2006 年 4 月 22 日 星期六 【晴】

餐桌上放住無數大蕉，我拎一隻黎食。
會長：「都唔明點解係都要買呢種蕉架，難食到死，我最憎架喇，都唔知邊個發明呢 d 蕉架」
家姐：「係啦，我諗 d 人食佢都係因為佢可以令腸胃好 d」
會長：「我諗其實所有蕉都一樣，一定係大蕉實在太難食，無人買，所以賣大蕉o既人作個 gimmic 出黎呃人買」

會長：「我想用蛋形o個個 mp3」
家姐：「好啦，不過 Anthony 個阿媽丟左個盒喇.....都咁大個啦，仲執人 d 野，正一仆街。以前媽咪o係我地好細個已經無執我地 d 野啦」
會長：「佢有呀」
家姐：「佢"抄"之嘛....點同執呀？」-_-咁又係，起碼無丟野。
佢有一次"抄"我 d 野，見到個糖罐，佢以為係糖，所以打開黎食....點知發現左 d 氣槍子彈....比佢省一餐之餘仲被逼丟晒佢。

會長：「家姐你知唔知『打擾﹝切﹞』點解呀？或者『充實﹝切﹞』」
家姐：「唔知喎，點解呀？」
會長：「哈哈哈哈...自己查字典啦」

會長：「你食晒 d 燒元貝未呀？」
家姐：「一早食晒啦」
會長：「媽咪仲有兩粒喎，真係犀利呀！」
家姐：「因為佢食埋爸爸o個份丫嘛」

易名為《論盡‧人生》
論：分析、判斷事物的道理
盡：全部，竭力做到
論盡：我

我希望我一生人入面可以睇到起碼一次世界盃。嘉利：「點解呀？」因為要感受下咁多人一齊咁熱鬧o既氣氛。家姐：「咁咪去囉」買到飛至得架...
家姐：「如果o係香港攪咪得囉」
會長：「話之佢o係大球場攪，都係買唔到飛架啦」
家姐：「咁你o係出面昅下昅下咪得囉」-_-


噫.......攪錯呀！-_-

整完 powerpoint 了，去跑步。都話我熱愛運動架啦，and you needn't fuss (15:06) Goodbye dears~

我簡直係全香港最不幸o係城大學生！(範圍收窄 d 好似無咁慘咁)
我一向(講到好似經常跑咁)跑步除左 mp3、電話、身份証、八達通、鎖匙同手巾，應該唔會再帶其野。當我好有活力咁跑完，去間 24-hr 惠康 cool down 同買野飲，拎起左先醒起八達通應該o岩o岩無晒錢而我又未增值，再諗下我身上有咩？除左之前帶o既野之外，就只有汗 -__-。我不但無得飲野，仲無得搭車返屋企，好慘呀！！需知道 xx村係離真正o既銅鑼灣好遠好遠架。死死地氣行啦 -_-，我真係希望天空突然裂開，有個靚仔o既 gentleman 乘住一舊雲飛黎載我返屋企。哈哈哈，係咪好似詩一般咁有意境呀？發夢就有我份，事實係我好慘咁一個人行返屋企呀。唔緊要，開恆個電話播住歌咁行，我會開心 d 囉。不過上天都待我不薄，個天即刻陰晒，但係又唔落雨。
我記得喇，我仲o係 7-11 門口見到豬仔扭蛋，無錢扭呀。
返屋企同家姐講返，我地都第一時間諗起係時候有個阿婆走出黎訪問我點解唔用八達通自動增值....(個廣告)

我又比飛蛾突襲喇，我本來打黎日記，見到飛蛾，大叫一聲 "shit" 就跑出廳，又要死死地氣走返入房電佢........

