2005 年 10 月 25 日 星期二 【晴】

今日唔係好開心，尤其係下晝。唔開心並唔係因為畀人投訴，而係因為畀人屈。老細叫我唔好花咁多心力o係上面，上面越衰就越好。

413個死八婆，好聲好氣同佢講o野，佢就屈x我，話我恐嚇佢︰「你唔好同我玩o野！」事實上我只係講佐句︰「請你同我合作。」佢同老細講話佢老公做律師喎，可以告我。我心諗，如果你老公做律師，你都唔駛o係度做啦！唔通佢老公好似謝偉俊o個o的律師咁，收一百蚊同人搞離婚，蝕晒本要佢出o黎幫補家計？！

真係嬲嬲o地…

----------------------------------------------------------------------------------------------------------------------------

欣欣今日出院喇，叫做了佐我同BB之間o既一件心事，希望佢之後真係生生性性咁做人，唔好飲酒，咁就還得神落喇。

>>October 26, 2005 at 1:48:25 AM GMT+8

2005 年 10 月 24 日 星期一 【晴】

驚喜

BB琴日好曳，講大話，呃我話未放工，但係又失驚無神o係新翠出現… @_@

星期日收八點，BB六點幾就過佐o黎，當時我o係Control Room偷懶同佢講電話，一出o黎就見到BB…呆佐…o個種感覺好奇怪，係驚奇加開心加尷尬。我估唔到BB企佐成日咁累，仲會特登走入o黎柴灣見我。我從來冇要求過，一來我唔忍心，二來我覺得BB係一個愛得好理智o既人，應該唔會咁做呱…

或者係我諗得太多喇，愛情呢樣o野好多時都唔可以咁理智去諗。

我雖然懶，但係難得BB想吹吹風，唔怕腳仔累，慢慢行返屋企，我梗係奉陪到底啦。

拖著BB一步一步走，一面走一面細語。涼風陣陣，路上的人很少，令人倍感浪漫。心情大好。

今日BB唔開心，好down，我唔明佢點解會突然間咁失落，身為男友o既我，真係失敗。見今日老細放假，o的o野做得七七八八，夠鐘就準備閃人，買佐盒朱古力畀BB，諗住畀返個驚喜BB。

我抄佐佢條橋，呃返佢話未收工，其實已經搭緊車去佢樓下等佢喇！嚇o下我個曳BB都好！

BB落車時見唔到我，但係我o係個最佳位置等佢發現。睇到BB笑返，心裡都鬆一口氣。我知道，o係佢失落o既時候，佢需要我。

呢o的咁o既傻事，會存在o係一對情侶之間幾耐呢？

>>October 25, 2005 at 7:02:14 PM GMT+8

2005 年 10 月 23 日 星期日 【酷熱】

拍拖前後總會令人有些改變，是好是壞，不用向人交代，反正已成為屬於自己的東西。

第一個她︰用情不專

不是要把自身的責任推得一乾二淨，或許自己是個濫情的人，但能令我弄到今天的境況，她對我總有著很大的影響。那時我是一張白紙，任由她在上面塗雅。她是老手，鬼主意特別多。當天她周旋在我和他之間，她真的覺得很快樂嗎？她想找男人來填補家中的不足嗎？在我而言，多角戀是不快樂的。

第二個她︰忿世嫉俗

只和她拍拖一段很短的時間，但那時的她家住順安，上學則在秀茂坪，和一班朋友是區內典型的滋事分子。發生在她身上的可怕經歷，讓我看到世界是悲傷的，人性是醜惡的，男人是異常賤格的。她的事太可怕，要不是當天家人強烈反對我們的來往，今天的我或許更可怕…

第三個她︰愛家人的心

她是一個很愛家的人，在家中是大家姐，照顧著三個弟妹，為家人作出了最大的犧牲。那天，她媽媽出走了，她不斷在街上找她，她為媽媽哭了多少次，我也不知道。是她的心，溶化了我對家人的怨恨，明白當時要我離開第二個她，是有苦衷的。爸爸媽媽妹妹，一個都不能少！

第四個她︰忍耐

我是個沒有耐性的人，但如果沒有她，今天的我，會是一個更加沒有耐性的人。當年她對我真的很真心，我也曾經深深地愛著她。當天我不明白為何她總是無時無刻都想見到我，總是每時每刻都要聽到我的聲音，而我一直都為這樣的日子心煩。

