2005 年 10 月 7 日 星期五 【晴】

同 Tommy 傾計，發現大家近期都有 d 抑鬱。好辛苦，以前返工前仲有時間訓晏覺，而家未落堂就要執定野。又多 project 做，覺得好辛苦，好大壓力，所以最近好情緒化。我好想一resign 左搵阿恆去飲酒，醉左都唔怕，因為佢會送我o既。好期待！

食元綠，等到超激氣，好憎好憎等位！個 queuing system 勁垃圾，如果間野o係又一城，Process Mgt project 一定做佢

>>October 8, 2005 at 5:01:14 PM GMT+8

2005 年 10 月 6 日 星期四 【晴】

(嘩，d 同事唔講我都唔記得今日出糧。)

返八點半，從容不迫。不過超眼訓。

今日lunch 有得唔對住 Andy 一個...經過之前o既薰陶，Andy 開始變成好男仔，主動幫三個女同學斟水。不過都係比我地圍攻，話佢矮。唔記得點解越講越遠，佢話擺酒要洗好多錢，會長：「咁咪拍十年拖先囉」Andy：「十年？個女仔都唔等得啦，殘晒....」即刻比我地圍攻：「自己無本事早 d 娶人仲嫌人殘....」鬼叫佢人緣好咁多女仔陪佢食飯，我地係咁轟炸佢：「你 d 咁o既人，搵唔到女朋友架喇....嫌人殘咪返大陸娶個廿歲o既女仔囉....正經女仔都唔 show 你架喇....搵 d 用錢攪得掂架啦」其實 Andy 係好男仔黎o既，不過唔o岩我地，所以玩下佢o者。佢又話唔鐘意 d 同年o既女仔，因為之前追過兩個都係同年。我：「兩個都拒絕你所以有陰影呀？」每個星期五都係 Andy 最辛苦o既日子 -_- (原來 Andy 識阿 Roy)

上哲學，雖然o係呢班唔識人，不過為免再遇到 d 類似葉景泰o既人，我今次主動出擊搵 groupmate。呢個人，我第一堂 discussion 之後已經睇中佢，經過多個 week 都特登坐佢附近，同佢討論，我肯定佢就係我要搵o既人，勁鍾意佢~今日臨落堂，問佢同我一組好唔好，佢話 ok 呀，好野~仲有今日討論「道德」問題，我發現佢同我有一樣共通點：好憎人搭地鐵唔讓人落車先。好夾呀~哲學堂真係學到野，我開始唔信有天堂，唔信有靈魂，不過仍然信神。我希望繼續信。我有 d 想知道死後究竟會係點。不過我仲未做夠人....成堂都好眼訓，突然聽到佢講 immortality：「上三個鐘 meaning of life 已經慘架啦，仲要上 四十億年喎....」

放學仲有一個鐘頭先返工，去做 gym，做左四十分鐘，因為怕遲到。好支力，不過謹記阿 Chris 教誨要做事後運動。

趕返工，比個女仔o係三越附近截住，以為佢問路，除低 headphone 聽佢講乜，一聽到「agent」「比咭片你丫」 ，即刻閃，如果有時間我會問佢：「我個樣生得好蠢咩？你覺得我會信你？」無聊！快d 返工啦。

一返到去，有得出現包，大佬又o係度....好野。同 Katherine 講做多一星期唔做，佢竟然仲肯比我返少一日留我，算啦，雖然我愛工公司，但我唔可以唔愛 d groupmate，既然請到兩個新人，我又同佢講定教左 Emma 抄包，都算係仁至義盡，我可以安心走喇。如果唔係 final year，我一定留低。本來一路出包都好地地，點知突然好多盤出爐，我搵阿靜幫手執出面 d 位，阿靜見咁多包，講左句：「加油呀 Angela」大佬又講：「加油呀 Angela」嘩，好開心呀，立刻充滿力量，話咁快出晒。大佬拎 d 包出爐真係好型好型！睇多一個禮拜就無 lu -_-。走之前我一定要同大佬合照。
我今日返到去，開工之前食蕃茄當晚餐，我話自己肥左十磅，Katherine 叫我講個祕訣比大佬知
-_-，即刻寸大佬：「你咁o既年紀唔發福都偷笑啦」
新人突然拎條長法包入黎話個客話要切吋半至兩吋厚，佢以為大佬會切，我同大佬一齊話：「自己切啦，」佢非常驚訝，反正我出緊包有手套，我切啦，順手教埋佢點切，我切切切，大佬：「我有尺呀」佢死都話我切得太薄，我真係度下，其中一條邊真係吋半，我洋洋得意：「拿，真係吋半呀」大佬話另一邊唔夠吋半，(明明得一吋三)，我死都話「夠呀夠呀」 好無聊，擾攘左一大輪。唔怪得平時我收錢叫 d 同事幫手切包要咁耐啦

