2003 年 12 月 25 日 星期四 【晴】

今日係老母生日
又老左一年..

>>December 27, 2003 at 3:42:47 PM GMT+8

2003 年 12 月 23 日 星期二 【晴】

今日平安夜
希望唔單止係今日,
大家日日都可以好平安啦

今朝約左人踢波同打波,
十點鐘去到,玩到成一點先至鬆人
之後大家一齊去左七仔買野飲
吹下水
番到屋企拿拿臨沖涼洗頭,落去同老豆撐檯腳
食完番黎無聊咁開部電腦,
上下網,聽下歌
跟住傾傾下因為想知"某人"既事既緣故,
我就打左比呀"ABC小姐".....~_~ .......
大家一路上傾,我一路比人串住個咀,
無奈非常~
想拋佢大佢又唔得wor........真係..........唉.........兩個字講晒: 懊 惱 !!
今晚得自己一支公食飯咋,食完又要落去練歌,
唉...........又要彈鋼琴~~~~~

>>December 24, 2003 at 12:44:55 PM GMT+8

2003 年 12 月 22 日 星期一 【晴】

今朝如果唔係比個手機響醒左,
我估我都會繼續訓落去
大約十一點收到個電話,
我聽啦,條友淨係識得猛咁問我"知唔知我係邊個呀"

我看看個來電,完全唔知乜水,
再認真的聽佢把聲,
都係認唔出
正當我開始想鬧七佢之際.........
佢鐘意講係邊個........
原來係呀黎偉兄~~~~~~~~真係頂佢唔順

佢話約我今日出旺角,聯合wo~
我見無野做,又想同佢聚下舊,就應承左佢喇
佢條友呀,又話約我向彩虹地鐵站車尾等,仲向九龍灣地鐵站打黎話依家搭緊下班地鐵黎
佢講到咁鬼死肯定,我咪企定車尾等佢囉,點知架車黎到,我望下車尾都唔見佢,
咪上埋車see真d啦~ 都係唔見,跟住打比佢,點知佢同我講話落左車,果時我已經係去緊鑽石山架啦
真係激死,佢條友竟然同我講話,攪唔清楚邊度係車頭車尾,所以落左車,真係ABCD佢,俾佢吹漲~
你攪唔清楚就咪咁sure約我向車尾等啦大佬!!!!!約我向車尾,自己就去左車頭!!
之後向鑽石山月台等佢,終於見到佢喇今次......唉~

去到聯合,大家一路有講有笑,我地不停咁傾佢既感情事,<---真係唔知佢仲想拖到幾時
最後我有買到d野呀,但佢就無,~
跟住大家就行去花園街,行下又買左少少野,大家其實都真係行左超耐
行到超累,所以都係決定走了~

上到地鐵......我地又繼續傾果d野............
真係講足成日.......

>>December 24, 2003 at 12:38:46 PM GMT+8

2003 年 12 月 21 日 星期日 【晴】

今日同阿柯撈B,Pinky小姐同埋阿朱出九龍灣~

我地一齊去睇地下鐵~
我覺得幾好睇ar!!
梁朝偉有幾part都幾搞野

之後一齊行去德福,
行下,食下野~

咁就一日了~

>>December 24, 2003 at 12:18:19 PM GMT+8

2003 年 12 月 20 日 星期六 【晴】

今日開完聖母軍之後我地幾個同剛剛向外國番黎既
Priscilla去左旺角,行下同埋唱k
我同佢兩個成日向間K房到拎住支咪向度大聲奸笑,
依家想番起都真係幾好笑,玩得好鬼死癲
又整到個地下污糟晒,好彩無比人見到咋
如果唔係比一千蚊清潔費都似........

我唱到七點鐘就要走喇,因為今日要同一大班親戚食飯做節
向理工大學canteen食自助餐
同一班都幾耐無見既表弟表妹玩,鋤d,檎綿胎,阿晞仲玩到癲晒
拎住一個用氣球扭成既劍向度不停咁追殺我地~
唉........我見到佢依家真係越黎越無禮貌喇, 今日見到佢果種唔耐煩,輕視人既態度,
真係完全唔似一個兩歲幾三歲既小朋友, 可能佢看得太多電視,又可能"看得佢老豆"太多了........
看下看下,學下學下,遲d真係唔知佢會再變成點
有種幾強烈既感覺就係,佢將來一定唔易教,佢一定變得幾壞,真係唔敢再去想像.....

>>December 23, 2003 at 2:04:47 PM GMT+8

2003 年 12 月 19 日 星期五 【晴】

今日雖然唔駛番學
但好早就起左身,因為今日係李sir結婚ar,
我應承左要幫佢去司琴,今次係第二次彈婚禮~

我老豆同我一齊去呀,第一佢想幫我較下d琴聲
第二佢又要順便去明愛.........
我九點就出到去,去到幾乎以為去錯聖堂,一個人都無
跟住等等下d先生同聖言仔就陸陸續續咁黎喇
我地choir齊人就開始練下歌,個婚禮原本應該係準時十點正舉行架
唉........呢個李sir梗係接新娘果時比人玩得耐左啦,攪到成十點三四先至黎到
個婚禮終於都上演喇
現場所有既人所期待著既接吻終於開始喇!!XDD
嘩...........佢咀得好肉酸呀!!!!!!!!
因為十一點鐘有另外一對新人又有婚禮要攪,
所以向臨尾結束時阿sir兩個都走得好快 ,都幾核突下

之後一大班人向教堂門外同對新人影相,超多聖言仔向度呀
我地影影下因為唔知點解突然間向度起哄向度玩得好大聲
攪到聖堂裡面果個神父走出黎話我地,叫我地唔好咁嘈呀,幾鬼死瘀
下午我約左恆少向將軍澳等,五點半先至走

番到屋企累到死咁滯,郁都唔想郁.........

