2003 年 9 月 9 日 星期二 【晴】

剛剛同佢互相猜完迷語~
真係估唔到佢竟然可以練續答岩唔知幾多條,
幾乎問到我無癮咁濟..............

俾三條問題大家:
世界上發現用兩隻腳行路的老鼠，咁我地要點叫佢呀。
(米奇老鼠)
世界上發現兩隻腳行路的鴨，咁我地又點叫佢呢。
(鴨)
世界上發現一個好愛潔華的人，咁我地又點叫佢呢?
( 鍾 啟 泰 )
XDDDDDDD



>>September 9, 2003 at 5:31:38 PM GMT+8

2003 年 9 月 8 日 星期一 【晴】

依家攪成咁....(痛)
番唔番學好....
各位比d意見我聽下~


>>September 9, 2003 at 3:19:26 PM GMT+8

2003 年 9 月 8 日 星期一 【晴】

尋晚無訓過覺咁濟.........因為好多野唸,
好後悔,好內疚,好恐懼~
加上今朝打極俾佢佢都無聽我電話,
我變得成個down 晒,成條死魚咁~無晒心機~
我知你嬲我係正常,但我真係想好肯定咁同你講:
一定一定無下次的!!!!!! 我實在唔想講"如果下次再犯既話就點點點"呢句,
因為我今次真係好肯定咁講絕對無下次!!!!
我真係唔想見到你依家咁既樣,見到你咁樣我真係好難過,
我不斷咁怪自己,好憎自己咁樣做,我真係好對你唔住....接受我的道歉好嗎?
這並唔係一個"求祈"的道歉,而我真係好真心咁向你認錯...
原諒我,俾多次機會我,信多我一次呀!! 真係唔會再有下次的!!!!!!!!!


一點八放左學之後就拿拿臨落去canteen食飯,因為兩點半要補chemistry~
但我食飽飯之後因為要好快咁買野,走左走右,走上走落,來回四次,
最後寄完之後就跑番去學校補課,遲左十五分鐘~
番到去近腹部的地方赤赤痛,抽住抽住咁,可能食飽飯真係唔好跑跑跳跳,
跟住就算搽左油都無乜顯著效果, 但都繼續捱到落堂,番到黎就去左睇醫生,
話應該無乜事,叫我記住食飽唔好再咁做~

其實我真係咁樣唸過:大吉利是咁講句,就算我今次真係有盲腸炎或其他病,
我都無得怨人怨d乜野,因為真係係我自己唔o岩在先,自己錯先,先至會走黎走去買野,
係我自己抵死...........

依家要休息陣先~

PS.我真係未試過好似今次咁樣失眼咁樣憂慮咁樣內疚過,
因為我真係鐘意你~

>>September 9, 2003 at 10:57:57 AM GMT+8

2003 年 9 月 7 日 星期日 【晴】

其實我好想話你知,我今次做左呢件事我心情都好差ar
我都好唔開心架,因為我真係知道做錯左架!
你知唔知我點解要打黎話番比你知?其實我可以隱瞞你唔講,
但我做唔到呀,最重要我真係唔想呃你,我真係知衰呀,所以我最後都決定打黎同你講.
你信我啦,我今次真係好內疚架!!!我真係唔想見到咁既結果架
我知你依家好唔開心好激氣,我明呀,但係我真係真係好想你原諒多我一次呀可唔可以呀?
我今次真係好愧疚呀........我真係好想親口好真心咁同你講聲:對唔住呀,潔華~
我知你可能會好嬲,但我真係好希望你可以原諒多我一次......
再有下次既話我真係再無野好講~況且真係唔會再有下架喇 !!
因為我今次真係錯得好徹底,
亦都真係好徹底咁知錯架喇....
潔華呀,對唔住呀!!求你原諒我啦!

>>September 9, 2003 at 9:42:17 AM GMT+8

2003 年 9 月 6 日 星期六 【雨】

今日成日都向屋企,無出過街
除左今朝去聖堂外.......
今日阿團長好似有少少火咁呀,
怨我地成日遲到,唔準時返黎開會,
咁又係既,其實唸深一層,有邊個支團會好似我地咁先得架
毫無紀律,開會不太認真,其實就算佢真係發火的話,
都唔出奇,第一佢係團長;第二佢可以容忍我地咁耐都算係咁架喇~

開完會之後去左食飯,番到屋企十分悶十分無聊,
向度睇<乾柴烈火> 成個下午悶到我幾乎訓著~
三點幾打俾佢唸住睇下佢出唔出黎啦,點知佢訓緊覺.........所以最後都係無出到~
之後一直無所事事咁......唔知做乜~

聽日佢要開學喇,奸巴爹!知道嗎?