今日 Acorn Kristy 又打比我叫我幫手做一個禮拜，算啦，我唔做喇，佢咁好，我到時又唔捨得走點算呀？

夜晚收工，阿慈話大佬係衰人，成日鬧人：「你梗係無比佢鬧過喇」我唔信！大佬明明係好人，仲係一等一好男人，對人好又有幽默感。再聽落去，原來佢話大佬成日寸人o者，大佬 d gag 係就係爛 d ，不過我都鐘意，哈哈，大佬好型。

返到屋企沖沖下涼醒起 CCIV FORUM 今日係 deadline，係今晚十二點前，極速沖完做埋佢。

>>October 7, 2005 at 5:25:57 PM GMT+8

2005 年 10 月 5 日 星期三 【晴】

今日突然記起前幾日返工，執檯，有人漏低左包開左o既燒肉，我請示大佬，丟唔丟好，大佬一聽到係燒肉，就話：「係咪拜神架？拜下先」跟住向住我拜左幾下，-_-

唔夠訓個人真係勁燥！我勁惡咁鬧一個特登黎城大同我食早餐o既好人，我係衰人。

又係新人.....超慢，抹櫃抹到九點二，好在無方包上。佢掃地掃左成十分鐘。-_-今次真係

>>October 6, 2005 at 5:08:39 PM GMT+8

2005 年 10 月 4 日 星期二 【晴】

上九點半 S&P ，起身見尋晚杯酒原來未飲晒，諗都唔洗諗就空肚飲晒佢。好似唔係幾好咁....

上CCIV 揀一伴瓷器 present，到我揀，我問左個比全班人笑o既問題：「係咪跟圖片個編號 pre 架？」大家話：「都係一個禮拜之差o者」Miss：「都係 pre 五分鐘架啦」....雖然係咁，我唔在乎，因為我好介意第一個 pre....不過算啦，我：「係呀？咁一號啦」大家又笑....Miss：「都係 pre 五分鐘架啦」

放學，yo！自己去做 gym，一個人真係好。
踩單車，勁白痴，諗住試下唔同 level，一係唔轉，一轉就轉去最高 "level 15"，完全踩唔郁，cher~咁渣架！會長：「收皮啦，我都睇唔起你呀」
就係咁，好努力咁做左一個鐘，好勁呀！唔似我o既？Tommy：「你有無覺得自己健康左呀？」
我：「哦，我一向都覺得自己係運動員架啦，不過而家達到國際級水平囉」gym 房 d 人勁臭！我唔鐘意呀。gym 房 d 音樂好唔掂呀，令人昏昏欲睡。如果搵到人，我想打排球呀。

難得一日放假夜晚仲唔洗開會，留o係屋企食飯，明顯唔係聰明o既決定，留o係 City hea 下好過。都唔明男人點解可以賤成咁？Wikipedia 查唔查到架？我第時會唔會唔鍾意男人架？咁我仲睇唔睇靚仔好呀？-_- 真係好乞人憎囉，靜靜地食餐飯都唔得。食完勁想嘔。

成日食蘋果都有 d 悶，但係奈何又唔鍾意食橙，我咁忙，只可以去超市買生果，超市來來去去又係得o個幾樣，今次我轉食西柚。你知啦，層 "衣" 好苦家嘛，又好似橡根咁，無理由食埋佢o者，所以我成個超晒肉出黎食，超煩，搣左起碼十分鐘，兩三分鐘就食完，真係唔化算。所以，我決定第時要嫁個每日準備生果或者鮮搾果汁比我o既人。

夜晚靜靜地噗返杯蜜桃茶，真係寫意喇~同時搽下強生嬰兒甜睡潤膚露，搽滿全個人~yo！

>>October 5, 2005 at 2:54:57 PM GMT+8

2005 年 10 月 3 日 星期一 【晴】

如果一星期去三日 gym 都有人陪就好啦。

同 Tommy 講我笫時同豬仔結婚，比佢撥冷水，冷親。
我造左件衫比豬仔著呀

唉， Luisa 真係好唔掂做錯淨係識尖叫，真討厭，我最憎 d 咁扮野o既人架喇。夜晚 Emma 洗盤，我過水，叫Luisa 放 d 盤落黎，佢一放落去就放手，我同 Emma 好似沖完涼咁。超慶！教 Emma 抄包，都 ok 丫，我諗佢明掛。有時覺得自己唔應該覺得 Luisa 蠢，因為我都做過新人，應該好明白佢o既感受......所以我無當面話過佢，我只係o係心裡暗嘆，點解我咁命苦架？

