2006 年 3 月 20 日 星期一 【晴】

今日一返到 city 就見到 Stephen，一定係 logistic 考得好o既先兆，(先知對呢 d 野特別敏感)，如果趕得切同佢打招呼可能更好。佢出 lift，我入 lift，情況奇怪，所以我扮望唔到佢，不過我覺得佢見到我仲想同我打招呼，不過原因相同，咁我地就各行各路，真係悽美。-_-

收到渣打馬拉松張 cert 喇，咁簡陋o既。家姐死都要開抽濕機，焗死人喇，好想嘔。

>>March 21, 2006 at 5:18:11 PM GMT+8

2006 年 3 月 19 日 星期日 【晴】

由於尋日好懶，成點半先開始溫書，係凌晨喎，不過之前都溫左少少o既。咁又夜喇，我係人黎家嘛，總會有肉體同意志軟弱o既時候，咁我就訓覺喇，點知好耐好耐都訓唔著，(抵死，遭天遣，其實係飲左好多茶同咖啡)，仲聽到有個女仔喊得好激動，我唔理佢幾嘈都好，唔好跳樓就得喇。

>>March 20, 2006 at 10:59:56 AM GMT+8

2006 年 3 月 18 日 星期六 【晴】




家姐o係埃及買o既 oliva and cotton 焗油好似好好用，可惜唔會再買到。最近覺得 d 髮質差左好多，所以一向好懶做任何護理o既我，最近成日都焗油。

今日好懶！其實應該努力溫書至o岩o既.....應該囉 XD，不過我一向都憤世嫉俗，唯恐天下不亂o既，所以咪懶囉，仲比平時更懶。試過懶都有唔錯o既成績，仲點努力丫。

print 左 d 相出黎，先發覺假到死。我將今年o既自己 key 落上年我同人一齊影o既合照不過，不過遮漏左 d 頭髮 -_-。自戀狂，同一張相 print 左好多個 copies...如欲索取限量版會長簽名相，請連同回郵信封及一千元支票寄回：香港 會長的家 ，信封面請註明.......都係唔洗喇，如超額認購支票都會兌現。好無聊，不過，真架。(當我話：「真架」，你地要信我，唔係一定o既，不過我會開心 d 囉)

>>March 19, 2006 at 3:58:09 PM GMT+8

2006 年 3 月 17 日 星期五 【晴】

搶閘影左張假畢業相，哈哈哈。我真係似畢業生呀，可惜唔係 1st hon。

係咪好似畢業生呀？哈哈哈 XD 。張相好明顯執過，我邊有咁精神丫，哈哈哈。

今日真係好喇，又食左芒果，又食左泡菜。銅鑼灣真係好悶，想搵 d 想食o既野都咁困難。行左一大餐又死死地氣食"菲菲"，咁佢又好食o既。o係隔離間動物舖見到拉雪橇o個 d 狗，好想睇o個套《極地雪犬》，總統戲院無，紐約戲院收左皮，時代 UA 都好似收左皮咁，睇真 d 原來可以由二樓入，得返頭一二行單丁位，我梗係唔會坐咁前啦，之前都"乃"過野。算啦，唔睇住。我好想睇《翩翩喜歡你》-_-

去星巴克，竟然無位，失望。去許留山食好好味o既芒果甜品，本來想自己整o既，不過買唔到芒果。

春天，雖然好潮濕，不過有 d 地方好香花草味。康佬個阿哥話我煮野好香，哈哈哈，佢一定後悔咁早結婚

去一間樓上書店，見唔到，再上，行左幾級拎轉面見 Tommy 入緊一間野，我先見到間書店，落返去入去，書店裡面五六個人望住我，好懦呀。死人 Tommy 又唔叫住我！

>>March 19, 2006 at 6:24:23 AM GMT+8

2006 年 3 月 16 日 星期四 【晴】

每次上完 critical and creative thinking，我都覺得班同學好蠢 -_- 佢地真係乜都諗得出，又唔係 creative 喎，因為無 create value。Hektor 真係處理得很不錯，每次 d 人答 d 好爛o既答案，佢就話：「唔該晒呢位同學，有無其他人有唔同睇法....(直到有人答o岩)，呢個答案就似 d 喇.....」

