2005 年 11 月 4 日 星期五 【晴】

眼淚

早前睇苗喬偉套電視劇，因為有鄧健泓，所以睇多兩眼。戲裡面話鄧係盲o既，米雪做佢媽媽。鄧一直唔認米做老母，因為鄧一直怪責米令到佢細細個就盲佐。

好鬼老土o既橋段，咁做老母o既，一直都想為個仔做o的o野，每集總有一、兩場戲係個老母偷偷o地親近個仔，每次都睇到我眼濕濕，好鬼死煽情。事實上，母愛又真係好偉大o既，個編劇係要咁煽法都情有可原。

不過最後米有cancer，寧願唔食葯去醫，怕o的葯會損害對眼角膜。係人都知佢靜靜雞想快o的死就捐對眼角膜畀個仔啦！呢幕戲真係頂佢唔順喇，眼到我流晒眼淚，無線真係乞人憎，在此不得不讚鄧健泓同米雪兩個人o既演技。

其實我就係一個咁無聊o既人，見到o的咁o既煽情o野，好眼淺。有人o既時候，唯有就忍住啦，冇人o既時候，先會讓o的情感爆出o黎。

令我感到意外o既，係原來BB都係咁。我完全畀佢o既「正經面」呃佐… @_@

BB外表硬朗，內裡感性。原來BB都有需要人去保護o既時候。唔講佢睇戲有冇喊o丫，我第一次見到佢喊，係某次o係酒吧。

我無意間口直心快提起佐佢o的感情事，搞喊佐佢，舊同事仔係咁話我衰，搞喊人，我反而好欣賞佢呢份率直。令我諗返起，有本書講過，有o的過去唔開心o既事，諗起喊o下亦都係自我治療o既方法之一。喊完就要爬返起身，起步再走過！

第二次令到BB喊又係同一件事喎…頂o丫…我知BB未完全放低晒o既，又做多次衰人添…

今晚唔知BB流o既，係開心定係感觸o既眼淚呢？

BB，BB！我應承您，我要將我o既開心全部畀晒您，令您唔再有傷心o既眼淚流出o黎！

眼淺BB，好疼愛呢~

>>November 13, 2005 at 5:35:32 PM GMT+8

2005 年 11 月 3 日 星期四 【微冷】

I Swear
All-4-One

I swear by the moon and the stars in the sky
And I swear like the shadow that's by your side

I see the questions in your eyes
I know what's waiting on your mind
You can be sure I know my part

'Cause I stand beside you through the years
You'll only cry those happy tears
And though I make mistakes
I'll never break your heart

And I swear by the moon and the stars in the sky
I'll be there
I swear like the shadow that's by your side
I'll be there

For better or worse till death do us part
I'll love you with every beat of my heart and I swear

I'll give you everything I can
I'll build your dreams with these two hands
We'll hang some memories on the walls

And when just the two of us are there
You won't have to ask if I still care
'Cause as the time changes the page
My love won't ever age at all

I swear by the moon and the stars in the sky
I'll be there
I swear like the shadow that's by your side
I'll be there

For better or worse till death do us part
I'll love you with every beat of my heart and I swear

I swear by the moon and the stars in the sky
I'll be there
I swear like the shadow that's by your side
I'll be there

For better or worse till death do us part
I'll love you with every beat of my heart and I swear

>>November 5, 2005 at 12:46:03 PM GMT+8

2005 年 11 月 2 日 星期三 【微冷】

付出

有人話︰「拍拖好似種菜一樣…」

某人又話︰「佢係一棵為愛而生o既植物，佢要o既只係愛…」

自問真係格衰衰，冇樣好，份人又賤，點都估唔到每次都可以搵到一個「佢愛我多過我愛佢」o既女人，為我o既心靈，作出灌溉。

好多謝Josephine，因為佢o既付出，真係完全唔望回報o既，半句說話都冇講過，冇要求我做o的乜或者對佢點。當時佢年紀仲好細，只係十八歲，完全冇諗過自己o既安危，一心為佐我o既將來，未等我做表態，就已經作出一個人生重大o既決定。佢就係一個甘願付出o既人，直至而家亦都係一樣。我亦可以好肯定咁講，我前半生最愛o既女人，就係佢，冇人可以高攀得起佢。我亦可以講，佢亦都會係我後半生最愛、最關心o既女性朋友。

