2005 年 6 月 17 日 星期五 【雨】

返埋今日就放假喇！返佐六日工真係人都癲…繼續跟返琴日o的o野，冇乜大進展…又一day…

放工換埋衫先走，去佐女人街一間唔知賣乜國家菜o既o野度食，一般，不過價錢就ok。之後去睇Batman Begins（港譯︰《蝙蝠俠：俠影之謎》），坐正戲院中間，個位勁正，但係套戲只係ok，唔係太大驚喜…可能係之前o個o的太精彩。

睇完戲返屋企訓…累。

>>June 20, 2005 at 12:00:29 AM GMT+8

2005 年 6 月 16 日 星期四 【雨】

今日勁充實，電話打過唔停！終於都覺得自己似返個人！

經過前兩日o既失落，今日不停咁打電話去follow o野！唔可以衰畀老細睇嘛！

報價啦，買呢樣買o個樣，要improve個場；又提o下裝修o既Undercover o的裝修事宜呀；又約o下個租戶交舖；打畀Morse機呀等等等…

忙足成日，唔開心o野冇晒！

恭喜晒！咖啡仔搵到工做喇！仲要係同我一間公司添！雖然職位低o的，但係出o黎做o野係要「朶」o架嘛！啟勝真係夠晒響喇！

>>June 20, 2005 at 12:19:46 AM GMT+8

2005 年 6 月 15 日 星期三 【雨】

幼維園個杜小姐都幾x o下，居然同老細講話我o係佢同康業嗌交o個時唔幫佢。我都唔知佢o地之前講過乜，點幫口呀又？

真係對住o的x人要講x話！大佬呀！明明係你自己衰佐，仲要人o地幫你o的乜？我都話我係中立o既，咁都唔o岩！老實話佢o地係我o地租戶，點都要幫o下佢。但係唔通叫我講話件事佢完全唔駛負責，人o地claim佢係唔o岩o既！話佐畀公正行，保險公司跟，講多都無謂啦！

火都o黎埋！幼稚園o的人真係白痴兼幼稚！今次我中佐你一o野，下次我唔會再中你o的狗招！

頹爆…點解兩單o野都要我食？！點解？！

放工仲要返學，七點三先到，點知一去到就話break…真係吹脹！break完八點三就完場，真係有冇搞錯呀？！呃錢！

>>June 19, 2005 at 10:54:51 PM GMT+8

2005 年 6 月 14 日 星期二 【酷熱】

是日燥底指數︰200%【極級嚴重】

未試過有一日可以忙成咁！

話說琴晚L4幼稚園爆水喉，搞到L3同L2 o既政府座水浸，一早返到去就要過去睇！嘩…o的地毯浸晒，天花爛晒跌晒落地，損失滲重！又影相又要搞善後…政府喎，梗係口大o的o架啦！

不過老實講係唔關我o地事o架喎，因為政府座係康業管o既，而爆水地點又係幼稚園，但係死人幼稚園就係麻乜煩，因為係我o地租戶就成日得寸進尺！好好笑，唔知係咪教幼稚園，o係裡面做o野o既人都幼稚o的！叫佢o地落下面睇o下樓下o既損失，佢o地真係以為睇o下就算，完全唔會意人o地係會搵佢賠償…啊啊！祝你好運啦！

事原係因為幼稚園有條好舊好舊o既喉，日久失修冇人理，成個水掣o係個接駁位度甩佐落o黎，結果就滿地咸水一直係咁流，直至浸到畀人發現為止… @_@ 如果o係日頭發生，就唔會咁大鑊喇。

影晒相以為可以收皮，但係社署係都要我o地做善後，要我o地搵o的紙皮出o黎幫佢o地吸水。康業唔理，唯有我o地捱義氣，搞掂佐先。

下晝，o個個麻x煩o既杜校長返佐o黎。上到去，見佢同康業個經理理論緊，唔知佢o地講緊乜，講到火紅火綠，九成係康業要佢o地負責賠償。好老實講，我o地公司真係好中立，因為件事唔關我o地事嘛，我亦無謂做「架兩」，o係度睇佢o地嗌交。都話公正行o黎佐，咪由公正行決定囉，講多都無謂。康業又驚幼稚園唔賠，幼稚園又想推個波畀人，擺到明就係你o地失修爆喉啦！仲想傻皮！呢個杜校長真係枉為人師表！

仲衰都有！社署o個度完佐事，要清紙皮。本來同康業個經理傾一人清一半，點知佢o地上面o個個所謂主任居然一出口就話唔關佢o地事，話唔會清。一出口就閂晒閘咁慌死蝕底咁，點傾偈呀？！最後都係我o地清晒。

