2005 年 6 月 27 日 星期一 【雨】

整plasma個powerpoint，因為老細上個禮拜五CCC Meeting吹佐話點樣善用個plasma電視，焗住要快整…

不過原來老細唔係返埋聽日先放假，而係聽日就開始放！ @_@!!!!

返屋企做o下個project o的o野，再唔做死得…佢o地話星期三要交貨出o黎睇o下點夾，睇o下有乜要改喎…真係死死o地…未郁過…痴線…

>>July 11, 2005 at 10:52:04 PM GMT+8

2005 年 6 月 26 日 星期日 【雨】

搭個半鐘車先返到公司，真係邊有咁遠o架？！搭西鐵同地鐵都係訓唔到o既，極慘…

老細就快放大假，趕埋少少o野畀佢簽。

放工前o係公司copy o的相返屋企做defect份功課…好忙o丫…返工做o野都做死啦！仲話要讀書… @_@

>>July 11, 2005 at 10:33:36 PM GMT+8

2005 年 6 月 25 日 星期六 【雨】

放假喇，但係都要返學，今日將會好忙好忙。

放佐學就成班組員去返幢樓site visit，影佐o的相，唔知有乜用，但係好過冇。上過天台同隔火層，冇乜特別。o個條廢x Ivan居然點我影相。哦。都話冇相機o架啦，Trevor話帶又唔帶。用條毛影呀？！面對住一條廢柴一個射波怪，真係唔知可以做乜，只可以爆粗。

睇完仲要返公司，因為約佐個客收舖呀…冇陰公，無端端要返一返去，短短十分鐘…

又再搭返車去尖咀，去飲輝仔結婚o個餐。傻輝咁就結婚做老襯，唉…不過都有過癮o野，就係有條叫Michael o既傻仔，我都唔q識佢，佢居然話識我，又話咩Year 1係同學。我真係識你老鼠咩！條x樣戇居居咁，由頭到尾四圍遼人飲酒，結果未食翅已經見佢貓貓o地，但係仲要玩…見佢就快死，咪呃x佢飲多杯紅酒，過多陣就焗佢撞多罐啤酒，見佢即時wing，大感過制！

飲完再入天水圍訓，您就話我搞搞震…

>>July 13, 2005 at 12:17:06 AM GMT+8

2005 年 6 月 24 日 星期五 【雨】

放完一日假好似冇放過咁o既…雖則月尾係冇咁忙，但係總有o野要做…

下晝去開CCC Meeting呀，第二次去就要做minutes，真係都幾死！o的人仲要左插一句右插一句…低能！點take minutes呀？

放工返屋企食飯，食飯再去您婆婆個喪禮…

人死不能復生，或者死亡係對長期畀病魔折磨o既人一唯一解脫呢！呢排天氣好厭悶，係咁落雨，信唔信係個天代您喊？

每次同我婆婆去東區睇醫生，雖然見佢行步路都好辛苦，仲成日話腳痛，但總好過要我面對佢o既離開。至少，我仍有機會每六個禮拜見到佢一次，知道佢仲o係我身邊。好難去幻想失去佢o既感覺，因為我從來都未失去過。

去完喪禮再返屋企，做功課… @_@!!!

>>July 11, 2005 at 10:38:07 PM GMT+8

2005 年 6 月 23 日 星期四 【颱風】

今日行程豐富，非常緊密…

琴晚入佐元朗食o野先返去訓，六點幾又要起身喇，因為您今日返早…

搭得車出去，唔差在返一返港灣。諗住同李生飲早茶，不過去到佢都飲完要走喇…傾佐一陣偈，搭地鐵去我o地個project揀o個幢樓count人流…

本來呢part o野係Trevor做o既，點知條友賴皮，琴日仲講埋晒o的x說話，話︰「呢part好似係你做o架喎！」哦。冇o野好講囉。既然佢今個月放成十日大假咁滯都話冇時間去，唯有我呢個放六日例假o既去睇囉。

去到八點半過少少，開始計人流，時間過得好快，咁就九點九，走人。急屎到爆，即刻飛身去PP屙個屎，順手食個麥當當雞扒早餐。不知所謂o既早餐，難食到嘔！

之後再去星展redeem SOGO $100 coupon，再返新翠。因為傻輝結婚呀，要返恒生買禮卷。識人連$10手續費都慳返！ccc！之後再返office拿返袋衫，返屋企。

沖完個涼，再上o下網。update佐部palm個OS，但係又因為咁冇佐個中文輸入…pk…手痕累事…xyzqqq%^&^%&^%^^#$@#()(8+-！之後download返個舊version，但係唔知點樣先可以用返手寫…shit！

