2006 年 8 月 6 日 星期日 【晴】

6/8>>>>>>>>>

今朝訓過龍呀過左九點先知醒...... 極速時間梳洗...... 最後同二家姐飛的去聖堂....
去到唱緊垂憐經...... 真係要唔該晒cynthia~~~~

完左彌撒後同eunice and 聖堂d人開會.... 見到eunice 成日皺晒眉頭.... 就知佢對某d提議
係幾唔滿意.. 成班人不停的傾福傳的事,傾左幾耐下..... 幸好最後都有共識......兼分好工.......
之後eunice突然捉住我話有野商討..... 原來係傾獎項名稱的野..... "最具智慧獎".........
"最具美感獎"........笑死我同eunice喇.....當然唔要呢d名啦..
仲有我地響度揀數名額外值得表揚的老師..............唉....... 到時實有後話喇!!!
祝小姐突然話去唔到個結業禮,有course要上wor.......真係莫名奇妙呢?!?!
好彩我依家已經搵到陸小姐做我拍擋...... 黎緊個weekend實好唔得閒喇..... 又要作稿對稿....煩!


7/8>>>>>>>>>>>>>>>>>>

尋晚訓覺果陣已經覺得全身周身唔舒服...........一突然出力...個大脾+個pat係十級酸痛..
抽住抽住咁........應該係踢波的後遺症.......肌肉勞損........ 唉.........又要抖番三幾日喇
今日行路係超慢,慢過老人家....... 過馬路想急少少都唔得,因為實會抽住......
真係行又抽.....企企下又抽.......連今日影相班小朋友坐我大脾幾秒我都頂唔順......情況有點不妙....
今朝仲懶醒搽左支過期的"安美露".............. 真係大大隻鑊.........

1:15p.m. 出到旺角Nokia分店維修部手機......要"才羅"籌......成佰幾二佰人響度
....乜咁多人要維修架........ 要七十個之後先到我........
我等一陣都係決定去食野先..... 去左Mc Cafe 要左個小龍蝦三文治+ cappuchino.........
好飽好眼訓........ 食完番去等到2:45 p.m.終於到我........... 比左部機佢又要再"才羅"籌....
今次要110個之後先到我......#$@*&$#$*% 勁無奈喇.........
好彩我今朝拎左份都市日報...依家終於發揮作用..... 呢間野都預左多人架喇，有兩部
電視機比你解下悶.....有衛視電影台同ESPN.... 越睇越唔掂........ 悶死..... 又無電話打wor...
最後都係走左去始創行下......... 見到"3" 依家做緊promotion, 印象中alice都好似話轉,打比佢
問佢詳情.......最後都係得個吉........... 佢成日話好忙好悶........ 即係忙定悶呢?!?!
好有興趣知佢個工作環境係點,點解有電話狂打入黎都可以唔聽而繼續同我傾?!?!
乜真係咁自由嗎?!?!

行番番去果時經過間金鋪..... 個sales 響門口度超煩.......
"先生入黎睇下啦......"....... (我唔鬼理佢繼續行) 跟住佢就大大聲話..
"好平咋先生!!! 黎啦...黎啦.......三佰幾蚊咋...........~~!! " 痴線 !!!

5:15p.m. 終於完成............依家整番好都安樂d....... 但個電話真係唔可以再有問題喇.........
呢四個鐘實在好難過呀 !!!


P.S......... 今日猛咁同林輝傾電話呀............超正呀...........佢真係傻得可愛

>>August 7, 2006 at 11:22:39 AM GMT+8

2006 年 8 月 4 日 星期五 【晴】

今朝訓到十點半起身沖涼，我家姐響度猛咁拍我門.....以為佢真係急得咁緊要嗎!?
原來係我舅父打黎搵我，叫我落去渣佢部車....... 機會難逢~~~~~~ 當然即刻換衫落去

渣車果陣阿晞成日攪攪陣......撩我傾計撩我玩.......仲要玩到漏左幾滴尿......卒之比佢
老豆鬧餐懵...... 第一次見人響架車裡面用水樽排尿..... 陣味超壓.......
(1.)先經繞道渣去九龍灣......接舅母放工........去渣去長沙灣定深水鶩曭壅銎�.......接埋二家姐.......
除左一d我去過的地方之外........全程都幾乎係舅父帶路....... 日頭真係好多車.....d人成日當正
自己係車神...左穿右插......我唔係一定要讓你架大佬 !!! 或者我舅父講得"琚A我真係太好人
成日都讓人....唔太顧自己安全......
之後渣番去藍田停車場泊車, 途中發生左一d超瘀的事......唉,
真係唔好提....以後一定唔可以再發生 !! (成個過程渣左兩個鐘.....獲益良多喔~)
之後去拎位飲下午茶........好累........尋晚已經訓得唔好得果四個幾鐘.....訓醒又要集中精神
渣車...... 真係累到死.......