某人其實亦都陪我渡過佐一段困難o既日子，幫過我o係痛苦後企返起身，不過佢已經變佐，唔再係以前天使咁o既心腸。係我唔好，令到佢變成咁，令佢變成愛得咁自私。

至於欣欣，我可以話畀佢縱壞佐，由一開始，佢就容讓我對佢唔好，其實我同佢o既開始，又係害佐佢。我同佢o既關係，一開始就建立佐o係物質同肉體之上，佢縱我，我就更加過份，我冇顧過佢o既感受，我一味玩，玩玩玩。所有衰o野、賤o野，通通都可以無止境咁做…好累喇，我想要一o的改變。

BB並唔係一個勝利者，佢亦從來冇為佐同我一齊用過咩手段。我唔係貨、唔係獎品，愛情路上，根本冇輸贏。除非你o既付出，係只望得到回報o既付出。

其實我已經鐘意佐佢一段日子，只不過當時我見BB有晒男朋友，一直將我o個份感覺收o係心底，我亦冇刻意製造機會畀我同佢有乜交往。直至我同佢開始o個一刻，佢都以為我係一時衝動，仲提出當冇事發生過，做返普通朋友咁過生活。所以，絕對唔存在佢「勾引」我呢件事。一切一切，都因我而起，同佢冇關。

係我自己花心，係我自己見到佢available而想追佢，情況同我當年同Josephine分手一樣。一切都係我錯，應該由我一力承擔。請你唔好傷害佢，畀我o地過o的安定o的o既生活，我就一生一世都會感謝你、祝福你。

>>November 3, 2005 at 2:50:47 AM GMT+8

2005 年 11 月 1 日 星期二 【微冷】

欣欣︰

當我求你，請你唔好再搞搞震啦，你輸晒o架喇。

你輸得最徹底o既係︰我從來都冇諗過同你會有將來，但係同佢一齊我唔只諗，仲會切實執行。

我唔想再講更加多同你分手、傷害你o既原因，一切一切都係我o既錯，唔關佢事。但係如果你敢郁佢一條毛o既，我茅頭一定會直指你，就算要我死，我都一定會同你死過！

你覺得o個時要好辛苦先可以同我一齊，如果你要將同樣o既經歷加o係佢身上，我可以話你知，呢o的經歷只會加深我同佢之間o既愛，同時加深我同你之間o既鴻溝。

力力上

>>November 2, 2005 at 1:47:04 PM GMT+8

2005 年 10 月 31 日 星期一 【微冷】

心情大好，因為今晚有得去玩。

BB，我唔會再理佢o架喇，我唔會再睇o架喇！搞到您都幫我嬲埋一份添！=p

本來西洋鬼子鬼節都冇乜特別好慶祝o架喇，不過之前BB提過，話唔知點解年年都去唔成海洋公園個Halloween，見BB真係好想去好想去，梗要陪BB去啦！

今次亦都要多謝海洋公園，我覺得佢o地o既服務真係一流。我唔知算唔算係世界級，因為我都唔知世界級係點o既standard，我只係知佢o地由我買錯飛到食佐信用卡都照顧到咁貼心，令我非常滿意，遲o下有時間我就會寫封font size係10、margin set做1 cm o既讚揚信畀佢老細。

月中某晚o係網上訂飛，click錯佐平飛，諗住打hotline問點換飛，點知條hotline打佐五日都唔通，好彩又畀我摷到另一個電話號碼，即時打上去罵叉一輪，佢即日就覆我話入場拿飛時可以幫我轉，真係好（不過我深信冇可能轉唔到o既，加錢之嘛！）。好衰唔衰，早兩日又畀部銀通食佐張DBS信用卡，PK喇！冇卡點拿飛呢？！好在，佢o地最後都安排到。老實講，原本佢o地可以執到正o黎做，但係佢o地好靈活好有彈性，令我未出發已經先興奮喇…ccc！

入返正題先，今日大家都要返工，但係大家個心都由一開工就已經唔o係位喇，因為我o地個心已經飛佐去海洋公園。好難先等到收工，我又衰到漏佐八達通同埋唔記得打卡所以要返轉頭，結果遲到要BB等我，真係衰！結果入到場都已經七點半喇！

