2003 年 9 月 28 日 星期日 【晴】

今日開始決定未必再日日都寫日記喇~
實在無咁既時間~


>>October 1, 2003 at 6:00:38 AM GMT+8

2003 年 9 月 27 日 星期六 【晴】

今日杜神父最後一次同我地個堂區開主日彌撒,
因為被教區派到去第二個堂度

所以今日個彌撒完左有個歡送的茶會
個個都同佢影相

之後又係一片的空白~

>>October 1, 2003 at 5:59:20 AM GMT+8

2003 年 9 月 26 日 星期五 【晴】

一片空白白~

>>October 1, 2003 at 5:54:20 AM GMT+8

2003 年 9 月 25 日 星期四 【晴】

一片空白

>>October 1, 2003 at 5:53:52 AM GMT+8

2003 年 9 月 24 日 星期三 【晴】

克尼妹妹~~
生日快樂呀!!!!!!!!!!!!!!!!!!!! 年年有今日,歲歲有金蕉!!

今朝出門口之前好小心咁check清楚有無野無拎到,
番到學校亦都第一時間求個miss比我將盒野放落雪櫃~
終於到左放學時間,但佢仲未放學,打個電話比佢博佢可以聽電話,就算聽唔到都可以
睇到個來電打番比我~
一路搭地鐵去到荃灣一路等同佢聯絡~~~自己行左陣商場之後原來佢一早已經黎到喇~~
嘩~~第一次見佢套校服,真係一d都唔似係校服,簡直型到爆炸!
跟住去到銅鑼灣UA,剛剛趕得切睇六點場,睇果套"向左走向右走"~
套戲幾正呀! 連一向有少少反常既我XDD.......都覺得有點感人耶~~~~全程都無覺得悶~
特別係最後果part,做得好好ar,正!
睇完之後就去食野........(P.S.到目前為止我都仲未比野佢,其實一早都plan好晒的)

最後行到去會展果度,唸住叫佢等我一陣先啦,點知果度超大風呀!!!
攪到我撻極都撻唔著部火機......佢亦都突然間擰轉面.....
唉~~~~~~~~~~~~我的天啊!!!!!!!!!!!!!!!! 原本一早個plan並唔係咁架!!!!!
不過最後大家都向度食埋果盒野.....一片片的士多啤梨~
跟住就當然係送禮物時間啦,希望你鐘意啦....多黛!!!

最後就行去搭巴士走人,開頭我提議行捷徑過馬路的,
但佢話行catwalk(天橋),行行下發現架bus快要開喇,跟住一齊追落去啦~
最後係.........追唔切的....-_- 跟住就話人地賤格XDDDDDDDD 哈哈~~~~~~

搭巴士果陣,我向度教阿闊做動作,最重要係教佢跳"示愛舞"呀!!! >3<
佢不知幾跳得幾扭得!! 可愛,得意,佢雙手同動作真係可以表達好多意思架!!!
跟住再送埋"衫衫世世做情婦"比佢,好好保管佢耶~~ (不過如果再有咩壞消息要同我講,唔好瞞我)
之後累到要訓覺,我都有d累架,不過就要頂住唔訓,去到果個xxx廣場,我郁下隻手,
我先至突然間發覺原來我成隻手係痺晒架!! 緊握拳頭都無感覺!!! 由手臂去到手扳都係咁.....
最後乘機放鬆少少,但都繼續俾佢訓的,因為我知佢真係好累~

送完佢番屋企之後唸住拿拿臨行去bus總站搭車走啦,點知等左成廿分鐘架巴士先至開得,
因為前面有架白車阻住左~ 去到地鐵站,又要等成十至十五分鐘先有車呀~!!!!
唔係尾班車都要等咁耐!! 期間我打左超多次電話比佢架,但無人聽wo,原來佢傾緊~
番到去好快咁沖完涼,同佢傾左陣電話,再執埋聽日番學既野,就訓了~~~~~

記住要攬住"暴露闊"訓呀!!!!!!!!!
H A P P Y B I R T H D A Y t o C O N N I E ~!!

>>September 26, 2003 at 1:21:42 PM GMT+8

2003 年 9 月 23 日 星期二 【晴】

今朝番學向巴士站好橋咁撞到阿Oral B小姐~ 一如以往,佢粗聲粗聲咁同我講野~_~

今日有三堂唔駛上,因為四個學生會候選內閣發表政綱~

向政綱大會開始之前我比人叫左上台彈校歌,今次都好既,彈鋼琴,但就有點手緊,因為完全無心理準備

唉......阿邊個邊個真係死笑我.........d政綱又夠抵死......不過我係唔會投你一票的~~


今日放左學之後聯同兩個人去打劫銀行!!
之後我地向度玩火呀............痴線的!
番到屋企樓下買左少少野,行左陣百佳~
跟住就上網上到依家...............

今晚好勤力咁做功課,特別係做定星期五要交果d,因為預計明晚會好夜先番到屋企的.......
因為........克尼妹妹牛一啊~

>>September 26, 2003 at 11:34:30 AM GMT+8

2003 年 9 月 22 日 星期一 【晴】

今日如常番學,
照常放學~但就唔係即刻番家~
放學之後我地有個簡短既開學彌撒,
我又要司琴..(我真係唔想再彈喇,除非學校換過個琴啦,好難聽好難彈呀!!)

完左之後我就出左去旺角..........睇野買d野,
(呢一個星期荷包認真大出血.....邊個有心人仕可以捐一捐血比我....)
買完之後我又要去將軍澳,淨係搭地鐵都搭到我嘔白泡~
唉.......心淡喇~ 搭地鐵果陣比人話我用佢黎填時間..........你自己無帶手機咋!!!
又唔知我打左幾多次......我以為唔知做乜事...打埋去你屋企tim喇!! 長氣華!!!!XDD

終於向八點幾番到屋企,食飯,watch tv~
icq~~ 最後比人訓完話就熄燈訓覺喇!!!!!!!!!!!!!!!!!!!!!!!!!!!!!!!!!!