家姐遲 d 又去澳洲旅行 -_-


Arthur's Big MovieUpdated at 23-06-2006_剪輯左好多，佢本來擾攘左成個月架
take advantage of Arthur.....XD7當時其實已經讀完 year 2 架喇，不過著住中學校服囉，真係滑稽。

>>April 25, 2006 at 11:00:07 AM GMT+8

2006 年 4 月 21 日 星期五 【晴】

放左個 site meter，先發覺原來真係有咁多人睇我個日記，真係多謝喎。我放個 site meter，係因為好日都無一個留言，我覺得無人睇，無心機寫。不過唔睇唔知我有 d 咁早就起身o既朋友，竟然有人凌晨四點幾，六點幾就睇(/仲睇)，好早啊，我都未清醒。真係唔滾唔知身體好，唔賭唔知時運高，唔.......唔知......(痴線，好多野都唔知架啦)

尋晚又衰左啦，話點半前訓，結果三點都未訓...成個星期都係咁，而家個樣變左老太婆。一起身敷返個血燕 mask，我真係好憎用 paper mask，麻 x 煩！(x 係 "times" XD)其實任何 mask 都好 q 煩，如果我天生麗質，就唔洗煩啦。不過呢隻血燕 mask 好得架，我覺得。有幾得？其實我成五十歲架喇，你地以為我廿幾歲哩？不過o岩o岩執左笠，我得返兩塊.....就快打回原型。好似講：「真是個好男人」o個個阿婆咁。

你地一個二個真係唔聽o個三段 discussion 個喎，好笑架。(esp 第三段，要好留心)聽啦。放心啦，無我把死人聲架。
(上個 sem meaning of life 我已經講左無數堂 sex，我仲係人地 present 完 "what's wrong with homesexuality"之後，我問左一個推翻佢整個十五分鐘 present o既問題，幾型呀。真係 critical)

喂，我用倉頡，不過係"頭* 尾"咁打，真係慢死人，好 q 難！唔用喇，每個字都試成千次，唔學喇。自學o既野真係好易放棄，因為無人鼓勵。

去零食物語買雪榚糖
「我包糖呢」
『你個樣好似破左產咁』
拆，食。
「噫？點解唔係果汁味、唔係細個食o個隻o既？好唔開心...」
『你個樣好似破左兩次產咁』

睇《愛你如詩美麗》，好睇。好笑，感人，完全感受到 Roberto o既緊張，好似雪一樣o既愛情。不過唔明點解呢位導演咁鐘意講 sex，係咪意大利o既文化黎架？今日個院好空，本身個院已經細架啦...不過都好，無人講野或響電話。上左兩日o既戲，竟然入座率咁低。香港人，無靚仔同靚女o既戲都可以好好睇架。
有一段輕輕帶過一個老人o既故事，服兵役期間妻子患天花，容貌盡燬，個男人知道之後扮因打仗盲左，十二年後，佢妻子死左之後o個日佢先再次張開眼。

搭左架 Chan B B (青 bb) o既 巴士

>>April 22, 2006 at 4:35:09 PM GMT+8

2006 年 4 月 20 日 星期四 【晴】

我尋晚見到"烏鷹"鬼，我已經超渡左佢，就係電死佢多一次

嘿嘿嘿，革命。雖然廿二都黎緊，不過我仲可以話自己仲細。係時候置之死地而後生，收復失地。

我好眼訓呀，成晚比隻蚊圍住，都無力反抗，有本事吸乾我，嘈住晒。痴三筋，比佢咬左起碼五啖。我真係大吸引力，因為我其實開左蚊燈架。
痴線架，朝早七點未夠o係度玩呼拉圈，又成日跌，嘈死人。我而家就去再訓過，所有人收聲！(09:46)今晚要點半之前攤落床。

睇到個笑話，之前見過個類似o既，不過睇完都唔識笑，呢個可能係 variation，呢個好笑呀。
有個傢伙在海灘上進行全裸日光浴 ，看到有個小女孩朝他走過來 ，他便用手邊正在閱讀的報紙遮住重點部位 。
小女孩走近,問他報紙下面是什麼? 臨機一動,他說一隻鳥. 。小女孩就走開了,這傢伙跟著便睡著了 ，待他醒來,發現自己正躺在醫院,，處於極度痛苦中 。警察正問他發生什麼事，他回答’我不知道！我本來躺在沙灘上, ，有個小女孩跑來問我問題, ，我想接著我就失去知覺, 然後我人就進醫院啦.’ 。
警察回到沙灘上找到小女孩,問 ：「妳對那個裸體的人做了什麼?」停了會兒,小女孩說, ’我對他沒做什麼 ，我只是跟他的鳥玩, 但他的鳥對我吐口水 。所以 ，我扭斷它的脖子, 打破它的蛋,
放火燒了它的窩.