及後我明白，原來她愛我愛得很深，比她之前的很多個深得多，比我想像中深得多。我明白，原來一個女人愛上一個男人，真的想廿四小時也和他一起。但我又是個多麼需要獨處時間的一個人，現在雖然還是做得不夠好，但我沒有忘記忍耐（卻總有失控的時候，唯有盡量努力）。因為我知道，女人愛一個男人，是這樣表達的。

第五個她︰長痛不如短痛

作為一個失敗的感情騙子，她讓我明白，當感情變質後，不要再拖泥帶水，讓對方忍受更長更多的痛苦。在四角關係變為三角後，她是那個選擇退出的人，她先放手。她為了我的快樂，成全了我和她。如果沒有情變這回事，她會很快樂。但我明白若果日後出現了情變，必定要親手作出選擇，不要拖拖拉拉，害己害人。

第六個她︰對情人的讚美

情人是自己選擇的，是不可反悔的。甜言蜜語，每個情人都愛聽，但不是每個人都愛說。自己總再犯上錯誤，被她狠批不愛說情話，不懂欣賞她，不曾由她的角度去看她的生活，只顧批評她的不是。

是的，我錯了。其實世上並沒有一樣東西是完美的，我亦不會因我的自大性格而變為無械可擊。原來「退一步海闊天空」，對別人是不應太苛刻，尤其是對自己的情人。包容的心去了哪裡？說些令人開心，討人歡喜的說話，其實很容易！為何明明想讚美她，卻又收藏在心中？沒有此需要罷！

只說出令人受傷的說話，是不會增加自己的快樂，卻會令兩個人之間的關係變壞，辛苦找回來的枕邊人，能這樣對待她嗎？

>>October 24, 2005 at 2:42:28 AM GMT+8

2005 年 10 月 22 日 星期六 【晴】

一對情人分手，雙方關係結束，留下來的，只有從舊情人身上遺留下來的習慣。

第一個她︰吻

我在初戀情人身上學到濕吻，她是高手，我是新丁。我從來也不覺得自己是甚麼接吻高手，一向亦沒有詢問情人我的接吻技巧如何及有何不足需改善的地方。最近，居然有人提到我很懂得吻。不是嘛…我的吻很「猴急」的呢，只是遺傳了初戀情人的吻罷，是她教我如何吻的，使我也愛上了吻的感覺。

第二個她︰抽煙

這確是個壞習慣，是她教曉我抽煙的。她是個很愛抽煙的人，當時年紀小，但她還比我年輕好幾年！我不能說是她教壞了我，因為我深深明白到抽煙時所能得到的快感。抽煙真係很可憎，正在想如何才可戒掉。是的，真的想脫癮，但很困難。有想過獨自一人時完全放棄抽煙，能成功嗎？

第三個她︰貪睡

不知是否年紀大了，還是身有隱疾，常感覺到身體疲累，碰到一張床，總想走上去睡個夠！她真的很愛睡，無論在何時、何處、何境況…這個懶洋洋、睡在的床上的我，是由她訓練出來的嗎？

第四個她︰食麥記時的刁鑽

自相識至今，她仍是麥記的人。是她教我食新鮮熱辣、除去外層炸粉的麥樂雞，是她教曉我如何在才可在麥記吃到最新鮮的薯條…我還一直原用至今。麥記的東西，除了薯條和新地，其他的都很難吃。永遠也會懷念已停止在港供應的「焦糖新地」和分域碼頭麥當勞。

第五個她︰沒想到…

不會是「7」罷？至死我也不會承認的！

第六個她︰

1) 買戲票

從前買戲票總是隨便桃，但現在買戲票的我總有一個壞習慣，就是在可選擇的情況下，總會為自己兩旁留下一個座位。在香港獨自看戲的人是少的，故此總可留下更舒適的空間給自己，亦避免了與不認識的人為鄰，兩旁亦有扶手可用，一舉多得。

2) 扭蛋

不是麼新玩意。我自小就沒有這種癮頭，因為覺得要用這種方法得到喜歡的東西，並不化算，所以寧願不愛上這東西。每次當我們看見，她也嚷裡要「扭」，得出的結果，時而驚喜，時而失望。原來那一份驚喜的感覺，遠勝於無限次的失望，沒有嘗試過的人，是永遠不會明白的。

>>October 24, 2005 at 12:52:07 AM GMT+8

2005 年 10 月 21 日 星期五 【酷熱】

老母在34C的社會 (2)