夜晚七點幾約左恆少去食飯........我又再一次嗌錯野食........ 好難食呀.....
之後八點鐘同成班聖言仔踢波......好少踢夜場........ 踢踢下仲有點肚痛....
.應該係食得太飽的關係吧.. 加上已經唔夠訓....... 個場d燈光又好似暗暗地咁......都幾唔舒服

踢完真係累到想打的番屋企........... 即使今晚有波睇........ 都一定無精神睇喇........訓吧~!

>>August 6, 2006 at 6:46:01 AM GMT+8

2006 年 8 月 3 日 星期四 【晴】

今日如常番小學.......比eunice叫左我去五年班幫手........唉............
梗係又唔知有咩問題啦......... 近排eunice 經常搵我同我傾關於一個人的野......
真奇怪....... 咁信得過我 ?! 還是無合適的人比佢發洩而搵我?????????

超低能囉班學生...... 同d miss咬下耳仔就露出淫笑......... 笑死左我 ~
尤其是係果個"小白臉"........佢的陰陰笑懶醒的笑容真係笑到我趴左響條街度.....

課外活動閃左去一年班度玩，幾鐘意呢班學生........ so cute~~~
今日一時唔小心又比clarice 暗算......佢竟然夠膽死用我件衫黎抹手.........
我無君子風度的.........只會還擊............haha~ 得左 !!
阿 Sa 途中借d意對我郁手郁腳........ 不過算啦...... 響班學生面前我一定不會動手的.....

拎到frank lam 的親筆簽名+名畫........... 其他人恨都恨唔到架喇 ~~ XD
佢仲竟然突然間坐上我大脾......... 老實講..... 我個脾一向都係比小朋友坐......
即使係女朋友的話都唔係咁比坐.........!! NO WAY~!

落到去開簡會果陣突然比成班人手指指....... 我係完全唔知發生咩事......
原來我比人篤左去做結業禮的司儀............噢.....我的天! 怎麼辦?!?!?!
搵邊個做我partner?!??!!?
eunice, jovy, teresa, miss, celia, man, margaret, lemon, yin, kinki, hilda or clarice ?!!??!
十二個揀一個.........~_~ 不過其實都唔係咁難揀的.....我心目中都有一d 識講野的人選架喇
不過最好就 eunice 幫我手啦..... 夠晒新鮮感 !!

唉.............真係懊惱 ! (oh no~~~~~~)

>>August 4, 2006 at 1:18:48 PM GMT+8

2006 年 8 月 1 日 星期二 【晴】

今日食完晏晝就出左TST....第一站係 poly~
並不是註冊喇....只係交一d表格去銀行
搭215x 巴士....去到土瓜灣大塞車.... 響架車度狂煲電話...先後搵左恆少同打救左一隻悶貓...

交完form響poly行左陣，打算打比夜鬼有野叫佢幫手，點知佢媽媽聽電話，
猛咁問我係邊個......我玩野同auntie講我係佢同事........不過都係費事搞大，
最後連名連幾多號電話都講晒比佢聽....... 但事後原來佢娘親竟然無左件事...........!!

之後由尖東行去尖咀....途中行到去類似寶勒巷果d街果陣，...橫過完馬路竟然撞見一大塊
鋁窗響地下.....好多人企響度睇... .成條街的人頭都齊齊向上60度角望...我真係無咁好氣，
第一時間行番去d有瓦遮頭的地方先..... 派比安真係勁...~
之後行 harbour city~~ 喪行喪睇 ~~ 差唔多夠六點鐘就去mtr join ivan同學佢地一齊食飯 ~

去到就見到 crazy yan響度傻笑，十年如一日! 去新高麗苑食韓燒......
doris真好..次次都話燒比我地食....仲要燒得唔錯呀 ~ 我今次又飲左三碗高麗人參雞湯喇!!
期間 leo 用啤牌表演魔術.....超低能.....不過又幾攪笑的 ~~ 最後埋單時我同ivan 竟然響檯底
交易...... 超鬼崇......

