2004 年 7 月 11 日 星期日 【晴】

pk..........
唔記得晒過去一星期去過邊度
都唔想去唸..............

踢過波囉..........果次係同班阿叉踢
鬼死咁狼.........
對住班有伊朗+伊拉克+阿富汗+沙地阿拉伯+婆羅乃+埃塞羅比亞...的叉.....
真係要踢得好小心,
不過唔知點解好享受同佢地踢,
也許他們踢得認真,
又也許他們的團結,
令我十分欣賞

>>July 13, 2004 at 12:00:42 PM GMT+8

2004 年 7 月 3 日 星期六 【晴】

今日下午原本同班frd去觀塘踢波的
但因為突然間有件事更吸引我,所以無去到,就係打牌~
其實尋日已經知有牌打的,所以已經講定比felix聽未必去踢
唉........輸輸輸...........波已經輸到一仆一碌架啦,
點知麻雀都...........個位真係好黑,鋪鋪牌棟起手都係四色雪糕,萬子筒子索子番薯各三四隻,
打左四圈牌只係食過兩鋪,(打全統)成日都係輸自摸,我都只係出過統一次,不過就係$128

四圈輸三佰,仲快過剃毛~ 打到六點幾向麥記見到felix同陽痿哥剛剛踢完番黎食野,大家向度
傾下計,咩都講d,七點幾同禾少去馬會,心大心細之下買左少少
其實早幾日我係想買希臘架,因為葡軍打敗左英格蘭,而且希臘的倍率又高d,但最後又轉呔買
始終實力高d的葡軍..........真係抵死

今晚禾少話黎看波,十二點上床訓打算訓到咁上下等佢電話,訓到一點九電話響,矇矓中見到係
崩牙克妮姊妹打黎,以為眼花定了,一聽真係女仔聲,不過其實都幾男人下......

之後兩點鬆d彈起身先至醒晒,打番比隻牙問佢我頭先講過d乜........-_-' 之前訓緊覺唔清醒,
我真係一點印象都無,好驚唔知同佢講左d咩,怕亂講錯野,佢話我向佢買左$1000希臘贏wor
心想: 大煲! 真的嗎?! 好了,最後希臘贏了,但有人就賴皮扮傻唔認賬,
我真係向個電話度親耳聽住佢講大話,問佢幾時找數,佢又話"抓你囉柚",真係核突
我頓時真的感到屎忽的表皮部份有點兒痛,很癢,很痛,很癢.......

>>July 7, 2004 at 7:31:31 AM GMT+8

2004 年 7 月 2 日 星期五 【晴】

今日又要去葵涌果個小童群益會
三點幾先至完,先至可以食飯,
食完又要趕番番去司琴

去到葵芳地鐵站,見到有班好鬼死青春的少女
化晒妝咁向度搵客,,,做問卷果類吧
我心唸千祈咪鬼埋黎呀大佬,已經加快腳步行入去地鐵站架啦
點知突然有條友仆埋黎纏住晒:
"先生，幫我做份問卷呀"
(擰頭)
"好快架咋，阻你一分鐘呀"
(不敢正面望佢)"唔好意思我趕時間"
(仲要碰著我的左手前臂說:) "唔好啦,做啦"
(我頂.....乜Q呀依家,咩唔好呀,做咩呀,好似召妓咁) "再見!" (fing甩佢隻死人手)

真係痴媽根的,街頭做問卷姐唔駛咁狼呀嘛,又拉又扯,塊面又化到成個
馬騮屎忽,真係望見就想嘔,三餐都無胃口~

從此害怕猴子~

>>July 5, 2004 at 12:45:13 PM GMT+8

2004 年 7 月 1 日 星期四 【晴】

唉.......
又輸......
捷克都可以輸比希臘,
真係阿婆都變阿伯喇.

難度真係中左魔咒?!
其他野又唔見佢講得咁準wor

你這魔鬼,同你無仇無怨,咁多人唔攪係要攪我,
你的良心在哪裡? 不!魔鬼是沒有良心的~
崩牙花.........你給我記住!

下午無野做,打比felix叫佢同我去練下波,
其實借練波為名,洩憤為實
我感覺到我的狀態回來了,射起了信心來.

跟住同佢去左七仔買野飲加吹水,講左好多好少接觸到的話題,
令我感到他真是一名好孩子,跟我實在是差太遠了.

>>July 2, 2004 at 2:18:57 PM GMT+8

2004 年 6 月 30 日 星期三 【晴】

今日訓到兩點幾起身
watch tv,劇集,電影.....

