 at 3:00:32 PM GMT+8

2006 年 2 月 22 日 星期三 【晴】

transportation logistic，早知 Stephen 放 break會過黎同我地傾計我就唔出去啦

唔開心呀。所以放學 ad hoc 去做 gym。途中見到蚊蚊...
我：「你個 look 做乜成熟左咁--多呀？」
蚊蚊：「成熟左好多咩？有幾成熟呀？」
我：「成熟左好--多喎，auntie(點頭)」
跟住比佢打 XD

>>February 23, 2006 at 10:06:05 AM GMT+8

2006 年 2 月 21 日 星期二 【晴】

而家開始努力背 Pizza Hut menu 同 配料！加油！我誓要入到 Pizza Hut ，如果某日知道我失敗左，希望大家...開解下我

>>February 22, 2006 at 10:08:17 AM GMT+8

2006 年 2 月 20 日 星期一 【晴】

好野，新書包~(書包呢個字眼，真係幼稚 XD)

又玩 flash。

>>February 21, 2006 at 4:29:49 PM GMT+8

2006 年 2 月 19 日 星期日 【晴】

今日好無聊，我一無聊就會整 flash 架喇~今次學左新野，整得都幾好丫~非常滿意今次o既作品，個殼就靚喇，可惜無內容o既 XD

玩呼拉圈，諗住播 d 音樂聽下，點知播左隻 Beethoven。

由於次次焗蛋糕都失敗，我都無心機自己 mix 個粉，求其買左盒 pancake 粉焗，(點會成功丫？)


本來 d 朱古力好靚架，不過我多手攪散晒，好似...........哈哈哈

>>February 20, 2006 at 4:01:05 PM GMT+8

2006 年 2 月 18 日 星期六 【晴】

心口好痛呀。

今日有個明確目標，就係做晒 CRM 份功課，之後去跑步。最後，十一點做到五點幾，做晒，去跑。唔知點解，維園真係唔係咁好跑。跑圈好悶，而且今日有極多極多人，好辛苦，跑左個半圈 -_- 1 k倒，就因為心口好痛放棄左，唔係氣門痛咁簡單。

算啦，改去行街。行 IKEA，又係極多極多人，同埋未辛苦完，無乜心機，不過都玩晒所有玩具 XD

去 SOGO 想買個 PLAYBOY 袋，又睇唔o岩。想買條運動褲，又睇唔o岩。想買頂 CAP 帽，都買唔到。-_- 難得我肯消費

算啦，超級市場都行喇，落到三越，見聖雅多請人，有 d 想....
呢個都唔係重點，我見到大佬o岩o岩放工呀~

再行，見到有架旅遊巴o係橋上死火，有四個型交通警察推返架車落黎。好型呀~

本來我想影多張架，不過我驚佢地開搶打我

>>February 19, 2006 at 2:29:57 PM GMT+8

2006 年 2 月 17 日 星期五 【晴】

一開始有功課做，我又病發。

去 Hong Kong Records 搵 CD，個 staff check 緊，Tommy 話吹"口琴o既人都唔鍾意阿泰啦，佢夠出碟咯"(我地講全名)，個 staff 話：「第二隻都出左喎，我放左o係 light music 度」，我地即刻覺得好好笑，佢問我地覺得阿泰吹成點....哈哈哈，唔敢答。佢話佢有個學生都有去德國，問我地有無去。

夜晚去 Holiday Inn 食晚，無乜特別，甜品都幾好味，實好肥啦 -_-。哈哈哈，waiter 拇碟甜品黎，碌左一粒落檯，佢唔知真唔知定扮唔知，就咁就行開左。埋單：「小二...」

好野呀，終於唔洗再用茉莉花味牙膏喇，用晒喇，yo！

晏晝訓著左，淺睡之間我發夢有個人放左 d 野食o係凳上面，仲放左碗水，佢話：「阿女麻一陣會返黎....」因為係唔知咩日子....呢個人o既阿女麻我唔識o既，過左身兩年，大概係兩個月後o既今日，都係星期六，我都不以為意，而且醒左就完全唔記得。不過一醒左，都未完全清醒，呢個人就突然問我：「你有無見過我阿女麻呀？」由於未清醒，我話：「佢唔係死左咩？」人：「我指佢過身前。」我：「o係喪禮之前我無見過你 d 親戚....」突然我覺得有 d 奇怪o既感覺，又唔知係乜，因為兩年黎好少聽呢個人提起佢阿女麻，我就問我成日都問o既問題：「做乜咁問呀？」佢又答唔出：「無呀，唔知點解突然諗起」跟住我就記起個夢喇。我唔信咁巧合，反而信 d 唔科學o既野。

又諗起上學期o既哲學課，如果死後就無任何形式o既存在就實在太可悲，如果永恆存在又太無意義.....我想，如果可以一直存在直至所有懷念我o既人都唔再傷心，咁就太好喇。以前幼稚到以為如果我死o既時候無人為我喊實在太慘，而家再諗諗，我寧願大家開心 d，至少唔好咁傷心。

如果我直心愛你地，只要你幸福、開心，你地同邊個一齊我都會祝福你地。

今日我經過又一城， Piglet 想遞個心比我，不過比玻璃隔住...
Pigle 淨係識得得意，唔識得唔得意，咁犀利都有o既。(原句：嘩，棵樹淨係識得向上生，唔識得向橫生，咁犀利都有o既。比人笑左一大餐)
聽講話我見到 Piglet o個時「嘩」一聲特別高音。

我開始打算第時養狗仔，用 d 特別語言訓練佢，咁佢就會只聽我話。佢將會叫做 Piglet 豬仔，除非佢親口話唔鍾意

>>February 18, 2006 at 5:47:57 PM GMT+8

2006 年 2 月 16 日 星期四 【晴】




有無人認得邊個係我呀？一百蚊一張咁o既相，點買得落手？



好型呀!!!!!!!!!!!!!我下年要混入男子壯年組

唉，死死地氣做 Customer Relationship Management 功課，我想用 Pizza Hut 做架，佢又唔爭氣，無野好寫，唯有做 McDonald's 啦。交八版，我寫左八行咋，下星期二就交，睇你點死！

上 Critical and Creative Thinking，睇 《The Human Zoo》，實在有趣，人真係好低 b！另外有個 exercise:
You fel hopelessly in love with a girl. She is the most lovable girl you have ever met. You are far from handsome. Alone with a rather short stature, you have a grotesque hunchback. The girl is repulsed by your mishappen appearance. Now you have a chance to declare your love. What could you say to impress he girl and get her heart? There have been someone who has though of something really creative to say. He succeeded and he immediately got the hand of the girl. The two of them became the grandparents of a great composer, Felix Mendelssohn.

有組同學：「我很醜，但我很持久。」Hektor (tutor) 話：「有言語誤用，係乜野持久先？」同學：「睇佢 get 到咩啦，生命好持久都得架。」好笑。

我仲覺得呢個 course 好值得 take！

繼續做 CRM 功課，做到無晒 mood，最憎寫 business paper 架喇！

大陸版《四眼雞丁》叫做《四眼天雞》，笑死！

>>February 17, 2006 at 4:22:33 PM GMT+8