之後要陪ivan去 Giordano睇野，個天呢個時候突然落狗米田共........好大塊...........
條街仲有點兒水浸tim...... 我有遮都避無可避喇...... 去到之後本來係陪ivan架嘛，
點知竟然係佢地陪我同等我，因為我響度試衫.......攪左超耐，真係唔好意思 ~~
之後又行左去唔知邊條街的 Haagen- Daaz 食雪糕.....多人到爆..... 又再一次坐低吹水.....
好凍........個冷氣又吹到正.......連一d有大堆天然脂肪的人都話凍...咁我點會頂得順呀~~
leo 又再表演其他魔術...... 今日都做左成五六個表演.......幾好呀.....我都偷學左幾樣 ~
我又再一次打比夜鬼...... 佢把聲真係超cool....真係好似成隻鬼咁....未訓醒咁......
驚 ...~

>>August 3, 2006 at 2:58:46 PM GMT+8

2006 年 7 月 31 日 星期一 【晴】

忠言永遠都係逆耳的
為你好的朋友，響來不會說討好你的說話，
虛假的說話只會留待其他人去講，
講的都係真心為你好的，
也許有些說話是不太舒服，
但如果真係可以提點自己
對自己有幫助的話，
那麼是否應該好好去想一下呢?

也許這就是你的性格，
脾氣每個人都有，
但是否代表可以暢所欲言，
不先去理解事情
不理會別人的感受呢?

如果有好多野都係做左先黎後悔，先發覺原來自己說錯話，
這樣不懂得控制自己情緒，
到頭來只會嚇怕別人
咁點解唔先 " 三思而後行 " ?

相識超過八年，你那句說話真係令我好心寒，有點失望....

無論如何，真係要識得控制自己，唔識得控制自己無論對將來
工作.....感情.....朋友...都會好蝕底的
真心為你好真係想你盡可能改善一下，
其他人真係話之你死，話之你繼續衰落去...

希望你明白，我同你講咁多野並唔係想教訓你，並唔係想發洩，
而係想幫你，幫你認清有咩問題.....

唔講咁多了...."雙失"青年，失去自控能力和聆聽之心的朋友，
我地每個人都和你一起長大，都想你有些方面可以改善一下
都想見到你有一個如意的前景......

會過去的.....

>>August 1, 2006 at 1:08:54 PM GMT+8

2006 年 7 月 26 日 星期三 【晴】

我自問已經係一個好好脾氣好忍得的人,但你不停咁挑戰我的容忍限度,
我真係好嬲...忍你並唔代表你做得對..希望你地好好反省下...別人唔係一定要遷就你的..
有你講無人講.....
所有人千方百計去幫你的時候.....
你卻只顧無理取鬧好有性格咁.....
你的脾氣我頂唔順........
你的橫蠻我受不住........
朋友......你可知道你自己的問題在那裡!?!

我真係好少有會咁激動..... 好少會咁火滾.....

你從不接受別人的意見，
只希望別人認同你，支持你
你總是喜歡先發制人，
卻從不體諒別人......
只懂埋怨人，
卻不自我反省....
你從不冷靜的去分析事件
去了解事實的真相...
不給予人機會....
很愛發脾氣，
很愛面子........

要人心服口服.....並唔係靠把聲.......
把聲夠大夠惡....只係會令人怕你.......
而不是服你

我和你身邊的人都開始頂你唔住了.......

替你平反，替你說好話，幫你爭取機會....
你不但不領情，還可以用這樣的態度........

呢一刻我真係暫時唔想再和你交談
"朋友"....你可知道你身邊的人忍你是如何辛苦.....

>>July 27, 2006 at 9:54:33 AM GMT+8

2006 年 7 月 24 日 星期一 【晴】

累透了!!!!!!!! 明日一定大昏迷......

今日如常番坪天，好早就起左身 ...... 執野.....寫信....買早餐.....
愛上了Mc Cafe........... 三文治加橙汁.....今日課外活動的時候同李生，
eunis三個人開閉門會議.....傾左大半個鐘...大家都似乎有幾多不滿，
其實好多野真係唔駛我講人地都會知，人地都會感受到的..... 因為你的行為同態度
真係好明顯........實在太有性格..... 其實每班都有d 問題架喇....奈何你實在太出位吧.....

之後同兩位小朋友去左食午飯，其實有點吃不落.... 響仙跡岩地頭飲麥當勞橙汁.....
冒住會比人話的風險.....這是第二杯..... 膀胱已經感到有d漲漲地......