勁好笑，"放火燒了它的窩"。

仲有一個：喬和他的秘書偷情多時。有一天兩人熱情難耐，於是跑到秘書家中幾番雲雨，不
料兩人竟然睡著而且一覺醒來已經晚上十點。慌亂中兩人快速起身著裝，喬向女秘書
說：「趕快把我的鞋子拿出去在草坪上磨一磨。」
　　女秘書滿腹狐疑，但依然照做。喬回到家，一到門口就見到老婆一臉不悅。老婆
問他跑哪兒去了，搞到這麼晚才回來？男人回答說：「我也不想再騙妳，我和女秘書到
她家，作愛作了一下午，然後睡著了，所以這麼晚才回來。」
老婆看著他，瞥了一眼他的鞋子，大吼道：「你這個騙子，還編什麼鬼話！我
明明看見你鞋子上有草地的磨痕，你一定又偷跑去打高爾夫球，打了一整天對不對？」
好笑，我覺得。人都係鍾意懶醒

think of me, think of me fondly when we've said goodbye....呢個 alarm 好耐都未能成功叫醒我
我結果無訓返，又睇 life is beautiful，仍然好好睇。 So ROMANTIC, so sweet, so sad

而家o既音樂係 life is beautiful 的配樂。好聽，我 mix 左好鬼耐，本來跟住小朋友講野o既係一段好傷感o既音樂，不過音質唔好...呢段好聽丫，我聽到好開心。小朋友話：「我們嬴了」如果睇過套戲，聽到應該會感受良多，如果好似我睇過咁多次，應該會....想喊....兩年內睇左可能超過五次，到今日睇仍然覺得好感人。基度真係好型！我要問叮噹借o個對唔知乜鞋，走入故事做 Dora。為左愛自願走入集中營.....真係浪漫呀。又遲到喇，換衫返學...(14:04)

喂，知唔知呀。基度 (Roberto Benigni)有新戲上左畫。《愛你如詩美麗》。佢o個身o既造型真係好"充實"﹝切﹞，好似o岩o岩o係集中營出黎又拍過第二套戲咁。記住睇呀~如果有個詩人愛上我，唔知會寫咩詩比我呢，大概會係：「少發白日夢 收皮吧」

戴帽出街真係好喇，我以後都唔除帽喇。家姐：「都唔明點解你鍾意戴 cap 帽o既，咁核突」我心想：「我夠唔明你點解鍾意 Anthony 啦....挑！」小心言行，所以諗下好o喇。

我突然記起我o個日講漏左樣野。o個種髮型o係出面電唔持久o既，自己整多數、肯定 keep 得仲耐，呢個係四個人先後實驗過。而且價錢相差十倍，一樣咁傷頭髮。
如果我細個 d 我都 keep 住呢個髮型。如果我唔係o岩o岩先整完負離子，我都想.......hehe~just perfect i love it，話時話我當時竟然無影相？？

上 Hektor 堂真係開心呀！不過已經尾兩堂，所以我要令自己記得佢。明明係講 non-deductive argument，不過以下o既問題，竟然比人發到無限遠。
EDIT 好架喇，盡力 cut 晒 d 悶位...其實可以唔聽，因為只係堂上 discussion 。不過如果聽，留心d，尤其係 Hektor 講o既野。Hektor 就係第一段錄音第一個講野o個個。(只會放兩三曰)
。001intro
。002 sex
。003 食肉有無唔o岩
Hektor 真係好型架，佢最近個髮型改左，扎起左 d 頭髮，好型，好似呀邊個。不過我凝住 Hektor 短頭髮會型好多，我諗佢剪短 d 頭髮隋時會變成靚仔。始終男仔長頭髮唔係最好囉 -_-
上堂做 exercise，佢走埋黎，好 gentle o既語氣問我識唔識做，(佢一向都係咁o既)，我唔識，所以扯開話題，問可唔可以交多次上次份功課，因為經過個假期，溫左少少，覺得做錯左。我諗住呢科起碼要拎個 A- 架，所以再做。

我想有一個(相機)腳架，因為..........我覺得拎住腳架好型。

>>April 22, 2006 at 3:13:31 AM GMT+8

2006 年 4 月 19 日 星期三 【晴】

wow~~~~~~~~my life is perfect now!!!!!!!!!
想大叫嗎？叫吧！wow~wow~wow~(咁似狗o既，who cares?)