點解要講老母，而唔係講老母個34C女呢？因為呢個辯題根本就係我無聊咁將三樣「無厘啦更」o既o野拉埋一齊講之嘛…

或者咁講啦，一個老母，會唔會因為有個34C o既女o係社會上立足，而感到自豪呢？佢自己本身又如何立足呢？

經過同郵差o既一輪討論，得出o既結果係︰

1) 無論係34C定係32A，都對得住老母，女人係唔會對唔住老母o既。

2) 34C泛指女人，所以有34C o既唔會係男人，但就係男人對一般睇得上眼女人o既睇法，係一個社會觀念。而呢個觀念本身係唔會對唔住老母o既。

3) 「Stereotyping women and limiting their opportunity in society in all regards」，34C o既觀念就係咁衝擊社會（即所有人，包括老母）。

4) 34C係男人睇女人，引伸成社會大眾對女人既一般睇法（stereotype），總體而言，社會（男人、女人）就係咁樣睇女人。

5) 咪以為大熱天時三十幾度o的學生妹仲要著住冷衫行出街只係因為佢o地冇34C，對唔住佢o地老母，其實係因為受34C影響而o係任何方面o既機會都減少佐，包括冇機會唔帶冷衫…

6) 世界上唔係34C o既女人，o係34C o既壓力下掙扎求存，所以結論係︰社會有34C係對唔住老母。因為呢個係自然定律，社會上有強有弱，有32A就有34C。

7) 然而，老母只能繼續掙扎求存。換言之，老母原來係34C社會o既受害者。

>>March 30, 2009 at 2:33:03 AM GMT+8

2005 年 10 月 20 日 星期四 【酷熱】

「古惑面，正經底」愛上「正經面，古惑底」

訓唔著同Ken仔講起感情事，因BB唔想張揚，唯有同o的山高皇帝遠o既朋友仔傾o下內心o既感情問題。

講起BB，心裡興奮難禁，一口氣說了一些相處間的事和好些內心的擔憂。佢話我o係呢段感情上覺得自卑，其實係因為真正咁鐘意一個人o既自然現象。可能我o既自我形象不嬲都差，做開奸角同爛仔，硬係覺得追到o既女人樣樣o野都比我好，正如某人話我而家鐘意BB o既情況，同我o個時咩佢o既情況差唔多…

我唔知咁樣係咪一個好現象，不過經驗話畀我知日子耐佐我個勢又會好惡，最後又係悲劇收場，我唔想再係咁，我寧願可以自卑落去，令我一直都覺得自己不足而每天去愛BB多一些。

王菲話︰「你仰望到太高，貶低的只有自己…」突然之間覺得好o岩，好有道理。王菲又話︰「做甚麼也好，別為著得到讚賞…」我唔可以再要求有回報o既愛，我之前太計較喇，雖然唔一定講出口，但係內心總會盤算一番，我唔可以再咁自私，因為世上並冇所謂等額o既愛情。

不過好好笑o既係，Ken仔o既分析，好特別。佢話我係「古惑面，正經底」，BB就係「正經面，古惑底」，兩個都咁古惑，所以先會夾得埋…唔知呢…

BB已經多次顯露佢o既「古惑底」本色喇，例如咩咩，咩咩，同埋咩咩。=p

擁有小聰明，反應敏捷兼伶牙俐齒o既BB，特別得我o既歡心。BB行事冷靜，處事成熟，總係吸引住我呢個亂咁o黎o既小朋友。必要時佢會迫我埋牆角（例如上次同某人食飯o既小氣行為），要我承認自己做錯的地方（唔畀我呢個賴皮精賴皮…頂…），再加上在適當的時候作出安撫，令我呢個被縱壞o既大細路長大…

BB會乖巧咁問發生o係我身上o既事，我以往o既習慣係收埋收埋唔多講，以前都曾經試過想講多o的自己o既感受畀情人知，但都係越講越少，因為覺得對方唔明白我，講o黎都o徙氣。面對精靈o既BB，我要同佢溝通多o的，因為冇人係我肚裡面條蟲，唔會完全明白我內心o既感受，往往又係缺乏心靈上o既溝通，導致我單方面引發的悲劇收場。

我可以給BB的，只是那份粗心大意的愛，所以我一開始便覺得欠佐BB好多好多，一世都還唔完…或者，我可以還給BB的利息，就是努力守護我的那份熱戀的忠誠。

>>October 21, 2005 at 2:48:33 AM GMT+8

2005 年 10 月 19 日 星期三 【酷熱】

同理心（empathy）是EQ理論的專有名詞，是指正確瞭解他人的感受和情緒，進而做到相互理解、關懷和情感上的融洽。

同理心並非等於同情心。同理心是瞭解別人的感受和情緒，以別人的心態去瞭解別人的處境。同情心則是以自己的情況和心態去同情他人，帶有消極、被動的含義。

一個人的同理心，除了要以自覺和自我認知為基礎，尚需要對人類善心、愛心和自知之明等心理基礎。只有具備善解人意，高度同情心和有知己知彼的心理能力，才談得上具有良好的同理心品質。