果然係貴飛囉，超過一半o既o野都係唔駛等好耐就有得入，見到平飛o個條人龍就燥底喇，BB仲問o個o的人點樣先可以玩晒咁多間鬼屋，答案就梗係唔得啦！

其實都預佐o的鬼屋來來去去都係o個幾招o架喇，唔係暗角閃個人出o黎就係有人扮鬼走來走去。我就唔係好識驚，反而係受驚o既BB突然捉實我o個時會嚇親我… @_@ mmm…

用佐四個鐘頭去晒咁多間鬼屋，冇玩機動遊戲。最enjoy o既moment係坐吊車。BB，以後o既事就等我o地兩個一齊去面對啦，我呢一刻冇香檳金o既玫瑰、冇鑽石戒指，但係當時機成熟o既時候，一切一切，都會為您奉上。

完結佐海洋公園之旅，約佐o的同事仔以及佢o地o既配偶落佐老蘭飲杯o野，慶祝有緣做朋友之餘，亦補祝唔見佐公司部相機，坐佐陣，人o地都收工喇，我o地就收隊返屋企lu。

好鐘意攬住軟綿綿o既BB~

>>November 2, 2005 at 12:08:16 AM GMT+8

2005 年 10 月 30 日 星期日 【微冷】

唯一
王力宏

我的天空多麼的清新
透明的承諾是過去的空氣
牽著我的手是你
但你的笑容　卻看不清

是否一顆星星變了心
從前的願望　也全都被拋棄
最近我無法呼吸
連自己的影子　都想逃避

BABY 你就是我的唯一
兩個世界都變心　回去談何容易
確定　你就是我的唯一
獨自對著電話說我愛你　我真的愛你
BABY 我已不能多愛你一些

是否一顆星星變了心
從前的願望　也全都被拋棄
最近我無法呼吸
連自己的影子　都想逃避（逃避）

BABY 你就是我的唯一
兩個世界都變心　回去談何容易
確定　你就是我的唯一
獨自對著電話說我愛你　我真的愛你
BABY 我已不能多愛你一些

其實早已超過了愛的界線

BABY 你就是我的唯一
兩個世界都變心　回去談何容易
確定　你就是我的唯一
獨自對著電話說我愛你　我真的愛你
BABY 我已不能多愛你一些

>>October 31, 2005 at 1:43:09 AM GMT+8

2005 年 10 月 29 日 星期六 【微冷】

輸贏

今晚BB同毛毛去街街都唔開心o既，事原只係一盤棋。

呢件事證明我真係對BB o既認識真係好淺，亦係我一直擔心o既o野。因為真正o既愛情，並唔係靠雙方有感覺就可以長久維繫。送完BB返屋企，我慢慢行返去觀塘搭車，一面行一面諗o下o野。個心好亂，因為BB話要對毛毛從新評估…

BB坦言有時人為佐達到目的，會不擇手段，甚至要破壞他人。呢種咁o既行為令BB覺得呢個世界好險惡，無人可以信任，甚至係男朋友。BB好唔欣賞我o既做法。

係，世界係險惡o既，所以要o係呢個社會生存，根本就好似玩呢舖棋咁。如果您唔用盡方法去爭取，根本就冇可能上到位，好多時贏輸就只係差o個一步（您贏我亦只係一步，我冇行錯的話，我贏您亦只係一步！）。但我o既大前題係，我冇違反遊戲規則。您唔用計謀，人o地都會用。

要贏，就要諗計。一切都睇您有冇野心去做。遊戲o既終極目的，就係贏。BB問我輸贏係咪真係對我咁重要，對於好勝、愛出風頭o既我，答案係肯定o既。

曾幾何時，BB畀我o既感覺，o係工作上，係好有野心，好肯定自己o既能力，同埋勇於承擔。佢呢副外表，好吸引我。或者呢個只係感覺，並唔適合用o係愛情上，因為工作同愛情，根本係兩碼子o既事。

亦令我諗起以前o既一件好傷心o既事︰當你已經放下介心，毫無防備o既情況下與人交往，一但畀人攻擊，你就會身受重傷。

諗返當時舊老細放手唔駛再做座主，舊公司搵緊人接波，正係搵佐BB接。我自薦過，但我知自己經驗少，我服，我係冇得爭。不過由始至終我亦冇對任何人用過任何奸詐o既手段，一切都係跟返規則去玩。最後係自己頂舊公司唔順，我唔想再等喇，我走。如果我冇呢個愛贏o既心，亦唔會有今日o既我（仍未滿足於現狀，心頭高。），呢個亦唔係我。