搞搞o下您都差唔多收工，就出街。行佐陣街，去佐間台式餐廳食o的唔係咁似台灣o野o既o野，都要成二舊水埋單，痴線！您呀！叫多客「芝心花支丸」又唔食！吼！

食飯前Trevor打電話o黎阻住晒，又問我點解唔想畀多兩個人加入我o地o個組做project。佢xy！佢同Ivan兩條x樣，正一狗公，一見女人就發姣！o個個Joyce個勢擺明係硬o既，要人服佢o既，一定同呀MK夾唔o黎啦，兩個都係要話事o既人！

而且七個人仲要加多兩個，到時太多意見更加難妥協。o個條女同佢原本o個組夾唔o黎，就一定有問題啦！而家先做第一個project，大家都唔識大家，個個都諗住也也烏過佐就算o架啦！如果咁都夾唔o黎，就一定有問題啦！o個個Trevor又色心起亂咁應承人，未得我o地全組人同意，抵佢死啦！

條友又講Adele唔做o野呀，又講佢點衰。sorry囉，我唔係Ivan呀，我個人不嬲都唔理呢o的咁o既是非o野，我係一個target-oriented o既人，即係等如男人同女人xy，目的係為佐ab一樣。呢o的咁o既閒言閒語，唔該佢一係收皮，一係留返同Ivan或者以前港灣Michael講啦！

再去睇埋《頭文字D》，ok喎，劇情好緊湊，港產片有咁o既表現，真係唔錯，拍得住當年o既《無間道》。我估呢類賽車片好耐冇人拍，所以相對o黎講幾好睇…咖啡仔一定要去睇喇！

嗯…累…返屋企zzz！

>>June 24, 2005 at 1:13:58 AM GMT+8

2005 年 6 月 22 日 星期三 【雨】

超開心呀！轉工總算係值得o既！啟勝果然係Number 1！

三個月，咁就三個月喇！過佐試用期，居然有人工加喎！

老實講，真係覺得自己o既表現唔係咁好囉，好似之前就死o係兩個女人手上喇！雖然總算pick up度呢度o既大部分reports，但係總係覺得自己做得唔夠好。

老細話同我bid加$300，但係老細o既老細Glory居然加夠$500，真係意外！居然有人工加！

老細好好，因為佢係一個容許人錯o既老細，畀機會我。佢話我肯畀時間同心機落份工度，見到我都肯承擔…不過我始終覺得自己o既表現好囉…唉…

我會努力o架喇！唔會有負我老細o既期望！

>>June 23, 2005 at 12:21:18 AM GMT+8

2005 年 6 月 21 日 星期二 【雨】

累呀…琴晚睇晒o的project o既materials，好多都冇乜用…唉…

今朝返工都唔係咁想起身，累累o地…返到去都係頹頹o地過一day…

放工返到去食完飯本來都想做，但係真係太累啦…十一點三就訓鬼佐…

死仔咖啡原來係康業做！新鴻基係好，不過康業就pk o的嗟！

>>June 23, 2005 at 12:15:20 AM GMT+8

2005 年 6 月 20 日 星期一 【雨】

今日返工，都ok啦…

班友就真係唔係路喇！臨放工前都未知康業定佐聽日係移交返L3後巷o既限期，一o的又話星期三，一o的又話星期四… @_@ 死得！後巷仲有好多雜物！

冇話，唯有親自帶隊，班齊人馬，CSA加清潔，總共八個人，o係放工之前搞掂。十幾廿塊木板、n咁多條木方、鐵支…等等等等…足足執佐成粒鐘！三個大垃圾筒先裝得裝得晒！

我o地都算唔話得啦，幫康業洗埋地添呀！周身汗，個個都成身濕晒！痴線！熱x死！

做完苦力請返班人飲o野，搞到成七點半先走…不過大家都執得好開心o丫！成班義氣仔女！

>>June 23, 2005 at 12:11:42 AM GMT+8

2005 年 6 月 19 日 星期日 【酷熱】

無聊地返工放工。

今日唔算忙，好多時間都落佐去下面幫手。

做起佐駐廁o的牌，仲有打好佐份保安會議紀錄。

訓前打好晒o的日記，同埋改好佐您份resume同cover letter…

>>June 20, 2005 at 1:02:57 AM GMT+8

2005 年 6 月 18 日 星期六 【雨】

星期六，訓到十一點起身，爽！

送佐您返工之後返公司拿返套制服，先知道其中一個CSA做埋下個禮拜就走，過o的蚊型公司做保安，守海富中心。祝佢好運啦，呢條友走佐對公司都有好處，但係再請唔到人就唔得佢死嗟…

之後返學，講BMO同DMC，好有用。o的groupmates講起個project，都真係死死o地，冇貨交喎…

放學返屋企抖抖，食完飯睇睇o下加菲貓訓著佐… @_@

>>June 20, 2005 at 12:13:54 AM GMT+8