2003 年 9 月 18 日 星期四 【晴】

今日學校發生左一件趣事!!

今朝早上上下第三堂,突然間有阿sir miss走入黎問我地向第一二堂有無出過去,
有無人去過廁所~ 最初我地唸梗係廁所有d野又比人蓄意破壞啦
但點知原來唔係.......
後來向個frd口中得知.......原來今朝有人將一袋屎擺向學生會門口.......
依家隔黎班有個人比校方屈係佢做,因為發現淨係得佢一個
向頭兩堂去過廁所~ 但我就唔多信係佢做囉~
第一:佢本身算係一個略肥的人,要呢個人由四樓跑落去柯屎,
柯完屎之後又要用個膠袋入好去,再放向學生會門口,最後仲要走番上四樓,
時間都唔短........我自已就覺得係外來人向後門走入黎做的....
最衰地下無閉路電視啦,如果唔係就唔係查得咁麻煩~~~~~

今日番到屋企有些少唔係咁舒服,六點訓到九點起身食飯,
十二點同克尼傾左個零鐘電話,再攪多一陣野就訓喇,
聽日有人叫起身XDDD

>>September 20, 2003 at 12:32:34 PM GMT+8

2003 年 9 月 17 日 星期三 【晴】

無咩特別野~


>>September 20, 2003 at 12:21:54 PM GMT+8

2003 年 9 月 16 日 星期二 【晴】

今日又係成六點鐘先至番到屋企............
內情不便透露.....

唉~~~~~~~~~
今日悶到失心瘋!!

>>September 18, 2003 at 9:20:33 AM GMT+8

2003 年 9 月 15 日 星期一 【晴】

今日放完學之後要開天主教同學會,
再之後同個frd攪左一輪野先至番到屋企~
落大雨呀今日!!
我又無帶遮,
攪到我好瀟灑咁向度一路等小巴一路淋雨......~_~

>>September 18, 2003 at 9:19:19 AM GMT+8

2003 年 9 月 14 日 星期日 【晴】

今日開始冬令.....
開始番八點三,放三點半~
但今日成五點幾六點先至番到屋企,
因為向學校等埋個frd放學再有些要事辦......
傾傾下電話就話要搭lift所以要收線先,點鬼知等左咁耐都無打番黎!
打左幾次比呀克尼先至打到,原來佢今日同家人去睇果個激光匯演同埋綵燈會~
最後一日架喇~ 點知佢同我講話唔識得行,蕩失左路.........算二次去架喇肥con!

回程果陣時同佢傾左超耐電話呀!!!!!!!!!!
!由搭地鐵傾到良景.......XDDDDD
點知佢又係咁,又話番到去就打黎,
但我又等到唔知幾點佢先打黎,俾佢聽到我眼訓聲tim......~_~
其實我係向梳化訓著左聽到電話聲起身聽架,
所以你會覺得我把聲......咩囉~~~~~~
我最初唔想俾佢訓架,猛咁向度玩佢煩佢.....
但其實都係玩下姐,你眼訓既話,
我又怎會不給你睡呢......對不對?

>>September 16, 2003 at 1:05:42 PM GMT+8

2003 年 9 月 13 日 星期六 【晴】

朝早:聖堂
下午:同克尼出左去
夜晚:向洒樓食飯
深夜:睇波睇日記


>>September 15, 2003 at 10:38:40 AM GMT+8

2003 年 9 月 12 日 星期五 【晴】

今日去左石澳燒野食~

>>September 13, 2003 at 6:09:05 PM GMT+8

2003 年 9 月 11 日 星期四 【晴】

今日係九一二,剛巧是我家的門牌號碼.....哈~
十二點幾打去約佢今日出黎,佢都應承左,佢亦都例牌咁遲到.....XDDDDDDD
(我真係發覺原來每一次都一定有打交的鏡頭...你打下我,我又打下你...衰在次次都係咁大力.\_/.)