我訓左五個鐘咋...夜訓，加興奮過度，失眠。

今日要返早堂，十半 stephen 堂。(未到 point 呀)，我係想話九點起身仲係非常呆滯，一開 hotmail，知唔知我今日收到咩呀？比一百年你都估唔到，Takamoto send e-emal 比我呀。話說上屆亞太我幾經轉折 send 返 d 相比佢，可能太大，質爆左佢個 e-mail。前幾曰我咪發神經o既，XD 我再 send 比佢，佢今日 reply 返我，好開心。

點解，我呢兩日咁開心o既？哈姆太郎，我今日真係好開心呀，聽日一定會更開心o既o者
我想要一顆星星，但神給我整個宇宙
癲夠喇，遲到喇。(09:31) see you again dears~

今日真係眼訓到無命。遲左五分鐘上堂。
Stephen 今日好似好風騷咁，唔通佢好似我咁開心？

Carmen 問我點解咁開心，點解咁特別呀？la_la：「因為真係好特別」
同Amy， Ada， Isa o係 canteen 入面小菊食甜品....唉，女大學生，見到甜品發晒癲咁

今日呢，四個女同學，茶餘飯後又講起 "gentleman" 這話題，香港雖小，但到處都有好男人！實在令人心曠神怡。
會長：「香港都幾多 gentleman 個喎，我身邊已經有好幾個，Penny 啦， Tim，同埋我個朋友(pluto)」
Ada：「Penny 都係咩？」
會長：「Penny 當然係啦，每次食飯，佢都斟晒水咁仲唔 gentleman？」
Amy：「Penny 斟o既水無檸檬(洗潔精)味架...」
會長：「係咩，上次有喎」
Amy：「上次 Penny 無黎係 Carmen 斟架...」
會長：「係喎，我記得 Penny 好似逐隻杯用熱水沖過先架，唔怪得佢平時咁耐啦.......」
異口同聲：「嘩，咁真係好 gentleman 呀.... bla bla bla...」
會長：「Penny 好在就算而家有女朋友都對 d 女同學咁好...」

身邊咁多咁 gentleman o既男仔，人生真係充滿希望。Amy話：「個個男仔都咁gentleman，但係自己o個個就唔係....」

今日先發覺上多一個禮拜堂就考試，我決定偷錄 stephen 教書。here
script:
Stephen：「你信唔信得過佢買股票呀？okay，幾萬蚊，彧者十幾萬，信唔信得過架？去到間....買左間.......混吉銀行咪死，唔係交通銀行黎，大劑....」
會長：「XD好爛呀，哈哈」笑得咁自然，係因為真係好爛
quality 好差，因為電話用 amr format....點解我唔用 mp3 呢？
放學 Amy 陪我去 white zone (又一城)買 cap 帽，試左好幾頂。
會長：「唔，呢個唔掂....呀，呢頂靚...」
Amy：「我終於知你話靚o既定義係咩喇，係型。」
會長：「咁你本身以為係咩呀」
Amy：「戴落似返個女仔....」
而家邊度唔似女仔喎 -_-

今日日記已經好長喇。不過我仲有野講。Amy 食甜品時一本正經咁話美國某電視台要公開一段片，係拍到外星鬼o既片。我同 Ada 覺得根本就係笑話。有外星人，唔奇。有鬼，都可能。不過話有外星鬼o係地球....我覺得好好笑。Amy 仲話當時 UFO 墜落，仲有一個外星人生環，而家比人困左o係美國某大樓研究。而且該處守衛深嚴，有人行近 d 就會比人周(佢唔係用呢個 term)，問你係邊個，有無通行証云云。會長：「話我係衛斯理咪得囉」Ada 十分認同。會長：「一般人一定笑死，幸好我受過嚴格中國武術訓練，現在只是有少少想笑，不致笑死。」哈哈哈

