2006 年 9 月 13 日 星期三 【晴】

12/9

今朝晨早就要起身趕去灣仔社會福利署註冊保健員，
九點半去到慢慢搵，個考試真係easy.........我相信無人會fail~~
今日見番好多同學，個個都係咁樣無乜點變，大家都似乎有了自己的路向....
但我依然選擇繼續hea.................~_~

=========================================
10/9

今日同聖母軍開完會一齊食飯，餐飯基本上唔係食到飽，而係笑飽.........
個個都響度扮呢個扮果個，見到有d侍應都忍唔住笑..........因為我地實在玩得太放了，
唉.......其實我唔係咁想做emcee,起碼我無得同佢地一齊癲........

=========================================

14/9 今日............
收到以前實習果間中心何主任的電話，佢叫我聽日番去幫佢地手彈琴錄歌，
是但啦，橫掂得閒又無野做......... 不過番到去我驚比班阿婆篤住我個頭鬧喇........
特別係芳芳...........話番去咁耐都無番過去探佢地.........
或者搵埋trace一齊番啦.........兩個人比人鬧好過一個人受罪.............haha

>>September 14, 2006 at 11:10:52 AM GMT+8

2006 年 9 月 5 日 星期二 【晴】

今日一早約左成班人去大球場睇波，約左七點三響銅鑼灣mtr等，
八點開波起碼十點先完，所以之前響屋企食左肯德雞打定底.....

我自己一向都幾支持港隊，入場睇波捧場都不是第一次 ，雖然每次對手都唔同，
但每一次入場的球迷都係同一類人..........---- 爆粗乒團 ~~~
班鬼佬一有波就狂噓猛diu......痴線........ 有d驚死人唔明就響度fuck fuck fuck.......
真係撩交打.... 或者呢個真係香港球迷睇波的特色~

今日一共有十幾人去... lolik x2, laiwai, 燒豬,short kit, 4 son, 鍾伯, 同埋一班反曼球迷等等....
超多人入場，買飛果時一睇到要排隊就知道實有好多人，以前邊駛咁架.....
後尾先知有成七千幾人.......好多年輕人，亦都多左好多o靚妹...... 不過睇怕佢地都應該
一個香港球員的名都講唔出果類人黎架喇.......志左陪男朋友姐.......

完場之後突然間落大雨.....頂佢個肺.....成班人行行下無晒影.....
全程都係dup低頭行.....有路咪行囉.....點知行行下我自己都唔知帶佢地行左去邊........
個場面非常好笑! 最後得番我同恆少,lai wai ，鍾伯係可以一家團聚.............
其他失散左果d唔理喇..我地行去天后食野。 低能，間茶餐廳成十蚊一罐太古可口可樂!!
凍飲要加一蚊! 我地響度串咀話可樂熱飲的嗎?? 叫佢比罐熱可樂黎........ =.=
不過最後都係點左laiwai去對面間seven買野飲，
食完就散喇.....
成身濕晒仲唔撇咩!! 之後大家全程響度講笑.......笑到番屋企~

========================================
香港賽和烏茲別克 06 September, 2006

香港隊在大球場舉行的亞洲杯外圍賽以零比零賽和烏茲別克。

比賽一共吸引了七千六百零八名球迷入場，雙方賽和後各得一分。
暫時烏茲別克與香港同分，但以較佳的得失球差排在第二位。
香港隊下場比賽將會於十月十一日作客卡塔爾，賽事於首都多哈舉行，
而烏茲別克將會作客孟加拉。

>>September 8, 2006 at 4:56:28 AM GMT+8

2006 年 9 月 2 日 星期六 【晴】

今日係鍾叔生日，夜晚成家去APM家傳滬曉食晚飯
有人請永遠都係一件賞心樂事......
食飯途中有段不怏的小插曲........事緣鍾叔對座位感到極不舒適想轉檯.....
我同家姐兩個都係你眼望我眼，極之無奈......
幸好最後都得以舒緩......

唉.........................
夜晚食食下飯先知今日比聖堂一班幹事擺上檯.........
真係大檸樂...........
點算好呢...........有點壓力..........

>>September 5, 2006 at 11:18:36 AM GMT+8

2006 年 8 月 31 日 星期四 【晴】

過去三日兩夜都離家出走，於舅父家住~ (又打機又揸車又打麻雀又去迪士尼又唔夠訓..!!)

<<第一日----29/8 (二) >>
呢一晚響屋企食完飯之後打個電話比舅父，再同屋企人隨意交代一聲，
**誰攔截也擋不住...我在行近你..**
在突然的情況下就展開三日兩夜都離家出走之旅第一擊~~ 9:00p.m.出門~
大約10:00p.m.去到，見到廳兩部電視都開晒，一部睇無}芋A一部係佢地兩仔爺用黎打機~
阿晞即時拉住我同佢打.....打到痴線，淨係果隻"三國無雙"我d手指已經打到軟晒~
打到十二點鐘就訓....

