2003 年 9 月 1 日 星期一 【晴】

番學等放學,
放學飲可樂~

今日成日對住d雞腸,
煩死!!!!

*第一日已經有功課做.......

>>September 2, 2003 at 4:20:15 PM GMT+8

2003 年 8 月 31 日 星期日 【晴】

明天開學,
心情落寞!


>>September 2, 2003 at 4:19:08 PM GMT+8

2003 年 8 月 30 日 星期六 【晴】

因臨近開學時期,
預料很難抽空出來寫,
因此日記大有可能演變成週記甚至月記~

>>September 2, 2003 at 4:18:02 PM GMT+8

2003 年 8 月 29 日 星期五 【晴】

今日,大致天晴,靚靚心情.....因為有街出~
今日真係book得唔容易架,因為佢有親戚去左佢屋企佢都出到黎,
我真係好希望佢無咩難處啦,我唔想去都去得唔開心,成日提心吊擔咁~

今日訓得五個鐘咋,成晚都訓唔著,或者可以話係唔敢訓啦,皆因有責任在身,就係
要叫佢起床,唔好話要叫佢啦,就連我自己都驚訓過龍,唔知醒~ 好好彩我好準時咁打比人,
由十二點半改到十二點九,但最後我成一點先去到荃灣地鐵站~幸運的佢都只係剛剛到~
當時大家都好累,唔夠訓咁,一路傾一路俾人怨就去到彩虹地鐵站,佢當時似乎精神好多,因為
佢串咀串到起晒勁~ 行路上去啦,開始有d黑仔喇~ 先撞到阿媽d同事,但好彩佢地應該見我唔到,
行行下比人鏈骨.........鏈到我十分大反應,再行上d就見到"阿子",已經係牽強的打下招乎,再見到
我的波友阿沈,最後唸住去M記買野又撞到Felix....-_- 真係食到應一應,簡直就曝晒光~~~~~
買完打包番上樓食先至醒起未買染髮劑,落去買完番上黎食野先,佢食到成地血漬,之後佢幫我
染髮個地又有幾滴黑狗血,佢呀!!!染髮向度玩野!!! 一路染一路笑一路手震震,哈哈~~佢最後有
幾隻手指都dirty左.....洗唔甩.....抵呀! XDDDDDDDDD 攪完一大輪之後佢好乖仔咁坐向度watch tv
等我,期間我都有"玩過下音樂",可惜反應不太熱烈XDD 染完之後起程搭bus出去喇~
惡夢就這樣開始了,向巴士度講左"崁崩周",同埋互打左三十一拳,係我打佢一拳,佢打我三十拳...~_~ 打到落車,行下,
睇下,叫佢幫下眼買件衫,最後終於買得成~
衫.....白得黎夠純潔,純潔又夠平凡,平凡中有些特別,特別得來有意思, ^3^ 係佢揀的,呢d野我一向都係信女仔眼光的,買完去左家鄉雞休息飲野解渴,有講有笑,睇相聽歌,再討論左一d野,就入場睇
"姊魅情深"......... 開頭都無野野的,慢慢就做到一d音效出黎,但我幾乎經常都笑,因為隔黎既佢實在
太可愛太好笑的....她,十分細膽;她,十分害怕,驚到大叫,唔敢睇,淨係識得苦叫咁問我:
"咩黎架......呀!!!!!!(音響效果)........咩野黎架.......點架係.....呀!!!!(又呀) haha XDDD由"女版髮蠟地拖"驚到結尾~ 驚到唔敢去戲院廁所呀 ^3^
之後好經濟實惠咁去左食飯...........之後就搭車走人~今次講"軟硬"物體,~___~ 佢好似想訓覺架,
但我唔比佢訓,如果唔係同"丁友橋"又有何分別? 車上大家打下情罵下俏 XDD 要記住:
"打是情 , 罵是愛 ,打打罵罵好自在 ,但係一比九十九不想愛 !!!" 但勢估唔到佢會打到我損手爛腳...
打到我右手手臂甩晒皮...左手手掌骨碎裂.....左大腿瘀紅.....左手背被抓傷.....左胸肌肉撕裂....等等~
但都算了.....好男是不與女鬥,"暫且"放過她一馬吧~ 番到屋企同個frd傾左陣電話,係關於聽日的
行程,真係比佢地激死,乜都無準備,咩都話唔知,認真可笑~ 我就睇下聽日你地點樣攪法!!!


