2004 年 5 月 19 日 星期三 【晴】

今日終於都考完會考
終於可以訓晏d.........

我要踢波呀!!!!!!!成個月無踢喇!!!!!!!!
d波友就黎忘記我架喇...................

今日下午先至醒起原來係大家姐生日........~_~
夜晚去左洒樓食飯,食成六舊水,痴媽根

六月我就要開始試下搵野做,
百行以業為先
萬惡懶為首
決不能做社會上的蛀米蟲~~~~~~~~

>>May 21, 2004 at 12:49:30 PM GMT+8

2004 年 5 月 9 日 星期日 【晴】

今日maths...
Paper 1 Section A 有 "加埋一題'唔識做...估計66分拎60分
Section B 就大煲......三題只係做到一又四分三..... 估計33分拎16分......點算....
mc 唔夠時間做,臨尾佢叫停筆我仲向度撞晒漏空的......
考完see番51,52,53,54我識做的......但撞錯晒
真係嘔血........>_<'

尋日聽番班frd講,原來英文作文我作果篇係proposal........
但我唔係用呢個格式寫...........依家真係淆晒底

>>May 10, 2004 at 9:03:36 AM GMT+8

2004 年 5 月 7 日 星期五 【晴】

今日其他人要考listening
但我唔駛 ^^ (唔考?! XD)
七點九比個電話吵醒左,竟然係葆葆姐打黎......@@
即時醒晒.....因為唔知佢咁早打黎做乜鬼,原來係想話我知
黑雨唔駛考listening.... 雖然我係唔駛考,不過都多謝佢有心打黎提我

今日五點半彌撒有段小插曲,話說大家唱天主經果時都伸開雙手啦,
點知突然間聽到"啪"一聲,大聲到爆,我個琴都好大聲架啦,全場人都望過去
------->原來個阿婆無端端要拍蚊,d應,動作誇張得很....總之就好笑到不能形容
幸好我忍得住笑無甩手咋.......

唉............曼聯 1:1 車老鼠........得第三~~~~

>>May 10, 2004 at 8:55:34 AM GMT+8

2004 年 5 月 6 日 星期四 【晴】

今日考英文,只係麻麻地
依家靠oral!

>>May 8, 2004 at 3:13:18 AM GMT+8

2004 年 5 月 5 日 星期三 【晴】

我本身係好難會唔開心的,
但偏偏今次......
我真的很不甘心.....

>>May 6, 2004 at 4:15:53 PM GMT+8

2004 年 5 月 5 日 星期三 【晴】

今日考中文,考完真係想喊.自己做呢兩份卷,完全係我想像唔到的差.作文花得太多時間,攪到part 2作短文無做到咁滯,我知自己係識做,但無奈時間唔許可,成14分...考完之後真係好灰,因為中文呢科兩份卷都係好重要,依家真係.....都算喇,唯有安慰自己仲有卷二比我衝.考完卷二,走出學校門口,我真係好想喊,好想流幾滴眼淚舒服下,課文我tip就tip中晒,點解自己個time management做得咁差,閱讀理解花左咁多時間,仲要係無把握,古文更加係唔知佢up乜春,我真係好失望,好難接受白白無左好多分.
我實在無預計會考成咁,中文我唔奢望拎好高grade,至少高一個grade,我已經好心滿意足,依家感覺上竟然好似考得差過上年,漏空的實在太多,我事前真係幾有信心,係未試過花咁多時間落中文度,這事令我更加深信"付出同收穫真係未必成正比"
考完打比四個人,阿康,serena,崩牙(熄左機),恆少(熄左機)向電話度好輕鬆的對話,大家都問候對方怎樣,說一陣笑, 之後就搭巴士走人.向巴土度,我又再想起中文,又想到剛才向電話度竭力作出輕鬆的笑,我真想哭....我考過咁多次試,從來未試過咁的,也許賽前信心幾大,致使依家有希望越大,失望越大的感覺,依家只係希望個grade同上年一樣,希望....失望..希望...失望......
我比人的印象一向都係要好堅強,遇到咩事咩意外都好都唔會流馬尿,向巴士度我一路咁死忍,真係忍得好辛苦,心口好酸,塊面好痺........我十幾年都未曾試過搭到總站先落車,但我今日坐向架巴士度,真係完全唔想落車,我唔想番到去又見到中文,無疑,今次的確損左我的信心. 當再想起今天的情景,向巴土裡我終於淌了數滴淚,落車行路回家,我背著沉澱澱的書包,我的心沉澱澱的...........
回到家樓下,面對住街坊,我又再一次竭力作出輕鬆的笑,好辛苦,.....
""也許我不應"過份"堅強......
也許一個人有時真係需要排泄情緒的........
任你再堅強怎樣若無其事也好,始終還是騙不了自己""
.....心突然的隱隱痛...
....如空穴來了陣寒風...
....沒法強忍....
希望在明天,希望真係會係"一個希望",唔好再變成失望,不過明日的英文,始終有難度........

