2005 年 5 月 18 日 星期三 【雨】

今日終於都閒少少，因為月尾冇咁多reports要交。

Leasing個Debbie姐又無端端話我o地冇叫位元堂執好o的個shopfront，搞到要我打去同位元堂個劉先生傾，點知個劉先生真係有佢講冇人講，係咁一輪咀咁講唔停，可想而知佢真係畀呀Debbie姐火得好犀利… @_@ 好在，都證實佐係以前呀Frank冇同佢講過話佢個shopfront差，而唔係我o地…算罷啦…Debbie姐係咁o架喇，大x晒！

晚間上堂學佐好多lift o既o野，不過呀蛇呃鐘，八點九就講完閃人！分佐組做project，同呀媽，啟勝人，另外兩個唔知乜水o既女人同埋我、Trevor、Ivan…唉…又算罷啦…

放佐學去食元氣，o的三文魚冇味o既，下次都係咪搞呀叔。

之後返NJ，等您收工，順便同o的靚仔傾o下偈。呀進好成熟，而家真係埋沒佐佢，希望可以畀多o的機會佢啦。

另外明仔呢個憤世青年，就真係要好好教o下，琴晚又射波，今朝畀人見到佢同條女食早餐。佢話佢燒到102度喎。自己o野都未做得好，就o係到話人o地點唔掂，真係要炳鑊佢…呢o的靚仔，真係有排教…

之後同您去食o野，再返屋企zzz…

>>May 20, 2005 at 1:30:52 AM GMT+8

2005 年 5 月 17 日 星期二 【酷熱】

陰公！今日又冇停過手…

返到去就梗係搞掂埋份variance report先啦！不過都遲佐兩個鐘交呀，因為中途殺佐條友出o黎，要陪佢去睇o下o的可以加裝CCTV位置，老細仲話我去佐邊添呀…冤枉呀…大人…

下晝又超忙啦…o的電話係咁來來去去…leasing呀、Smartone、星光、Top Sign…………救命…勁勁勁勁勁忙！

老細仲追我畀優之良品o個封索償信…痴線…畀我抖抖好唔好？

晚間，當我忙緊整部電腦o個時，有個PCCW o既打o黎話有優惠，佢話好多人用緊，仲話好多人都話好好用。我反問佢︰「咁多人去死我係咪又要去死？係咪多人做o既o野我就要做o丫？」佢冇聲出啦！再叫佢以後唔好再打畀我，我要咩服務我自己識搵，唔駛佢咁好心提我。

>>May 20, 2005 at 1:40:02 AM GMT+8

2005 年 5 月 16 日 星期一 【酷熱】

訓到十二點幾就要起身走喇…累…

琴晚您好低能囉，玩玩玩！好過癮咩？！玩到反晒艇！吼！仲笑得落o既您！

下晝返到公司，叫做同老細夾一夾份report，一搞就四個鐘…陰公…

>>May 16, 2005 at 9:50:58 PM GMT+8

2005 年 5 月 15 日 星期日 【颱風】

星期日on duty，今日都唔知做過乜…咁又八個鐘，o的時間極唔見駛… @_@

濕濕碎碎咁又話收工，返屋企食飯，再打返o的日記。

夜晚出去陪您食o野，點知臨出門口先落狗屎，低能！山洪暴發咁…

聽日下晝要襯住老細o係度又得閒o的o既時候問o下佢份report點死先…

>>May 16, 2005 at 9:47:58 PM GMT+8

2005 年 5 月 14 日 星期六 【酷熱】

放假，下晝上堂。

今日又到另一條廢柴講DMC，超級悶，訓佐大半堂…

上完堂返一返公司，拿佐o的budget、balance sheet、I/E同埋ledger返屋企研究o下份Variance Report點做…唉…

終於部Palm同部PC連得埋，o的files可以互傳，但係唔知係咪可以o係部Palm用bluetooth經PC上網o既呢？研究中…

>>May 15, 2005 at 10:39:46 PM GMT+8

2005 年 5 月 13 日 星期五 【酷熱】

黑色星期五，唔通真係黑o的？

上晝去佐上rates training，都幾有用，叫做對差餉了解多佐o的，但係居然畀我見到以前七座個業委李好煩喎！

下晝老細留o係總所開會，我就自己返公司。食完飯之後慘事就開始喇！個variance report搞極都唔掂，又唔知點做好，老細又唔o係身邊…

更慘o既就係，其中一個最少人行o既出入口，居然畀優之良品o的送貨仔用鐵車o既撞爆佐道玻璃門！！！！成地都係玻璃都唔係問題，最慘就係o的冷氣係咁走晒出街…錢o黎o架！！！

