2005 年 3 月 29 日 星期二 【暴雨】

一返工冇耐就出事。

話說柴灣地鐵站上蓋物業新翠花園樓下o個三層商場，只要底下兩層係屬於新鴻基o既物業，最頂o個層，係賣佐畀新光酒樓（好似話新鴻基老闆同新光老闆好熟），最近又o岩o岩轉佐手畀一間叫做「人人」o既公司，商場拆細佐o黎租，但係仍然有一間酒樓o係度。由於業權不同，管理上有一定困難。

呢間酒樓原來一早已經臭名遠播，今次中招o既係「數碼通」…天花漏水呀！仲要搞到人o地個飾櫃濕晒，好在冇整濕o的電話，如果唔係實賠到pk！

維修部話係酒樓部水機水滿，漏水落地，再滲入地台，再由天花漏落人o地舖度…有冇咁pk呀？！又係冇做放漏膜之過…本來話好酒樓幫數碼通油返個天花就算，後尾數碼通又賴皮，但係數碼通過幾日都大裝修啦（因為佢已經租埋隔o黎個舖位喇！），擺明想屈錢！

晚間同您去佐Todai食自助餐！呢間o野都幾好食o丫，o的刺身同海鮮都幾新鮮！您就係咁食梳夫利同埋蟹腳，我就係咁食佢o的雪糕。您話我食o的o野唔可以補返條數，我就話好味同食得開心就乜都夠，唔係計價錢o既！

呢度o的職員都好好，有個廚師叫個貌似未開發，個樣非常餓o既女人唔好將o的生o既同熟o既食物放埋同一隻碟，怕會交叉感染，但係個女人居然話︰「我自己放埋一齊係咪都唔得？！」嘩！咁o既人都有，果然係未開發！

食完送您走，您話我唔陪多您一陣就送您走，唔開心。但係我聽朝要返工喎…幫幫手o丫…

>>April 5, 2005 at 1:08:27 AM GMT+8

2005 年 3 月 28 日 星期一 【微冷】

欣欣生日快樂！

過埋今日就正式完佐偉邦份合約！正式同呢間x人公司脫離關係！

四日復活節假期o既最後一日，由於老細去佐遊埠，公司依然係由我把守最後一關。

雖然有o野要做，但係人人都放晒假，冇人問，唯有放低o的o野遲o的做。做緊一o的老細放假前吩咐o既o野，又係文件啦，當功課做。而家有部固定o既電腦，雖然仲係行緊Windows 98，而且仲要用Richwin打中文，但係總好過要同人share。

好難明，假日返朝12晚8，八個鐘頭咪即係冇食飯時間？！奇怪。

由於回南天o既關係，商場冷氣發生多宗漏水事件，搞到要左撲右撲…真係未見過o的商場天花漏水漏得咁犀利，仲要同一個位一日之內漏四次，四次都好似落雨咁…痴線！維修部呀Man姐話係部fan coil o既水盤滿佐，而o的去水喉又污糟，所以生晒「散」，塞住條去水喉，所以先係會漏…慘喇，有排搞…一到春天就四圍漏水…佢o地話琴晚仲要搞到有個人pk，話要告我o地喎…不過佢冇報警，冇去醫院，冇備案，告得入先出奇啦！

放佐工就返屋企食飯，食完飯就訓喇，好累…sorry，您放假都唔可以出去陪您，因為聽朝返9點呀… @_@ 要半追更…

無驚無險，成個復活節假期都冇VIP o黎我o地個場睇，真好！

-----------------------------------------------------------------------------------------------------------------------------

大名： 欣欣
電郵： [email protected]
說： 您估�我o既生日願望係咩﹖ 梗係要您對我…好到爆啦﹗
示示…
>>2005年04月01日 03:24:58

>>April 13, 2005 at 3:09:35 AM GMT+8

2005 年 3 月 27 日 星期日 【微冷】

今日又有個叫Vincent o既人落o黎幫手，條友畀我o既感覺係好射波o既人，唔多o岩傾，問佐佢一o的關於大老細o既性格o既問題，佢話條友脾氣怪，而且係唔係想出位o個o的人，係「不求有功，但求冇過」o既人（唔似喎…），不過佢同Simon都做佐五年喇，多多少少意見都值得參考，之後就留佢o係office度玩o下電腦算。

