2005 年 4 月 8 日 星期五 【酷熱】

今日未停過手呀，因為聽日放假嘛，好多o野都趕住今日起貨畀老細簽…

呢度o既特色，就係有好多好多份唔同o既reports要交，我估呢個亦係啟勝o既特色…都幾厭悶…唉…

食得咸魚抵得渴，受人錢財替人消災。

一氣過趕佐n咁多份reports，好多份都唔知做o黎有乜意義，但係大部分都可以抄返之前個月o個o的reports，因為個status都冇乜變。

夜晚以前個APO William返佐o黎，即時同呀Mi問佐佢好多o野，同埋將個清單上面我要做o既reports overall咁睇佐一次，明佐o的o野，但係好多o野都係要做到o個時先有問題o既…只可以簡單咁睇一次，到時有乜問題再問，但係都要搞到九點幾先走人… @_@

William話呢度o的reports好多都係重複又重複，好多copy and paste，只係個表達手法同埋交畀o個個人唔同，嗯…咁都幾煩喎！

食完個飯，再等埋您收工同您去食o野，之後返去訓…

《創世紀》好睇呀！葉榮添加油呀！唔可以衰畀大奸狗許文彪o架！

>>April 11, 2005 at 1:32:03 AM GMT+8

2005 年 4 月 7 日 星期四 【酷熱】

今人作死地熱佐好多… @_@

上晝其實都唔係做得太多o野，又要預備下晝去總所開會o既o野，再搞佐o的濕碎o野，影o下相咁…早佐去食飯，因為要兩點半到灣仔開會。

老細話只有呢個CCC Meeting先至會帶我去開，兩點三左右到，一直坐到五點半先完，真係坐到pat pat都爛！不過呢o的咁難得o既機會，真係o係MHV做多幾年都唔會有呀！正！

七、八個場，加埋leasing、promotion o既老細開會，講o下o的客人意見、可以改善o既地方、新發現之類。係有o的悶，但係都學到o的o野。但係o下o下開會要爆o的創新o野出o黎，真係咪話唔痛苦… @_@

下次會輪到由新翠做主席呀…

----------------------------------------------------------------------------------------------------------------------------

回覆郵差︰

您誤會佐我o既意思喇…因為呢度係中國人社會嘛，無端端o係人o地面前好似「 晒冷」咁講晒o的英文粗口出o黎，人o地會笑o架！

中國人地方，應該堅持講中文粗口！！！

>>April 7, 2005 at 11:40:52 PM GMT+8

2005 年 4 月 6 日 星期三 【微雨】

原來老細今日off喎，都幾死…

上晝改返佢睇完o個o的功課，佢o的字真係睇死人… @_@

下晝就開始研究o個o的個個月輪流要交o既功課…出事！有o的遲佐添！

總所唔多六點先叫我send份聽日開會o既o野畀佢o地…搞到七點先走得！點知又撞到有個呀婆頭暈，仲帶住個孫添…好在佢o係我o地疊更時間暈，如果唔係都冇咁多人去服待佢一個！又為佢開路又帶佢去廁所、又call白車、又搵佢o的屋企人o黎帶個細路走…搞到七點半先散場… @_@

欣欣今日學佐chaperon o既新o野喎，要畀心機喇！仲有，一個識英文粗口o既人係唔會成日將o的英文粗口放o係口邊o黎話畀人知佢識o架！

>>April 7, 2005 at 2:18:37 AM GMT+8

2005 年 4 月 5 日 星期二 【微雨】

放孖day，訓到下晝三點半先起身。

打返晒o的日記。

您今朝返十點喎，畀心機學o野喇，升唔升到officer都係睇呢舖o架喇！title升，人工升，要畀心機！

食完晚飯又訓…訓訓訓…

>>April 6, 2005 at 12:13:41 AM GMT+8

2005 年 4 月 4 日 星期一 【陰】

休息日。

訓醒出佐去旺角行，悶。中途會佐一會咖啡仔同Warren，之後拉埋咖啡仔去睇《見鬼10》同食「金太郎」。

港產片都真係幾垃圾，不睇也罷…好在戲飛平平o地。

>>April 5, 2005 at 5:35:46 PM GMT+8

2005 年 4 月 3 日 星期日 【微雨】

非常好，星期日要返工。今日office得我一個人，好處係可以自己一個靜靜o地做好多o野，唔好處係o的o野唔識冇人問…

今日地鐵封佐商場個出口，因為要控制去掃墓o既人潮。今日冇VIP到喎，平平安安。

做起佐一份IR、一張叫租戶唔好亂咁捐錢o既通告、一份用佐子公司幾多錢o既功課、一封畀水務處o既信、一封畀樓上大樓康業o既信…咁又一day…

您放假，落佐銅鑼灣，您「猜」輸佐，請食「魚一丁」，預祝您升職嘛！Yeah！o的刺身唔多得，但係個燒雞同埋烏東勁好味喎！下次要翻食先得。

之後去皇室堡佐睇戲，坐豪華位喎，勁舒服！睇佐套法文戲Un Long Dimanche de Fiancailles（英譯︰A Very Long Engagement，港譯︰《美麗緣未了》）。以為係o的浪漫愛情戲，可能會悶，點知原來係劇情加戰爭加感情加懸疑片！以第一次世界大戰為背景，亦包含佐好多好多元素，故事表達有輕鬆幽默o既一面，亦有感人一面，而且有《天使愛美麗》o既靚女Audrey Tautou做女主角，超好睇！十分滿分畀佢九分半！