今年唔去遊行喇,皆因實在太熱喇,熱過上年,
加上又無人肯同我去,so....dun go la
所謂"出黎行,遲早要還".......真係驚行行下還左條命出黎都似,怕中暑.....
其實我係好愛港架.........
.......... 我愛足球..........
..........更愛自由..........
..........普選特首..........
..........自由萬歲..........

今晚又有買六合彩呀,不過只係中得兩個字,係無錢收的,跟住買波
唉.........主啊...........千祈唔好又再比崩牙咒中呀..........
求你消除呢隻魔鬼吧............保佑捷克可以九十分鐘內解決希臘
真係唔想見到決賽係由葡萄牙vs希臘..........實悶到嘔電~~~~~~~~~

SHIT........今晚又要同阿爹錄歌,今次係我彈佢唱,又中文又英文,
連拉丁文都出埋場......... 真係想知佢錄黎做乜,錄比邊個,難為我坐到條腰僵硬晒,
9:00 pm攪到成 11:40 pm 呀!!!!!
累，累，累~

>>July 1, 2004 at 5:00:12 PM GMT+8

2004 年 6 月 29 日 星期二 【晴】

唔記得幾點鐘,阿叫雞城先生(趙家城)打黎叫我今晚去felix home 看波波
原本叫我十點零十一點去到,但我拖下拖下十二點幾先去到

今日成日都係icq,打字打極都唔累咁,無交帶的崩牙,傾傾下唔知閃鬼左去邊
分時段hi佢架啦都無晒反應,以為佢熱到暈Q左,最後知道佢死唔去,總算放下心頭大石

夜晚十點至十一點半,我向度用部電腦同老豆錄歌,其實我彈佢唱咪仲快,
但又要上網幫佢搵歌,攪到十一點半終於完成,icq傾傾下又突然間hand雞,麻鬼煩
出左門口一陣,跟住話番比兩老聽去人地屋企,先斬後奏........係成功的!XD

打比崩牙,點知隻牙又扮晒野唔認係崩,最初係想同佢講部腦hand左,我好有交帶架嘛
傾傾下傾波經,講差佬,談愛國,講講下唔知點解講到我個頭,乜都係我個頭,又生轆...
佢真係犀利喇,連頭生轆都講得出口,還有甚麼難到佢呢個名嘴......

跟住打比康約佢一齊去felix home,去到叫雞城已經向度,但聽講虧佬同陽痿亮(鄭偉亮)
臨時甩底,即係得四個人,是鬼但啦,打打下機琦琦打黎我手機,話好悶,又有點唔開心,
仲話喊過,又驚自己一個人..........話想有人陪,我同佢傾左好耐呀,引佢笑,同佢向電話度
玩遊戲..........-_-' 終於聽到佢笑,總算無白費....

開波了,只係踢左上半場十幾分鐘,我已經知道呢條"好x橙"(荷蘭橙)大煲,比人攻到無氣抖
體能又明顯的差過葡萄牙,最終輸一比二實在係抵死的. 場波打完無幾耐我決定走了,但佢地就繼
續打機,但我實在好累好眼訓,加上又輸更無心情......更累.....



歸家路上,我想起崩牙咒我輸梗的一番言輸,真係烏鴉口,同女孩子作對原來真係無好收場,
但我鐘意!!!!!!! 吹我唔漲!!!!!!!! 我係要拗拗頸!!!!!

>>July 1, 2004 at 4:27:00 PM GMT+8

2004 年 6 月 28 日 星期一 【晴】

今朝十一點就出左去尖東同candy,maple,serena佢地三個魔女去唱K
原來佢地揀左果間neway,咁橋就係我番過工果間.....
上度去大家都無打招呼,始終都唔係熟果隻,比較好傾果個又未番工.

開始唱喇,其實一切都係向我預料之內,就係邊個會唱先,唱的頻密程度.....
哈....無所謂啦,叫得佢地去唱就唔應該再計較甚麼,唱的過程唔向度講了.......
已經入晒我個memory,不過有一點幾搞野的,唔記得maple and serena唱邊首喇,唔知邊鬼個唱
唔到個key啦,但唱出黎個音卻出奇地和得幾好聽wor,和得剛剛好耶~

下午就去左二家姐果度(理工宿舍),廁所不錯,蠻好。
參觀完了,同佢去樓下打兵兵波,桌球,原本想去健身室玩下架,
不過應該唔得啦.