我今個星期行衰運呀，一星期內，兩次o係地鐵比人地個胸掂到。我只係規規矩矩咁扶住條柱， d 女人就搵個胸挨地黎 -_- 噫.....！呢家野我唔o岩架。

整o者喱糖，好野~

摺紙o既魔力，可以令完全唔識自制o既我唔溫書

我想養隻寵物陪下我，不過幻想下算啦，等我做左一家之主先算。如果巴西龜識洗碗，兔仔識洗衫(我估佢應該識用洗衫板)，狗仔識出去倒垃圾，蒼鼠識摺衫，貓識得訓練其他一隻二隻去廁所....咁就正喇~我唔介意努力 d 搵錢養佢地。至於其他，例如煮飯拖地，我鍾意做，等我做啦，哈哈哈。

原來 phantom of the opera 最貴都係 $890 ，唔洗一千。

睇返 03年o既一個留言，Angela 呀 Angela，點解你寫 d 野咁低能架。
不過好多野，低低能能咁踏出第一步，收獲可能意想不到。

>>March 17, 2006 at 3:46:03 PM GMT+8

2006 年 3 月 15 日 星期三 【晴】

今日有好兩樣野令人好興奮，兩樣野令人好沮喪/憤怒！

我越來越愛 Stephen 喇，佢實在太好太好喇！

Dear Students,

The mid-term test of MS3108, Transportation Logistics will be held on 23 March, 2006. Please note details of the test as below:

Date and Time: 11:00 am - 12:00 pm, 23 March, 2006, Thursday
Venue: LT-13
Time Allowed: ONE hour
Test Format: Multiple Choice
No of Questions: 40
No. of Versions of Question Paper: 3-6
Grading: 1 mark will be given for correct answer, 0.25 mark will be deduced for incorrect answer, and 0 mark will be given for blank answer.
Seating Plan: To be uploaded to Blackboard next Wensday (22 March, 2006)
Scope of Test: Lecture 1 - 5 (After considering your workload, water carrier will not be included in this test)

Work hard and good luck!

Best regards,
Stephen

今日上堂前佢同我地傾計，問我地多唔多野做
我地：「多呀，下星期連續兩日 mid-term 呀」
Stephen：「咩科呀？」
我地：「SOM」
Stephen：「SOM 要 mid-term 咩？」........唔記得
我：「不如改期丫...」明知唔得，攪下爛 gag
Stephen：「仲改，無得改喇，之後邊有時間呀」
我地：「淺 d 丫」
Stephen：「出左卷喎」我地仲 suggest 左幾個爛方案.....一係唔好 test 啦

由於 Stephen 無話過會有 d 咩改動，所以我都預左係 test 一至六課。返到屋企 check e-mail 先發覺佢改左 test 一至五課。(平時我唔係好睇呢 d e-mail，唔知點解今次咁留心睇)
佢無應承過我地任何野，但又暗地為我地做左 d 野...真係.......令人感動。Stephen I love You~

放學，o係地鐵傾電話，裝到坐我隔離個男人份報紙頭版話七月文化中心有 Phantom of the Opera，咁我就講比人知啦，佢問我o係邊見到，我：「o係我隔離個人份報紙囉」佢一路問其他資料，我一路側身去裝，結果我凝住個男人特登拎高 d 份報紙等我容易 d 睇，真係好人。

令人沮喪/憤怒o既事：
我都無得睇 Phantom of the Opera 啦，一係返緊工，無得去；一係未搵到工，都唔捨得啦，成千蚊...-_- 討論緊點解咁貴
「每場要掟爛一盞水晶燈」
「火燭o個幕每場燒一個劇院」
「水晶燈跌落黎o個幕每場壓死幾個觀眾」
哈哈哈，唔怪得咁貴啦，咁一千蚊都 ok 啦 -_-

仲有一個問題，就係肯出錢都未必買到飛。DBS 信用卡有得優先訂飛，
人：「咁你有無DBS 信用卡呀？」
我：「我o個張係得一萬蚊信用額，最低等o既信用卡」
人：「咁廣告o個張咩卡呀？」
我：「黑卡，可能黑卡先有得訂，一訂就訂一場」