>>August 30, 2003 at 2:27:12 AM GMT+8

2003 年 8 月 28 日 星期四 【晴】

今日唔記得攪過咩鬼野喇,
最有印象的都係夜晚抱住"唔知點"的心情等佢答覆~

byebye~
或者睇我聽日的diary吧~

>>August 30, 2003 at 1:04:47 AM GMT+8

2003 年 8 月 27 日 星期三 【晴】

今日兩點鐘先至起身,皆因尋晚成五點二先至訓~
唸住打俾佢叫佢起身,因為佢親戚今日入黎,一打俾佢我就扮聲啦,
但比佢悉破左~ 佢把聲好鬼精神,原來佢已經去左茶樓等緊位呀~~~~~
同佢傾左一陣收線無幾耐,阿婆打黎問我食左飯未,佢叫我未食不如上去食wor~
其實我估佢都可能想我上去陪下佢地打下牌,點知真係~!!! 我食完飯一陣我地就開始打~
打左一陣舅父放工番黎又話要打埋一份,哈~~~~~~~~~~~~
我今日又食左一鋪十三么呀!!!!!!!!!!!!! 係三日內兩度食十三么,今次輪到我阿婆出沖!
last果鋪仲比我食埋一鋪自摸九番,哇哈哈哈哈~~~~~~~~~~~ 最後贏dd咁啦 XDDDDD

打完之後打比佢同佢講,又問下佢點樣啦,我都知佢今日實有打牌架喇,
咪問佢贏定輸囉,點知要我問幾次同提佢今日係星期三佢先至肯講!! ~__~
傾多一陣佢突然間同我講星期五唔得 wor~~~~~~~~!!!!!!!!!!!!
好彩最後佢都守番諾言,即係星期五會繼續我地的計劃!
食飯睇電視,之後再上下網,傾多一陣計之後就走喇~~
睇怕呢兩日我會好寂莫的.........>,< 你知咩事架喇~~~~~~~

>>August 28, 2003 at 1:16:29 AM GMT+8

2003 年 8 月 26 日 星期二 【晴】

今日阿媽去左大陸玩,
不過都無咩特別唔特別架喇,就係唔係上左去都要番工,
d時間都係一樣咁過~ 下午交左租之後,因為星期日我留低左個
手機叉電器向阿婆度,我見部電話都無咩電咪上去拎番啦~
上到去都無咩野做架,同佢地傾下計,上下網,無幾耐阿婆
就叫陪我同阿公打"三隻腳"~ 是但啦,咪當係陪佢地娛樂下囉 ~

打打下佢又叫我留低埋食飯,
跟住就同舅父傾下波經~
同d表妹串下咀~
幫阿晞仔影下相~
跟住唔知幾多點就走左喇~
番到屋企攪好晒d野之後就開icq,
我同佢"理論"緊關於一個戀愛程式的問題,最後講講下好似講錯野,
就梗係拿拿臨打番比佢啦,果時係十二點正~
一路傾一路比佢串,好鬼死放肆同任性呀佢!! 我完全無晒face...........真係無陰公~
我地一路傾又一路打下波,大家都開左個新account黎玩,大家都係1437 XDDDDDDD
佢今晚好勁耶 -_- 今晚最攪笑既就係我地一齊向度玩人整"古"人~ 阿Peter仔,阿Mary妹呢d~
期間有個人唔知點解寫左句粗口,不過我想唔到佢竟然肯幫我出頭呀~多謝晒你呀 !!(真的)
最後向有好大壓力的情況下贏左呢條友,正!!! 我地傾到三點幾突然發生左d怪事,
就係我有電話要入線,最初都十分奇怪架喇,三點幾鐘,搵我既無可能啦,
搵我屋企人既,更加無可能啦,心唸:唔通係fax???? 但都唔唸得咁多啦,第一次我就入線去聽下,
點知我喂極都無人出聲,就cut線同佢繼續傾啦,點知之後又黎多次,唔係咁邪呀嘛大佬~~
今次無聽到呀,我費事聽喇,唔想聽呀!!!!!點知之後猛咁黎第三,第四,第五,第六次!!!!!!!!!!!!但都無聽到~
真係攪到我震晒~ 之後傾傾下我個背脊突然間有陣風涼涼地咁,攪到我更加唔知點咁!!
擰轉面原來係我老豆開房門去廁所呀~
各位!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 依家個迷底今日(27/8)解開左喇!! 原來係呢個connie姐一路同我傾,
一路用部手機打比我呀!!!!!!!!!!!! .\_/. 你好野呀你,你今晚勁happy啦!! 攪到我同你傾完之後拿拿臨
放番好個電話仲要帶埋個耳筒聽歌!!! 你星期五同我小心d呀!!!!!!!!!!!!!