記得媽媽細個已經話我：「食要多，打要贏。」、「你永遠都覺得自己冇錯o架啦！」呢o的係我o既性格，媽媽係最了解我。係，我怕輸，亦怕認輸，冇得投降輸一半，面子要緊。大部份o野我都一定要要贏，要認叻。輸佐我會唔開心、會小器、會發爛！冇把握o既o野，我寧願放棄唔做，以免輸得難睇。自發參予o既，就決心要贏。

我係唔夠料，又冇乜相關學歷o係手，轉佐公司就真係知味道，一日甩轆甩到黑，唯有畀多兩錢肉緊去做，免得有負老細所托。但係我唔似得某o的舊同事，甘心停留o係同一個stage。我明明做得到，我係要爭上位！

BB話預左輸俾我，我唔鐘意咁，咁樣顯得自己太懦弱，亦都顯得我贏o既並唔係因為我有咩實力。不過今晚我唔係存心要傷害您，贏，只係毛毛o既basic instinct。

我o地o既stand point好唔同，要諗辦法去compromise。遊戲嗟，駛乜咁認真喎…或者BB講得o岩，今晚我真係認真佐。不過可以肯定o既，就係我o地以後都唔會再玩有輸贏o既o野。

不過有兩樣o野，毛毛真係唔識處理o既。第一，就係女人喊；第二，就係女人嬲爆爆唔出聲。

毛毛對唔住BB，呆呆笨笨咁，令BB嬲佐成個鐘先識得錫返BB，不過毛毛真係未觸摸到BB咩時候係唔想毛毛掂您（BB當時好惡… :'( ），咩時候先係想毛毛錫返您…

>>October 30, 2005 at 10:00:09 AM GMT+8

2005 年 10 月 28 日 星期五 【微冷】

當你孤單你會想起誰
張楝樑

你的心情總在飛　甚麼事都想去追　想抓住一點安慰
你總是喜歡在人群中徘徊　你最害怕孤單的滋味

你的心那麼脆　一碰就會碎　經不起一點風吹
你的身邊總是要許多人陪　你最害怕每天的天黑

但是天總會黑　人總要離別　誰也不能永遠陪誰
而孤單的滋味　誰都要面對　不只是你我會感覺到疲憊

當你孤單你會想起誰　你想不想找個人來陪
你的快樂傷悲　只有我能體會　讓我再陪你走一回

你的心情總在飛　甚麼事都想去追　想抓住一點安慰
你總是喜歡在人群中徘徊　你最害怕孤單的滋味

你的心那麼脆　一碰就會碎　經不起一點風吹
你的身邊總是要許多人陪　你最害怕每天的天黑

但是天總會黑　人總要離別　誰也不能永遠陪誰
而孤單的滋味　誰都要面對　不只是你我會感覺到疲憊

當你孤單你會想起誰　你想不想找個人來陪
你的快樂傷悲　只有我能體會　讓我再陪你走一回

當你孤單你會想起誰　你想不想找個人來陪
你的快樂傷悲　只有我能體會　讓我再陪你走一回

你的快樂傷悲　只有我能體會　讓我再陪你走一回

----------------------------------------------------------------------------------------------------------------------------

唔係咩新歌，係翻唱歌。n年前聽過呢首歌，不過係唱廣東話o既。

>>October 30, 2005 at 2:53:17 AM GMT+8

2005 年 10 月 27 日 星期四 【晴】

儲錢結婚 (2)

唔知係咪壓力大，琴晚諗o野諗多佐，今朝畀個噩夢嚇醒佐…

今晚繼續諗同一個問題，諗返起以前…

o個陣讀MPhil已經搵皮半o野一個月，扣晒o的家用、住宿費同固定開支，生活過得都幾奢侈，睇中乜就買乜，個個月都送禮物畀自己。o個時成日出去玩，玩夜佐就真係出入都坐的士，超豪。到佐拍拖o個時，情況先至叫做收歛o的，不過只係將o的駛費轉移佐，所以某人都可以話曾經幸福過一時。

