2004 年 1 月 9 日 星期五 【晴】

今日一好番少少,
就同"佢地"一大班人去左大圍踩單車,
踩左成日好累呀!
番到屋企好似唔識行路咁,
個pat 又踩到痛!

今日真係要唔該晒felix仔幫我去彈五點半個彌撒呀
thanks!!

黎煒兄!!
生日快樂哦~~

>>January 17, 2004 at 2:51:30 PM GMT+8

2004 年 1 月 8 日 星期四 【晴】

兩人相愛時，
渴求無限甜蜜的吻
但為何在爭吵時，
卻要用接吻的嘴互相傷害？

>>January 9, 2004 at 4:26:44 PM GMT+8

2004 年 1 月 7 日 星期三 【晴】

尋晚我根本就訓唔到,
訓下又醒下,硬係覺得唔舒服,
個身又興wor,個口同喉嚨又乾.....
但唔敢飲水呀,因為如果真係唔妥既話就會好容易嘔 ......
成晚一路頂住,但都係頂唔順,因為成個人都實在太"興"喇~~~~~~
就走左去梳化度訓,唸住有咩事要去廁所既話都方便d

八點鐘,起身食藥,跟住就走左去家姐張床度訓,
訓到十二點半醒左,但感覺總是好累咁,唔想郁,
但都要起身架~ 食粥,食藥,跟住無野好做就走去開電腦
繼續做功課---PA....一路做一路icq
大約四點鐘唔知係唔係d藥有睡意,有d眼訓~
訓到七點鐘又食少少粥,又食藥,
由尋晚see完醫生番黎到今日為止,
都無再嘔過,個胃亦都無乜唔舒服,
但就有少少發燒咁呀~~~~~~~
不過我估都唔出奇啦,我嘔左咁多"水份"出黎,
又無乜點飲過水,所以我既體溫先至可能調節唔好姐
希望聽朝起身番學無咩事,精神晒啦

>>January 8, 2004 at 2:38:35 PM GMT+8

2004 年 1 月 6 日 星期二 【晴】

今日我地要成四點半先有得放學,
因為成個form 5都要留低做考試局出既數學----試卷
d題目類似會考咁啦,我覺得呢份卷都唔係點難姐,幾易下呀,
如果今年會考既題目都係咁上下就好喇~~

番到屋企做PA,一路做一路聽歌,
八點幾個胃都開始有d胃痛,但係無理到佢,
跟住點知越黎越唔妥咁,我見可能我仲未食飯,
餓到胃痛吧,咪拿拿臨走去飲碗湯啦
點知隔左一陣間,就要沖入去廁所度......嘔~
嘔番d湯出黎,嘔完之後果一剎那個胃又好似無乜點痛,
咪打算走去沖個涼就食飯就抖下啦
沖完涼之後我又唔舒服,又要嘔過,我因為仲未食過野,
嘔到無野好嘔,今次竟然嘔黃膽水~~~~~ oh shit~~~~~
苦到爆炸呀!!!!!!!!!!
跟住成晚抖下又嘔下咁,呢個時候家人番到屋企,知道我咁樣之後
老豆就同我去聯合急症室~ 搭的士去啦,搭搭下又唔妥呀,
好彩個司機有膠袋咋,如果唔係我實嘔到人地架車.......^%@#
去到急症室,登記完之後又嘔,直至可以見醫生之前,
我成晚一共嘔左成六次呀!!!!!!~_~ 一次嘔湯,五次就黃膽水.....
苦到想死咁滯 X_X

見醫生,同佢講番咩事,佢就話我"應該係"腸胃炎.......
真係佢老鼠呀! 咩叫應該係呀大佬,乜野都無乜點做過check過,
就話我係腸胃炎..........我邊有食錯野呀,直情係無食過野,check清楚少少駛死咩

