2004 年 6 月 18 日 星期五 【晴】

今日去婚禮...司琴

好鬼熱.......沖左涼等於無沖過......

夜晚去九龍灣食飯,阿公壽辰,

分開兩檯坐,幾乎係後生一檯,老的一檯,

我成晚都掛住同坐隔黎個表弟同表妹吹水,

講下笑,嘻嘻哈哈又一日

>>June 23, 2004 at 7:00:05 AM GMT+8

2004 年 6 月 17 日 星期四 【晴】

今日要去石蔭東村小童群益會,
呢間野好似係向唔知葵乜果頭

搭地鐵去到葵芳地鐵站,聽人講話要再轉235M巴士.....不太肯定
十八歲仔,葵芳葵興呢d地方印象中只係去過一兩次,最近果次應該係上年,
對呢頭一d都唔熟識,真係幾驚唔知會搭左去邊,
上到巴士,一路上認實個路線,漸漸的又有番dd印象.葵芳.....跟住到葵興.....
是的,這條馬路我曾經走過,這紅綠燈我是看過的,一幕幕那時走過的情景,
真的好像突然活現在眼前,突然間就好似變成一個詩人咁既款,充滿感歎,有說不出的感覺...XD

去到就開始聽講座,從個社工口中,知道好多額外要注意的地方,總算不枉此行

回程時搭番235M番去葵芳MTR,途中有另外一個巴士司機一同乘搭,
佢唔記得向之前個站落車,架巴士其實都已經行到離開果個站幾遠架喇,
算係上個站同下個站的中間位置,佢竟然要求同行家開門比佢落,點知真係突然停埋一邊比佢落,
跟住快快脆脆咁開車,此舉實在令我感到好好笑

原來....一直表現得好專業好守規矩的司機們,真係得個樣~
不是嗎?有時佢地明明見到有人跑緊黎趕住上車,但就好似撞鬼咁拿拿臨開車走,
最後以離開左個站為理由唔理追到索氣果條友,呢d場面你都不得不讚佢地係幾咁守規例,
佢地的理由係絕對的充份,但人格又是絕對的低下.
今日呢單case,亦都可以見到佢地係幾咁識得方便"乘客",
一時就懶有規矩唔理乘客,一時就方便"乘客"就不理規矩,
這些為我們服務的車長,真係吹佢地唔漲,
一時可以因為果一兩秒,不理果個遞晒手走到斷氣的傻仔,而匆匆開車;
一時卻又可以因為一個"乘客"(一位行家)..而唔理車上整群人,而匆匆停車,

我除左高度讚揚佢地靈巧的變通外,實在無話可說,
果d傻仔請唔好再誤會喇,其實巴士司機係好有人情味的,只係你地一世都唔會嘗得到~

>>June 18, 2004 at 5:51:34 PM GMT+8

2004 年 6 月 12 日 星期六 【晴】

今晚阿禾同felix黎我屋企watch fotball <英格蘭對法國>
禾因為無有線,星期五已經向我book定個位留番比佢
felix........我見佢都係捧英格蘭,明知佢有有線都問埋佢啦,好爽快的也應承黎埋一份

felix十二點黎到.....禾就兩點黎...場波兩點九就開始
今晚.....
老母番通宵.....
二姐番宿舍.....
感覺...free到爆炸

第一次叫d friend黎屋企看波,點知竟然係一個唔好的開始......
皆因英格蘭輸波了........
輸波事小.......輸錢事大呀!!同felix一人買左一舊英格蘭,其實和波都收錢架啦,
點知贏左整整九十分鐘的賽事,卻在完場前補時三分鐘內比法國呢條XX隊兩粒,
心情就好似由天堂跌落地獄,感覺就像由身處清幽的草原...變到身處火焰山一樣
火滾!!

>>June 18, 2004 at 5:02:51 PM GMT+8

2004 年 6 月 11 日 星期五 【晴】

有個人去理髮店剪頭髮和修鬍子。這人和理髮師有一次很好的交談，他們談論了許多事和各種各樣的主題。

當他們最終接觸了關於上帝的話題，理髮師說：
"我不相信上帝存在。"

“為什麼您這樣說？"顧客問。

"您只須出去街道走走，你就意識到上帝不存在。
告訴我, 如果上帝存在的話,
為什麼會有這麼多患病的人呢?
為什麼會有這麼多被遺棄的兒童呢?
如果上帝存在的話,
應該是沒有受苦亦沒有痛苦。
我無法想像一個愛人的上帝會允 許這些事發生。"

顧客思考了一會兒,
但他並沒有回應﹐因為他不想和他開始辯論。
理髮師完成了他的工作，而顧客亦離開了。

就在他離開理髮店之後,
他看見了一個留著骯髒長髮，滿面鬍子的男人站在街上，
這人看起來很骯髒和不整潔。

顧客轉身，再進入理髮店，和理髮師說: "您知道什麼?
理髮師不存在。"
"您怎可以這樣說?" 驚奇的理髮師說。 "我在這裡,
並且我是理髮師。我剛剛才服事過您!"