不過好景不常o丫，自己又唔生性。到退學o個時居然可以差人成皮幾兩皮o野，好似科網股爆破咁，可以想像當時一個月真係可以駛成萬蚊！仲要只係單單去玩。

不過之後「牛」佐成三個月先搵到工，生活都幾折墮，又要「賒借」渡日，而某人就有大半年跟住我捱窮，直至分手。我覺得呢種生活真係好悲慘，一心只諗住快o的還晒o的錢畀人，唔想欠人o野，跟本冇乜咩時候係真正開心過。可能有o的人會覺得一齊捱都好開心，諗住苦盡甘來，但係我並唔係咁諗，我只係覺得好羞家，有o的「餓死老婆瘟臭屋」o既感覺，一o黎係自己過唔到自己認為自我、自由自在o既生活，二o黎係無端端令自己個女人生活降格，覺得都幾自卑…

o岩o岩入MHV o個時就係上兩段情o既交界線，雖然人工少，但係同佢o既都生活尚算ok，佢亦o係我苦難之中幫過我。七千幾蚊一個月，真係好乞衣，我唔止值呢個價，我要上位，我要成為同級之中最top o個個，我要人人都畀我比低落去（到目前為止我覺得我已經做到佐）。跟著個好老細，識著一班好朋友，生活開始滿足返少少，但係始終都係錢太少o既問題。雖然係咁玩，但係我還清晒o的債，仲巴閉到開始借錢畀人！諗住自己夠駛就算。

o係呢段時期，我o既生活settle返，但係仍然係今宵有酒今宵醉，玩得幾耐就幾耐。

係，我係嘆慣佐、玩慣佐、駛慣佐，所以真係好難話收就收。我覺得做得咁辛苦都唔可以豪o的咁駛錢happy o下、興奮o下，咁就真係好慘囉！駛淨o既我都會儲起o黎，但係唔多囉！冇錢駛就等如冇生活，冇人生…

如果要就住每月、每日「只可以」駛幾多錢，又要規定每個月儲起幾多，日子就真係好難過…倒頭來如果儲佐錢，但係個目標又消失佐，我一定冇BB咁堅強，仲有心有力去旅行散心。我實頂唔住，一定拿晒o的錢去飲酒，就好似上一次咁…

諗返轉頭，其實呢三年半裡面，原來自己真係未停過咁拍拖，自己從來都未試過一直保持住拍咁耐拖o既狀態（頂盡兩年，之後都抖佐一排），甩施亦係新拖o既開始。BB話佢有儲錢結婚o既打算，係因為拍拖呢樣o野已經令到佢好累，佢想安定落o黎。我又何嘗唔係咁諗o丫？當年同某人拍拖，講到係「佢係我o既最後一個，我係佢o既第一個」，仲同健健媽媽講要娶邊個做老婆等等戇居無聊之說話…都係佢老人家有遠見，話我仲細，o的o野冇可能講得咁實。

o的o野講到言之鑿鑿，諗到似層層咁，結果咪又係衰佐…想話後悔返轉頭都已經太遲，點補救都係一段有裂痕o既感情。但係o個時都已經係兩年前o既事，過佐廿五歲o既我，曾經親手毀滅佐咁多段愛情，我係咪真係要「安定」落o黎呢？愛情方面我永遠都係細路仔，硬係唔怕死，有殺錯冇放過。

BB有咁o既心，亦都冇話要強行改變我o既諗法或者生活方式，但係我亦唔可以一世都唔向「安定」呢回事妥協。冇錯，追追逐逐，其實個人真係會累，咁我又到佐要停落o黎坐低抖抖o既時候未呢？

「古惑面」o既世界永遠都係窄，淨係識得玩，睇近利。「正經面」就識得擴闊自己o既眼界，睇長遠o野。

今日老細唔o係公司，同工程服務主任Man姐傾起結婚呢個問題。我問佢結婚大約要駛幾錢，佢計完條數畀我睇，話大大話話都要成三十粒，一個好得人驚o既數目… @_@ 如果要五年後結婚o既話，齊頭每月要儲五千蚊，即係半份糧！再減佐o的每月經常性開支，即係每個月得三千蚊駛（而家o既二分之一），每日只係得一百蚊！咁同以前返學有乜分別？！！作死咩！

生活大倒退，對於追求生活質素同享受o既我，無疑係個重大打激…最慘就係，計完條數，呀Man姐話︰「係喎！未計你o地第日買樓搬出去住喎…」灰晒…畀人打沉佐…

BB，我真係要o的時間考慮呢個我以前從來冇諗過o既問題。如果您問我係咪開始想安定落o黎o既，我o既答案係50/50。我個人係鐘意安定，但係個心又未準備好…如果落實佐去做，就要做到底，雙方要有更深入o既了解，我o地係咪真係o岩呢？

