2005 年 4 月 18 日 星期一 【晴】

個靚仔一去冇回頭，激死！

話說我o地o個度逢星期一、三、五都要送文件出去，一係去柯達，一係就去灣仔總所。上個禮拜，送開文件個靚仔去佐兩個半鐘，我已經話佐佢o架喇，今日以為佢會好o的，因為見佢上晝送文件都好快返，點知佢下晝居然又去佐兩個幾鐘，真係激死我！仲要死佐去陪女都夠膽死…唉…佢梗係唔想過試用期…

老細捉住我講琴日o的人o係CCC嘈交件事，呀英姐都得o架喇，乜都走去直接同老細講一餐，當我冇到咁…好在老細都明白我諗乜，因為我覺得呢單o野我handle到嘛，咪唔同佢講住先囉…呀姐、同事仔，拜托你o地唔好搞事啦… @_@

>>April 25, 2005 at 7:30:17 PM GMT+8

2005 年 4 月 17 日 星期日 【微雨】

星期日，本來係放假，但係老細琴日先同我講，話今日要去公司o既大型分享會，無端端要參加咩分享會…搞到冇佐半日假！燥底！

六點半起身，因為約佐個同事食早餐，吹吹水咁。八點三已經到佐Poly喇，等埋老細同埋齊晒人，先至八點九個字，排隊入去又三個字，真係誇，好多人呀！

一如所料都係o的自己讚自己o既活動，分享o下o的威水史咁…不過都叫做有o的得著，因為可以認o下公司o的大粒佬，到時o黎踩場都冇咁驚。

下晝落佐婆婆度，其實係搵舅父搞份醫療保，傾完之後再一齊食飯。

食完飯自己落佐太古城，想買本organizer，因為而家返工太多o野記，真係記都記唔晒，唔mark低真係大把轆可以甩… @_@ 不過睇唔o岩o丫，有本agnes' b都幾靚，但係成千蚊又好似唔多值…嗯…太古城都冇乜o野好睇…白行一趟。

>>April 25, 2005 at 12:15:39 AM GMT+8

2005 年 4 月 16 日 星期六 【微雨】

呢期玩星期六唔駛返工，但係老細話佢都唔可以成日放星期日，所以焗住我今日要返工…返工，即係返全日，即係冇得去上堂，即係冇佐三百幾蚊。

星期六返全日，好過星期日返全日，因為星期日會畀佢呃佐一個鐘食飯時間。不過返星期日又可以返十二點喎…所以我都係鐘意返星期日多o的！

今期諗緊條巡邏新路線…煩…而家分佐六條線，都唔明點解要咁分，o的線都冇乜話包含佐o的咩特別別功能，所以我決定要將o的線由六條減到做三條，淨返o的鐘位可以放o係其他有需要o既地方，唔好o徒。

諗到頭都爆… @_@

今日有條靚仔o係我面前發佢上司脾四，真係離晒譜！我知個個人都唔鐘意呀英姐（行動組，即保安加CS），但係我覺得英姐都係為佐大家好，所以先嚴的，要求高o的嗟。不過佢o既表達手法有時又確係唔係幾好，係有難頂。不過試問又點會咁好彩次次做o野都遇到好o既上司o丫！大家一家人，嘈來嘈去為乜？

即時捉住個靚仔傾偈，希望佢做返好o的。

放佐工同傻輝食飯，得我同佢食咋！其他人都約唔到，所以話旨意佢約人就真係死梗！

佢就真係傻人有傻福喇！不知不覺間已經買佐樓，仲要百一萬買而家已經升到百六萬，賬面升佐成五十個巴仙！而家仲話結婚添，真係變態o架！所以話佢，雖然唔算係成功o個隻，但係又唔叫做失敗喎！

或者，做人簡單o的係一件好事…

>>April 25, 2005 at 12:08:05 AM GMT+8

2005 年 4 月 15 日 星期五 【微雨】

總有o的o野做，但今日唔算多。

下晝老細又去佐開會。我就做o下o的濕碎o野。其實，做物業管理o既工作係咪真係咁碎o既呢？

準時放工。

今日係游閒日。

>>April 24, 2005 at 11:56:29 PM GMT+8

2005 年 4 月 14 日 星期四 【微雨】

休息日。

唔係訓就係食，唔知點解作死咁累…

個死人鼻好唔爭氣，要狂食抗敏葯先搞得佢掂…

葉榮添加油！ccc…

>>April 15, 2005 at 6:42:28 PM GMT+8

2005 年 4 月 13 日 星期三 【暴雨】

生日呀！又要返工又要返學…

因為聽日放假，所以出畀康業o的信一定要今日搞掂先得。

忙佐大半日，今日搞o的rates o既bulk change，其實都唔多知做緊乜o架，不過都要試o下o架喇…入佐o的data，仲有好多問題。

下晝開保安會議，都幾多o野要跟添喎…臨收工搞埋個廁所駐廁清潔工名牌（好似咖啡仔以前o係MHV整名牌一樣咁戇x…），搞到上堂遲佐三個字…

又係廢人教，英文又差，o的powerpoint又長，o的字又細，o的present手法又差，悶死，全程照住個ppt講，本來今日對個topic procurement有好多期望…結果…唉…又冇佐三百幾蚊…