Amy 話：「我唔會比男朋友單獨同女仔出街」
我地：「咁如果事先同你講左呢」
Amy 話：「咁就得..........o既」好好笑，哈哈哈。Amy 個男朋友好好笑架，我地同 Amy 開會，佢會突然走埋黎搣 Amy 塊面，攪到我地都唔知點好。

>>April 21, 2006 at 1:58:04 PM GMT+8

2006 年 4 月 18 日 星期二 【晴】

今日早上真係一個好開始，我 hotmail 同 gmail 都收到信，不過係 register confirmation，copy of your e-card...哈哈哈

尋日公眾假期完結，竟然全家都收唔到信，我地一定係已經被世人遺忘左....其實o係郵差眼中 1935 道門係塗鴉黎架。

噫，攪錯呀，又係星期五。HK Disneylan 個 recruitment talk 安排o係星期五三半至五半，完全撞正上 critical thinking，唔走得架.....噫.............無得同豬仔做同事 -_-。車邊個話無去 recruitment talk 唔比 apply 喎。

雖然 Manning 唔賞識我，今日收到 McDonald's e-mail，不過只係話遲 d interview o者。唔通我個 CV 真係太 tailor made 比飲食業？咁 pizza hut 呀？
After seriously consider your application, we appreciate your background and qualifications.
hahahahahaha，好開心呀，因為其實我只 send 左三封信出去，已經有一個 interview 機會喇。
(cher，原來但凡有遞信o既都有得去)

今日沖o既咖啡都特別唔難飲o既~~

o係 forum 見到有人問，「行街既時候聽到有人咁講：『sorry有用~咁警察要黎做乜??』如果有人咁樣同你講~你會點樣駁番佢?? 」
駁乜鬼丫，打暈佢算啦。警察係正義o既朋友，我就係正義。會長說：「我就是」
警察唔係一個職業，唔係話"要黎做乜" o既野，而係警察本身自己想為社會做乜。
我非常欣賞香港警察 ，哈哈哈~當我仲係真正o既小朋友，警察曾經o係一隻流浪狗o既口中救返我出黎架。警察真係好型！我第時要嫁比警察.......哈哈哈哈 XD，真係忙呀，因為仲有好多人都好型架。

突然好想睇聖經，快 d 溫完書！

終於有人信我係先知喇，我懷才得遇。yo~

我放左整個星期假，到今日先捨得 prepare SOM 個 case，無辦法啦，聽日要 meeting -_-。咁o岩我今日又好想睇聖經，所以就係咁睇個 case，想早 d 睇晒。點解我突然咁想睇聖經呢，因為日記中一句無聊野，我想搵四福音中，耶穌講：「我是。」o既出處，睇睇下就好想睇。

事實証明，只要好堅定咁相信，好多野都得架。基度都係咁娶左人地o既未婚妻。
我係咪發緊夢呀？

我個日記好笑到朱穎恆 d fans msn add 左我 -_-

今日出街先發現原來上次戴完 con 唔記得浸返，我照戴會唔會死架。會，人一定會死架啦，咁照戴啦。

真係對唔住喇 tim 同學，你同我係朋友o既最後一日我竟然 ignore 你。
好肚餓呀，原來我唔記得食晚飯，哈哈，真係唔記得左

有時真係希望勵x村o係海拔五萬尺。XD
終於有人欣賞我日記o既配樂

>>April 19, 2006 at 5:26:50 PM GMT+8

2006 年 4 月 17 日 星期一 【晴】

唔開心呀，萬寧 MT 連 written test o既機會都無。我個 CV 真係咁唔掂？-_-
聽到一首第一次聽已經愛上o既歌.......係一隻 duet
好灰啊！
又無叮噹睇。

成個禮拜假期白白虛渡...無(乜)溫書，無玩 (多左)，無無聊 (多左)。]
我想預支今年生日願望。願望係單純憑天意決定得失o既，所以要涉及人為努力o既事唔可以當做願望，我想有 d 開心o既事發生o係我身上。Bty，我查證過喇，大雄係話 "我係個無人錫o既不幸細路仔，所有唔開心o既事都有我份，個天咁鍾意整蠱我架"。

