2004 年 8 月 27 日 星期五 【晴】

尋晚看奧運看到三點幾先訓,但今日要七點鐘起身,皆因要去跟一大班一大班的聖母軍做義工~

八點幾去到油麻地mtr,已經有成差不多四十人向度,之後一齊浩浩蕩蕩的行去基督教勵行會~
去到聽完一輪講解,跟住就要一人負責帶一個小朋友(全部都係新移民黎的,小一至小六),
男帶男，女帶女, 全部人一齊出發,搭地鐵去到中環,我條"仔"(榮)佢同我講好驚搭地鐵,
話好恐怖wor也許他真的只是搭過數次地鐵,但不出奇呀,有些可能未搭過

路程:中環----行去動植物公園----再到香港公園-----太古廣場食野----九龍公園

向成個過程當中,不停咁同條仔傾計,有時仲撩埋d frd的女講野...........XD
其實都真係幾有成功感架,最初有部份人幾斯文,但同佢傾一陣計,整蠱佢地,同佢地玩下,
佢地就會同你玩到熟,呀christine同tina 呢兩位妹妹仔仲玩到打我呀
好似去到個噴水池,我整濕隻手,跟住問tina玩唔玩包剪鎚,跟住我一大力出包......
d水彈晒落佢塊面,結果.........被一班仔同女追住黎打,但真係"打者開心,被打的我更開心

仲有呀,去到看美洲虎,我抱完我條仔看之後,跟住d女仔見到又走埋黎:
"哥哥,我又要抱,我又要看....." 抱左一仔三女,每個維持十零廿秒,係累架,不過最重要佢地高興吧

仲有好多好多,包括食飯時的趣事等等,我想有一段日子我都唔會忘記呢一日,
臨走搭地鐵,有d要番去油麻地,有d就去九龍公園,tina知道我要同條友去九龍公園,
知我唔係同佢一齊番中心,佢當時的心情真係寫晒落塊面度,我真係唔知點講好,
我相信只有真正付出過,真正投入過,同佢地一齊玩傾計講笑,先會明白我心情係點,
佢最後對我說的一句,"下次你仲會唔會黎架"......縱然我知機會好微,但我仍答佢有機會的
真的有點兒感動,佢那聲道別,令我倆更加不捨得~

唔知大家一聽到"新移民"呢三隻字,會有咩反應呢?
是歧視嗎? 想逃避佢地嗎? 不想親近他們?
真係希望可以盡量記住今日,記得幾多...... 就幾多...

>>August 31, 2004 at 7:57:19 PM GMT+8

2004 年 8 月 24 日 星期二 【晴】

(好耐無打日記..........即使記得去過邊.........都可能不記得詳情........-_-')

8月23日...
今日一起身個電話有成十幾個miss call.................
因為比班friend 打黎叫我起身,應承左佢地去唱K~~~~~
ya~~~~~~~ 好耐無唱過啦,雖然向屋企有時都會唱幾咀,
但拎住支咪.....再加上一個強勁的音響,感覺當然不同~

今日出席者有lily姐,晴,fat hong and wilson,
向間K房永遠都係最低能,唱得低能,講野更加低B........XD
大笑.........當然有吧.........要不然做咩去唱
晴今日仲high過我............. 對住佢真係要投降....

結論:開心的一天~

8月23-25日...
呢幾日我家兩老去左大陸(旅行),真高興!!
呢幾日對耳特別舒服,少左好多長氣說話,更少了很多被人亂罵的聲音,真好~
好free,夜晚一點幾都開到個喇巴大大聲,實行開到個演唱會仲遲過許冠傑!
(呢幾天有去到阿婆度,食飯+同招積晞鬥咀.......~_~ )

>>August 31, 2004 at 7:22:46 PM GMT+8

2004 年 8 月 19 日 星期四 【晴】

由放榜到今日,已經有個幾禮拜
好煩,好多野要考慮,雖然伍華收左我讀中六,但我擔心自己真係好難應付
這並唔係我無信心,只係我好肯定自己對physics的學識實在極少,即使信心幾大都好,
有決心不=有能力,真係唔想自欺欺人,老實講句,中六中七,有邊個唔想讀,連九龍城皇帝都
知中六七+入到大學係好事啦,但讀到就係,讀唔到就即係浪費時間~

呢段時間真係好煩,煩在家人的意見,煩在自己內心的矛盾,究竟讀中六定係讀ive?!
個個人的意見同分析都唔同,自己呢個決定更加係影響到將來,有人話:駛乜唸到咁長遠,
一路讀讀左先算....真係唔需要唸嗎? 就能力方面來說,中六的課程我肯定讀得好辛苦,
因為自己physics實在唔得,你依家問我呢科的野,我一樣都答你唔到,這不是講笑,更沒有誇張
但如果只係把"中六七"同"ive"比較,無疑,ive係較為遜色,對於一向希望有中七程度的我,實在十分
矛盾,內心經常向度掙扎住'
興趣方面呢?我的興趣範圍真係好細,好多野都可以無所謂咁,但將ive同預科要讀的內容比較,
我會嘗試 ive........真的好懊惱~ 始終擔心ive將來的出路不太好.......