我決定將自己個日記 Angelization，表情圖都係自己整o既o岩用 d。

>>October 6, 2005 at 5:12:25 AM GMT+8

2005 年 10 月 2 日 星期日 【晴】

我尋晚發夢o係小學上週會，大家好靜咁等開始，點知有條友細細聲吹 saxophone(Tsunami)，比人話完再吹，我望過去見到細個 d o既阿恆，即係六年前短頭髮o既阿恆，好型。男仔都係短頭髮型 d。都係鐘意阿恆以前個 look 多 d。見到阿恆真係開心喇

返去 S&P，之後 SOM， Andy 放飛機，取消：「其實都無乜野傾，唔開都得」
咁我去做 gym 啦，o係我絕無僅有o個班有 gym 咭o既朋友之中，竟然都比我約到人陪我去。打比 Connie 約佢：「真係 perfect 呀，我o岩o岩 book 左7:30-8:30 (當時七點二)」，好野！拎左 gym 咭咁耐第一次去，因為一直無人陪我。

我真係做足一個鐘無停架，不過頹做。Connie 話我比o岩o岩開學已經瘦返少少，哈哈，即刻懶返。

本來無諗住食野，但係做完個胃好痛，一個人去 canteen 食飯，真係慘呀。預計星期三會自己去，因為唔洗返工，yeah！！二半至三半，或者三半至四半。

好懦，去地鐵站 renew 個八達通，比錯學生証佢。結果佢話電腦未有我資料，叫我遲 d 去多次。

去惠康買左支酒同四個西柚，無用膠袋，好環保呀！我好欣賞自己。飲左三分一支 750 ml -_-，好似唔係幾好喎

又o係 Yahoo searce 豬仔產品，勁鍾意呢幾個


突然記起豬仔今日送花比我呀。我決定第時同豬仔結婚

>>October 3, 2005 at 4:20:50 PM GMT+8

2005 年 10 月 1 日 星期六 【晴】

0400 訓覺
0820 起身
1000-1322 S&P meeting
1400-2230 返工

死得喇....

經過廚房見到張字條寫住 "十個牛油法國泰簡單"，問卿卿咩叫 "牛油法國泰簡單"，原來"泰簡單"係間餐廳o既名，大佬即時搭訕：「咁簡單就唔好訂啦，咁簡單...(仲洋洋得意)」

今日公司有大災劫，打爛左三次野。有個日本女人飲裂左隻熱咖啡杯，新人(仲未知咩名，對左兩日，不過我避之則吉)打爛左隻凍咖啡杯，客人又打爛左隻載滿凍檸茶o既凍杯，真係煩！爛開有癮咁....

d 人成日話廚房肥仔自言自語，其實可能因為平時無乜人同佢講野。今日阿 Fan 一同佢講一句，之後走左，肥仔就係咁同我講野，講佢煎緊o既 pancake。咁我食飯就全程對住佢喇。如果大佬係o係三文治房做野就好啦，日日返二至十半都得呀。

o係度收收下錢見到個中三o既同學：江敏儀(江大爺)，我竟然記得佢，記得佢個名，甚至佢o既生日。明顯佢個樣無變過。我問：「江敏儀，你認唔認得我呀？」出奇地佢話：「點解你o係度o既 Angela？」好開心佢都記得我。

阿 Fan 出包"六" 親，好大撻

Luisa 真係超晒班，每日做同一樣o既野，做左四五日都做漏好多野，不過好容易理解，因為五分鐘內提佢兩次佢都可以唔記得

好興奮呀！星期一三六放假

>>October 3, 2005 at 2:41:55 AM GMT+8

2005 年 9 月 30 日 星期五 【晴】

I'm tired of pretending to be someone I'm not.........if I were Piglet, where would I be?

我而家咩人都唔鍾意，淨係鍾意 Piglet。我唔會鍾意對住 d 同我一樣咁鍾意 Piglet o既人，你會唔會鍾意自己o既情敵丫？

大執左個日記.....我真係好熱愛公司架，因為o係公司開心過o係屋企。阿 Roy 話我好似一定要做住一份工先得，都係架，如果唔返工，太得閒，我會痴線架。有 d 人一定要有 d 野忙下先可以過正常生活

未食過咁難食o既腸粉，蘿蔔糕同粥...

好煩呀，我想搵人出黎飲杯野，傾下計。可唔可以唔好做乜都咁趕、做乜都要計時呀？頂唔順喇！

豬仔純銀手鍊呀，雖然唔係靚，不過好難得~買唔買好呢？好苦惱。上星期五好興奮比 d 同學仔睇隻扭蛋公仔，Connie 話：「睇你平時咁勤力，唔似會咁鍾意公仔，你成日都拎 d 新公仔返黎比 d 同學睇o既....」你地唔明架喇....我都唔明

最近見 Nokia 用死人 Winnie the Pooh 扮豬仔黎賣廣告，真係可惡！我要代表豬仔告佢！

其實一個人都幾好丫，人點解一定要拍拖、要結婚？由呢一分鐘開始，我唔再立志做家庭主婦。我要一個人。唔歡迎 T 字頭o既人黎呢度阻住個地球轉........