一個人黑起上黎連 send 個 SMS 都有阻滯o既，打左一大輪，個電話話自己記憶已滿，無法傳送，哼！

溫左少少 Argument，邏輯真係難呀~我寧願好似 tigger 咁無腦，周圍搗亂。咁有條理做乜丫，煩到死。

而家每晚無聊到兩點先出訓落床，聽歌，預校部機九十分鐘自己熄。不過通常聽到熄機都未訓得著。如果真係有靈魂出竅，我真係應該好好利用訓覺o既時間，我諗我應該去到百慕達森林架。如果廸士尼加埋我入去就好啦。
(我一時之間唔記得"竅"字點寫，問家姐，佢話好似橡筋個筋字 -_-，唔係掛，咁都似？！)

叔本華流架 -_-，我意志咁堅定都仲未得。

我已經超過一年無見過 sou i，我明明話十一月搵佢架，我又講大話-_-正衰仔。
I may not have tomorrow to tell you how I feel
And I may not have tomorrow to show my love is real

>>April 18, 2006 at 10:35:19 AM GMT+8

2006 年 4 月 16 日 星期日 【晴】

今日真係好呀，朝早有叮噹大長篇睇，晏晝又有叮噹睇...叮噹著西裝-_-，好核突呀
我都好似大雄咁無用，只係識羨慕人地叻，自己又唔比心機練。我打算出黎做野之後就學過另一樣樂器，不過一定唔會係鋼琴。到時一定要比心機練喇~
又睇多次 piglet big movie，好睇~

會長：「今年復活節無復活蛋食真係唔開心呀。」
家姐：「我咪派左朱古力囉」
會長：「一粒丫嘛」
家姐：「咩呀？o個日o個包唔係野呀 ？」
會長：「咁兩粒囉。」
家姐：「我今日又請你地食o者哩糖呢」好難食架
會長：「車，我要食 kinder 呀」
家姐：「陳嘉利快 d 去買 kinder 返黎比我地食」
嘉利：「點解係我呀」
家姐：「你信教家嘛，唔係應該宣揚福音o既咩？」(Fallacies of relevancy 不相干謬誤)
會長：「係啦，不過 kinder 出奇蛋唔好食架，我要食 kinder 繽紛樂」

會長：「我o個日見到直昇機o係海度裝水救火呀。」
家姐：「咁犀利呀?」
嘉利：「二家姐，你有無見過飛船丫？」
會長：「你發夢咋」佢上次話自己見到飛碟
嘉利：「唔係發夢呀，係渣打飛船」
會長：「哦，梗係見過啦，係飛黎同我打氣家嘛」
家姐：「乜打氣真係有用o既咩?」
會長：「有架，跑跑下見到，好開心咪跑快 d 囉」

一早起身睇叮噹雲之國，真係無乜心機睇，都唔特別o既

做左好幾小時o既 CRM 功課因為一個 MSN message 而 hang 左。好憤怒，開唔返 -_-，好傷心，浪費左無限時間。

我無聊到睇人地 d icq info.......

又睇《吾妻十六》，真係好好睇。好多人成日唔留意、珍惜身邊o既野，仲周圍去搵，有時仲會比 d 靚仔吸引左去 XD，到頭來浪費時間精神，開心傷心.....最後先知身邊o既人就係最愛自己o個個。這就是人生。(原來我 2000 年已經經常講呢句野)男主角好型呀，女主角好靚呀，次男主角好靚仔呀！哈哈哈，真係好睇。我好想好想睇《翩然喜歡你》呀，要快 d 買碟！

假如　真的要我跟你分別
假如　真的要說分手
請求　把我愉快記憶都洗去
才能免我一生也在默默痛苦

假如　真的要我跟你分別
請求　不要讓我知道
假如　干了淚水中的雙眼
可否不要剩下我不顧

＊只求　再度尋獲你曾在心頭
留低〔燃燒〕的愛　跟那情深的維護
請容　我在期望有日在將來
能讓你會明白我仍在痛苦

＃假如　不許我再跟你生活
世上　不必存著有我
假如　天意讓我此生得不到你
不必需要有天意

聽 Brahms o既德意志安魂曲 Ein deutsches Requiem - Klemperer, Philharmonia Orchestra，好悶 -_-悶到 d 冤魂都寧願安息。冤魂：「夠喇夠喇，我安息喇，唔好再唱...」

Baby won't you tell me why, there is sadness in your eyes....

