2005 年 8 月 26 日 星期五 【酷熱】

義氣毒

都唔知自己o係邊度學返o黎o既，可能係朋友少，所以朋友有難，總係會盡力而為去幫。

不過自己以前其實都幾怕事，但係有一件事令我覺得「出得o黎玩就要講義氣」呢句說話係o岩o既。

同Lawbo分手後，升中四，好反叛，成日同班死黨o係學校搞搞震，擺明唔聽話。中四o既某一日，班主任冇返工，走佐個我o地好憎o既神父入o黎，要我o地每人交三個班裡面最滋事o既人名出o黎。我心諗，有冇搞錯呀，搞分化！所以我死都唔肯寫。

好多人都寫佐帶頭玩o既人出o黎，當然包括我在內。有o的人就寫佐三次自己o既名落張紙度，都好有義氣o架喇。不過我都係過唔到自己o個關，結果同另外兩個人畀學校留堂，要我o地寫名先可以走。

我更唔服，另外兩人已經唔想多事，寫佐三次自己個名就算，我就戇xx咁同學校撐，玩企硬，不過學校閂門咪又係畀我走！結果咪又係一個名都唔駛寫就可以返學企。

第二日返學，班主任知道呢件事，居然當住全班讚我係「英雄」，我其實唔認為係咁，反而覺得呢個班主任真係好信唔過，唔係佢平時縱得我o地多又點會搞到學校bad list佐我o地班o丫！

死黨自此叫我做「hero」，係有o的戇x，但係我覺得自己都配得起呢個名。我唔係要做咩英雄，而係要堅守我o既原則，過得人之前先要過得自己。

我個人真係冇乜好，係好在講義氣，所以我對我認為係我o既朋友o既人，一定會義不容辭去幫，我對朋友係好過對女朋友o既，但呢方面只有7A睇得透…

做我朋友的，我會對他很好的！

>>October 24, 2005 at 10:41:27 PM GMT+8

2005 年 8 月 25 日 星期四 【酷熱】

今晚同Josephine傾偈，覺得佢已經佢o係處理愛情呢樣o野上面又大個佐，已經唔係以前o個個任性o既佢。

佢仲係同o個個男人一齊，好似都有一段幾長o既日子喇。

佢同我講，唔知點解兩個人拍拖可以幾個禮拜都唔見，有時甚至一日都通唔到一個電話，但係佢又唔係特別掛住佢男友，兩個人o既關係好平淡。

就算好耐冇見，亦唔會因為可以出街而特別興奮，而佢男友o黎接佢收工，亦唔會特別開心。

佢幾時睇得咁化呀？佢話佢仲愛佢男友，但好明顯，佢男友已經唔愛佢。

我知道佢係一個好忍得o既人，但係真係忍屎忍尿都唔好忍呢個賤男人啦！個男人擺明就係唔再鐘意佢！我係咁叫佢分手，唔值得再為呢個男人等落去，佢係唔會回心轉意，自己係男人都唔幫呢個賤人，夠膽蝦我個「得得B」，火都起埋！

我知佢已經畀個男人冷落到冇晒感覺，睇化晒，但係唔抵o丫嘛！佢雖然係肥少少，但係個樣絕對係可愛o個隻，有返幾分姿色，出到去大把人追啦，成晚都係咁叫佢飛佐條仔，但係佢又唔捨得，佢就係咁傻、咁痴心…

唉…

----------------------------------------------------------------------------------------------------------------------------

過一排之後，佢話佢同個男人分佐手，但係畀個男人用佢肥呢個原因而飛，係咪衰o丫！又係畀個賤人開口先，係咪唔抵o丫？！

>>October 24, 2005 at 10:21:18 PM GMT+8

2005 年 8 月 24 日 星期三 【雨】

Property Management Module Examination today, I could do nothing except puffing water in Chinese on the whole paper... shit...

It was a blank sheet in my mind during the exam and I could hardly remember what I'd done in my previous revisions... shit...

Most of the classmate quitted the exam earlier and one of them left after only 15 minutes... what the hell! these fxxking exam questions included most of the materials of the course, some of them involved the daily operation of property management... shit... but it's still hard for me to answer anyone of the questions...

All the thing I need is a pass, can I?

>>October 21, 2005 at 1:04:09 AM GMT+8

2005 年 8 月 23 日 星期二 【酷熱】

情毒

講起o黎都幾失敗，我又唔係好鐘意讀書，讀讀o下master又quit佐唔讀，而家又只係打份人人都可以入去做o既牛工…o係我o既人生之中，到目前為止，只係得幾樣o野令我感到好開心、好滿足，其中兩項之前講過，係煙同酒；另兩樣就係好朋友同埋愛情。

自懂性之後，一直不停咁追尋愛情之中一種奇妙o既感覺。如果我唔識你，我可以對人好冷漠；不過一但認定你係我o既朋友，甚或至情人，我o既情感就好容易咁顯露出o黎，熱情到一發不可收拾，個個人都話難頂。

o個種強烈追求愛o既慾望，畀到我精神同靈感，令我好有心機咁工作，逗人開心。不過熱情往往好容易隨住時間而流失，學某人話齋︰「佢鐘意你時就乜都得，佢唔鐘意你時就乜都唔得。」