另一件憤怒o既事，比套碟你又唔即日裝，個個好似你咁拖所以而家仲未輪到我地咋！叫你帶返黎又帶漏一半，都咁大個人啦，一 d 責任感都無，點出黎做野呀？對住咁樣做野o既人真係好忟！我對事唔係對人。仲有呀，logistic o個兩個讀 engine year 1 o既男仔真係好唔掂，平時我地早到，我地一 group 人，實幫佢地留位o既，佢地就奉旨姍姍來遲，都明知個課室唔夠位架啦。今日我地遲左上去，同佢地一齊到，佢地唔單止唔幫手搬凳，仲自己坐左本身有o既凳，犀利。

我對長o既直髮充滿新鮮感，雖然好煩

>>March 16, 2006 at 2:31:03 PM GMT+8

2006 年 3 月 14 日 星期二 【晴】

原來今日係最後一次上 Dr Tse 堂，真係唔捨得呀。

想開罐蛋卷食，開極都開唔到。我已經算好大力架啦，都束手無策。"玩"左好耐都無起色，我：「可能要用罐頭刀喇」真係要大聲鬧一句 後來我同家姐用較剪，鎚，羅絲批，花左起碼十分鐘先開到一對對角，本來想完整咁打開，不過最後都係亂黎。太可惡。
我開左發覺仲有一個蓋：「x，呢罐仆街蛋卷...」真係忍唔住要講粗口鬧罐蛋卷，哈哈哈
家姐：「罐蛋卷受左咀咒...」去埃及去到 short 左，唔洗理會


溫書，超心散，因為 target unattainable。痴線痴線痴線痴線！

>>March 15, 2006 at 5:15:16 PM GMT+8

2006 年 3 月 13 日 星期一 【晴】

其實我 也許錯 也不錯
沒事不准大叫麼
為什麼必須要乖 交功課
難道我 說一句 也說不過
永遠擔心後悔麼
沒動聲色忍痛楚 未曾是我

悲慘星期二，上 CRM，我一路都話佢教得差架啦，你地而家先覺。當 DrTso好似教自己咁教我地o既時候，我已經一頭霧水，再我望下前排o既同學仔，個個都各自上網，無人跟佢做，我覺得好心寒。已經唔係而家明唔明o既問題，係之後想問都無人會識答。
結果懷住沈重o既心情返屋企

肚餓死人喇。
堅持....一個無晒生存意志o既人，仲講乜鬼堅持丫，危險危險！

o岩o岩睇完本比細路仔睇o既歷險故事，暴力到死。睇到我都腰酸背痛。而家準備睇一本叫做《中華傳統美德格言》，都係比細路仔睇o既

某日講到：「如果而家係跑緊馬拉松就好啦，得一個目標...」好沮喪
心知道有路尚要趕 身體卻拒絕彈起床
事後我討厭自己 不會反抗 讓我很沮喪
當天氣那樣地晴朗 當工作照樣十分忙
事後我討厭自己經濟狀況

每次我也知道什麼錯 每次我也知錯不改過
怎麼偏偏知道難過 怎麼不可安心出錯
急於到處賣弄眼光 小把戲過份露鋒芒
事後我討厭自己 不會收放讓我很沮喪
只知道有話就要講 不懂去漂亮地隱藏
事後我討厭自己 不按狀況

>>March 14, 2006 at 5:25:35 PM GMT+8

2006 年 3 月 12 日 星期日 【晴】

好無聊呀，明明 day-off，又要返去聽吉之島 recruitment talk。個講者講得好差，佢把聲、語氣都似足對住班小學生講故事咁，好難頂呀！其實我完全唔想o係吉之島做野，「人」好重要，以人為本都o岩，不過除左顧客係人，員工都係人。有得揀一定唔做吉之島！

>>March 13, 2006 at 11:53:32 AM GMT+8

2006 年 3 月 11 日 星期六 【晴】

某日上 TVB.COM 睇劇情預告，《天幕下我戀人》中有一頁叫做"必睇埸口"，將抄襲委婉地寫成經典，好！可以用黎交 critical and creative thinking 功課。

訓到一點，離晒譜。

溫左 d d 書，畫左兩幅畫，記錄上年我o既兩件大事，兩個第一次親親大自然。

家姐去完埃及喇，要每晚早 d 燱燈。玩佢買o既香油，而家我好香蓮花味。
我登記左 showhappy 個 forum 用，好驚喜頭像可以用 *swf，哈哈，張相識講野，真係型。

>>March 12, 2006 at 5:53:40 PM GMT+8