食韓燒，同檯o既鬼仔語驚四座：「oh, what the fuck」佢倒瀉晒 d 茶....完全唔洗用腦o既。唔識架，只係假期多人被逼搭檯。真係熱氣死人。

去皇室堡 HMV 睇下，有個"坐七人車黎o既人" o係度跳舞 -_-

>>April 18, 2006 at 3:34:03 AM GMT+8

2006 年 4 月 15 日 星期六 【晴】

我好唔開心呀。我係咪真係無用成咁呀？written test 都無得去.....我想搵人傾下計都無人理我，我想搵人聽我講野呀........................................

>>April 17, 2006 at 4:11:56 PM GMT+8

2006 年 4 月 15 日 星期六 【晴】

唔該你積極 d 啦，你o既前路已經好暗淡。you better work hard, or I will use this.....

我阿媽成日話要減肥，我教佢做呼拉圈，佢成日都做得一兩下就跌...佢問我做到幾多下，我奸笑一聲：「我？數以百計個喎....」

我已經廿一歲喇，但係我竟然同阿妹因為爭食一隻餃子而攪到要猜包剪揼 -_-，好低能！hehe，其實尋日我已經想買黎食架喇

我個電話係咪壞左呀？點解仲未響o既？根據先知預測，今日應該收到一個特別o既電話。

CRM 真係討厭，完全無心機做功課。

又無聊睇下 d forum，唉，情情塌塌o既野真係好無聊 -_-，我原來都幾灑脫個喎。多情自古空餘恨，好夢由來最易醒。

一打開聖經就睇到「我若有先知講道之能、也明白各樣的奧祕、各樣的知識．而且有全備的信、叫我能夠移山、卻沒有愛、我就算不得甚麼。」哥前 13:2，都話我係.........架啦。
誰人受痛苦被懸掛在木頭？至高的愛盡見於刺穿的手；
看！血在流反映愛沒保留，持續不死的愛到萬世不休！
惟求奉上生命全歸主所有，要將一切盡獻於我主的手，
我已決定今生再沒所求，惟望得主稱讚已足夠！

我而家好肚餓 -_-
每當臨近考試，我又唔想溫書o既時候，我就會怒睇之前o既日記.......我今日癲到睇埋用手寫o既日記。「好開心，可能我會同佢做到好朋友」(6-3-2000)我都話我係先知架啦。不過如果比我返返過去，我會更珍惜 2000 年，而且唔會信賴 hongkong.com 個 e-mail。
睇左好耐，悲從中來，竟然.......喊。
o岩o岩睇到六年前o既 easter，原來我當日o係牛浸唱詩。
以前o既我真係好低能。
原來我生命中仲出現過一個叫佢何頌恆o既人，好型o既機場特警。曾經揸電單車時為閃避一個阿婆而攪到自己訓左一個月醫院。當時我好仰慕佢架....哈哈哈。如果要算命，我諗我一定要用"恆"字。呢個字對我影響極深。
哈哈，2000 年真係好多開心野，我差 d 忘記左我o既好鄰座， Zoe


聽日無論開心又好，唔開心又好，都打個電話話比我知，OK？........如果今晚真係訓唔著o既，打比我丫。幾點都好，三點又好，四點又好.....XD

我們應該根據自己能做到的事來判斷自己；別人則根據我們已做的事，判斷我們

我覺得世人已經遺棄左我，將我放逐到 pooh bear o既國度

成日要講解個日記真係好煩，我寫咁多，就只係預大家知咁多。其實講到尾，我寫得點到即止，就係唔想比人知得太多。我咁多口，要講就真係會講。

>>April 16, 2006 at 4:33:43 PM GMT+8

2006 年 4 月 15 日 星期六 【晴】

I miss Water Good~我要去日本，未出發先興奮.....唔洗去 lu。

2004 年 08 月 09 日 星期一 【晴】，好開心o既一日，我想重溫....

