2005 年 5 月 4 日 星期三 【晴】

受夠了!
估不到你竟然可以絲毫悔改道歉的意欲都沒有!還將責任推在別人身上!
(枉我出街時都想起你...真多餘!)
你變了!
以前的你已經消失了!
失望透了!
因為我要做的已經做了!




發生何事呢?
心情已不是在開懷狀態中，僅想落實購買已思考良久的衫褲鞋襪而矣，竟可一波三折...(但似乎不止三折呢...)
先是買衫，卻沒有顏色兼size。
不放棄去分店問，顏色及size都有，但卻僅剩陳列品。
頂!!!已經不是有任何折扣，駛唔駛間間都話無新貨呀?!
之後，去買雙鞋，折扣改變了，變相加價，心有不甘，放棄離開。
思前想後，心想還是算吧，照買啦!
為免樣丙，老遠跑去分店買，詎料，已賣清，還是樣衰衰返轉頭，結果換來的又是陳列品。
鞋來的呢?!怎可買陳列品呢?!
好勒!思考了成個月，今天終於決定買電話!
下?依家部電話唔駛錢架?又話無貨?!仲話要等一個月?係米有病呀?新出都話無貨?有無搞錯?無貨就唔好賣行晒廣告啦!
癡線!!!!!!!!!!!!!!!!


好幾年前在友人畢業時所拍下的一大堆合照，終於有屋企了!多得嘜麥相簿...
入呀入，一半的相簿就此爆滿了!

>>May 5, 2005 at 5:30:22 PM GMT+8

2005 年 5 月 3 日 星期二 【晴】

表現太差了!

本來今天可以出十一點車...
但甫返抵公司，卻發現絕少跟突發的攝記麥旋鋒一齊出十一點車。
再加埋新女，那末即是一車四人?!
似乎勢色很不對徑呢!
於是我便詢問腳明說:「我是否應該留下寫稿，唔好出車呢?」
我說此話的原因是，細看更表，僅得一名同事負責寫稿，而這天九點更的2名同事均是不用回公司寫稿的同事，故即使我選擇與新女出車，我根本都是要返來寫稿，那倒不如自首，留在公司。
而腳明亦說:「都好呀!橫定我今日無左右手，你留下幫我手都好!」
就這樣我便留在公司。
晨早可寫的稿不多，僅有偷車稿及的士高被擲燃燒彈。
礙於我對汽車是零知識，故只好選寫的士高，可惜腳明提醒，老世可能會大搞這稿，故勸我還是不要寫這稿好了!
我唯有聽命改寫偷車稿。
但估不到我的知識水平，與及寫稿能力真的那麼削。
我先是翻查資料，容讓自己對汽車有少少認識，之後就是打電話問被訪者，最後便是組織然後落筆寫稿。
結果?
一條大稿，我由第一步至完成，竟然可以用了八小時!!!!!!!!!!!!!!(由正午12時許至晚上時)
有無搞錯呀?!不禁要鬧自己--真無用!
即使我已經好努力去寫，亦花了很多很多時間，但依然寫得好差，而且表達得奇差!
一邊寫，一邊心急，因為完成大稿已到收工時間，且逐步接近截稿時間，但原來我手上仍有其他稿未寫的呢!
煩完一單又一單!
之後的挑戰是翻查有關於美金1000元的資料...
究竟是否有1000元美鈔呢?
如有，那究竟是用來做甚麼呢?等等等等問題
這好些問題，又耗費了我大量時間找資料!
激死!
晚上十一半始步出公司!
癲架!

>>May 5, 2005 at 4:48:46 PM GMT+8

2005 年 5 月 1 日 星期日 【晴】

擇自別人的日記

4/29/2005
最近xx遇上些微困難，只好盡量安慰佢同埋叫其他人幫幫手。記得肥方講過一句：「你理得人點諗丫！」要討好所有人根本冇可能，所以只需要做好自己就可以，當然要記得保護自己。
要記得，你只係打份工。



麥潤壽
「能抬起頭，凡事都有可能!」

>>May 5, 2005 at 5:23:28 PM GMT+8

2005 年 4 月 30 日 星期六 【晴】

真係搵笨!!
都話返九點係勁蝕桌啦!
明明今日已經有兩個寫手，比最惡劣時期，僅得一個寫手已經好好多，但老世F依然要我返去寫稿，你話係米擺明搵笨先?!
最激動的是，我甫抵公司時，那兩個寫手是沒事好做，沒有多太稿要寫的他們正在打牙咬聊天羅...還要俾我發現編輯強迫我們突發組要縮版，僅可交不超過4000字稿。而我條稿已經佔了1300字。(我們平時是一日交過八千至一萬多字的稿呢!!)

