2005 年 11 月 20 日 星期日 【晴】

《無間開會日》

尋晚睇 S&P 個 case 睇到三點半，訓....唔著，大概四點訓著啦。今朝就九點起身聽 CCIV 講座，幾驚遲到呀，一遲左就成個 course fail，前功盡廢，所以較定三個鬧鐘，好彩準時。
區大維(書法家)講野都幾幽默，所以都唔算太眼訓。其實佢講得好有趣，係我自己支力o者。
終於知道咩叫"未到家"，同埋點解叫"未到家"。

講座一完就去同 Brenda 做 ServiceModel，再上去問 Stephen。問題食少少野，去開 Meaning of Life，一開完，開 S&P。一開完，又做做 ServiceModel。朝十半晚九。散晒

Stephen 真係好型呀~佢老婆就好啦。勁鍾意 Stephen，哈哈哈。等我做多 d ServiceModel，成日去問野。

>>November 21, 2005 at 3:30:02 PM GMT+8

2005 年 11 月 16 日 星期三 【晴】

九點開 process MGT，無人準時！可惡！(我有資格咁講，我當然準時啦)，有人過份到遲到仲去 canteen 買埋野飲先黎，結果搭四先齊人，激死！

Peggy 做野真係唔係路，咁都錯得o既，衰在我地又唔發現喎。落堂，食飯， Penny 真係，非常非常 gentleman！每次食親飯都一人斟一杯水比我地，上次佢地明明開會，我地搭檯坐埋一邊，佢都斟埋我地o個份.....雖然好欣賞佢，不過如果我男朋友對所有女仔都咁好我會唔鍾意囉。
去 Mega sale，bubbery 銀包都係講緊三百幾十蚊，不過款式好一般。

上 SOM，狂訓

o係 CSC 做到十二點一先走 -_-，搭最後一班地鐵....(係咪我死都話唔走累到大家無得走？)
次次都揀左 d 過海的士，今次問左司機先。佢叫我過隔離街，平日o係另一條街，都仲有一大個圈比個司機兜下，今日聽佢講過隔離街，轉一個大彎就到，兩分鐘都唔知有無，咁就十五蚊，司機顯然好不滿。我夠不滿咯！兩分鐘車程十五蚊，計里數仲貴過搭飛機。如果有人送我，近近地行返屋企都唔洗十五分鐘，咁o既天氣仲好舒服添~

d 同學仔做到十點左右已經有屋企人打黎問佢幾點返，我十二點十未返到屋企無人打比我不特止，阿媽仲唔知我未返鎖埋門，吹脹~不過有咁大自己度都開心o既。
o係 CSC Connie 仲安慰我：「」呢度收唔到電話o者」
又係喎....一睇：「我收到喎....」

yoyoyo，update 左呀，我第一時間發現，我日日都 check 架~咩呀，全部地方都唔識o既...我想去呀
哈哈哈，原來過左架...

>>November 17, 2005 at 6:41:39 PM GMT+8

2005 年 11 月 15 日 星期二 【晴】

尋晚我幫人「打齋」，三點半先訓

今日好在有 morning call，如果唔係又訓過龍...我繼上兩堂遲大到之後，今日最早到！九點五就到左。Simon Mak 一入黎見到我：「早晨...咁早到呀，點個名先... d 咁準時o既同學要知道叫咩名...」今日 team 1 present，佢地派個法國男仔出黎 pre，我先發現原來呢班有個咁靚仔o既同學。本來仲係好眼訓架，不過突然精神為之一振。

上埋 CCIV 同 Edith 影畢業相，佢阿爸揸機，佢個業餘攝影人大伯從旁指導取景，我地兩個笑到勁支力，唔知佢幾時先真係影。佢仲係咁點我地行黎行去添...見 Edith 好返好多，開始睇落無咁病，真係開心喇~

幫 Connie 睇 ServiceModel 功課，佢個 model 差唔多成個出自我....-_- 你點考試呀？
o係金鐘地鐵撞到阿靜，原來 Luisa 已經乞人憎到 連最新o既新人都憎佢，連好好人o既大佬都成日投訢佢....(我同大佬企埋同一陣線呀~)

見到檯面有盒 eclipse，諗住偷食，放左落口發覺無乜味，原來係家姐o係 clinic 訂o個 d 止痛藥。算啦，反正膊頭都痛，費事浪費左粒藥，照食。

>>November 16, 2005 at 3:47:45 PM GMT+8

2005 年 11 月 13 日 星期日 【晴】

無數晚捱夜，終於做好 CCIV 論文喇！恭喜晒！Hurray！！(03:20)

做野做到三點幾，出面個公園又有人嘈，仲係特登得閒大叫一聲。可惡！不過四個人裡面，得一個人把聲，我非常覺得佢係o拍左丸。

四點，仲嘈緊，我又忍唔住喇，今次 d方法文明左，我打去北角警署，佢竟然話已經有人打過去，不過都攪到四點半先有警察到。同上次一樣，有兩個爬上涼亭頂，我極想挺身而出，不過都無....最後佢自己 check，用大光燈照到佢：「喂o靚仔，照到你喇，落黎啦」細細聲講野仍然咁有威嚴，香港警察真係型！最後只係趕左佢地走，無的佢返警署，好失望。

