2005 年 1 月 24 日 星期一 【晴】

今日終於考完好困難的發展心理學......
還有一科就考完..........好期待快點放假過新年，贏大錢!

>>January 25, 2005 at 8:46:02 AM GMT+8

2005 年 1 月 8 日 星期六 【晴】

exam period

>>January 9, 2005 at 11:14:16 AM GMT+8

2004 年 11 月 25 日 星期四 【晴】

近排超超超超超...........超級忙.........
忙於做project 寫essay
日記容後再寫

>>December 24, 2004 at 4:41:14 AM GMT+8

2004 年 11 月 24 日 星期三 【晴】

今日向學校食完飯之後就番左中學,
Prize Giving Ceremony 頒獎典禮,哈我當然有獎拎先番去啦
番到去見到對面間st paul原來已經新建好一棟唔知乜鬼野,學校大致上都無點變呀
一樣係咁核突,見番d 阿sir miss 感覺有d驚驚地,驚佢地捉住我黎煩呀,點知真係始終走唔甩
個個都問我咩環境,好高興佢地都仲記得我叫咩名,但我好慚愧就係....我竟然突然間唔記得部份
miss 姓乜,唉......希望以後都可以記實喇.
阿miss yang同我講,"點呀,好.....耐都無見wor......" 真係唔知點答,
唯有"口頭上"應承住佢會多點抽空番去
跟住就輪到一班中六，七的同學走埋黎吹水,幾好呀, 個個都無乜點變,
比佢地叫我得閒多d番下去,其實我邊有咁的時間呀,較為得閒都係星期六,
果日大部份都唔向度架啦,番去....同d校工傾波經咩......
今日拎左個學界足球冠軍,真係唔容易架,絕對有好大的付出同努力!
但可惜佢地今年向分組賽就已經出左局,好似一勝三敗,可能因為升左division的關係啦,
又可能.......無左我呢位超級猛將......XD 亦都可能因為已經拎過個冠軍,所以無以前咁上心.........

<<<<<今日d同學個個都話:你無讀書喇咩(指住我個頭).............haha>>>>>>

>>November 25, 2004 at 11:56:53 AM GMT+8

2004 年 11 月 10 日 星期三 【晴】

好野!!!
我部腦終於都整番好喇,壞左成兩個禮拜,呢段日子簡直可以用"黑暗"黎形容!
無得上網,icq,打機,做功課,真係悶到嘔白泡
請你們唔好再誤會我懶唔寫日記呀,只係有心無力姐~

十月二十四日 : 去左紅館做工作人員,都唔算辛苦的,但就好費神囉,
成場都要望住d人會唔會唔守規矩,望到對眼突晒 ; 個mass的氣氛幾好,i like it~

==================================================================

十月三十日 : 去左舅父家食飯同埋上下網,阿晞仔當然唔可以唔提啦,
我上去都有d係因為佢,看看佢有無高到,點知都係咁鬼屎矮,真係陰公,成三歲仔都...
期間我用部電腦玩水彈人online game,佢坐向我隔黎望實,成日話要玩,
我玩玩下比d玩家出茅招黎贏我(俗稱911),跟住我好自然咁講句"頂...你呀!!"
跟住好有上進心的他很快的學我講左呢句 ,比佢老豆聽到,
佢老爹:"我講過唔準講呢d野嫁wor"
晞: 嘻嘻.....表哥不如到我玩呀......(其實擺到明就係要轉台....扯開個話題)

之後我叫佢幫我扔垃圾,我同佢講"唔該晒你".....
點知佢話..."你講Thank you ar"....咁我講啦.. 佢就瞪大對眼笑笑口咁有高低音咁講...." Welcome "....
真係比佢吹到啤....一聲...