上完堂就可以見您喇！今日雖然係我生日，但係又唔駛特登買禮物畀我o既！您都成日買o野畀我啦！講心o既，唔係講物質。

>>April 15, 2005 at 2:21:14 AM GMT+8

2005 年 4 月 12 日 星期二 【陰】

唔可以想像MHV座頭有電腦但冇mouse、keyboard用呢種有得睇冇得食o既日子係點樣過o既…

今日個林先生又嘈…畀老細話我做乜唔主動直接聯絡上面康業個經理…

都幾多o野做呀…做o下o的甩漏o既reports呀，draft o下信呀咁…少少煩啦…成日都冇停過呢…不過我鐘意咁樣o既返工生活，最怕就係冇o野好做或者唔知有乜可以做。

>>April 15, 2005 at 2:12:44 AM GMT+8

2005 年 4 月 11 日 星期一 【酷熱】

希望今日會過得好o的…老細放假呀！

林先生又嘈喇…佢個天花繼續滴水…低能！樓上康業完全唔理…頂！影佐o的相，睇o下老細聽日點睇…

另一方面，新裝修間舖又搞到個小商場污煙漳氣…o的圍板又唔合格，又擋住我o地道消防閘…總之就煩，仲要我幫佢寫信畀康業…

放佐工好累…食完飯就訓，電視都冇睇…zzz…

>>April 15, 2005 at 2:09:49 AM GMT+8

2005 年 4 月 10 日 星期日 【酷熱】

事件燥底指數︰40%【中等】

又試一開工就出事…

話說我個場地下（即L1）同樓上（即L3）中間夾住大樓「新翠花園」o既車場（即L2），一返工就無端端有個舖位o既負責人林先生打o黎，話佢間舖天花滲水，係咁o係個電話度罵叉…

大佬呀，我o岩o岩返咋，真係x知咩事咩…畀佢發洩完先再跟，原來又係天氣弄人。因為今日好潮濕呀，搞到車場天花o的喉起晒倒汗水（正常到不得了o既事… @_@），o的水多到滴落地，又好衰唔衰由車場個地台滲落L1 o個個舖o既天花…唉…真係拿來搞…

睇返之前出過o既信，發現呢個現象都有幾年（可能係好多好多年），但係樓上大樓間管理公司康業又唔理，仲唔覆我o地添，今次真係玩死…等我又再出封信畀佢o地先…

----------------------------------------------------------------------------------------------------------------------------

因為老細星期二要開leasing會，所以今日係咁搞o的turnover同埋leasing o既文件，發現有好多錯處同埋唔明點解條數要咁計o既地方，不過唔理喇，做佐先算…

臨收工再搞埋個card reader，原來個usb頭壞o既，唔怪得之今日一返去整o個時整極都整唔到啦！燥底！

返到屋企門口，先記得原來老細聽日放假，等我仲以為聽日可以親手交o的reports畀佢，順手問佢o野。唯有又再仆返公司，send佐o的files畀佢先再返屋企食飯…真係慘…

今日真係…唉…

----------------------------------------------------------------------------------------------------------------------------

大名： postman
電郵： [email protected]
說： btw,我係邊bs係我既事,況且係日記入邊
你點解要管?
你係邊位?
唔想睇到就咪去,一早同你講左
你既廢話早就唔想聽,點解唔識趣d?
中國人?你係中國人咩?
算把啦你
你想要既俾埋你,我乜都唔要
>>2005年04月08日 06:04:02

說： "此網頁為個人意見網頁。"??????????
>>2005年04月08日 06:01:14

說： 邊個係中國人地方講英文粗口?
>>2005年04月08日 05:03:39

說： 你成日講中文粗口係咪因為要表現俾人睇你識中文粗口?
>>2005年04月07日 19:43:12

說： dudududududu u!
>>2005年04月04日 20:54:10

說： 乎粕未灰穿明刃杯者尹木少岶長昹帑颯畈各付宙汙帕丁耳棋久刃末烘大妥屠坪妁主巳孚場坑銖几干齊場帛好煨坑刀當糶鍊囫灼罪垠烘竹針埥寸六土付妙仔
>>2005年04月03日 05:38:05

說： 條數唔岩喎......
新個度應該係+0 traveling
>>2005年03月09日 20:36:10

說： congrats man
>>2005年03月06日 04:40:23

說： 春花秋月何時了
往事知多少
小樓昨夜又東風
故國不堪回首月明中
雕闌玉砌應猶在
只是朱顏改
問君能有許多愁
恰似一江春水向東流
>>2005年02月27日 14:15:35

說： 偷情男女......dududu
>>2005年02月25日 04:22:13

說： 郵差叔叔送信純熟迅速送出
>>2005年02月21日 05:16:11

>>November 10, 2005 at 11:07:20 PM GMT+8

2005 年 4 月 9 日 星期六 【酷熱】

放假，訓到十二點九，今日又要上堂。

又上佐堂幾悶o既課，發覺o的speakers真係鐘意講乜都得，不過今堂都算好，起碼都講佐「經理人」（即係物業管理公司）o係呢行上面扮演乜角色。

交佐千五蚊報CIH會席，肉赤死…

放佐學就落佐灣仔298，幫公司買card reader，作為商場o既「增值服務」，其實之前都已經有o架喇，不過壞佐之嘛…上次開CCC Meeting老細仲吹我o地用緊添…真係…老細果然係老細。

之後再去埋銅鑼灣商務買佐本講物業管理o既書，成七十蚊，希望有用（不過都唔係好多時間睇…）。

>>April 11, 2005 at 1:29:04 AM GMT+8