>>August 28, 2003 at 1:03:29 AM GMT+8

2003 年 8 月 25 日 星期一 【晴】

今日一起身就有d唔係咁舒服,
頭有d痛,耳仔又有d痛,唔知咩事呀,亦都無去到睇醫生~
成個下午望住場大雨,再加上自己不太舒服,
格外顯得無乜心情~

晏少少阿查查小姐話我知佢聽日要去做超聲波!!!
不過唔係有左...............只係照其他野姐~
(你就好啦有得做身體檢查!我想做都無得做呀!你自己放開點吧.......妹妹!!)
之後搭正十二點鐘要打番比阿connie姐,我就拿拿臨同佢講番我地一直
以黎都想知既事,都可以話係我無辜的事,終於有個"少少"的了結,
其他人點講點唔信我都唔緊要,
其實我最重要只係想你信我咋,
你唔信我既話就算其他人信都無晒意思架喇,
你明唔明呀~

(今日做左媽咪..................~________________________________~)

>>August 26, 2003 at 11:50:01 PM GMT+8

2003 年 8 月 24 日 星期日 【晴】

今日星期日,所以朝早我又要去聖堂~
但今日唔知點解好累好眼訓呀,八點四十分醒過,訓番
八點五十分醒左又訓番,九點正醒左又訓番,最後九點二我無奈的要起身喇~

今日彈琴果時唔知係咪好累定係休息唔夠彈到我隻腳有d抽筋呀~~~~
攪到我要拉拉條筋....... 因為今日唔駛開會,練完歌之後向聖堂彈多一陣就番屋企喇~
向屋企整左少少野食,跟住再落去食d野,十二點鐘去左彩龍搵阿禾有野拜託佢幫我做~
我見今日都無咩野做,向屋企都係訓覺或者玩電腦,咪上左去同阿公阿婆同埋三個表妹
飲下午茶,之後就去阿婆度,五點幾就同佢地兩老同埋舅父開雀局~
好黑仔呀我,無咩糊食,食親都係好細既~ 最初輸佰幾二佰蚊~
跟住打打下阿connie姐打黎知我打緊牌,我話佢知輸緊$$,叫佢講幾句吉利既說話黎聽下,
點知佢真係咁鬼旺我! 我惠完之後我鋪鋪都精神晒,當然我都有俾錢,但我亦都開始食多d糊,
last北圈仲比我食番鋪十三么,十番呀!!! 哇哈哈哈哈~~~~~~~ 仲比我拎埋七鋪jackpot!!!
正呀!!!!!!!!!!!!!!!!!!!!!!!!! 最後倒贏四佰多dd,真係峰迴路轉! 跟住就食飯睇波~
我之後梗係有講番比佢知啦,多謝晒佢,錫晒佢 XDDDDDDDDDDDD

我十二點鐘決定走喇,最初都唸住留低過夜睇波,但都係費事喇,落到樓下無車搭呀!!
尾班車岩o岩開走晒,即係要搭的士或者行番落去~_~
果時真係夜闌人靜,百般唏噓,寂寂莫莫,好彩有佢陪我一路傾到番屋企~
最後大家傾計打波去到三點鐘,當中最為人津津樂道的莫過於"髮臘地拖"~~~~~~~~~

P.S.你應承左我好多野呀 !!!! 睇鬼片,染髮,仲有.....放學....^3^

>>August 25, 2003 at 4:39:30 PM GMT+8

2003 年 8 月 23 日 星期六 【晴】

唉~~~~~今日應承左十二點半打俾佢叫佢起身架嘛
十二點三四已經醒左架啦,但唸住訓多兩個字先至準時打啦
點知一醒就一點鐘喇! 真係激死我呀~~~~~~~~~~ sorry ar~

起身之後個頭好似有點唔係咁舒服咁,但都唔理la
跟住約左個frd向藍田等,有d好重要既野傾同俾我,
三點去到,大家見面之後又吹下水~_~ 不過佢真係算得上係我既best frd之一,
我地平時有時都會講下電話咁,攪完正經野之後我真係頂唔順喇,好肚餓呀!!!!!!!
去左美心食,佢都有陪我,大家傾下波經,傾計,之後佢要去觀塘同佢細佬買書
我都要走啦......因為我真係有d唔舒服,唔知係唔係咁耐無食過野,有少少胃痛tim呀~
一路係咁頂到番屋企,抖左一陣之後又好似好dd,所以都係要落去司琴,
完左之後我又買左麥旋風....~_~ 今次係買聰明豆味,我以後都唔食呢隻味呀!!!!都係曲奇好d~

番到屋企睇電視,睇波睇港姐,頂.................成班都係朱羅記公司出品黎既,真係絕晒種的~
同佢傾左一陣電話,哎也~~~~~~ 你唔駛驚阻住我架,我真係睇唔睇都得架~


>>August 24, 2003 at 1:25:37 AM GMT+8