清理好場地就睇返CCTV，居然畀呀姐落簿寫話我吩咐睇帶… @_@!!!!!!! 玩我咩？！唔係差人或者老細o既老細批準係唔畀睇帶o架！我o地只係偷睇咋呀姐！唔駛落晒簿咁誠實呀嘛！！真係畀佢玩死…搞掂之後再打畀老細，老細又話我做乜唔報警…

唔駛報呀嘛，唔係刑事破壞喎呢次…唔小心之嘛…不過錯有錯著，差人叫我o地睇帶，咁都好，叫做有交代…呀姐，真係唔好玩我啦好唔好？！

搞埋o的手尾，都要成七點先走得甩，約佐Warren同咖啡仔食飯。Warren話做保險喎，佢份人…唉…唔識講…祝佢好運啦…

食完飯同超人飲o野，買佐個USB bluetooth adaptor…佢呢期好煩喎，因為佢老細叫佢死掂幾個projects，但係有人工加喎！仲唔少o野添，真係死都要搏啦！

等埋您收工，去食扒王，之後返屋企。

>>May 15, 2005 at 11:38:42 PM GMT+8

2005 年 5 月 12 日 星期四 【酷熱】

上晝無聊佐一陣，十二點九就走人，要去上水上堂呀，今日去上SEM，一個電腦system，唔知有乜用，暫時冇用到，學佐好過冇o卦…我估…

居然撞到一個一齊o係City上堂o既同學仔，十個人一班都咁鬼o岩，呢個世界真係細。

您返到公司先射波，因為眼仔有事，睇o野好矇。上完堂五點咋！於是就入天水圍陪您睇醫生…例牌話係發炎啦，真係我都識睇，我可以做醫生。

之後食飯睇電視。九點就返屋企，因為想您早o的訓，休息多o的，但係今晚我唔可以陪您訓喎，因為聽朝要返工嘛…

----------------------------------------------------------------------------------------------------------------------------

欣欣︰

我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！我愛您！

力力

>>November 10, 2005 at 11:08:48 PM GMT+8

2005 年 5 月 11 日 星期三 【暴雨】

今日超忙…

上晝老細又唔o係度，諗住有o的時間又清o下o的reports…點知樓上大樓又試天花滴水，咁又搞佐煩佐半朝…

今日打佐、接佐好多好多電話，唔係呢樣就o個樣…煩死！舊o個架Morse機又整唔到…頂！

下晝滴得仲勁…低能！又要停扶手梯…煩…L4 o的商戶仲話我o地做乜停，尤其係關鍵最誇，又七又一，又話我o地唔出通告。大佬，唔同業主，係咁o架喇，幫你係人情，唔幫你係道理！

勁多o野煩…出埋張通告畀老細諗住可以收工去上堂，點臨走又搞單o野，搞到走唔到…頂…

又係L4，椰林閣話今晚又停晒L4電裝電錶，個裝修佬好似個細路咁係咁「求」我同呀Man姐畀佢整，仲想夾硬o黎，偷偷做。而家唔係唔畀你做，但係你都要畀時間我o地通知其他人先得o架！L4唔係你玩晒o架！結果都係要老細出馬搵樓上面大業主「人人」，再由佢o地通知返椰林閣今晚唔ok。

搞到遲佐成個鐘先去到上堂…今日又係呀Frenky呀，好正斗，真係蝕佐…

您眼仔病佐，要休息多o的呀！

>>May 20, 2005 at 1:34:17 AM GMT+8

2005 年 5 月 10 日 星期二 【雨】

新翠果然係一個有錢（水）o既場！一落雨就四圍都o係度漏水！

一返工就知死啦，又係樓上大樓，佢o地成日漏水落我o地度，今次仲滴正條扶手梯，冇事由自可，有事就真係把幾火喇！地鐵出口又漏、小商場又漏…痴筋！

數碼通呢期裝，今日無端端話個冷氣唔夠凍，仲即時打上leasing搵Charles。不過佢o地果然有食力喎！居然可以迫到leasing幫佢換晒一新一舊兩部機！新鴻基佔51% o既公司果然係大支o野o的！

下晝老細開完leasing會終於回歸喇！叫做無驚無險又一day！

>>May 15, 2005 at 10:57:22 PM GMT+8

2005 年 5 月 9 日 星期一 【颱風】

一起身，您就要返工，我就入粉嶺，因為今日約佐健健媽媽食飯。

都遲佐o架喇，本來諗住新年就入去探佢，不過實在冇時間，極忙…

飲個茶食個晏晝都只係用佐五十幾蚊，痴線！健健媽媽睇落好憔悴，唉…健健爸爸又無端端驗到有糖尿喎…真係屋漏兼逢連夜雨…

下晝又陪佢老人家傾偈…好在佢o地而家都有買到間二手居屋住，平平o地，地方好見用！希望可以幫助佢調理身子啦…

>>May 15, 2005 at 10:51:09 PM GMT+8