>>December 23, 2003 at 1:51:42 PM GMT+8

2003 年 12 月 18 日 星期四 【晴】

今日番學八堂之中只係需要上五堂,
但正常黎講又唔駛wor
最尾果三堂係音樂比賽,
頭兩堂就係聖誕彌撒
跟住四五堂就要去影相
哈~~即係淨係上第三堂咋

今朝個彌撒個氣氛好好呀,
我就彈得不過不失咁啦
真係好少見到咁多聖言仔會咁專心去參與彌撒架

之後就收到今年的第一份聖誕禮物,多謝你呀miss choi
番上課室上生物堂
小息之後就去hall影相,攪左超鬼耐

十二點三就提早食lunch,我地班入到畢業班班際歌唱比賽決賽,
所以大家都好緊張陣間下午的比賽,
到正式比賽,我地大家都唱得好好呀,我覺得大家都唱得好有信心,
完全無怯場,發揮得好好
唉.......三班爭一個冠軍......我地贏唔到呀,
失望......就總會有d架喇
我見到劍橋佢之後仲眼濕濕喊....
我都明白既.......我地真係最勤力既一班黎架
有好幾晚我地仲練到成八點幾先至走 ,
大家真係付出左好多,比左好多心機
好認真,好投入咁去練習,
點都好啦,我肯定我地已經贏左果班miss的心架喇!
多謝你呀miss yeung!!!!

>>December 23, 2003 at 4:25:22 AM GMT+8

2003 年 12 月 7 日 星期日 【晴】

唔知點解,每當我贏左,特別係今日贏左個冠軍,
我第一時間的感覺就係想講比佢聽,想同佢分享~
我記得當初我應承過自己,我一定要盡力拎個冠軍番黎比佢睇,送過獎牌比佢,
依家我做到了,但已經係"人面全非"~其實再之前都有一次類似的應承過佢應承過自己,
但果次的比賽實在太意外,迫使我地成班frd決定放棄場賽事~

算了吧,也許我真的是想得太多了,
這年中五,真的要控制自己暫時不要再把時間放在這方面了.......

>>December 7, 2003 at 5:11:19 PM GMT+8

2003 年 12 月 6 日 星期六 【晴】

期待左好耐的學界足球決賽.......!!
今日終於要踢喇!!!!
十分緊張的,因為我地每個人都實在唔想再做二奶喇,我地要做大婆,拎冠軍!!!!!
尋晚基本上都無乜點訓過,訓唔著,也許是有點緊張和擔心吧~只係訓左四個幾五個鐘,七點半就要起身喇,整好晒就要準備去時代廣場同佢地會合,跟住就一齊行去我地的比賽場地--跑馬地馬場!!
今日我地有幾個阿sir黎打氣,校長都有黎到,有d仲帶埋佢地既太太仔女黎,何sir個仔真係好cute好得意呀,我今日一得閒一有少少時間就會同佢踢下波,真係幾鐘意佢....XDD
決賽終於要開始喇,好奇怪的,每個人都覺得呢場波比起之前的八強四強仲好似輕鬆左d,唔知係咪因為對手真係比我地較為遜,還是我們充滿信心的去踢,或是我們的求勝心真的強過他們呢?因為我地都講過今年個獎牌一定要係金色! 無論如何,成場波的確係由我地控制住個戰局,哈,好順理成章的我地當然勝出呢場比賽!! win 4-1 !! 太好了,我地終於獲得學校咁多年黎學界最好的成績,我地打破了這個紀錄,我地真係成為冠軍!!
之後我地當然猛咁影番幾張威水相啦,影完就去左食飯,校長請的~去左食韓國野,一共食左差唔多二千蚊,不過對佢黎講真係..........碎料啦!之後有d就分批去左行街,有d就走人,我就當然要走喇,好累好眼訓!!

>>December 7, 2003 at 5:06:26 PM GMT+8

2003 年 12 月 3 日 星期三 【晴】

今日係我地學校的首日陸運會
我參加1500m,800m同埋班際社際
今日淨係需要跑1500m,但我跑完幾乎想死咁濟,對腳幾乎要切左去.........
實在太耐無跑過1500m啦~~~~~~~~~
最後得個小組第三名,自己都好唔滿意跑出黎個時間.....

跟住下午我又要早退,因為我地A Grade足球隊又要打比賽喇
今日係四強架喇,好重要的,贏左既話就入決賽,爭冠軍,輸左既話只可以爭季軍
哈~~我地又.............win 左la!!!!!! 又係要去到最後互射十二碼呀!!!!
今屆我地向十六強開始真係過足"十二碼神話之旅"!!
依家我地將會向呢個星期日向跑馬地馬場入面果個足球草場踢決賽,十分期待.....
希望今年唔好再做二奶,可以破紀錄贏個冠軍番黎啦

依家好累了..........88

>>December 4, 2003 at 10:28:24 AM GMT+8