Vincent話唔好做Sino，因為呢間公司係「總所集權」，就算係site IC都冇權話事，做樣樣o野都好多制爪…嗯…我會記住o架喇。不過啟勝已經係香港本地人開o既最頂級物業管理公司啦，除非係去置地、怡和、太古等等o既外個人公司，否則我都唔會主動話走。

落佐CCC，都唔理得佢咁多。突然間優之良品裡面有兩個女人鬧交，之後仲要差佬幫手。撥婦罵街，低能。

放工拿佐個蛋糕入機場畀您，開心哩！三磅o既蛋糕夠晒派頭哩！

食佐個麥樂雞就返屋企，返到去都十二點半… @_@ 好耐冇返過屋企添…累…

計過條數，四、五、六月頭都要各找三千幾蚊卡數，作死…搞乜？！仲要還返五千蚊畀媽媽… @_@

>>March 28, 2005 at 2:21:56 AM GMT+8

2005 年 3 月 26 日 星期六 【微冷】

今日老細（manager）o既老細（area manager）o係科匯派佐個人落o黎幫手，叫做Simon，幾好人。

今日都叫做早過佢少少返到，一返到佢就向佢取經，問o下佢咩係KPI啦，原來呢個計分方法仲未係全部新鴻基o既盤都有用o架，但係呢個計分program都幾好，總所可以monitor o的sites好o的，同埋乜都數據化點都有條理o的。雖然係一個好多o野做同好煩o既program，但係都算係一個好o野。

問完KPI再問佢o的每個月都要交o既reports。真係好多好多，但係我估係要時間上手o既嗟，我做得到。

下晝大部分時間都o係CCC幫手，因為實在太忙喇，而我o地o既人手又少（唔係不足，而係o岩o岩夠…），好快又過一day。

派棉花糖個人居然拿來收錢賣，仲要呃細路八蚊一枝，真係盜亦冇道。

放工飛落旺角，點知您仲遲過我… @_@ 搞到我一路等一路食佐成三十蚊街邊o野…跟住同您行街買o野，您又o黎一次大出血…之後食味千，好難食。

>>April 5, 2005 at 1:12:52 AM GMT+8

2005 年 3 月 25 日 星期五 【微冷】

又要開始連返六日先有假放… @_@

今日遲佐少少出門口，返12都幾乎遲到…呼…

一返到去就見到份o野，原來啟勝有得揀MPF或者公積金，真神奇！

冇乜office o既o野做，大部分時間走佐落去到CCC (Customer Care Center)幫手，派波、換遊戲券、棉花糖券等等，相當無聊。

放工訂佐個三磅o既加菲貓蛋糕畀您…ccc…再返屋企食飯，食完飯又係去「靚靚車仔麵」集合，之後又去佐睇戲（一個禮拜睇三套… @_@），睇《哈爾移動城堡》(Howl's Moving Castle)，完全唔知套戲想講乜…宮崎駿o的公仔都係咁嗟…故仔好一般…悶死…您仲睇睇o下去佐嘔添… @_@ 您又病喇…

----------------------------------------------------------------------------------------------------------------------------

大名： superman
電郵： [email protected]
說： "教精你" 我真係唔知點教你
好耐冇睇你d日記...估唔到獲獲新鮮,以後真係唔追唔得.你呢排又同咩小人一齊呀,條友果三句真言確實抵死.
>>2004年09月20日 17:21:25

大名： superman
電郵： [email protected]
說： ~~~~重新振作~~~~

>>2004年04月17日 02:02:34

大名： superman
電郵： [email protected]
說： 我唔覺得你交友相處有問題o咼,
個個人性格都唔同, 冇得同人比.
好似我咁,我知道好多人唔like我,咁又點? happy既咪做friend囉,唔鍾意就各自各啦,唔駛理人點睇,亦都唔駛咁down.
till,我都唔能鐘意同人懶friend ga,
唔like 就唔like,吹咩,哈哈
放心,我地大把朋友~~~