今日ive終於放榜,唔知點解仲緊張過會考放榜,最後獲派第一志願,即係社會服務文憑(長者服務)
d friend話我最咩唔揀高級文憑咁傻仔,對啊,但我對其他科的高級文憑沒有任何興趣,
呢一科係ive今年新開的,煩惱又來了,究竟佢第時會唔會開埋高級文憑呢? 我家姐話理工果面
到時會接受我入讀呢科的high dip,但都有d擔心,驚佢到時未必會受,咁點算,唔通到時兩年後拎
住張文憑就出黎做野,唔好發夢吧,ive仲話讀完到時可以去老人院做保健員等等工作,
佢都低低地的,dip 點同 high dip的人爭食呀! 頂,佢自己又唔肯定到時會唔會開埋high dip,
攪到我不知幾無安全感,總之佢比我的答覆,我簡直就想打佢一身,佢娘親丫~

唔再講喇,越講越煩,以下就係想同今年放榜部份的 frd講的真情對話:
恆少,你真係咪再懶懶行啦,次次打去問你點,你又走去同我講波經.......-_-' 唔好逃避la,快d
加緊腳步報野讀啦,唔通你真係打算靠賭為生麼........
家寶,雖然同你不太熟,但同你相處左呢幾年,你的人品簡直令我廿分敬佩,希望你將來真係
可以向你的強項arts發展吧,連續兩年會考都拎煙士,勁!
鄧忠,你考到十五分真係令我感到好鬼意外,你自己都感到驚訝啦,落到去基考生性d啦,
咪成日掛住撩女仔,串miss喇~ 不過睇死你都係唔會改架喇
Cynthia,我要講的果日都同你講晒喇,從你的口吻我知你係唔捨得聖家,但依家總算解決左最重要
的煩惱,起碼你搵到學校讀中六,你唔同我呀,我知你有能力的,你的自信心一向比我強得多~
Alice, 你考到十七分仲向度喊.......你依家都達成你最初的志願,入到恆商啦,入到呢間勁野都要
努力的,記住唔好過份有自信呀,還是虛心學習好
潔華妹,無人希望repeat之後個成績都係不變的,我知你難免有點失望傷心,有時抒發出黎會
好好多,咪成日放向心度,唔係話一定要喊,起碼都希望你可以用言語表達你內心的感受,
anyway,已經過去了,你咁鬼硬淨,我唸你依家已經一如以往吵吵鬧鬧,同d frd玩到忘晒形,
連形象都不顧...(不過你一向都無咩形象XD) 努力於你的美容業吧,待時機成熟自己開番間
做老細,喂,記住請食飯啊!!!!!!! ^o^

依家........尚左苦惱中,有心者請打黎我呢條關心熱線,6223xxxx,閣下的電話公司係會收取超過一元的服務費,我地會有專人接聽你的電話,
廿四小時的熱線,
專誠為你們而設!
關心熱線,
西門Number One~

>>August 20, 2004 at 1:50:22 PM GMT+8

2004 年 8 月 9 日 星期一 【晴】

這是放榜前的一天晚上,
很平常,好好訓......
但都幾驚會好似上年咁...............好遲先番去~

811......原來同911一樣,對很多人來說,
都是恐怖的一日

>>August 16, 2004 at 3:53:36 PM GMT+8

2004 年 7 月 31 日 星期六 【晴】

今日照例去聖堂,聖母軍開會,
好耐無見的團長同周周都分別向美國同英國番黎,
團長買比我地的手信個個一樣,就係"墨西哥跳豆"一盒

d豆識得自己郁架,無端端郁下郁下都幾盞鬼,我地猛咁問佢點解啦
佢又唔肯講,又話一星期後先考慮話比我地聽

下午同肥and瘦康同埋周周出去食飯,去左又一城,
大家向度講下各自的花絮,對方的趣聞,傾傾下周周比老豆逼左去游水,
得番我地三條友,四圍行下行下,買野的心又不知不覺的跳了出來,,,,,,,,,,-_-

大家搭地鐵番去啦,向地鐵入面我地向度勁笑隔黎的一對情侶,
並用高程度的英文黎講佢地,我地終於親身見識到類似謝lemon同王菲的戀情,
並且係女方高男方半個頭,佢地企向度的神態與動作,有如一個奶媽跟一名男嬰,
很體貼............很核突!!!!!!!

番到屋企上網,極有研究精神的我不停向度看有關跳豆的資料,
原來粒豆固然係唔會自己郁,其實係因為裡面有飛蛾的蛹......
就是牠們作怪.........所以才會作動....... 遲下仲可能會爆豆而出,變成一隻飛蛾仔
打電話比佢地同佢地講番,有d就話好得意,有d就驚到尖叫......(真係誇張)
妹妹仲話聽日比盒豆我"養"......
我依家有三盒了!!!!