P.S.我唔要日日都俾你食住俾你駛呀!! 星期四就得XDDD

>>September 24, 2003 at 11:06:13 AM GMT+8

2003 年 9 月 21 日 星期日 【晴】

今日我同佢向度電話呀~_~
九點四打俾佢無人聽,原來佢洗緊澡,
跟住之後大家就開始你打下黎,我又打下俾佢,但都係無聽到電話.....
因為一時就可能上緊堂,一時我就擺低左部機,因為要上體育堂
去到兩點幾果陣佢話我打比佢果時個電話響wo.....抵佢死XDDD

今日體育堂踢波,因為係我repeat生涯的第一場足球賽事,
加上我要向呢班新同學面前留下一個深刻的印象,所以我向比賽前
已經同隊友講我唔想輸,我唔可以輸,雖然只係一堂好平凡的體育課,
一場好普通的足球賽,但我亦都踢得十分之落力! 個個都好認真咁踢,
或者佢地都想show野掛.......不過點都好,認真係好事!
哈~~~~最後我果然好醒神咁省入兩粒,加一個助攻~ 有個入球仲係自由球黎架!!
好耐未試過向"比賽"中直接射入自由球喇!! 幾有碧咸feel...XDD (本人並不太喜歡碧咸)

之後上果d堂真係好累好眼訓,終於向尾二果堂連堂生物堂訓著左........miss亦都照舊無叫我起身~
番到屋企雖然有好多野要做,好似數學呀,中文作文(你唔教我你會後悔的),但未做就上床訓覺~
訓醒之後其實唸住打去串下佢咀架.......最初聽到佢講佢無訓過覺唸住呢個係最佳時機串佢啦,
點知佢講野下下出口成文,字字珠璣......串我串到無得反駁!

夜晚作文,作到自己唔知寫左d乜鬼野!
唉.................算啦~~~~~~~(又無人幫我)

>>September 24, 2003 at 10:52:36 AM GMT+8

2003 年 9 月 20 日 星期六 【晴】

今朝練完歌之後我會都無開到就約左人
出去買野,但一點幾收到個電話之後就即刻番左屋企,
因為家人打黎話阿dad入左急症室,阿媽向度陪緊佢,我就要番屋企對
番少少資料,向屋企等消息,最後佢地五點鐘番到黎,我先至清楚d明白個情況係點

阿dad一番到屋企就休息訓覺,我都先至開始做下功課,不過都無咩精神去做,
八點鐘約左個frd向樓下等,等左半個鐘佢先至黎到~不過都多謝佢幫我手的~
番緊屋企既時候同一個好鬼爛訓的克尼傾番,講左陣電話,又同其他人講左兩個"緊急"
電話,番到屋企就食飯~

今晚食飯既時候我"蠟"左阿dad一陣,唔知點解覺得佢突然間好似老左咁,有條鬚白色tim,
見到佢唔係咁精神,講野同抖氣又唔係太順暢咁......... 真係好少見佢咁既樣~
食完飯之後開部電腦,部機又神神地,icq又壞壞地成日同我自動offline,攪到克尼走鬼左呀 !!!!

一點鐘同克尼傾電話,成晚佢講野都不留情面的......就咁講講下講到兩點九先收線,訓了~

>>September 22, 2003 at 3:59:25 PM GMT+8

2003 年 9 月 19 日 星期五 【晴】

今朝收到克尼個morning call之後就起左身,
起身聽歌,沖涼,跟住就出去唸住買d野
點知出到去果間野未開門呀,但因為一點鐘又要趕番去順利
約左人打羽毛球,所以我無時間等佢開鬥,就要搭車去順利
去到淨係得阿恆少向度,同佢打住先,成一點八對情侶先至黎,
"阿雯小姐"仲遲........ 之後大家輪流打,佢地兩個男人成日向度蝦
"阿雯小姐"........成日殺佢波.....笑鬼死我~
一點打到三點......~~~~~~~ 好耐無打過喇.......一打就打到好落力,打到累死.....!
之後就同佢地say goodbye,要搭小巴去藍田~
去到其實己經好累甚至有點眼訓,同兩個frd商討完d野之後我又要趕番番去
司琴,好忙 ~~~~~~~~~~~
司完琴番到屋企攤左向度,唸住可以靜下啦
點知又唔可以~~~~~~~
個屋企可唔可以唔好咁嘈呀!! 我真係好煩呀!!
有時我對住咁樣既情景我真係好煩好辛苦!
我都唔知幫道理好定係幫人好~
道理上其實兩個都有,你地咪當係讓佢一步囉
呢d咁既野都可以講足成晚既話,我真係好無奈~發乜鬼脾氣姐!!
佢明白佢識唸既話就唔會攪成咁啦!! 我今晚己經好累有野煩又唔舒服架喇,依家又要我出口
平息件事咁,我好累喇! 成日都要攪到咁,都唔知為乜!

剛剛同克尼講左我想講既野,
我真係唔想再放向心裡面,我想你知我點唸
我由始至終我肯定我實有考慮到學業,更加有考慮到你一至六既問題,
所以我依家都只係想加"假期假日",只係加多一日,只是而己~
萬一時間上真的不許可既話,當然要接受事實,
但現在可說可做的,就係起碼講定可以加多一日,希望你明白同接受~

>>September 20, 2003 at 4:57:45 PM GMT+8