今午，腳明來電說:「我想問一個好尷尬的問題...」
我頓時心想，是甚麼尷尬問題呢?
他語畢即說:「其實不是我問，只要我代F問你究竟今日有否約人禍?!他唔敢問你羅!」
我早已估到人家的「好意」，睹氣回應道:「甘...返羅!!不過唔好甘遲先叫我回航呀!」
腳明亦很善解我意，承諾會盡早安排我返來。
他的而且確講得出做得到。(縱使我今天欺騙他，給他揭穿我偷偷去吃午飯...)
平時我做寫手時，又唔見叫人返黎寫!真係唔公平!
討厭返九點，既最多野做，又要見到那幾個討厭的早更行家...

>>May 1, 2005 at 2:15:56 PM GMT+8

2005 年 4 月 29 日 星期五 【晴】

早一日remind人家是理應要做的
你自己檢討一下你究竟有無問題啦!



途中 跌倒過 攀不起
無助的心感困累 全然交瘁
無助身軀早已沒有力氣

徬徨中 迷濛中 碰到你 多驚喜
前面山高千百丈 得你在旁
縱使呼呼風雪 仍覺甚美

能在絕望艱辛的旅途遇到你
來日禍困迎面 滿途挑戰
能贈我勇氣 完全是你

>>May 1, 2005 at 2:41:08 PM GMT+8

2005 年 4 月 28 日 星期四 【晴】

望見個新更表就唔開胃!!

日日都要我返最討厭的九點更!
駛唔駛成個月都清一色返九點呀?一日都唔俾人返十一點...

>>April 29, 2005 at 3:00:01 PM GMT+8

2005 年 4 月 26 日 星期二 【晴】

長長三文魚

>>April 28, 2005 at 11:54:39 AM GMT+8

2005 年 4 月 25 日 星期一 【晴】

飯也唔食，撲來撲去，癡行家車(因為司機要見家長啦)，到達大南街企跳現場。
跑來跑去，終於找到能登上天台的電梯。
卻原來要爬上高處才達天台，幾經辛苦才爬得上，更要弄得成身污穢，衫褲、手腳、相機、袋等物品滿沾上白色油。
影相期間更與警員發生爭執
結果被驅趕落天台
其實在天台影相間，我已感到有點腳震了...
做左三粒鐘的企跳新聞，卻原來唔要
早知食埋餐安樂飯，兼且唔甘勤力跟行家車去做，自己懶懶的在車等司機見完家長才作戰過好過...
(其實我大可爭取要求刊登，甚至自己寫埋傳返公司，費事要懶上司找人寫，但回心一想，單新聞又的確不出也罷，故還是放棄)

>>April 28, 2005 at 11:53:42 AM GMT+8

2005 年 4 月 24 日 星期日 【晴】

不足一星期...

愛扮大佬人滿口不滿，諸多說話

失眠+不安+沮喪

已經心灰意冷了...
只想說一句:「人言可畏」!

也得感激你們的開解勸喻:
靚仔爸爸--接連接連的關心，經常自動獻身安慰我，更助我決擇
珊--多得你捐獻寶貴時間至凌晨1時許
朱--永遠支持我的好傾訴者
Man--返到家的你仍會致電我關心我
賢--擔當第三者角色分析情況
潮--放工後仍給我電話支持我
F--嚇壞你添
Morning--寧花時間在我身上，也不收工
叻--收風人
粵曲人--挑通眼眉的旁觀者
pho健--拖我埋一邊指點
腳明--雖今次事件你可能根本不會知曉，但也得感激你
etc
當然少不了Richard--陪我吃長長三文魚消除煩惱，逗我開心

>>April 28, 2005 at 11:42:02 AM GMT+8

2005 年 4 月 19 日 星期二 【晴】

俾老媽鬧左好幾次，終於捨得去睇醫生了!
醫生話我患流感禍...
1.唔俾我出街(所有約會同大計，包括減肥大計，都被迫要取消...)
2.唔俾我睡甘多覺(下?連我最鍾意做既野，都唔俾我做?!)
3.唔俾我食飯
4.唔俾我食菜同生果
5.唔俾我食蛋同飲奶
6.唔俾我飲熱野(最合我心意!)

>>April 21, 2005 at 8:29:05 AM GMT+8