>>August 2, 2004 at 4:38:25 PM GMT+8

2004 年 7 月 24 日 星期六 【晴】

今朝開完聖母軍,原本打算同輔祭打番盤康樂棋,
不過又趕住走,走果時鈺庭無端端走埋黎話送包糖比我,
真係萬分奇怪,連恆少都呆左,講聲多謝就走la
同妹妹一齊行,佢話頭先個小姐好似想示威wor,向我地傾緊計走埋黎......
我即刻笑佢...... 妹妹你不要想太多了, haha

今日係阿婆擺大壽,分批入去,我同兩個姐姐四點幾去到洒樓,
無幾耐我地自己開左一檯麻雀,比較老果d就開左兩檯.
我地只係打二五雞,全統,三番起糊最大八番,即係打出八番都只係$64.....其實我不知幾想打五一
一開始果陣兩個表姐猛咁食,我最初真係輸到仆直,佢地成日食自摸八番.......比錢幾乎係指定動作
好彩我都開始急起直追,有鋪我萬子清一色十二章,幸運地自摸食糊,敏表姐包晒都只係$96....
最後好好彩都只係打個和,唔駛執番身彩.

成晚的過程都有用攝錄機拍低,當中都有幾多趣事,其中一件就係關於阿晞
話說唔知有碟咩黎,佢大大聲咁指住話係豬扒,跟住呢個咁的傻仔二舅父口快快咁話"你先係豬扒"
晞:唔係呀,我係牛扒!
跟住好快咁轉身同個老母講: 你係豬扒,豬扒豬扒豬扒, 哈哈哈哈.........我係牛扒你係豬扒
攪到佢老母鬼死咁尷尬........

走果時我同二家姐要自己搭車走,老豆and母and大家姐有人車
二家姐無啦啦喊,好坦白講,呢件事無人對無人錯,
你有自己的想法,父母都一定會有自己的一套想法,
你有你的煩惱考慮,佢地無可否認都一定會有緊張焦慮,
也許他們不懂得說話,
也許他們關心緊張得太明顯,
也許大家都唔識得考慮埋對方的感受,的確,自己的想法感受如何自己係好清楚,
但對方的想法感受係點我地永遠只會"知道",並不能真正去"明白",並唔能夠好理性的解決,
始終大家的角色好唔同,當局者迷,旁觀者點都能看得比較透轍一些

>>July 27, 2004 at 9:25:16 AM GMT+8

2004 年 7 月 21 日 星期三 【晴】

先生為了懲罰不聽話的學生，出了一副對聯要學生對，

對不出來就不准回家。

先生曰：

天上下雪不下雨，雪到地上變成雨。

雪變雨來多麻煩，不如當初就下雨。

學生對到：

先生吃飯不吃屎，飯到肚裡變成屎。

飯變屎來多麻煩，不如當初就吃屎。

>>July 23, 2004 at 3:48:00 PM GMT+8

2004 年 7 月 20 日 星期二 【晴】

今日同班細路踢波,
之後剪頭髮

>>July 21, 2004 at 1:52:21 PM GMT+8

2004 年 7 月 16 日 星期五 【晴】

今日同家姐去左荷李活
食飯+買衫
食日本野食左成舊幾水,
不過佢都好醒目的......佢請

之後屈佢買件衫比我
自己亦都買左件
其實好多件都幾正又想買,
奈何無銀~~~~

到依家都唔記得同佢講聲多謝
向呢度補番吧,..........XD


夜晚我個朋友的阿哥的朋友book左順利人造草場,
八點踢到九點半,阿晞佢成家人都有黎see我表演耶~~~~~~
不過可惜比唔到最好的表現比佢地see.......

聽日要去.........................辦大事

>>July 21, 2004 at 1:51:02 PM GMT+8

2004 年 7 月 12 日 星期一 【晴】

依家醒起喇,
上個星期去過
荔枝角,
葵涌,
觀塘,
又有見番d小學同學,
差不多吧~

呀~~~~~~~~~星期日我地聖母軍呢個家庭每人都有個外號,
我做左四少呀,
死肥康叫菠蘿包,簡直係襯到絕,無得上訴
關卓藍做妹妹........想嘔tim~~~~

今朝同嘉豪同felix去左踢波,佢地上黎拎左個波去踢先,我就留向屋企繼續watch美洲國家盃
遲d先去,
落左一陣雨呀,攪到個波重左,踢到好累,三條死魚慢慢欄到7仔
買野飲,最後決定沖完涼一齊食飯~

去左果間"新金龍苑"食,住左彩雲十幾年我同嘉豪都未曾去過,
決定去試下,食物都ok 的~
食完就去馬會參觀下,豪就申請張智財卡,但唔開戶口,felix繼續決定咩都唔攪
真是...........

聽日要番工,
但又唔係咁想番.....
唉.......
真懊惱!

>>July 13, 2004 at 12:44:35 PM GMT+8