計算過，統計過，我o既戀愛週期，唔計puppy love，平均都只係得一年半，好短。我唔明白咩o野叫做細水長流，因為我只會沉溺於轟轟烈烈o既情感之中。

熱情一但失去，心中只有煩厭，最後悲劇收場。重覆又重覆…

我好喜歡愛上一個人的感覺，亦好喜歡初戀的感覺。

對我來說，每一段新戀情，都好似初戀咁，由頭開始，用盡方法，去追求、去熱戀、去沉溺…間中都會想想未來，但又會因未來難以估計而不再憧憬。

其實心裡面好羡慕o個o的白頭到老o既老人家，恩恩愛愛到老死…羡慕爸爸媽媽互相體諒、了解、尊重等等…但我偏偏冇樣做得到！

所以話就話自己好鐘意拍拖，好鐘意愛一個人o既感覺，而且不停咁拍，不停咁換（換到媽媽都罵罵聲！），其實係中佐情毒，自己本身完全唔知乜o野先係真正o既愛，一味只係愛自己，用自己o既感受行先…

可能我未試過因為對方已愛上另一個而飛起我，每次都係我令對方完全投入咁愛我o既時候，因為我已失去o個份初戀o既興奮，而同對方分手，所以從來唔知受傷害者o既所受到o既傷害係幾咁嚴重。我錯喇！我中毒太深，帶來一段段o既情債，無力償還，被迫清盤…

如果我再唔學識點樣去犧牲自己去愛一個人，我估我呢一世，都只係會過住o的咁漂泊o既生活，最後無處容身，孤獨至死…

>>October 21, 2005 at 1:42:20 AM GMT+8

2005 年 8 月 22 日 星期一 【酷熱】

工作毒

勁鐘意工作o既感覺，唔鐘意留o係屋企戇居居，o係屋企我只係識訓…

我好鐘意留o係公司，公司係我第二個屋企，因為一個正常人留o係公司o既時間一定多過o係屋企。

同事仔都對我好好，公司細細，人事關係都唔會咁難搞。工作永遠都有做唔完o既工作，但係我唔會為佐工作而o徙佐同事仔相處o既時間。老細放佐工，我就多數會留o係公司度同o的同事仔吹o下水，睇o下佢o地有冇怨氣，有冇o野係要幫手，又或者有冇改善個場o既意見。

成個桌面都係工作，個個星期都要準時交reports，ad-hoc o野又多到唔知幾時爆出o黎。嘩！係咪好恐怖呢？係o架，但係enjoy呢o的生活，因為好充實。雖然總有蛇王o既時間，但整體都覺得不過不失。

完成一個task之後o既快感，即使係send一個簡單o既email report，都仲係令我感到愉快。

我愛工作狂。

>>October 15, 2005 at 1:56:46 AM GMT+8

2005 年 8 月 21 日 星期日 【酷熱】

賭毒

英超雖然又o黎料，但係冇諗住再下注。

雖然勤力做o野唔會發達，但係賭錢更加唔會。因為人o地係庄，你只係閒。

試過賭大錢，好過癮o既感覺，因為又要玩又要驚，贏o既梗係好啦，最慘係輸埋牙骹，冇晒face。

面子關係，為佐唔想又輸錢又輸牙骹，所以停佐冇再玩落去，因為你永遠都冇可能贏個庄。

而家o下o下都打假波，屈機！可惡！

>>October 15, 2005 at 12:27:30 AM GMT+8

2005 年 8 月 20 日 星期六 【酷熱】

酒毒

其實自己唔係特別鐘意飲酒，因為飲完酒個人會好累，但係偏偏又精神到爆…shit！

自從o係港灣識佐呀酒鬼Ken之後，明白飲酒真係好要mood，如果冇mood去飲酒，我寧願快快脆「隊」爆自己，「ban」埋一邊嘔就算。

酒不醉人人自醉，有mood o既話，即使飲得少，我會選擇去醉，等自己可以脫離現實的軀殼，讓思想隨意亂飛，讓思緒自由地支配身體。

酒醉三分醒，冇mood的話，飲多o的夾硬令自己生理機能被酒精支配，讓身體亂擺。最後嘔吐大作，酒全被吐出，只剩返一個累到爆o既身體，頭腦依然清醒，呢種感覺實在太討厭喇！

>>October 15, 2005 at 12:27:23 AM GMT+8

2005 年 8 月 19 日 星期五 【酷熱】

煙毒

我中佐煙毒呀，冇得救喇！

冇得救喇，因為中佐煙毒。

尼古丁伯爵，你可否離開我？一氧化煙先生，你可否同我say goodbye？焦油小姐，你可否同我分手？

可唔可以唔食煙？唔得喇我，我真係做唔到。

當食煙已經成為你生活中o既一部分，你就會感受到中煙毒o既痛苦…

煙癮起，好很慘！

>>October 15, 2005 at 1:48:28 AM GMT+8

2005 年 8 月 18 日 星期四 【雨】

呢排日日都好忙，忙得好死…

今日係盂蘭節，Kenji呢隻老鼠居然因為怕鬼而唔返工，聞說話佢琴晚已經驚到唔敢打四點o個轉鐘，真係咁都得…

佢o地今晚拜神，對於我o黎講，因為宗教問題，所以冇參予，但係燒肉就照食啦。見佢o地係咁燒呢樣燒o個樣，都唔知做乜。不過做o的o野佢o地心安o的，又係為個場好o既心意，亦都廢事出咁多聲喇。

>>October 1, 2005 at 1:45:35 AM GMT+8

2005 年 8 月 17 日 星期三 【雨】

Building Studies exam... not that bad, just finished my "selected" revision before noon, then went back to CityU to join my classmates for a final review, that's all.

We were all cheated by the lecturers... some of the questions were not appeared in the exam paper!!!! but I'm still confident for a pass in this module.

For the next module in the coming Wednesday, must die hard! sign...

>>October 1, 2005 at 1:41:08 AM GMT+8