====================================================

<<第二日----30/8 (三)>> 遊車河+打牌日
今朝早我大約7:30a.m. 就醒左，響廳睇左陣新聞，無幾耐阿晞竟然咁早起身，
對眼明顯係仲未撐得大，但佢依然死咁撐....笑騎騎咁行埋黎.... 想撩我同佢打機，
我唔理佢喇費事佢比人鬧，大家輪流梳洗後我就要車阿婆去睇跌打.....又揸車了~

舅父同阿公陪阿婆去睇，淨低我同阿晞留響架車度，扭大個喇叭.....佢又再一次歌神上身
大唱懷舊歌!!!! 甚麼 "每次我望真你.... 每次我望真你...." 比佢吹漲~
隔左陣我同佢落車去食早餐，去食腸粉飲豆漿..... 之後車番阿公阿婆番屋企我地又要車去
灣仔整盞燈!!! ............ 今次係我第一次行隧道....揸去香港........
佢地兩父子去整我就留響車裡面，之後冒住比人抄牌的風險落車走左去幾遠間麥當勞買野食~!!!!!!!
番到去....無事~ 大家響車裡面食雪糕....... 呢個時候有個"咖啡仔"突然出現!!!!!!
我扮準備開車走....佢亦都應該做下樣姐...佢行開之後我地繼續食...之後真係要走喇
萬一佢陣間又行番轉頭我真係驚會比人第一次抄牌~ 走果時竟然唔係行番紅磡海隧，而
係去行東隧遊車河!!正 !!!!!!!!!!!!

番到去幫手整盞燈，個膊頭托住盞燈托到好酸... 無耐舅父撩打牌 ~
三點幾鐘開檯.....打到約八點食外賣pizza hut.....之後又繼續打....=.=
八十幾歲的阿公越打越精神....梗係啦，贏六七舊咁多......阿婆十一點幾開始話眼訓
我同舅父齊齊話"好囉....你越眼訓我就越happy....." 但點會估到佢竟然越眼訓就越多餬食
又話要訓但又猛咁瘋狂咁食餬~U庄... 連阿公都忍唔住笑.....最後打到1:00a.m......
十二圈牌就此結束，好彩最後一鋪食番鋪八番先至有得贏幾十蚊....so lucky~
聽朝要一早起身去Disneyland...... 要迫自己訓了.......

=======================================================================

<<第三日----31/8 (四)>> 迪士尼日~

七點鐘就醒左響間房度等廁所用....阿晞又突然入黎想叫我起身~~~~~ 佢兩日都反傳統
咁早起身，小朋友有得確玩係唔同d........ 一行四人(舅父舅母阿晞同我)八點幾去
五十嵐食早餐......之後八點九出發.....先去油站入油...跟住就出發
舅父比我揸......第一次揸去離島..... 狂行高速公路.....曾經行到100咪.....估唔到二十幾分鐘就
去到......9:30a.m.到達....... 我都係第一次去咋.....今日真係玩足成日，睇埋煙花8:30p.m.走
未試過逗留一個地方玩足十一個鐘頭........ 差唔多全部野都試過晒，
劇場...表演...巡遊......大大小小機動遊戲....火車....巴士...煙花......
只係無玩咖啡杯....好曬好累.....係不過值得的~

沿途係勁多美女......不論來自任何地方...本地的日本的韓國的外國的...都令你眼前一大亮......

迪士尼雖則係貴...但物有所值.....(如果你試過晒的話)

之後番出去長沙灣食飯......我無揸喇....累死姐.......實在唔想撞車死......
食完飯先至由我揸番去藍田......又再一次需要動用大量精神........番到屋企........
撻落床訓了!!!

P.S...........我又曬黑了!!!!!!!!!!!!

>>September 1, 2006 at 3:16:54 AM GMT+8

2006 年 8 月 26 日 星期六 【晴】

尋日茅神父上黎開佢職業生涯第一台彌撒..........
好欣賞佢的台風及轉數快.....
但真係唔好意思.......我真係一隻字都唔知你講乜~
不過都好難怪，始終你都係剛剛學完中文，兼且呢度係你第一間服務的堂區..........nevermind~
期待著你同我地的相處，應該玩得埋的，至於田神父，以前都認識的，印象也不俗~

======================================================================
今日比大佬邀請去踢波，駿業街......... 真係第一次去果度踢，感覺好似處身於
周星馳套"功夫" 的佈景中~~~~ 雖然有入球，但無乜感覺.......
比大佬話我無盡全力踢，不知如何應對，可能都係無乜心情，你都應該知咩事啦~