拎完藥就搭的士走人,番到屋企抖左一陣,食藥.....就訓喇~~~~

>>January 8, 2004 at 2:27:40 PM GMT+8

2004 年 1 月 5 日 星期一 【晴】

今晚阿公阿婆同埋胸晞成家人黎打邊爐
食左好多野
阿晞今晚成晚向度撩我玩,
我同佢玩下電腦,玩佢最鐘意的活動---賽車~

玩下又影下相,
原來佢係好鐘意影相架,
佢擺的pose同埋佢的笑容直情笑死我地

食到十點幾佢地就走喇
佢仲向度發脾氣要繼續玩
但比佢老豆喝一喝佢,
咪又係要乖乖地就範,木住個咀走~~~~~~

>>January 8, 2004 at 2:08:47 PM GMT+8

2003 年 12 月 31 日 星期三 【晴】

訓落床之前已經係好有心咁樣較定鬧鐘去聖堂架喇......
果然九點鐘我聽到個鬧鐘響.........
但又打算繼續訓多一兩個字先........
最後終於比條懶蟲征服左我.....真係無起身去到聖堂........
跟住訓訓訓......訓到十二點幾差唔多一點,
見到老豆向度watch tv唔出聲咁,心知已經不妙架喇......
我一開機,向icq度問個frd,原來今朝係我老豆幫我去左彈琴.......
佢可能都知我咁夜番,係咁"早"番,實好大機會唔知醒去聖堂所以早有準備.......
雖然如此....但佢實肯定話我玩到連聖堂都唔洗去la.....~~~~~~

依家又打算繼續訓了.....

>>January 1, 2004 at 6:41:54 AM GMT+8

2003 年 12 月 30 日 星期二 【晴】

舊的一年即將過去,新的一年也快要來臨~
不知不覺咁又過左一年~
呢一年經歷過好多野呀,有開心,當然都有唔開心~
今晚只想盡情歡樂,歡迎2004的來臨,希望黎緊呢年
樣樣野都可以順順利利,鴻運當頭,吉星高照............!!

今日五點幾就出發,先去個frd屋企坐下,再同其他幾個frd集合~
大家一齊食飯,吹下水,講下笑,"玩一杯跌瀉左落地既雪糕",
攪到成餐飯都用左好多時間~
搭地鐵出到去都已經十點鬆少少,跟住就慢慢咁逼入去...
逼到去星光行,就同晴拎部數碼相機出黎影,拍video~
大家不停咁前進...後退...,但始終都行唔到去碼頭果面,因為人數太多已經被人封左路la
企企下,等等下,傾下計,影下相,就等到差唔多十二點喇
d人都唔知係咪太心急,明明未夠鐘就向度十九八七六..........~_~
我地個個都望住對面海果棟樓黎倒數,個個都向度數,好似係得margaret無出聲XD
終於2004年了~~~
之後d人就猛咁噴雪,掟螢光捧,我地就拋紙碎,
成班人就唔知點解無啦啦咁向度起哄,好似想玩班差佬咁
我地成班行下又逼下,逼番出去買野飲,其實我地之前應承左人地去佢屋企,
應該要走架喇,但係我地就繼續行,繼續影,see下燈飾,繼續逼,
我就同阿康打俾其他friend say 聲happy new year,
打左超過十個電話,但係線路太繁忙既關係,最後只係打通左比大約五六個~
晴就一路行一路講笑,攪氣氛,行到咁上下都係決定要走喇,
已經比人打電話黎話我點解仲未走,仲未去佢屋企........
大約兩點就搭地鐵走人啦,我地逐個逐個送晒d女仔安安全全咁番晒屋企之後,
就走左一間熟食店狂買野食,跟住又去左seven買杯麵同汽水.......
送完女孩子們番屋企,我地男孩子就上另外一個女孩子們的屋企啦~
其實我地大家都已經行到幾累下,條腰更是累到苦不堪言......
去到佢屋企就拋紙碎入去........但最後都係要我地自己清潔番個地板......~_~
hah~~~~真不好意思呢......要佢地久等..........
向佢屋企玩啤牌,食野飲野,睇電視,睇電影,好似係see左兩套......
我真係頂唔順喇.....真係累到爆炸,攤左向張梳化度watch tv.....
睇睇下又合埋眼,合合下又張開下.....又繼續睇........
五點幾阿媽打比我,問我向邊度,做咩仲唔番屋企.............~_~
同佢講完話左比佢聽之後又繼續訓向度睇...
最後個個都話頂唔順.....話要訓一陣,陣間九點半仲要去聖堂tim........真係死火.....
依家已經係七點鐘啦,同康兩個走先,我地番到去附近既大排檔度買早餐食,
我番到屋企就已經累到訓左落床......
續..........1/1/2004............