>>2003年04月27日 03:15:14

>>November 10, 2005 at 11:02:12 PM GMT+8

2005 年 3 月 24 日 星期四 【微雨】

終於放假！但係唔知點解變得超充實… @_@

訓得幾粒鐘，就要送您去返工，真係有o的唔捨得。不過世事又豈有十全十美？您做真係唔駛做有錢駛咩…

返佐屋企一陣，就落上環偉邦總所，拎個保安員證去「chop」離職印，遲o下畀返新公司再「chop」返個印先。

完佐呢單o野之後，再幫您拎部MP3機去銅鑼灣整，因為唔知佢壞乜。原來佢個driver唔update，個JNC CS話如果下次有咁o既情況，就再裝過個driver然之後再上網update做最新o個個。so easy！以後您自己可以搞掂喇，咁咪唔駛幾日冇歌聽囉！不過部機o的歌已經洗晒，變晒做我o的英文歌…ccc…foolish game係其中一首特別鐘意o既，因為首歌講緊我，記住聽。

再之後就去佐剪頭髮，想剪成個月都有喇，但係根本冇時間！ @_@

剪完返佐屋企，hea一陣，再出去灣仔同超人食飯，兩個月冇見，交流o下o的生活。真係大家都咁忙呀！十點九就返到屋企。抖o下…打o下日記。

Football Manager 2005好好玩，但係點先可以減少失波？！

愉快o的一天。

>>March 25, 2005 at 9:06:58 PM GMT+8

2005 年 3 月 23 日 星期三 【綿綿細雨】

工作都幾順利…更開心o既係返埋今日工，就可以放連續返14日後o既第一日假。感動！

編埋我同老細個更表，四月我有十日假…痴線！不過有一個禮拜六我唔可以去上堂，因為要返工。

今日第一次同之前o既APO William傾電話，佢都幾nice喎…聽講話佢搵到份好工先走，遲o的真係要問o下佢有乜好路數。

City未過我數，今日打去問，好在佢都收到我張票。我再問佢註冊o個日可唔可以遲少少到，因為要返工。又得喎！所以話呢個世界好死o既嗟，畀得起錢就係客，客就多數都大晒o既！

放工又係返屋企食飯。而家又唔駛車錢，食飯錢又大部份都慳返，真係好，淨袋九千五一個月，要儲錢。

晚間出佐去睇Kinsey（港譯︰《引人入性》），雖然有o的悶，但係都算係一套幾好o既片。套戲再一次證明大多數人認為係o既o野就叫正常，少數人o既諗法就叫其他，正常永遠都唔識得尊重其他。唉…世界…

你又願唔願意唔跟主流思想去走？活出真我？！

今晚玩得好開心喎！過癮死未？！

>>March 25, 2005 at 12:26:48 AM GMT+8

2005 年 3 月 22 日 星期二 【微冷】

KPI o係老細及呀Mi o既支援完成佐喇！但係工作係不斷o既。

下晝老細突然請食飯，冇得推，結果同唔到您食飯，激嬲佐老佛爺… @_@

原來之前坐我個位o既APO William，係住o係港灣o架！你話邪唔邪？！！！仲有，其中一個同事之前去過港灣interview CS o架，但係冇請… @_@ 我覺得佢做得幾好o丫，可能係o個時仲係由YM請人啦，太過正常o既人YM係唔會請o既。

居然o係新翠撞到梁智聰，佢而家o係馬拉松做sales喎！

所以話︰呢個世界真係細…

>>March 25, 2005 at 12:06:37 AM GMT+8

2005 年 3 月 21 日 星期一 【微冷】

又星期一喇！不經不覺已經連續返佐12日工，但係都唔算太累喎…

一開工第一件事就係畀老細話冇做乜睇場唔落簿，o係側邊簽個名唔夠，要落埋簿寫一行先得。嗯…明白。

工作上終於有些少明朗化！全靠老細肯教我同埋個clerk呀Mi幫我手！同事們，多謝你o地o既support！呢度個clerk，即係港灣o既PA。一個clerk已經可以做到好多文件o野，深深感到港灣真係好浪費人力資源。啟勝即係啟勝，大公司即係大公司，有制度好多！

放工返屋企食飯，食完飯再出去，同您去佐睇Lemony Snicket's a Series of Unfortunate Events（港譯︰《尼蒙利斯連還不幸事件》）。都幾好睇喎，套戲個女主角Emily Browning又好靚女，個BB女又cute喎！奧斯卡最佳化妝，果然係掂。場景都OK，呢o的懸疑、查案片我就最鐘意睇o架喇！掂！

>>March 28, 2005 at 2:58:28 AM GMT+8

2005 年 3 月 20 日 星期日 【微冷】

老細放假，呆呆o地咁又一day。

今日其實唔係好開心，因為個KPI仲係冇乜頭緒，老細留o個個message話︰late = no score = dead… @_@!!