之後走去食野.....行倉......搞gag...... 番到去睇左陣中國對希臘........輸係因為雙方實力的差距
都實在無諗過會輸得咁核突 *#$@%*@#$ 日本人竟然全程幫希臘隊打氣，坐晒響希臘隊
附近， 頂佢個肺........ 都唔幫下亞洲人~~~~ 你地日本踢世盃都大把人同你地打氣啦
因為大家都同樣係黃皮膚，真係欣賞你地的優點....... 但尋日睇直播見到d男男女女的日本狗
全場響度嘲笑中國隊，我真係覺得佢地好幼稚，比班鬼佬見到真係影衰晒我地亞洲人。
你地跟本就唔係黎欣賞場波，又或者係捧一隊波，而係有心黎睇中國點死，
簡直係侮辱晒運動的意義，仲學人講乜鬼野體育精神，奧運果五個圈疊埋一齊
仲有咩意思~!!

>>August 28, 2006 at 11:50:47 AM GMT+8

2006 年 8 月 25 日 星期五 【晴】

過去幾日有一日揸左成日車，練下泊車同掉頭，超累...............
揸完之後無番屋企訓，寄宿別人家一晚，超爽...............
第二日同人打牌，由贏變輸，超黑..........

呢個星期都幾夜訓，要早番點訓先得，如果唔係又.............!@*#$&*@#
真奇怪，呢期成日比人改花名，但全部都係無深度兼無厘頭，
甚麼魚旦.........施文.........dino~~~~~~~~~ =.= 過份耶...夜鬼你給我好好記住 !!!!

=====================================================================
喜歡一個人的感覺是很奇妙的，雖然你未必可能說出原因，說明你喜歡他甚麼，
但只要別人提起他或者自己想起他，也會在心中泛起絲絲的微笑。

當你喜歡一個人的時候，會將他的優點無限放大，而缺點則無限縮小，
看來是很盲目的，但你連對他的不足之處和缺點也不能好好包容，那又怎談得上喜歡他呢?

喜歡一個人的開始是很快樂的，因為他的一舉一動也能觸動你的心靈，
好像每一刻也能為你帶來歡樂，但同樣你亦會為他的舉手投足而擔憂，
害怕他會受到外人的傷害和誣衊。漸漸地在喜歡他的同時，你會想負起保護他的責任，
很想在時刻都能為他解困。而當時間過得越久，感情越深時，
那一種牽腸掛肚的感覺亦日益加深，直至地老天荒。

喜歡一個人的力量是無限的，當你發現自己喜歡的人出現時，你的精神便抖擻起來，
疲倦的身軀也會變得充滿能量。而當你喜歡的人以行動來報答你時，
一切之前所做的也變得很有價值，無論那些是多麼傻，多麼愚笨的行為......

===================================================================

>>August 26, 2006 at 7:51:57 AM GMT+8

2006 年 8 月 19 日 星期六 【晴】

無寫日記一星期，全因為懶!

過去一星期的生活就像在放一個假期，輕輕鬆鬆，鐘意玩就玩食就食訓就訓....
實在很久未試過....... 有一日補習社舊老細打黎叫我番去幫佢手..... 我請左佢食大檸檬
因為長遠黎講我實在無可能可以長做...... 所以都係費事喇~
但呢十幾分鐘的電話內容真係笑爆肚，大家互笠高帽.........佢的用詞一向都係好好笑.....
不過都幾榮幸地得到佢同一班家長的賞識與支持.... 但真係無辦法再做喇，
做補習社已不在我未來的計劃中........或者有機會的話去探下你地....

尋日星期日原本打算去踢一場"特低紀念賽"，但因天雨關係最後都係無踢到....
番到去屋企人打緊牌....成個下午響度睇女排+movie 跟住就入房上網狂search野 ...

呀~~~~~~~~~~~~~~~ 今日輝輝竟然有黎到聖堂!!!! 同佢傾左一輪之後先帶佢入去!!!
希望佢同其他小朋友會keep住黎啦.....

*預計今個星期中將會有機會駕駛..... 到時一定要試下新野先得!

>>August 21, 2006 at 5:29:01 AM GMT+8

2006 年 8 月 12 日 星期六 【晴】

今日係功輔班結業禮，我亦要擔任第一次正式活動的司儀
事前打算同riccarda番到去先夾，點知根本就無時間
淨係傾大家著咩衫都一大班人響度研究........ 之後就食飯了.......
大家都無話點緊張，都只係抱住同一種心態....執生~! 上台講野=吹水.....