番到彩雲剛剛好趕得切買六合彩,其實都無打算買,不過見經過,咪走入去駛埋果十蚊去啦
我買親都係呢幾個number架喇,買左兩條飛,total十蚊雞
開始攪珠喇......頭四個號碼已經中左三個了......分別係 3 ,9, 25 ,心不停繼續替餘下的號碼加油,
最後也只是中三個字,不過都有廿蚊收番呀,即係贏左十蚊!XD

不過應該隔幾期先會再買番呢條飛喇,因為無理由咁快又開番呢幾個number的.

好,聽日去收錢!

(唉.........依家只可以早上,下午寫日記,因為我不是VIP會員,不則晚上這段繁忙時間
我都可以寫,真係麻Q煩,寫日記都諸多限制~)

>>June 30, 2004 at 3:54:46 AM GMT+8

2004 年 6 月 27 日 星期日 【晴】

<<六月二十三至二十八日>>

六月二十六號:去左考oral , group discussion 得三條友 , 希望有D啦

六月二十七日:無去開會,因為去左同舅父們,表弟妹們飲茶,阿晞真係大個仔了
講野開始有文有路兼抵死.................

原來耐唔寫日記真係會唔記得果排去過邊度,做過咩野...........
不過.............我都係唔會改的........XD

>>June 30, 2004 at 3:27:35 AM GMT+8

2004 年 6 月 21 日 星期一 【晴】

<<故仔>>
有一對兄弟，他們的家住在八十層樓。有一天他們出去爬山，回家的時候，卻發現大
樓停電了！雖然他們揹著一大包的行李，但看來沒什麼選擇，於是哥哥對弟弟說：
「我們爬樓梯上去吧！」
於是，他們就揹著一大包行李開始往上爬。到了二十樓的時候，他們開始累了！
哥哥告訴弟弟說：「包包太重了，這樣吧！我們把它放在二十樓，先爬上去，等電
來了再坐電梯下來拿。」，弟弟說：「好！你真聰明！」，於是他們就把包包放
在二 十 樓，繼續往上爬。卸下了沈重的包袱，輕鬆多了！
他們一路有說有笑地往上爬。但好景不常，到了四十樓，兩人實在累了，想到只爬
一半，往前看，竟還有四十樓要爬，兩人開始互相抱怨，指責對方不注意停電公告，
才會落得如此下場。他們邊吵邊爬，就這樣一路到了六十樓。
到了六十樓，也許是累得連吵架的力氣都沒有了，哥哥對弟弟說：「只剩二十層樓
了，我們就不要吵了，默默地爬完它吧！」。於是他們安靜地繼續走，終於，八十樓到了！
到了家門口，哥哥擺出了一個很帥的姿勢：「弟弟，開門！」，
弟弟說： 「別 鬧了！鑰匙不是在你那兒嗎？」...，
結果，如你所想的，他們把鑰匙留在二十 樓的包包裡了！......

有人說，這個故事其實在反映我們的人生。
二十歲之前，我們活在家人、老師的期望和期許之下，背負著很多的壓力、包袱在走，
自己也不夠成熟有能力，因此步履難免不穩。
二十歲之後，離開了眾人的壓力，卸下包袱，開始全力追求自己的夢想，就這樣過了愉快的二十年。
可是到了四十歲，發現青春早已過去，不免有許多的遺憾追悔，於是開始遺憾這
個、惋惜那個、抱怨公司、抱怨社會、抱怨政府......，就這樣在抱怨遺憾中度過
了二 十 年。
到了六十歲，發現人生已所剩不多，於是告訴自己，不要再抱怨了，就珍惜剩下
的日子吧！於是默默地走完自己的餘年。
到了生命的盡頭，才想起自己好像有什麼事還沒完成......，原來，我的夢想還留在二十歲，沒有完成。你也是如此嗎？想想自己的夢想是什麼？最在意的是什麼？不要到了四十年後才來追悔。想一想希望將來的自己和現在有何不同，就去做吧！......把握現在，記得，今天就是禮物。

>>June 23, 2004 at 7:43:10 AM GMT+8

2004 年 6 月 19 日 星期六 【晴】

今晚禾少又有黎看波(捧葡萄牙)
felix無黎,但有同我夾銀買西班牙
唉.............
又輸了~~~~~~~~~

佢真係剋住我的,上個星期就法國.......今日就葡萄牙......
真係黑仔~~~~~~~

>>June 24, 2004 at 3:16:52 PM GMT+8