完佐爆水呢單o野又畀老鼠玩謝。老細話我唔小心處理喎…下晝即時派五個人去拜訪佢o地啦！吹脹啦！o個日就o係度講「鼠話」，今日o係老細面前就講「人話」。o個個「特寧滅蟲」專家咪又係講返我o個日講o個o的o野！佢xy！擺明搵人出氣嗟！係我唔好彩中佐之嘛！火都o黎埋呀！

老細話原來Debbie x細細個就係單親，唔怪得之佢咁xy啦！生理同心理都變x態o既！

>>June 19, 2005 at 10:32:35 PM GMT+8

2005 年 6 月 13 日 星期一 【酷熱】

今日個Debbie x又發x瘟，九成係經期失調又或者佢老公性無能餵佢唔飽!畀o的客鬧完就拿我o地o的人出氣！

佢連呀李都唔放過呀！一打到o黎就話呀李唔留心聽佢講o野… @_@ 大佬呀！公司工作指引寫到明接電話o個時要講乜，講漏一句都死呀，人o地接電話係一定要講o個一堆說話o架嘛，擺明係你唔留心聽人o地講o野啦，以為自己係乜叉經理就大x o野呀？！戇x！

話說上個禮拜有隻老鼠走佐入其中一個舖裡面，今日個臭婆娘打上leasing投訴，話我o地唔做o野。呢個Debbie x九成隻佐碗貓麵就打落o黎啦！真係要諗o下點同老細解畫…煩q煩！

>>June 19, 2005 at 10:06:29 PM GMT+8

2005 年 6 月 12 日 星期日 【酷熱】

今日返工冇乜o野，都係濕濕碎碎咁啦，revise o下draft畀老細睇封信，做o下reports…

病病o地添…買佐支「樂信咳水」，呢隻牌子試過，都ok。

今日地鐵個沙井又塞，真係唔得佢死啦…o的屎屎尿尿湧晒出o黎…嘔…一個沙包塞x住佢，等佢個廁所谷到爆，到時佢o地想唔認唔出錢負責整都唔得！ccc！

>>June 24, 2005 at 1:12:39 AM GMT+8

2005 年 6 月 11 日 星期六 【酷熱】

真係好累呀！訓足成日。

今朝送佐您返工之後，再買佐個麥當當食，再返一返公司睇o下個女廁，再返屋企。

除佐食，就係訓…同睇加菲貓書。

好熱呀！好焗呀！

>>June 11, 2005 at 11:16:28 PM GMT+8

2005 年 6 月 10 日 星期五 【酷熱】

超級忙！成日未停過！一來有琴日放假留落o黎o既功夫，另外又要做埋聽日o個份，因為聽日放假嘛…死未！

成朝未停過手，都冇乜時間落場睇睇，一直對住部電腦係咁打打打…做到傻佐… @_@

老細六月尾至七月頭又去五日旅行，真係有o的頂佢不順，可以個個月都有旅行去都夠膽死！老細即係老細，係有佢o既辦法o既！

放工去佐睇Mr. And Mrs. Smith（港譯︰《史密夫決戰史密妻》），有Brad Pitt同Angelina Jolie兩大靚人，套戲都係老土橋啦，兩公婆都係殺手，互相隱瞞身份o個隻，最後變對頭人，跟住又好返關係好好再打不死對付敵人。冇乜特別，但係有型人睇都算數啦…

>>July 14, 2005 at 5:36:25 PM GMT+8

2005 年 6 月 9 日 星期四 【雨】

又熱又有雨，最o岩做室內活動。

好耐冇打牌喇！晏晝同咖啡仔、Trevor仲有保安呀聯打佐八圈。又放生佐死肥仔喇！可惡！咖啡仔重傷呀！輸晒o的籌碼！我計埋波鐘都贏成三、四舊，不過見咖啡仔大慘事，畀晒波鐘，就只係收佢一百蚊就算喇，呀聯亦都一樣，不過肥仔就收足條數…唉…

打完返屋企訓，準備繁忙o既聽日…

>>June 11, 2005 at 11:45:56 PM GMT+8

2005 年 6 月 8 日 星期三 【酷熱】

今日都好忙o丫！因為聽日放假嘛，點都要死o的o野出o黎畀老細交o下差。

開佐保安月會，畀老細追我o的added value services同埋o的咸豐年前o既報價…死得…原來咁多o野都信口開河未做添… @_@

要返學，上個肥佬堂，居然派功課！咁死忙都仲要做功課… @_@ 死得人！

o的同學好似好積極咁做個project，懶係分好似工定好晒deadline咁…唔好玩啦…我想碌過o架咋…放佐學同Trevor、Ivan食o野，約佐聽日下晝有雀局…

您好嬲喎，話我唔同您相量o下先…您睇在我十年都打唔到一次牌份上，畀我去玩o下啦… @_@

>>June 12, 2005 at 10:32:21 PM GMT+8