>>May 6, 2004 at 12:54:08 PM GMT+8

2004 年 5 月 4 日 星期二 【晴】

我真係唔會特別刻意針對一d人,要憎恨一個人根本就好徙我時間,
徙我精神,傷我腦筋
我真係對事而唔對人,你講d野真係有道理的話,我係唔會夾硬去打橫黎講
只可惜大部份的說話所做的事都係無真正的道理,
成日以你地所謂的經驗黎同我講經驗之談?你估我受唔受?!
time has changed!!!! 依家咩年代呀, 好似你地話果時買對鞋又唔知只係幾錢幾錢
真係"噢我的天" 真係唔知好唔好笑

唉........要講的真係大把,都不願再打落去,總結幾句啦
我 對事唔對人 不受軟也不受硬 自己有分數
都唔知點解會無啦啦打呢d野出黎,不過呢d都唔係新鮮野,累積落黎
不過都真係幾多謝你地班人,係你地令到我腦筋向呢幾年轉快左,
識得好快咁去想到理由去反駁 係你地攪到我變成吹水王 唸到好多野,有好多野講,
多謝你地呀下!!

講完一大堆野,講番正題------------>>希望今年同我一齊會考的朋友都可以
取得好成績,文科又好理科又好,你地係肥又好瘦又好,男好女好, 無論你地
可能係臨尾先至沖廁,我知道你地都算係有心去考好去的,你地話架嘛,
盡力,唔好好似上年咁,如果唔係又對唔住自己,輸都輸得唔抵,真係衷心祝福你

臨 考 涕 零 不 知 所 言~~~~~

>>May 4, 2004 at 8:43:15 PM GMT+8

2004 年 5 月 4 日 星期二 【晴】

第二次會考了,
有咩感覺??
"無乜特別"
雖則話今次唔可以再衰,但一點壓力都感受唔到,
你問我點解?!我唔係答你唔到既
我早就知自己的能力,自己知自己事,唔好成日同我講我有能力乜乜乜,
唔好成日同我講以前,要明白事實就係放在眼前,我尚且要接受現實,你地就一輪嘴咁up
唔理邊個都好,你越講我就越火滾,唔通我自己的事都唔清楚?個個都係咁,我要的係真話
並唔係無用的所謂鼓勵說話,老一輩的又係咁講,連跟本唔清楚我狀況的人又講埋一份
對我黎講呢d說話一點也沒用,只會引起我反感
老實講,我份人真係幾硬頸,我唔受硬亦都唔受軟,
我想去做一樣野我就會去做,話左唔做就一定唔會做,你要我比人影響?機會率係零~

有時我唔出聲,並唔代表我無意見,只係我忍住費事開口話你地
要我開口你地盞無隱,我好肯定有我講無你地講,因為我好肯定我大把道理向手
我唔理你地係阿婆又好,邊個都好,我唔出聲係我果刻我仲尊重你地,我真係唔該......
拜託果d唔清楚事件的人收口,
舉個例好似果d話我唔適宜踢波的人,唔好話你地見過我踢波未,
就連點樣為之踢得好一場波都唔識,對住你地呢d人我真係唔知講咩好
出聲話你地又唔係,邊有得嘈姐??! 如果你地真係識波而又見過我踢的話,你咁講我都"尚且"
會同你討論一下,如果連波係圓都唔知的話(呢度用度誇張手法,)咁有咩好講呢?! SHUT UP PLEASE!

>>May 4, 2004 at 8:13:54 PM GMT+8

2004 年 4 月 22 日 星期四 【晴】

我為你著迷　 為你著襪唔著鞋
陪你行街睇戲　 俾埋電話費　
愛你　我在所不計

你煮菜　我洗米　食晒的碗碟我自己洗
我唔再去睇第二d女仔　你都唔好去溝仔~~~

我會一生一世　俾好多家用你洗
但係你要同我　你要為我　生好多好多個仔
你係我一生一世　至愛的皇帝
你話唔制　(唔制啊.....)　
我至鐘意睇你咁樣　詐詐諦

>>April 23, 2004 at 5:08:49 PM GMT+8

2004 年 4 月 19 日 星期一 【晴】

今日兩點幾開部電腦,點之勁restart部機都係入唔到windows
真係好驚中毒.....我有好多file向入面架嘛...............
周圍打比人see下有咩解決方法,打過比恆少同felix
(醒唔起felix 番緊學............)攪到好似阻到佢咁.....

最後我用左成四十五分鐘既時間,終於入到呢個......安全模式........真係吹漲~~
跟住試下boot機入番正常window啦,好彩無問題.........

之後同恆少傾左成一個半鐘頭電話,
大家都好耐無見,亦都好耐無乜講過電話,今次一傾就傾到唔知時間,
同佢講電話好舒服,想大聲就大聲,想大笑就大笑,要串佢就勁串,
完全唔會有咩避忌,呢個下午就係向歡樂的笑聲中渡過.....

今晚收到serena的電話,聽佢把聲都知有野架喇,原來...分開左
佢猛咁問我點算,我唔係唔想幫佢呀,但感情既野第三者真係好難比到意見架,
又經常同我講甚麼"靚仔無本心".... 無奈..... 希望佢真係盡快放得低啦~
其實你都就黎可能要去外國讀書啦,仲唸咁多呢d黎做乜呢.....

>>April 20, 2004 at 5:46:47 PM GMT+8