今日最開心o既事....原來我地 duet 第八，好開心。

尋晚我發夢我好辛苦學左一句日文，用黎同水野隆元打招呼，點知佢聽完笑一笑，問：「點解你唔用廣東話同我講野呀？我識聽喎。」

完左亞太，好悶，今日約返o個班前幾日時時刻刻都見到o既人出黎唱 k。有樂樂，大舊，Crystal，黃志榮。
我問人問到尋晚三點都問錯人...先後問左 Tommy，肥鋒，許景。我無搵阿沈呀，因為我諗住佢要返工....話問錯人，係因為以上幾個人今晚都係有份表演架....我真係懵盛盛。

唱到失聲...扮o既，再唱...都係扮o既....唱到真係失聲至得。

去打機，photo hunt左個幾鐘。

一齊搭車去元朗劇院，我地講笑話o個度可能仲係農村地方...
「一出隧道就係一大片草園同麥田」
「周圍有牛行黎行去」
「無公路無行車線」
「d 人無著衫...」(呢 d 好似叫石器時代...)
「元朗劇院可能係茅屋」

元朗劇院-「亞洲口琴新動力」(Asian Rising Powers)音樂會。
出場次序：
The Figlistens-香港
沈雕龍-台北
何志健-馬來西亞
Harmonicube-香港
水野隆元-日本
竹內直子-日本

好精彩，除左「Classical Delights」之外，今晚最好睇。
d 場務寸到爆！

完左，搵何志健簽名，佢好 nice，佢係我見過最令人振奮o既harmonicist，佢吹o既野唔算特別難，不過我見過佢o既任何表演，d 氣氛都一流！

再搵沈雕龍，純粹為紀念。
再搵隆元，嘩，好型呀！佢英文都幾好。我行過去企o係佢右邊，沈雕龍想行開，Tommy 叫佢都影埋，比面佢咋....水野搭住我膊頭推我去佢同沈雕龍中間影，嘩~~~~好野呀。趁沈雕龍行開左，再單獨同水野影。影完相我同水野棟左o係度，我想同佢講野架，死人 ice blue 走過黎搭訕，(阻住晒，死架？！)
水野問佢：「You play tremolo harmonica? I've see your competiton...」
ice blue：「(驚喜萬分)...you see i play? you...em...睇...you play harmonica?」
頂佢....唔順，「係呀係呀，佢有睇呀。(死開啦，阻住晒！人地又唔係特登睇你。)」

(聽朝先打埋下集，好支力...0249 10-8-2004)

Concert 完左，所有表演者去尖沙咀喜來登酒店食宵夜，Tommy 叫我跟埋去，我想去見水野架，不過我又唔係表演者，好似唔係幾好咁...所以我唔肯去，之後何伯昌醫生(又稱何伯--香港口琴協會會長) 叫我去埋，咁就 "老虎蟹都制呀" ~哈哈哈

一落車就唔見左水野，我估佢一定係住呢間酒店....「佢唔會返左日本掛」
不出我所料，過多一陣佢就返黎喇，真係想踢走許景叫水野過黎坐呀。一見到佢即刻同佢揮手，佢同我點頭笑呀，好開心呀~！！！

所有食唔晒o既野都黎晒我地呢檯，因為有許景同 Tommy 坐陣。張單有一半比我地食左。

尊貴有學識o既 Kelvin 教卑微文盲o既我地日文規則...笑死

嘩，樹皮 sir 帶水野過黎同我地傾計，樹皮 sir 話我地好 young，我指住林浩懷話：「he is very old」Tommy 話：「yes，he is very old，fourty five....」爆笑.....

唔知邊個無聊人話要 "飲杯"，我同許景已經飲完九世喇，一人拎一兜茄汁扮野。

Tommy 扮講日文，何二仔 (何伯第二個仔) 笑到傻左...

水野話要返去休息，同大家握手道別，我迅速伸埋隻手出去，好野呀！同水野握手呀，好開心呀！佢同我握得最耐！哈哈哈

水野走，我地都走 lu，已經十二點五十幾分...


>>April 15, 2006 at 6:10:45 PM GMT+8