>>November 14, 2005 at 3:39:34 AM GMT+8

2005 年 11 月 11 日 星期五 【晴】

五高肥仔突然走埋黎：「點解你成日都煮 d 咁香o既野o既？」

>>November 12, 2005 at 4:43:32 PM GMT+8

2005 年 11 月 9 日 星期三 【晴】

process management o個組 d exchange student 完全唔掂！好想死呀！

用左堂 process 畫 floor plan，食一個鐘 lunch，上 SOM。開學咁耐第一次上 SOM 無訓，仲留心.....好驚，我一定係就快死，轉性

一落堂就做 process project，直到十點四先離開城大。原來已經咁夜....飯都唔記得食....一企起身想走就企唔穩...好似飲醉左咁

我好憎同蠢過自己o既人做野！

o係電視見到樂樂，許景同 WCW，如果 Tommy 都有去，可能都會見到佢
唔知幾時見到阿恆呢

>>November 10, 2005 at 3:57:53 PM GMT+8

2005 年 11 月 8 日 星期二 【晴】

又唔知醒，上九點半，九點零幾分醒.....自然醒，勁！因為尋晚做到三點，再鬧人加講電話講到三點半，仲要訓唔著，我估四點幾訓著掛....原來阿茹仲遲過我起身，不過佢早過我返到去上堂...住得近真係好。我下個自己 sem 搬出黎住，搬去 blue zone 個 locker 住，地址係 03944，得閒探我丫。

上 CCIV，今日 PRESENT，我係第一個，有 d 緊張添.....唔準緊張呀！得o個三個 credit 仲係 pass/fail，鬼咁多野做，再要額外付出 d 緊張好唔抵呀！

幾時都話做野要有手段，靠包裝，我個 present 本來平平無奇，為左突出自己，我用左個與別不同o既方法介紹件瓷器，(其實好無聊不過唔識整o既人可能會誤以為好勁)，結果成功突圍，有五個同學投我一票話我 pre 得最好。最多票數係 九 。其餘兩個零，兩個一。我自問我個 present 好一般。不過 tutor 評語都唔錯「資料充足，時間掌握得好，介紹詳細」，唔記得 lu....

可惡o既葉景泰唔記得左今日 present，仲夠膽問 tutor 佢負責 pre 邊件。當佢知道左自己今日 pre，就話：「大鑊，我唔記得...」tutor 話：「呢 d說話唔好ｏ係我」面前講呀，我提左你地啦......唔好做囉」

結果隔左一陣 tutor 自己話比佢下次 pre。我仲以為天收佢添，原來唔係....cher！


今日經過聖雅多，感覺唔同晒，可能因為自己已經唔屬於o個度....

>>November 9, 2005 at 4:33:31 PM GMT+8

2005 年 11 月 7 日 星期一 【晴】

o岩o岩知道香港隊伍o係世界口琴節o既成績，我接受唔到喎。無疑許景係好勁，不過不致於有咁多冠軍。

隊 band....連區區 St Paul co-edu 都贏唔到，竟然世界賽冠軍？

我覺得世界賽 d 參賽者水平可能唔夠亞太勁.....咁鬼貴又開晒學，鬼參加咩？

下年去美國之前o既暑假(已經唔係我o既暑假)竟然要去台灣參加亞太，完全當我死o既。之前明明話無興趣，話淨係去個(未知攪唔攪得成o既)循迴演出，全部都係大話。

>>November 8, 2005 at 6:01:57 PM GMT+8

2005 年 11 月 7 日 星期一 【晴】

區區五分鐘o既 CCIV present 竟然用左我三日準備，最後只係 pass or fail，蝕桌！

>>November 8, 2005 at 9:36:15 AM GMT+8

2005 年 11 月 6 日 星期日 【晴】

出門口返去開會，o係 lift 聽到一聲巨響，我完全聯想唔到乜野，隔左幾秒，收到家姐電話，問我落左樓下未，我以為佢會叫我幫佢做 d 乜，好唔耐煩咁問做咩..「頭先我聽到砰一聲好大聲呀....你落左去咁就無野啦....」原來 d 咁微細o既事，家姐都會為我擔心....突然好感動添

搵左 d Kenny G 聽，其實係突然好想聽 《Going Home》，以前聽覺得好好聽架，不過聽過阿恆吹現場，覺得原來 Kenny G 都係一般o者。唔知點解，係咪 tuning 問題呢，覺得好似嗩吶 -_-.....人同人用音樂作交流，原來心真係好緊要。都係阿恆演奏得有 heart d。希望佢o既音樂日後唔會變得商品化啦....如果我有一隻朱穎恆專輯就好啦。(要得我有)

(稍安勿燥，Figlisten 吹 《American》都好聽)

>>November 7, 2005 at 6:41:35 PM GMT+8