=====================================================================

十一月七日 : 飲完茶之後同阿公阿婆同埋老虔婆(呂太)打馬吊
雖然贏錢,但唔多高興,因為這個老虔婆,我真係頂佢唔順,佢毫無理智的說話,
佢這白痴的說話技巧,佢那犯眾憎的言行舉止,我真係想駁佢咀,
打左四圈牌我就起身走人,搵左另一個太太頂我腳,
我實在受不了她,佢對我講果番說話簡直係侮辱我,當正我係MBA,當我白痴~
其實唔好話我話,佢出左名係黑人憎,個個都怕左佢,如果佢唔係老豆的朋友的話,
我一早就鬧番佢轉頭,在我眼中,無人係唔可以鬧的,
我從來都唔認為只有細要服從大,尊重大的,只要有道理,我連阿媽都會鬧
"對事不對人"!!

=======================================================================
十一月十一日 : 想簡短的講講學校的生活
e+好多時都好幾晏走,因為有時就留低傾計,打羽毛球排球,同埋攪open day的事
日日堂堂都笑爆咀,好似今日咁我地向度玩辣辣壽司邊個食
跟住又玩"唔係嘛,咁鬼易"<---------呢個真係笑到肚仔痛,輸左要比成班打
玩左好多條題目,eg,一個人向屋企會做的野.有人話攪野wor.....真係笑死
媽叉人的說話...個個講到粗口滿天飛,唉.......總之真係好鬼好笑啦`~
.下個星期就要test 心理學,未溫過,點算?!

>>November 11, 2004 at 12:34:46 PM GMT+8

2004 年 10 月 21 日 星期四 【晴】

番左個幾月學,自己都估唔到可以咁快適應晒個新環境,
真係可以話日日都咁開心,一d都唔悶 (除左有個別科目較為沉悶)
期間曾經幫過幾位同學慶祝生辰,唱K,影相,食飯呢d活動令到我地更加認識對方,
總之一隻字講晒: happy~

呢排經常同佢地打波,兵兵波,籃球,羽毛球,排球,足球.....真係無波不歡,
攪到日日都拖住個疲累到極的身軀歸家,所以呢排特別早睡,實在太累了.....

===========================================

過去幾個星期內兩度幫人家的婚禮司琴,遲下向十一月同十二月又有order喇,
都幾多人向今年結婚,但而家好希望可以繼續有多d oder番黎啦,因為呢個幾月駛得太多$$呀~~~

===========================================

9/10,同左felix+cynthia+alice 出去食晚飯,佢地吹水吹到唔願走...最後alice呀娘call黎終於走得
(呢日成日黎計又駛左我兩舊水)

17/10,去左對面海開會,超悶呀,無聊到爆,基本上佢講的野到當日都會知架啦,
徙左我兩粒鐘,攪到成差唔多十一點先番到屋企食飯.........

============================================ 唔講太多了,依家再訓過~ XD

>>October 22, 2004 at 3:28:16 AM GMT+8

2004 年 9 月 30 日 星期四 【晴】

今日去堂區旅行~有成三四架旅遊車架,超多人
開頭去元朗餅廠看人家怎樣整老婆餅同月餅,
雖然看似很悶,但我地拎人地d麵粉同糖槳黎玩,好彩無比人發現咋~~~~

之後就去屯門鴻星BBQ......好耐無入過tuen mun ,有d建築物好似變左la
一路BBQ一路傾計玩......我全程都除左件衫,仲係全場唯一一個,
唔係想show d咩或者扮型呀,只係實在太熱.........心口成日都好似沖緊涼咁
我地自己一班聖母軍一齊燒,加埋無依無靠的cynthia,alice and felix...........
大家不停咁取笑對方,又猛咁講梁祝事件..........我同禾講得最過癮呀,
哈，有點"將自己的快樂建築向別人的痛苦身上"的感覺 XD