>>October 1, 2005 at 5:57:06 PM GMT+8

2005 年 9 月 29 日 星期四 【晴】

上八點半，好眼訓。明知準時到都未開始上堂，特登遲 d 出門口.....慢慢黎。今日太眼訓唔好戴 con，仲更加悠閒。上 pension planning，Andy 都計錯o既數我竟然o岩，難以置信，我叻過數學小神童

尋晚做 CCIV 討論，癡孖筋.....唔夠。癡三筋！做到兩點，仲襯埋今日返學套衫先訓，其實都只係是但拎件 t-shirt 短褲。好野呀，唔洗著裙唔洗戴 con仲可以著波鞋返學，好幸福呀

最近無漂牙，又日日全日都飲茶.....所以尋晚開始漂返。戴牙套好似幾好玩

lunch 本來諗住一班同學仔一齊食架，點知原來佢地開會，得返我同 Andy。我：「我究竟做野乜野攪到要同你單獨食飯？唔通因為我平時食飯無祈禱？」Andy 笑下：「我因為有祈禱，所以同你食...」我：「高下立見，哈哈哈」食完捉住佢陪我等夠鐘上堂。

放學 "打算" 去維園跑步，始終做 gym 唔夠熱，我鐘意熱 d。終於明白咩叫謀事在人，成事在天，我以為自己兩點半放學，原來係三點半.....改為行下散下步算啦。我最需要o既並唔係運動，係一個人靜靜地諗下野o既時間。見到隻貓o既背影好靚，想影低，點知比佢發現，仲行過黎 meow 我....我即刻走。都係比較鐘意o係馬場散步，大 d ，靜 d， d 花草香 d。

趕返工，真係好趕下，得返十分鐘換衫

我一返工嬌姐就放工，yo！有得出包。大佬問我：「你今日想早 d 收爐定遲 d 收爐呀？」我好白痴咁答：「梗係早啦」隔一陣大佬真係將 d 未入爐o既包倒左....夜晚抄包，我問大佬拎份"生產紀錄"，我隻手係咁 fing，一時唔記得份野叫咩名，大佬o係度扮我 -_-
大佬雖然無用我打o個張，不過仲 keep 住架

又有機會睇到大佬好型咁單手拎盤包出爐，同埋一次過搬一大疊盤，好型好型
趁 Katherine 放工心情好，同佢講不如教埋 Emma 抄包，咁我就可以功成身退。佢話好。
話說 Emma 有隻藥膏，講到有病醫病，無病補身咁勁，話搽暗瘡好....原來係 Katherine 比 Carol o個隻，我問 Katherine 仲有無：「Emma 話搽暗瘡好喎」 Katherine ：「唔係呀，你(Emma)額頭仲有o既」攪到 Emma 好尷尬：「我都無搽額頭」我同阿靜一聽到 Katherine 咁講就勁笑，Katherine 仲話：「笑咩o者，係仲有丫嘛....」Emma 成日比 Katherine 串，真係慘

>>September 30, 2005 at 6:55:07 PM GMT+8

2005 年 9 月 28 日 星期三 【晴】

話說今日我食飯o個時話比大家知阿 Tim 有時好 gentleman，會跑快幾步幫女仔開門，各位女同學即刻好嚮往，矛頭直指當時在場唯一o既男仕：Penny。大家要求佢落定四樓幫我地開定門....
佢當然無咁做啦，不過受到輿論壓力，佢上堂幫我地 take 晒名 -_-

我今日一返工收左個鐘頭錢，人都癲！仲要好長龍，得我一個收，自己 pack 埋包...仲要有 d 好 q 煩又衰o既客，我忍唔住喇，發火：「小姐你下次扣錢要事先拎張咭出黎架」阻住個地球轉！

阿靜都話睇得出我今日好燥，(唔知關唔關事o既呢？)，仍然係好暈。
夜晚拎件蛋糕比個客，夾親手指，夾到隻手指著左燈，痛死人，。(紅到發光)。都 pack 件蛋糕先四圍訢苦。

有個百厭仔拎個鉗周圍放，比我發現左，指住佢：「啊~」佢即刻逃走

連阿 Fan 都走埋，我更加覺得自己唔應該呢個時候走.........不過我唔想做舊人，教新人原來好辛苦，好嘔血架！今日個 Luisa 先屈我話我無教佢 d 方包要順序排，頂你呀？我o個日千叮萬囑話要排好，又親身上(晒) d 方包....竟然話我無講？！唔理呀！阿靜容忍力大d，新人咪攪我。我想去唱 k 同埋睇 童夢奇緣。

>>September 29, 2005 at 4:52:25 PM GMT+8