估唔到女主角呢份竭而不捨o既精神，最終都令佢搵得返男主角！嗚…

>>April 5, 2005 at 5:38:18 PM GMT+8

2005 年 4 月 2 日 星期六 【陰】

上佐堂好垃圾o既堂…shit！

一點半上佐車，兩點七先落車，仲要行鬼咁遠先到統一中心上堂，痴線！今日架969真係慢到抽！鄉下地方幾時先可以改善o下？

呢堂好無聊，頭o個個鐘o係度聽佢o地o的人o係度sell CIH個會籍，千五蚊，都幾貴，仲要搵老闆做PER o既supervisor，都幾煩，係咪真係值呢？

完佐個會籍推介後，又到另一個人o係度講o野，好似吹水大會咁，講佐o的物管o既背景同埋大陸做物管o既o野，都幾無聊…計落一堂三百幾蚊，咁樣畀佢屈錢法，真係幾唔妥…

放佐學返一返公司，果然好多o野放佐落我in-tray，另外水牌仲未有人o黎整，真係唔多掂…

>>April 5, 2005 at 5:10:23 PM GMT+8

2005 年 4 月 1 日 星期五 【暴雨】

一返到去就要準備交舖…其實都係一個千載難得o既機會，因為我個場真係好旺，從來唔會有吉舖擺o係度，就算你見佢係吉o既，都只係過渡性質，但係都收緊佢租o架喇！

今日都幾忙o下…忙完交舖都差唔多十一點喇，再做埋晒o的濕碎o野…仲有rates呀…救命！

琴日放佐一日假，今日個in-tray已經放滿晒o野…痴線…一日嗟，唔駛咁呀嘛…果然係一腳踢公司…聽日又放假添，好得人驚呀…之前o個份英文IR又畀老細改到鬼五馬六…嗯…我真係要improve o下先得。

個水牌出佐事啦！明明應承佐聽日o黎做，今日做佐但係又做到鬼咁馬虎，條邊飛起晒，點收貨呀？！頂！聽日又放假，點死？最怕係星期日同下個禮拜二清明有VIP到咋…

放工返屋企食飯，hea佐陣，出去陪您食o野睇Son of the Mask（港譯︰《變相怪B》），都幾不知所謂，笑又唔係特別好笑，橋段又冇乜大突破…不過呢類型o既戲都預佐o架喇！

睇完入天水圍訓。Yeah！我o地儲第三本英超貼紙簿喇！

>>April 5, 2005 at 4:53:35 PM GMT+8

2005 年 3 月 31 日 星期四 【暴雨】

休息日，成個三月放第五日假…辛苦…

回顧三月咁辛苦，都係因為想搏份好工，賺多o的錢，尋找前途。返佐十四日新工，發覺真係ok，外面o既世界果然大，新鴻基點都係大公司，雖然天下烏雅一樣黑，但係總有o的係黑得比較靚o既。

起身，送佐您返工，之後返屋企玩FM。放假生活，就如此休閒、無聊。

>>April 5, 2005 at 4:35:52 PM GMT+8

2005 年 3 月 30 日 星期三 【暴雨】

好o野！老細終於回歸喇！

其實下面班同事有幾個一早就有心病o架喇，今朝有個仲特登上o黎搵老細傾偈，唉…又何苦呢？！

Rates o黎佐喇…完全唔知點做呀，只係知o係電腦度有個表，要做一個表，但係最緊要係交佐錢先，如果遲佐要罰5%附加費，到時年尾o的bonus一定會扣！

下晝返屋企食飯，遇著有線o黎整o野。今次真係幾好，琴日打上去罵叉，今日就有人上o黎換o野，真係唔錯，服務有改善？！

放工即趕去City上堂。今日係註冊，超無聊！原來所有堂都係o係金鐘上，好在唔係o係九龍塘上，如果唔係18:30開波，就實會趕死！

成個course分4科，每科都有大約30%係做功課，部分仲係分組。非常之唔想同Ivan、Trevor一組，但係我估都幾難唔係喇…shit…

班同學好多都好嘈，上堂氣氛都好一般…希望係因為第一堂briefing o既關係啦…真係乜人都有，有老有~漶A真係諗唔到佢係用乜理據去收人。

九點幾完事，同Trevor去旺角買相機，佢話要o係今日碌卡，先換到張卡個禮物喎…真係頂佢不順囉！仲要分開兩張卡o黎碌，真係咁o既人都有o既…但係百老匯又受喎！吹脹哩！幾時都話，畀肥仔算過o既o野，真係會寸草不生… @_@

同佢食完大家食，再入機場接您收工，再搭返車出去食點心皇，食完返屋企訓…cc…

>>April 5, 2005 at 5:15:12 PM GMT+8