>>January 1, 2004 at 6:38:32 AM GMT+8

2003 年 12 月 28 日 星期日 【晴】

今日好似係去左see movie~~安娜與武林
(我就覺得唔好睇唔係咁好笑喇,地下鐵好似好少少)

跟住就趕住番黎比袋野潔華,之後又唔記得做過d咩....-_-

>>January 1, 2004 at 5:53:05 AM GMT+8

2003 年 12 月 27 日 星期六 【晴】

今朝去完聖堂,就第一時間落去聖家堂
今日佢地領堅振同埋主保
落到去剛剛讀福音,
我今日要幫團長,簡生,同埋霆鋒影相拍video
鬼咩,佢阿爸阿媽,兩個家姐都黎唔到

影影下拍拍下就影埋柯撈B,嘉雯,同埋輔祭"章魚"姐姐......
哈 ~~~~玩偷拍
今日撞番勁多人呀,有小學miss,幾個聖言舊生,班輔祭等等......
傾左好耐計都要走喇,要去街~

去緊街啦,跟住打俾葆葆屋企打算問佢同佢阿哥三十一號會唔會出黎啦
一聽電話,發覺佢把聲係訓緊覺的聲音(佢的確係訓緊覺)
跟住開始問佢野喇,詳細既電話內容我唔再講喇,
佢竟然以為佢同佢阿哥傾緊電話.........~_~
我都唔明佢既,我一打去已經叫佢做葆葆架啦,又猛咁問佢知唔知我係邊個
難道佢阿哥又係叫佢做....."葆葆"這動人的名字嗎?? XDD
唉......一個人訓緊覺講電話,都幾可笑

去完街玩完,十一點番到屋企,跟住watch tv ,watch football
兩點訓了~

>>December 29, 2003 at 1:24:36 PM GMT+8

2003 年 12 月 26 日 星期五 【晴】

今日成個下午同呢個
"上智英文書院"
"聖保祿女子中學"
同埋我地聖言中學三間學校的天主教同學會攪的探訪護老院的活動
乜鬼"同d老人家聖誕繽紛樂"去做下義工,同d老鬼玩下遊戲,傾下計
我同一個阿婆傾傾下,越傾就越投契咁,不知幾鬼o岩傾,就算係see緊話劇我地都照傾
有種感覺:總是覺得佢有點兒可憐,始終也是闊別一班親友,獨個兒住
於是不停咁同佢傾,佢又不停咁同我話當年.......
唉.......我中史垃圾架嘛,向度同我講甚麼"宣統王","抗戰".......咁鬼死多野
傾傾下佢同我講佢今年係.....九十五歲了............真係唔講都唔信,
一個九十五歲的人眼同耳都看得聽得清楚,記性又好,四肢又健全,真係覺得呢個婆婆好勁喔~
我不停咁讚佢,佢又不停咁讚我,哈~~~話我有孝心咁話wor........ 大家一路上都傾得好開心~
最後要跟大隊走了... 我馬上走埋去同番傾左好耐計果個阿婆祝福佢啦,say聲goodbye
佢話日後再見呀,又祝我學業進步........

之後走左去舅父屋企,同佢地打左一陣麻雀,就打邊爐喇~
食到好鬼死飽,都食剩幾多野
今晚無波see呀,所以早訓左,訓覺果時突然間有d想見果個婆婆,想繼續同佢傾下計啦,
或者換句說話講,想關心下佢~

(或者人就是如此,在一些親密的人面前,或一些經常會見到既人面前,
我們就是會那麼無所謂,做事無所謂,說話無所謂,講野語氣差點.....都無所謂,都不會上心,
要我關心他們嗎?求其啦,就算係關心也不會太過明顯,
但在陌生人面前,總是好像頗容易交談,甚麼也可以開心見誠的說出來,
不需修飾面孔,只需做回真我,
為甚麼??
也許...... 那些人的聲音並不好聽......

>>December 29, 2003 at 12:53:15 PM GMT+8