去左睇果套"大丈夫",幾好睇架,說話有夠抵死~好一句"唔賭唔知時運到,唔滾唔知身體好".......
唔錯唔錯.....每位男住角都做得好好,幾好幾好....
睇完之後又再一次咁行去尖咀耶.....途中玩左一個有小小不雅的插野遊戲.......想知就問我~
行到去半島洒店附近我唸住食d野先,買野飲,呢個時候我先
知道原來佢無食過飯架.....!! 之後梗係拿拿臨去買啦,佢話想食含有
少少碳水化合物既.....著條,就去左M記買左個餐,兩杯麥旋風.....真係好懷疑佢夠唔夠食.....但佢話夠咪夠囉~
(唔該你下次出聲呀!!唔好等我問你你先至講ok?PLEASE.....)
外賣拎走搵左個地方坐低食,不知幾有feel,幾有"情調".....同一大班賓妹賓仔坐.....
食完就搭船過灣仔喇,向船中咁岩撞正放緊煙花呀,正爆!!個個都向度嘩嘩聲,臨尾果下真係夠精彩~
我地亦都十分好彩咁可以向海中睇煙花~ 之後去左維園,行緊去果陣時佢竟然同我講話想買六合彩........
之後我都真係入去買番兩條~佢仲唸好晒咁話如果中左就一人三千五佰萬...幾好幾好...
個綵燈會比我想像中無咁多人,都有幾多野睇架~ 行完之後就由天后搭番去灣仔
唸住搭車走人,
但最後攪左好耐先至行到去巴士總站搭車~ 因為我地行下行下,傾下爹下...玩下打下,影下相,
仲去埋會展參觀+搵廁所+互相嚇鬼....先至去到搭車,因為驚我到時無車番出黎,所以大家都打左
兩次電話去同個九巴接線生查詢下尾班車....係兩次! 其實今晚大家都行到好累,但佢今日就出奇
地無話想訓覺,仲好好精神,精神到屈我手指,都唔知係好有精神定係有精神病....XDDDDDD
大家一路唇槍舌劍,玩下笑下咁就番到去~番到去因為我搭既尾班車夠鐘開,佢就陪我去另一個
bus stop搭車,咁我就叫佢打俾佢阿媽落黎接佢,最後我都要走了,佢娘親同佢阿妹落黎接佢走~

之後就向呢個" 大 窩 口" 站落車搭地鐵走人~
聽朝我又要早起呀!!!!!!!! 因為.........唉~~~~~~~~~ 真係有點"人怕出名豬怕肥".....的感覺~

今日有好多野都係我第一次做的:
坐向一個好有feel的地方食M記,餵著條....
向現場睇煙花,仲要向架船度,向個海中心.....
去呢個綵燈會........
入投注站買六合彩.....
第一次比人屈.......手指.......

這又是美麗又難忘的一日.....
no matter what,again.......this is also a wonderful and unforgetable day......

>>September 12, 2003 at 7:39:04 PM GMT+8

2003 年 9 月 10 日 星期三 【晴】

今晚成晚睇波,但其實都係有等佢電話,結果佢都係無打到黎,
估佢都應該係訓得好熟架喇,咁我五點鐘都決定訓兩粒鐘 ~
好準時咁起左身,一起身就睇"有線新聞二台",因為今日係九一一嘛,
唸住睇下有無d咩特別事發生...跟住就好趕咁樣返學校
返到去就拿拿臨綵排多一次.......個短短的彌撒完左之後..........
d新同學就開始向度猛咁對我講d討好的說話,講真,有時我真係唔係咁鐘意聽到d
好擦鞋好討好人的說話,覺得咁樣做真係幾假下....點知佢地就係咁樣做了~
上落樓梯撞到d阿sir miss,佢地都話我彈得好好咁樣講.....我都擰頭加點勉強笑容就算喇.....
我彈得好唔好我自己最清楚.........呢d說話我真係聽得多喇......唔係咁想再聽,因為始終覺得自己
彈琴並唔係彈得你地所講的"咁好"吧.......我聽夠了~

今日體育堂我揀左做gym呀,第一次做咋~好重好辛苦呀,但好想繼續做落去,但又驚會拉傷肌肉,
所以最後都係適可而止咁做左一陣~ 因為聽日放假,所以d阿sir miss實會好好咁關照我地...~_~
呀~~~~今日尾二果堂我訓左成堂呀,好累呀,因為只係訓左兩粒鐘+彈琴+做gym.....累死~
訓醒見到原來有人都訓緊......我隔黎果個訓足兩堂tim..-_-

下午四點出左去摩士睇波同踢波,踢到成七點幾八點先番到屋企,之後就成家一齊食飯~
十點半阿誠哥打黎叫我落去小學,落到去我無打到波,只係傾電話同埋同佢地傾下計,今晚大家講得好認真,
因為真係討論緊一d幾認真下既問題.....

跟住..........唔記得喇.........訓了!!!!!

>>September 12, 2003 at 6:51:14 PM GMT+8

2003 年 9 月 9 日 星期二 【晴】

今日放左學之後兩點半要向禮堂綵排,(開學禮儀)
比呢班咁既所choir激到嘔白泡
唱到亂晒龍,又玩玩下,不太認真,
徙晒大家時間,唱又唱到咁鬼死細聲,十分之馬虎!

練完之後就走人喇,番到屋企做左一陣功課又要出街
今晚去旺角大球場睇波! 去到地鐵站同frd會合,
跟住就行去睇~ 我地個個都好投入,不斷吶喊助威,
坐向我地留下既一班男人認真"愛港",乜鬼野粗口都彈晒出黎,
佢地講英文仲攪笑,叫對方個教練"shut up,sit down........笑死全場~

我地個個都叫到喉嚨沙晒,一路飲嘉士伯啤洒一路大叫......haha!
(想知點解可以問我..)
睇完之後就趕住番屋企喇,因為第一:
未做晒功課, 第二:
可能要睇波,第三:
掛住克尼!!



>>September 11, 2003 at 7:45:35 AM GMT+8