"不是!"顧客說。
"理髮師是不存在的，因為如果他們存在,
應該是沒有人留著又骯髒又長的頭髮和鬍子,
好像外面那個人。"

"呀, 但理髮師是存在的呀!
是因為人們不來找我，所以才會有這事發生。"

"就是這樣!"顧客肯定地說。
"這就是重點! 上帝, 同樣 , 也是存在的!
是因為人們不去找尋祂，不去仰望祂，
所以才會有這麼多痛苦和災難發生在這個世界上。

>>June 14, 2004 at 5:53:40 AM GMT+8

2004 年 6 月 9 日 星期三 【晴】

十個減肥貼士:
(1)一罐可樂有十二匙單糖，意思係飲下後會直接變成我們身
體的糖分。

(2)有人減肥不吃早餐，事實所得效果相反，會更肥胖，因相
隔晚餐時間太長，下次進食時會吃得更多。不吃早餐，令
自己空肚，會很快生膽石，因為沒有食物在肚內，膽會
排出一些分泌，久而久之，會變成石。而且不吃早餐，會
減低新陳代謝，減肥的原理是加快新陳代謝，才可燃燒脂
肪，所以無法減到磅。早餐是每天最重要，亦應是最豐富
的。所以就算無食早餐習慣的朋友也要飲一杯營養旦白素。

(3)減肥的原理是增加肌肉，有肌肉才可以燃燒脂肪，否則只
是減去水份。

(4)有肌肉的人，就算坐著看電視，也比一個無肌肉的人消耗
更多卡路里，因為只要他有多你一磅肌肉，他身體會自然
地燃燒五十卡路里，而無肌肉的人，反而要去做運動來
燃燒這多餘的脂肪。

(5)纖維素不單有助排泄，也可以吸收脂肪再排出體外，所
以如果想減肥，應該多吃。

(6)肥胖會導致不育。決定生育前應檢查體重，因有遺傳基
因，會生一個肥胖的子女，所以減肥不是只為自己，也
為下一代。

(7)減肥可樂卡路里較低，但有酸性，會令自己肚餓，故會
增加食慾，令自己更肥。

(8)成年人每年會減少一磅肌肉，等如增加5卡路里，這是中
年發福的原因，所以要不斷緞練肌肉。

(9)做重量運動時要進食麵包等，否則無力去舉重。做有氧
運動時則相反，因做有氧運動是為減肥，吃下麵包去做
運動就失效。所減的係那個麵包而不是身體內的脂肪，
故此跑步前不可進食這類食物。肚空，才會燃燒體內脂
肪，否則所減的只是那個麵包的能量。

(10)早上磅重會較輕，晚上會較重。將早上的磅數和晚上的
磅數比較，如相差百分比二，就可以測出新陳代謝是否
好，否則就証明代謝慢。

>>June 9, 2004 at 5:18:33 PM GMT+8

2004 年 6 月 7 日 星期一 【晴】

尋晚番到屋企係4:35,今朝十一點醒左,但因為起身都無野做就勉強自己繼續訓,

今日我即將要做決定,究竟做,定係唔做?
這事實在太困擾我,要考慮的實在太多了:
(一.)neway呢份工我真係唔怕辛苦,怕的只係時間太長,而且咁夜真係好難搭車番屋企,
唔係無車既,不過就成十蚊一程,所以尋晚同fanny傾,佢話可以幫我爭取換更,即係番朝早十一點放九點or番夜晚八點三放六點三,好多謝佢咁幫我,但我仲有以下原因,並不單是時間問題;
(二.)依家我要連續番七日,七日之後先開始算糧,叫做試工吧,當然如果我真係好有心咁打算繼續
做落去,呢七日唔計人工我都無所謂,煩惱的就是我始終擺馬會呢份工向第一位....
因為馬會話得唔得都好會向一個禮拜至兩個禮拜的時間通知我,如果到時做做下neway,馬會打黎話請我咁點算呢?如果有得做馬會的話,我一定會去做馬會而唔做neway,因為除左人工高之外,
比起neway會比較舒服,番工時間亦唔會咁離譜的。但別忘記,果陣時即係我最少已經做左一個星期neway,如果唔做就要一個星期前通知,咁即係話都要做多一個星期,咁點算?唔通叫馬會等我一個星期嗎???
(三.)我自己對於neway的工作真係已經好有印象,已經上晒手,員工亦都好友善,我實在好矛盾,究竟應該做定係唔做呢?做我又要顧及以上的因素?怎麼辦??
(四.)家人對於我做neway顯然係不贊成的,佢地話尖東呀卡拉ok呢d地方好雜咁話,但我一d都唔怕,
怕受氣怕辛苦根本就唔適宜打工,不過"家人"呢種因素一向都唔會有太大影響,我向來都只會都一些我真的認為合理,正確的事, 佢地的意見我並不一定會聽
(五.)第五點,並都係講出我我為人.