之後同正版lulu 出旺角，其實一個星期前已經應承左佢....我講得出一定做得到...
出到去已經兩點一.....所以都係決定買下一場3:50p.m. --- <<鬼域>>
呢段時間有乜好做?? 攪gap.........狂攪爛gap........ 好耐未試過咁低能... 去左麥當勞食
開心樂園餐......~_~ 貪有野送wor....... 又係hello kitty....... 係咪真係咁有魅力呀......
呢個時候飲埋我今朝買的第三杯橙汁...我個兄弟膀胱先生叫我係時候要帶佢去放水了....
今日係我吸收最多維他命C的一日...... hair下又行下終於三點九去到戲院
響5院睇....未試過.....搭電梯+樓梯 = 行到你嘔 終於到達目的地...........
一望...........真係^&(#$)*@)#$@ 幾想同lulu一人一句 "oh my GOD!!" ..... "屈!!!!!!!!!!!!!!!!!!???????"
懷住"屈"的心情去呢套鬼域...... 好攰.......d 鏡頭好慢......慢到你係覺得悶......
加上本身已經幾疲累，所以睇得有點辛苦.........不過都繼續頂住....
去到中後段，唔知佢係咪累到悶得滯....竟然響件外套 (魔術布) 之下為我表演能人所不能的
魔術..... 佢竟然一野拆爛人地個扶手...... It is Magic !!!!!!!!!!! 真神奇........!! "屈" a magic !?!!?!
最後我地係成個拆左落黎tim............. 要去辦下告解............. z_Z

散場後去左買keroro, 之後佢竟然提議去朗豪坊吸印仔..... 響M記改完卷就準備去做
丟臉的事..... 好鬼煩呀........由頭呵到落尾...... 由手指公 lu到落腳指公........!!!
成條街d人成日望過黎wor.... 攪到極無奈，成個阿旺咁樣......
去到喪吸......吸完呢檔去第二檔... 之前我地想左好多一系列對付排緊隊的人的低能方法....
甚麼"斜帶".... 鬧人....... 又繼續低能一番....... 途中響間食店見到郭少芸....不錯不錯...... 幾型

之後都仲未夠喉，繼續lu到尾...去新之城買印仔...... 佢買野真係好爽快..... 話買就買 !
最後都係決定要走...... 我知大家其實已經係好累.... 搭地鐵時我其實好想訓陣...... 實在太累
由朝早七點幾踩到夜晚七點幾..... 好耐未試過喇..........
今日其實都幾開心丫...... 其實有時偶然放鬆一下......低能下....gap下傻下.......笑下.....
都係好事吧..無傷大雅的...~...能夠暫時放下膊頭上的壓力..... 係幾舒服的..... 我有咩壓力??
唔想響呢遍日記度寫喇，今日係開心的一日..........不想談壓力 !!

今晚可能會出現嚴重 "呵呵呵呵"的耳鳴............ 神啊.......救救我吧 !!

>>July 25, 2006 at 1:34:02 PM GMT+8

2006 年 7 月 20 日 星期四 【晴】

今朝約左人去食早餐，八點二去到，都預左實要等.....
..................
..............
........
其實有時真係幾忟有點嬲，點解我每一次約...個結局都係唔太順利的? 錯的真是我嗎?
對人有一個基本的要求也是不對嗎? 我並不是要求完美，我只希望人係有責任感，
人係講求誠信，其實呢個都應該係對自己的要求......
我都唔知點解自己次次都會好似若無其事，之後又繼續笑險迎人，又再約過...
希望......失望......希望.......失望...... 真係若無其事，真係無感覺嗎? 只係我向來都唔鐘意
將唔開心的一面表露出黎，因為一向比人感覺都係堅強，大方，無所謂的樣子.....
你絕對可以話我死撐.....但我咁做目的係乜?? 唔想你難受...難堪?? 我真係開始疲累了......
好傻......好on居....儘管話我吧......

番左一個星期的功輔班，感覺絕對比上年輕鬆....因為身份不同，不用經常嘶破喉嚨，
記得上年真係講到聲都無，喉嚨痛，聲音啞，"一樽" 並唔能夠攪掂.......
今年的老師的平均年紀同經驗當然不及上年，有時去到唔同的班，並唔係比學生激親，
而係比班老師激死...... 說話的模式，內容和語氣實在令我感到擔憂....... 我上年做過，今年亦
做過補習社，好清楚知道現今的小朋友真的非常open, 開放的社會令佢地無所不談，
如果做老師的響班細的面前不懂得控制自己，經常說錯話，吃虧的只是我們.... 現今的家長
是盲目的，第一時間當然只會聽子女們的說話........