出佐事！巡商場o個時撞到Esther同埋Queenie添！@_@ Esther個男朋友真係好惡頂…諗起都訓唔著，所以唔o係度形容喇…兩個字講晒︰「作嘔」。

今日終於可以見到o的夜班…o的人都幾得意o架喎…哈！briefing同成班人講，叫佢o地記得睇住細佬… @_@

編更真係好煩…順得哥情失嫂意…呢個又話上堂、o個個又話帶camp、呀邊個又要去上公司training、又早更轉夜更、清明要多o的人手、放大假…

晚間仲死佐去同咖啡、Man Lai、Man So打牌，輸佐o的錢…唉…八圈打佐幾個鐘咋，都未止到渴…

----------------------------------------------------------------------------------------------------------------------------

大名： 十三
電郵： [email protected]
說： 哇哈哈~~

4) 做佐九個月，仲係成日串錯我個姓「LEI」，半分尊重都冇！

您想笑死我咩﹗低能仔﹗
>>2005年01月29日 02:34:22

說： 豈能盡如人意~~
>>2005年01月21日 03:20:53

說： destiny !

>>2004年12月31日 11:24:15

說： 同您去台灣反得好開心，下次去邊好呢？
>>2004年12月22日 04:30:52

說： 去台灣，去台灣，yeah~~
>>2004年12月12日 12:40:07

說： SORRY!明知您病，仲激嬲您﹗您唔好食煙喇﹗休息多o的啦﹗
>>2004年11月23日 05:45:10

說： 我都有諗過同您去台灣反，不過唔記得問您喎﹗台灣好似有落地簽證喎﹗baby﹗
>>2004年11月21日 11:16:33

說： 您個死仔，又食哂o的可樂糖~~下次買返一大袋俾我~~

我愛您~~
>>2004年11月13日 03:42:19

說： 嘩﹗您咁都得﹗鬼叫我同您o既性格一樣咩，大家都係咁燥底，您話點算，咪大家就就囉，無計﹗

「我們要寬恕人，正如主耶蘇寬恕我們的罪一樣。」

疼愛我吧﹗
>>2004年10月22日 10:49:34

說： 你講你愛我　講我知你愛我
話佢聽你愛我　等佢知道佢錯
我知你愛我　講我知你愛我
話佢聽你愛我　當佢面抱下我

好愛您﹗

>>2004年09月25日 03:05:09

說： 好耐冇o係度留言，好掛住您，由24號起我就要返工，見面時間小o左，陪唔到您，好唔開心。突然諗起一齊做o野o個段日子係最開心，日日都見，但而家要分開做o野，好唔捨得。我知您會支持我，我都要努力。
有品味的您，愛上我，真的是奇蹟。
有機會要般出o黎住，讓我每天都能抱著您睡。
我愛您﹗我愛您﹗我愛您﹗我愛您﹗我愛您﹗
>>2004年08月24日 04:29:51

說： 傻佬~~聽哂您話啦~~心情好o左好多，舒服o左，心情都靚o的，多謝您講o個句，笑罵由人，成個人鬆哂~~~愛死您啦~~~至威您喇~~啜~~
>>2004年08月05日 08:03:50

說： sorry!!!!下次唔會!!!
>>2004年07月02日 15:53:24

說： 唔好再諗before既野la....愈諗愈煩....不過您唔開心可以打十三hotline...24hs....
ps:發脾氣講o既說話點可以當真嫁!!
>>2004年06月12日 04:09:46

說： 我愛上一個有女人的男人...而我是有男人的...但我與這個不忠的男人戀上了....
>>2004年05月11日 16:42:38

說： 記唔記得我同您講過:「我係唔會俾錫我既人受到傷害。」我十三妹冇呃過您，讓我為您緊守這個不是謊言的諾言。請讓我在您生命中悄悄的走過。
>>2004年05月11日 16:18:51

說： Enjoy all the things we have , so nothing will be bad
>>2004年05月07日 02:41:03

說： 飲左好多酒.......嘔到出血...未死得...好彩有人同我去醫院...唔會再飲....唔係好想俾人火...愛自己..>.<
>>2004年05月07日 02:08:52

說： 心情唔係咁好~~~
唔知點好.....想死....
我們都是活在謊言的world...
愛......是煩的東西.....

>>2004年04月29日 04:14:45

>>November 10, 2005 at 11:01:31 PM GMT+8