整個活動總算流暢，氣氛都ok la, 只係現場有點吵耳.....
每班的表演都睇得出好有心機，頭兩名都係預料之內，最初其實係估計一年班拎第三名
睇過d分發覺其實好多班爭第三名的分數都係好接近，點都好啦，
我唔敢話其他班的人唔會失望，但我相信佢地都唔會後悔，因為大家都係好
用心用力的練習，真心真意的付出，有盡過力，對得住自己，問心無愧嘛

成個活動完左之後個個導師都問我幾時有$$$$...... 問到我啞晒囉
大佬呀，唔係我出糧比你地架 ,你估我真係同eunice好熟咩，咪只係普通教友一樣.....
如果你問我點睇今次功輔班，我都真係唔知點答你.....

體驗很多，考驗更多...... 呢次係一個好好的機會比大家去成長，去睇清楚自己
去比自己進步。 終於明白點解有人話同一班熟人共事會比同其他人共事阻礙更大，
由於我地經常不能抽起原有的身份，往往因而會對對方有了一種預設的期望和想法
摩擦...誤會...不了解.....因而產生...... 很容易被過份的主觀蓋過容觀的理解......

blue..... 你說你會改善.....我信你的, 因為你已察覺到的而且確有一些隱藏的問題存在
我亦睇得出你正在改善中，不要輕易放棄....應以長遠目標為大前提，但請不要再叫我師傳...~_~

sa..... 我真的不知怎說才好，現在我已不求你去了解件事，我只希望說話和行動也要
顧及他人感受.... 有人說"明人不做暗事"..... 難道於一個場合裡向一班三五知己講自己的
猜測時，講到似層層的... 是明人應做的事嗎? 刻意於朋輩面前在電話"發出控訴"
是抱住甚麼心態? 呢刻我已再沒打算再講件事...... 我不是你父母... 我講的說話你亦未必o岩聽
但我肯定你已是成年人，想法必比以前成熟.... 你要做到的野幾時做唔到?
問題只係你肯唔肯，而唔係你無能力。

i believe we stil are good friends, aren't we?

>>August 15, 2006 at 6:22:31 AM GMT+8

2006 年 8 月 9 日 星期三 【晴】

今朝的情況又係同第一日咁.............
佢又係以為send左email比我.......但我確實由第一堂起未收過佢任何的email.......
forget it~~~~~~~~~~~ 不過依家大家都擔心果d每班英文歌的介紹send左去邊度!?!?

今日又要跟eunice走上走落............好累.........不停咁打喊露....... 因為尋晚睇波
的關係只係訓得大約四個鐘..... 好多班的表現都有大躍進........ 這是良性的競爭喔,絕對係好事~

番到屋企食飯睇戲打機msn............ 好累喇........想訓果陣陸佩賢打黎.....真係巧合
傾左超過一個鐘......大家響度傾果日大概要講的野.....好開心無搵錯partner ar~~~~~
大家由頭到尾的共識都係一樣,意見,想法都不約而同.....我地決定當日係玩即興.......
諗到咩就講咩...... 唔用cue cards la!! 聽日的綵排玩執生吧 ~

"八月十號".........又再次勾起我一樣回憶...... 諗番起都幾好笑的...~~~~~~~~

>>August 10, 2006 at 1:49:22 PM GMT+8

2006 年 8 月 7 日 星期一 【晴】

今日好鬼累同好黑仔.....尋晚又唔得唔好,隻腳康復得又慢
今日九點半至十二點全程都要同eunice走黎走去睇其他班唱成點~~~~~
暫時感覺上二年班唱得唔錯.......不過似乎其他班都在銳變中~


打番比人問番件事之後......終於知道發生咩事

我對你的行為同睇法極之失望...

六年的感情......你竟然可以咁樣睇我

唔滿意你,所以我要咁做!?!? 需要嗎!?!?

唔該你分析番件事有乜野疑點 !?!

當時仲有咩人睇到?

你地跟本完全唔清楚成件事的始未!!

(1.)同eunice 一齊就一定係講呢d野嗎 ?!?! 有野做先一齊架嘛 !!

(2.)如果係我的話我會唔會連hilda lee 我都唔識?

我今朝都仲響樓下撞到佢，我當然知佢無份.... 如果真係我的話唔通我走去屈佢嗎 !!?!?!?

(3.)而家係學校的老師見到你地咁做呀 !!!
今朝邊個排隊果時唔見左人呀 ~?!?! 係人都睇到啦..... 唔駛講都估到發生咩事啦 !!

攪清楚件事先啦唔該 ~~~~~~~~~~~~

你地究竟知唔知坪天的校長已經唔妥我地喇 !!
好多野都唔比借喇.......... 依家仲要比人撞正 !

真係好嬲好失望 !

>>August 8, 2006 at 10:19:53 AM GMT+8