期間老豆唔知咩事走埋黎,禾竟然叫佢同我地一齊玩鋤大d
這是我第一次同老豆玩,心情無咩緊張無咩特別,只知道落場無父子,
我知自己實贏到佢架,鬼叫自己擁有高超的牌技咩............XD
果然,玩左六七盤,贏得最多的是我,dad都有贏過一盤啦,不過最意外的是,話自己
唔識玩的felix都有贏到.........吹漲~~~ 阿禾就.........haha

之後一齊去左跳x帝場行同買野.....then搭車走了~~~~
今日真係happy......but very tired...... 番到屋企要即刻叉電~~~~~~~~~
( lily 成日都比我地玩同勁串............哈哈...我最憎女仔串咀架喇......抵佢死!! XD )

>>October 5, 2004 at 10:32:42 AM GMT+8

2004 年 9 月 17 日 星期五 【晴】

今日同一班frd去左食韓燒
成晚笑爆咀
特別係"梁祝"事件,
真係令人感到萬分意外...........
希望margaret唔好介意啦......哇哈ha哈蝦~

開左學個幾禮拜,都識左少少人啦,
一班六十幾人,只有十三個係男仔........場面真係好壯觀架
"唔該借借"..........又係同女仔講,
東南西北皆是女........
真係好唔習慣呀..........

暫時比較熟d多傾計的同學們有肥潮,阿基,koey,,ah ying,edgar,monitor,
winnie lam,.........等等十零個啦,仲有其他的,不過不太熟,希望可以盡快識到晒全班六十幾人吧..

有時上堂真係幾悶,特別係creative play同電腦堂,完全唔知佢做乜鬼,
一向在學校形象很乖的我也在攪攪陣,搗亂......咩都玩...
特別係電腦堂tim la,鐘意做乜就做乜,icq,online games,打電話,吹水,唔好以為咁樣好正呀,
因為真係好鬼悶無野做先至搵呢d野黎攪,成兩個鐘頭tim ar.....真係好難挨ga.....

向呢度要特別多謝幾串咀的koey同學一連幾日的笑料,帶比我數不盡的歡樂
肥潮同阿基都係波友,大家都好投契,所以好易熟落,
希望可以認識更多人啦,不過最終目標還是這一年,誓要得到好成績

>>September 22, 2004 at 7:59:54 AM GMT+8

2004 年 9 月 2 日 星期四 【晴】

今日係老豆壽辰,好高興....好高興......
其實事前真係唔知二叔"三叔"同姑姐佢地幾家人會黎,
最初我只係以為得我地自己一家人食飯,所以表姐向六點幾打比我話向屋企樓下,
真係好surprise喔~~~~

今日向茶樓呢個場面,真係一年只得兩三次,所以我相信大家都會好珍惜,
正正因為咁,阿二三叔全場都會做埋d低能野,低能得黎又好笑,
真係唔知係笑佢講的野........還是笑佢地..........也許這一切就是要我們有一個難忘的晚上

內容不向度多說了.....所有野都已入晒腦,
好似拍video事件,表姐恨嫁事件,二三叔真係對話等等等等,
不過真係好耐兼好少見到阿dad高興的樣子,笑得前所未有的燦爛,
看到他高興,當然也感到高興吧,但也有一點羞愧,因為....我們也很少會令到他展現笑顏

"年月過 人大了 總要揀
沒有空 沒有空 天天也 沒有空"

有時我地真係會嫌他們煩,有時更會有藉口推卻他們,沒有空,真的沒有空嗎?
人大了,真係要識得揀,要知甚麼是對錯,可嘆是我依然....未大,不夠成熟

>>September 10, 2004 at 2:26:11 PM GMT+8

2004 年 8 月 29 日 星期日 【晴】

今日去左踢暑假的最後一戰,
誠都有比面出席,但之後如果要佢再踢,
恐怕要等到出年五月,因為人家話要專注A-level wor........
Double F.......希望唔會散班啦,我仲未過夠隊長癮架!! ^^

>>September 10, 2004 at 2:04:32 PM GMT+8