>>October 31, 2005 at 1:59:26 PM GMT+8

2005 年 10 月 26 日 星期三 【晴】

儲錢結婚

終於都捱到廿六號，今個月雖然有九日假，但係都好似過得好漫長咁…頂…咩事呀？！

突然之間覺得自己賺錢賺得唔夠多，想搵多o的錢，但係呢行又唔係咁o既環境。要真係有o的solid o的o既經驗，我畀佐自己兩年，兩年之後再諗係轉去Swire、怡和或者地鐵，又或者係轉行。

十點幾醒佐，返訓到十一點半，因為琴日BB叫我唔好去等佢食飯，佢個會唔知會開到幾點，結果我都冇去，但係心諗下個月都冇星期三假，冇得放假陪BB，有o的失望。

冇去還冇去，媽媽叫我去探o下婆婆，都冇所謂啦，反正放假冇o野做。老人院o係大坑，都幾靜，養老係幾好，不過畀著我就實悶死，仲話唔畀出門口行o下咁，真係幾大年紀都係咁話︰「咪搞我！」門口就有巴士站，都算幾方便，以後可以多o的去，可能之後每月定一日去探晒婆婆同爺爺，睇o下得唔得，要諗諗。

婆婆話間o野都ok，咁就好喇，但係夜晚唔知係咪「生保床」，訓唔著，慘！佢問我幾時結婚，又問我幾時生個細路等佢開心o下，佢話佢抱唔到都想望o下，望o下都開心。我答佢結婚未有咁早，起碼都係四、五年之後先諗（冇錯，係諗。）o既事，生仔女更加唔好諗，因為我真係唔識教，試諗o下，生個古古惑惑o既出o黎我反而唔驚，如果生個x姑碌出o黎，咁就真係唔得佢死…最憎就係o的人點極都唔明o架喇！

我同婆婆講，如果佢想睇我結婚，咁佢唯有長命o的，但係對佢老人家o黎講，行步路都腳痛，係咪又殘忍佐少少呢？

坐佐一個鐘左右就走，返新翠諗住有會開，原來都唔係o的乜會，只係商量o下點樣搬部機支炮出o黎整…o徙氣！不過返到新翠就可以買磯燒元貝畀BB食，同優之良品熟，仲送佐包朱古力我食，拿去派街坊，都幾好，大家開心。

遇到個舊同事，o係度講柴灣o的二手樓價。不過我心儀o既地方，反而係觀塘區（麗港城會係首選），我覺得觀塘好方便，又有安全感，真係買、租得過o黎住。一傾就傾佐成粒鐘，返學遲晒到。

放學去同BB、Warren食飯，不過係佢o地睇住我食，因為佢o地已經食飽晒，苦命o既我上一餐已經係今朝十一點半…

唔知點解又講起結婚生仔o既問題，一日之內由兩個唔同o既人提起兩次，一定唔係意外。但係如果而家講儲錢結婚會唔會太早呢？有planning就梗係好啦，但係結婚好似好痴線咁，之前我就會口輕輕咁講o下，用o黎（乙水）o下人嗟，真係諗又真係有o的過份！

BB話︰「咁都係諗o下之嘛，又唔係叫你聽日去註冊！」不過我個人好衰o既，貪近利，如果冇o的好實在、一定得到o既目標（同我對未來o既睇法完全相反！），真係好難令我「的」起心肝去做一樣咁長遠o既o野喎…BB，可以有o的咩簡單而又好實在、一定得到o既目標呀？

而家講緊結婚喎，唔係買棵菜，好大件事o架喎！如果儲完一筆錢又唔係同o個個人結咁咪好大鑊？！問題唔係在於有冇o個筆錢o係手，而係筆錢如果係為佐o個個人而儲，一但散佐的話，筆錢裡面o既意義就會完全消失，有錢冇情比冇錢冇情更傷心喎！

真係要我面對呢個咁嚴重o既問題？不如等到一段好穩定o既感情先啦…我而家都有儲錢o格，你唔好見我「洒洒滾」呀，要儲錢又有幾難？！但係…您知我都嘆慣o架啦，份人又鬼死咁厭尖，如果為佐儲錢將來結婚、買樓用，而令到今日要我女人陪我捱，倒頭來又話新娘不是她的話，咁咪對而家o個個女人好唔公平？！

>>October 27, 2005 at 2:34:04 AM GMT+8