我實在唔怕講,我做事向來唔鐘意比人有一種三分鐘熱度,好隨便好求其的感覺,我無論對人對工作我都希望要認真,簡單來說就是"專一"吧,真的很怕給人這種感覺,但如今,我可能要番一日就唔番,這豈不是跟我的性格有所衝突?真係唔想咁,總是覺得咁樣好賤,但又真係逼於無奈,所以這也是令我感到很苦惱的重要一點

(六.)唔好看小番呢一日neway,我真係已經學到好多野,雖然頭果七日係無糧出,
當然番尋晚呢一日都係無錢,其實尋晚做做下已經考慮好打算唔做,但如果我真係咁計較的話,我尋日大可番番下就走人,駛乜攪到咁夜先走?! 我就係想好頭好尾,唔想隨隨便便,求求其其,我呢一日絕對唔係白白付出的,。真係學到好多好多野 ,

頭先五點幾,我已經打左番去同佢講話唔做,做呢個決定真係好辛苦,但還要考慮以上種種因素,
令我始終有呢個念頭,好憎自己這麼做出有"三分鐘熱度"味道的決定,但已經過去了,
今次決定好明顯係同馬會進行一場賭博,如果佢係請我,當然是好事吧;
如果佢真係唔請我,我已打算等到六月尾先至再去搵工,搵到既就做整整七,八兩個月,搵唔到既就算了,疊埋心水去玩等放榜了~~~~~~~~~

>>June 8, 2004 at 11:11:55 AM GMT+8

2004 年 6 月 6 日 星期日 【晴】

今朝同禾去左跑馬地見工(馬會)
雖然係有好多人去見,但我還是有信心的,
那些測試和計數完全難不倒我,擔心的只係怕佢得番好少位....

下午五點我就要去尖東港晶中心Neway返工,
好順利咁就做完,但我估唔到既就係返工時間同我見工時係有出入,最初就話番大約八個鐘
但佢話要番十粒鐘,即係放三點........但原來每日臨尾係要"埋尾",即係同其他人大洗
全部房間一次,整整下我估都要四點鬆d先走得~ 一日你都計到係要番幾耐

好老實講,工作不算很辛苦,入去幫人收下野,之後洗下房,清潔下,掃地拖地,有時幫d客影下相咁
我係絕對應付得黎的,但無奈時間實在太長,一日有一半係番工,一半係訓覺,
如果最初見工果時知係咁我實唔會做. 今日我真係好多謝fanny,佢好有心機咁教我同鼓勵我,
雖然大家第一次見,但佢比我的感覺,就好像朋友一樣咁親切,真係唔識點形容,總之就好照住我.
深夜三點鐘,我洗左一條街之後,就搵佢入房傾左好耐計,我同佢講我打算唔做,
佢就不停咁挽留我,話see得出我係有心去做同埋係做到野,是的,這點我也不怕承認,
你話我驕又好叻唔切都好,我的確全程都好投入咁去做,但我做呢個決定並唔係霎時間的,
真的有原因.....(--->8/6 diary),佢話比一晚時間我考慮,聽日先至答佢....

>>June 8, 2004 at 9:54:45 AM GMT+8

2004 年 5 月 31 日 星期一 【晴】

有時有d新人物加入，

先知邊個才是真正的主角 ;

但作為"主角"，

當然唔想有新人物加入吧 !

>>June 3, 2004 at 2:19:14 PM GMT+8

2004 年 5 月 29 日 星期六 【晴】

友誼排第 1

女人排第 97

記住喇~~~呵呵''

>>May 31, 2004 at 12:37:01 PM GMT+8

2004 年 5 月 21 日 星期五 【晴】

以前看球，當曼聯落後時我也堅信我們會反超
現在看球，當曼聯領先是我卻擔心我們被反超
那時的曼聯只要領先了就基本鎖定比賽了
現在的曼聯領先兩球以上比賽都還有懸念
從前在場上看到的是曼聯那拼搏的意志
如今怎麼好像每個人都提不起精神
還記得以前看曼聯比賽是一種享受
而現在，
感覺慢慢淪為煎熬……

曼聯............奸爸爹呀!!!

>>May 22, 2004 at 11:51:49 AM GMT+8