"""""可幸的是我發覺有好多身邊的朋友在擔任這個角色時十分投入，就好似阿sa咁，異常認真
非常投入同細心，教人仲好有耐性，實在令我改觀。 <<其實我知道只要你肯用心去做的話，
就一定會做得很好很投入的，你也懂得在不同環境做同不同的事，這點十分重要喔>>
的確，我地背得起這個身份，就要做呢個身份應做的事，無論我平時怎樣同你熟，怎樣串咀
又或是怎麼粗魯，在這時候也應該收起一切，說應說的話，做應做的事。
有人話我好man.....亦有人話我扮野...... 我無出聲，把口係你地的，我只能講句我所做的
所付出的都是出自真心，問心無愧。
一句講晒，工作時工作，遊戲時遊戲，需要認真的便一定要認真...我一向都是這樣子的...


今日下午去左interview......... 筆試過後係 group interview......... 根本就係一個講大話的聚會 !!!!!!!
我呢一刻真係好討厭係極度憎恨呢個社會，好虛假，我實在唔夠果d人玩，
依家實在無乜心情........ 好攰好攰........

>>July 21, 2006 at 11:46:38 AM GMT+8

2006 年 7 月 13 日 星期四 【晴】

**依家每晚的八點半至九點半都十分得閒，以前呢段時間我應該係響度追緊劇集，
但對呢套神鵰俠侶真係完全無興趣.........成日都係姑姑...姑姑.........d人又唔識.....

**如無意外下星期應該會去有線拎果$3000美食卷，應該會將佢分派比其他人，
阿姨已經預早叫我幫佢留定..真係誇張.... 聽聞去果棟有線大樓都幾麻煩...... 地鐵站你識行
的話都要十幾二十分鐘......

**今日約左"恆"少聚舊，幾個月無見，就真係互相講番呢幾個月一d奇怪特別的事
佢成日響度扮阿叔.....~_~.......
響新都城撞到何韻詩，佢超級厚面皮，超厚粉........... 成個假人成隻公仔咁....
可能響電視睇的話又會係另一種效果吧........
其實個人黎講唔係咁like d女孩子化好濃妝....化到超白超恐怖，淡淡地, 睇到落去係
精神爽利的樣咪得囉.......... <------個人睇法而已......

**依家地鐵站的扶手電梯口成日都有一大群女仔伏響度，一見到你就會幾個人
一齊講 "係咪買書呀.?!?!" 好煩喔 ~~~~~~~~~ 已經多人架啦，仲要成群人成班蜜蜂咁埋黎....
阻住晒...... 並唔係話歧視呢種"職業".....但係可唔可以將個騷擾程度減到最低呢?
一上完或者落完電梯你就標埋黎....仲要係對正個電梯口.....
後面仲有人架....個扶手電梯仲郁緊架.....睇怕真係要有意外發生先會有人關注下呢樣野..

>>July 15, 2006 at 5:35:41 AM GMT+8

2006 年 7 月 12 日 星期三 【晴】

著名球評家---黃興桂(又名Peter仔)低能語錄:

1. 除非有一隊先入一球, 如果唔係都幾難開到紀錄啦呢場波
2. 只要你射得中, 咁你就有機會入啦
3. 加利仔有3樣野唔好: 第1, 無速度; 第2, 跑得慢; 第3, 唔夠快呀!
4. 十二碼呢家野呢，有兩個可能性，一係入，一係唔入
5. 哈哈,龍門最好既朋友係邊個呀？咪係龍門柱囉
6. o尼球波,如果冇龍門就入o拿
7. 呢場比賽我只可以用"一個字"黎形容---精采（明明兩個字．．．）
8. 呢球波一係入...一係龍門救到...一係出界...
9. 現代既足球,係將皮球送入網窩裡面既!
10. 呢球波史高斯好有機會入波．．．但係無機會起腳．．．
11. 呢球波係咪真係紅軍既利物浦出界架？好似擦到藍軍球員既波襪架喎
12. 利物浦的巴路士同列斯的巴基.....兩個都係姓巴........（英文名呀大佬）
13. 阿仙奴開波幾分鐘就入波，好打好多。（被追和後）我都話，太早入波未必好架 ......因為有大把時間比人追
14. 拿..做防守球員最緊要係咩呀.. 咪 "安全第一囉"
15. 現代足球講求有實力,有速度
16. 現代足球最緊要攻守兼備
17. 呢場波贏輸都唔緊要, 最緊要係唔好輸
18. o係今場波邊隊能夠入一"粒"先，果隊就會有優勢
19. 愛華頓呢隊波蔗渣o既價錢, 但係踢出燒鵝o既味道
20. 呢個罰波係o係右路偏左既位置
21. 柏金呢隻老馬就好似星期三晚夜馬隻駿先鋒咁，追極都追唔到呀！

>>July 13, 2006 at 9:08:58 AM GMT+8