>>September 8, 2003 at 4:39:04 PM GMT+8

2003 年 9 月 5 日 星期五 【晴】

今日訓到成一點半先至起身呀,
起左身就例牌開電視開電腦啦,
點知用用下突然間無晒畫面,先至醒起
今日下午兩點至六點停電呀~~
成個下午停電 ,
我就悶到嘔電~
彈完個五點半彌撒之後就打俾佢問下個有錢婆買左數碼相機
同埋快譯通未,剛剛收到最新消息話佢可能....係可能...or應該會俾番十分之四既
相機價錢佢阿媽,未知消息是否可靠....只有事主先知 XDDDDDDDD

七點鐘同班親戚向洒樓食飯,"做節"~
食到九點鐘我去趕咁去左藍田有野做,
去到十點半番~番到黎阿姨,阿婆,阿媽同埋舅父向度打緊牌~
再夜少少就同短人老婆講左一陣電話,
之後"佢"send左兩張相黎,兩張都好靚~ 有一張係我足足等左成個幾月先至有.....~_~
我真係好鐘意果個心形xx架!!

>>September 7, 2003 at 12:00:48 PM GMT+8

2003 年 9 月 4 日 星期四 【晴】

今日放學無番到屋企,因為要出街~
放一點八,但成差唔多兩點先至"落到去地鐵站俾佢接我放學",hah,sorry wor~~~要你等十五分鐘~
之後一直向度講咩聖言低能仔~_~佢一路行上去(學校)一路喊辛苦,之後我去左商場既一個廁所
換衫,跟住就去"大滿貫"食飯,食完就交換細個既相黎睇,佢地兩姊妹細個都幾男仔呀~~XDDDD
有一張睇左之後唔知點解真係好有印象咁架,好似見過咁~之後去睇下有無佢想買俾佢阿妹既野,
完就搭地鐵,向地鐵度再繼續睇埋餘下果d相,出到去向百老匯睇左一陣數碼相機,原來佢聽日同
屋企人去買,之後行到去戲院,好匆忙咁買"龍咁威"戲飛,因為剛剛開始做呀,買完就拿拿臨衝上去
睇,跑到索晒氣~套戲幾攪野架,咩有排拮,收埋張卡,笑到我地死,睇完之後落雨呀,好彩細細地姐,
但佢話對鞋已經水浸...- -" 再去左睇下有無佢細妹想要果樣野,最後都係買唔到~跟住佢話想去睇
果個咩匯演,就係咁樣,我就順佢意咁由旺角行去尖咀......佢開頭爭d帶我行錯路.......
一路行一路傾一路學英文,大家把口真係未停過的,我個心口都一直比人拍或者篤.......終於篤到去
太空館,我地最初爭d以為呢樣野係射落果塊牆度,好彩我地最後個決定無錯,我地搭船去灣仔,
又學到英文喇!因為......haha~ 搭船果時唔記得又講錯左d乜鬼野, 攪到要即時補鑊,去到個現場呢個
"香江明珠激光匯演"開始左一陣,我覺得都係果個噴水個效果正d,果度有好多"大陸喱"ar,睇完之後
再逗留多一陣就慢慢行去食野~佢食果碗野好辣呀! 佢叫我試,我試完之後成個咀都好似火滾咁呀~
食完再行番去"故地",睇sky睇cloud,最後時間關係要搭車走人喇~
向隔bus度大家交換左張身份證黎see,佢又笑我呀 ~_~ 佢中四果時塊面原來......XDDDDDDD
一陣之後佢扭晒計話要訓覺,我無訓到呀,費事啦~ 佢真係舒服囉~~~~~~~~~~~~~~~
番到去大約十點八,而我番到屋企就十二點二,其實都唔緊要啦,我都唔怕夜,無乜所謂,你真係唔駛驚~
番到屋企沖完涼之後就訓喇,個書包咩左成日la..................累!


無論如何,這真是難忘又美麗的一天~~~~~ 好多謝你~
Anyway,this is a unforgetable and wonderful day!!!! Thank you,loposon~
1437~

>>September 7, 2003 at 10:42:02 AM GMT+8

2003 年 9 月 3 日 星期三 【晴】

死火啦,唔記得今日做過d咩黎~

淨係記得今日我要遲放,
因為個miss叫我幫手彈下個星期四既
開學禮儀~
唉~~~
其實我唔係咁想彈架,
因為我想唱多d,
仲有就係咁樣既話我班主任就會知我識彈琴,
佢就會搵我.........咩架喇~~

唉.................煩!

>>September 6, 2003 at 4:26:56 PM GMT+8

2003 年 9 月 2 日 星期二 【晴】

唉..........
唸住"不成風",
"便紅雲"架啦~~~
點知黃雨都無............

今日老頭子牛一...........生日快樂~
今晚落左去洒樓食飯,加上下午又成日向度訓覺......
所以依家要趕工........
sorry~


>>September 3, 2003 at 3:10:00 PM GMT+8

2003 年 9 月 1 日 星期一 【晴】

今日第二日........
就有大把附加數做.....
做到我發晒脾氣........
最後好似同佢傾到一點半呀 ......
蝦蝦~~~~~~~~~

>>September 3, 2003 at 3:07:41 PM GMT+8