缺乏同理心的人是無法表達相互關懷、理解，達到融洽的人際關係。這種人對他人必然會表現出冷漠無情，缺乏人性或呈現極端的自我中心，缺乏社會責任感和同情心。

http://cit-web.bwlss.edu.hk/~s20001341/psychology/eqway.html

>>October 21, 2005 at 12:45:00 AM GMT+8

2005 年 10 月 18 日 星期二 【酷熱】

由你繼續做好人，壞人我包起o黎做。

「我要演活呢個角色！」

欣欣係一個硬頸o既人，我亦都係。幾硬頸o既人o係最軟弱o既時候，總需要有人支持。無錯，事情係由我而起，亦由我而終結。

我彷彿成為了世上最識得玩弄愛情o既人，而且越玩越熟。由鐘意佐另一個人去迫對方先開口提出分手此等低招，去到拖拖拉拉一輪再分手，直到先開口乾脆說再見…愛情遊戲越玩越上手，見異思遷、貪新棄舊、移情別戀、o趙完鬆、無惡不作等等。

明白嘛？事情由我而起，最傷心的人總不會是我。你會想一個曾經對你如此狠心，而且已經不再對你真心真意的人，去對你作出陣痛中的關心嗎？誰需要你的同情？

我極少對人產生同情心，不單是因為我擁有一顆冰冷的心，而是我明白甚麼是一個人的基本尊嚴。

一講再講，相信我講了數百萬次，現在又要再講。

問問自己，有一天，你遇到一個失明人，正在一個花園裡找出路。你會走過去帶他走嗎？

我不會，就是因為我尊重他的能力。他雖是失明的，但不等如他需要別人的幫助，在他的能力之下，雖然可能較正常人吃力和多花時間才可完成簡單的事情，但他是做得到的。他相信自己做得到，我亦相信他做得到。

不需要隨便幫人，否則你不可以幫到忙，而是幫「倒」忙。熱心助人是好，但我會選擇讓他自己做，從旁觀看。在內心覺得他有需要幫助時，再開口問一問他是否需要幫忙，及需要何等程度的幫助。而且，如果他真的有需要別人幫忙的時候，亦必會開口提出。

誰要你的同情？誰要你的幫助？先想想別人的感受吧！

>>October 20, 2005 at 3:06:58 AM GMT+8

2005 年 10 月 17 日 星期一 【酷熱】

同BB一齊係好開心o既，因為大家都畀到大家靈感。

雖然只係無聊o野，但係又何必深究情話中的意義呢？

今晚去到海港城，大家o既職業病又開始發作。正當我o係度望住o的雲石地磚，研究緊o的地蠟o既時候，BB突然話︰「個地唔夠反光啦！都照唔到裙底啦！」我就即時彈佐個新term出o黎︰「裙底春光測試」。我估以後可以用呢個指標o黎睇o下o的地板打蠟打得靚唔靚！

過佐Toys r' us，BB o係度研究緊一種兒童玩具，係發泡膠質地，有o的圈圈可以穿落條棍度o既，不過o的display o既玩具多數都畀人玩到殘晒啦…BB穿佐4個圈圈落去，發現最後穿落去o個個好鬆。直覺上我覺得係條棍太幼，因為我眼見o的棍好似有o的粗o的、有o的幼o的咁。我話︰「唔夠粗？！」但係BB突然爆佐句︰「玩闊佐…」

聽o個個同講o個個都即時笑到傻佐，因為大家都明白箇中隱藏o既意思…嗯…BB，您真係好曳曳呀！

>>October 20, 2005 at 2:15:12 AM GMT+8

2005 年 10 月 16 日 星期日 【酷熱】

開心？定唔開心？

唔好懶巴閉話同我執屎，你真係「偉大」！

見到你寫o的咁o既o野就把幾火！

大家都係成年人，係咪要學識點樣去照顧自己呢？連自己身體都調理唔好，點樣去玩？點樣去照顧人呢？

王菲永遠都講得o岩︰「自己都不愛，怎麼相愛？怎麼可給愛人好處？」

給自己寫一封最高貴的情書吧！世界上最愛你的人永遠是自己！誰可保證愛你一生一世？答案就是你，自己。

>>October 18, 2005 at 2:46:28 AM GMT+8