2006 年 4 月 11 日 星期二 【晴】

reply to 貓姐姐, 但係妳唔覺得咁樣會有一份不協調的感覺嗎??
由其是一起的時候親密但是心情卻不同於以前的感覺,
不是說不好, 但是妳不覺得有點問題嗎??其實我而家都係咁...=.="

哈, 無錯牙, 我係大埔拯溺會的牙, 我唔清楚其他會有無網址...sorry呢...
大埔拯溺會其實真係幾威水的, 皆因而家有出色的領導者。
嗯, 其實我覺得拯溺依種運動唔止係挑戰自己和興趣咁更簡單,
還要兼顧好多人際野...唉, 都唔知點解會有咁多野煩, 我唔想失去興趣...>"<

嗯, 其實都唔算多野忙, 如果可以的話, 我仲想自己可以忙d,
再擴展自己的人際網絡多一點...^^

妳怕水就麻煩一點了, 要教妳的人好小心, 因為佢教錯妳小小野,
第時改就會好麻煩, 其實應該教左妳"味"水先, 因為妳會知道點樣去水,
同埋可以唔駛再驚水, 再學浮身, 咁樣就會好好多...不過依d係個人意見o者...
妳比心機啦, 我三個月內考哂銅章, 磁章, 急救, 水上急救...我都係咁考,
妳無理由唔得的, 呵呵...加油啦

reply to 歐, 我w字額都幾型嫁喎, 不如你試下先, 我睇下好唔好睇丫...
嘩卡卡...^^

>>April 11, 2006 at 11:55:23 PM GMT+8

2006 年 4 月 8 日 星期六 【颳風】

最近的心情好到不得了, 唔知點解有一種愉快的感覺,
但同時間亦有一種失落感, 好像是要為自己的心情做一個調整的準備。

今個星期都係病, 病左差唔多三日, 可能就係因為咁訓多左,
發夢亦隨之而多, 哈哈...沈晉宏...唔可以成日發夢的喔...

自由, 釋放, 約束, 困窘...唔知點解對這些詞語好有感覺。

又唔知道有沒有路人明白我而家的心情呢,
不過都沒甚麼所謂吧, 如果只是需要別人了解我, 而自己不了解自己的話,
跟本我的存在都只是一個無聊的笑話...嘗試下呼吸一下空氣, 其實...
我和其他人是沒有分別的...諗來諗去自己還要比一般人悶得多呢。

我真正需要的係咩?唔需要的又係咩?
係唔係好似一隻遊魂野鬼??其實我係無機會無時間去讓我這樣下去...
唔好講到自己好理智好叻...應該說成是悲哀和無奈吧...
同樣情況的人可能會扮得好瀟灑咁, 話自己唔介意又話無所謂咁...
哈...其實應該都只是呃自己的一個手法...如果係因為性格問題的話,
我諗我應該更無所謂。哈...

唔知我講緊咩??其實我自己都唔係好知道, 所以我先唔想寫,
別人睇得明的要讚讚...最起碼自己唔會睇得明...哈...

做好自己的本份吧, 只要不去想過了界的話就沒有問題了...

>>April 9, 2006 at 12:01:18 AM GMT+8

2006 年 4 月 5 日 星期三 【晴】

ＫＯＮＧ
曲 : 側田(On Your Mark)/雷頌德 詞 : 林夕 編/監 : 雷頌德

我 我沒有害過人 只想失戀也有名份
我 太樂意獻一吻 為甚麼這溫柔會犯禁
若你我可抱著睡 連命也甘心短幾歲
誰能及我 將性命也豁出去
若與你好有罪 全是律例不對
我要追 離棄世界亦要追

* 寧願天去收我 也替你受重傷
金剛跟美女戀上 也是個傳奇狂想
縱是遺憾收場 都必需跟你 明刀明槍
子彈不怕上 一級級上塔尖欣賞
欣賞你憂傷 *

就算你早有別人 無礙我爭取夢中人
扶搖直上 高到共你能擁吻
別說到太高深 能自願便相襯
夠決心 越中箭我越勇敢

Repeat *

不屑 不信 不怕 打擊更令我堅強
這縱是妄想 能得到你給舉世景仰

我有我夢與想 多高攀也敢攀上
這份愛傳奇無雙 縱是遺憾收場
都必需跟你 明刀明槍
子彈不怕上 一級級上塔尖欣賞
苦命人 相擁俯看 世上風霜


>>April 5, 2006 at 12:05:34 PM GMT+8

2006 年 4 月 3 日 星期一 【晴】

reply to 過路貓姐姐, 咁遲先覆妳, soory牙,
近排比較忙, 希望妳唔會因此唔來依個版玩啦。嘻嘻...

拍了十一年拖真是令人很吃驚呢, 我諗妳和前男朋友有了一個很嚴重的問題,
才會這樣的吧, 其實妳已經是很堅強的了, 比著好多人會因此而睇唔開呢。

維持一段感情係好困難的, 因為始終對方都唔係自己, 唔會完全了解到自己。
希望唔好到左分開先至知道對方係最好的吧。

妳問我兩年有冇可能考得到銅章, 其實以我來看這是一個很充足的時間呢,
妳應該唔會有問題的喔, 希望妳有一日遇到我教銅章啦, 到時唔得都操到妳得牙, 哈。

我都為左考個泳池救生章搞到頭都痛埋, 好麻煩, 當然唔係難考的問題啦,
另外都煩個拯溺教師成唔成功...而家讀書都無時間, 希望拯溺會唔會捨棄我至好。

加油啦, 過路貓姐姐...^^"

reply to 歐, 係咩, 我鐘意側田d歌ma, 除左依一隻我仲鐘意情永落,
走音, kong, 運, 同決戰二世祖添牙, 哈, 唔覺意講哂成隻碟咁済添...呵

reply to 葉sir, 忙裡偷閒o者, 得閒一點一定返來牙, 我都好想返來練好d,
幫隊band發展得好一點‧

好似好耐都無寫過日記咁, 希望唔會令到睇我日記的人流失左啦。
一波未平一波又起就最岩形容我而家了。

岩岩搞掂左將個project demo推到今個星期五先至做,
但係緊接而來就係聽日的assignment, 第一次見到係無人識得做,
定係無人願意做都唔定...哈

至於身體方面, 經過籃球咁激烈的運動後,
我又拗柴, 又串魚旦, 而且仲要係好無奈地整到, 哈, 真係慘喇。

星期五同婆婆和兩個姨姨慶祝生日, 帶左頂帽就話人地肥版側田,
我唔要M字額牙...嗚嗚 =.="

仲未寄成績表過去大學度添, 大獲, 唔知會唔會有問題呢??
算...做埋個assignment先算...


>>April 4, 2006 at 12:19:55 AM GMT+8

2006 年 3 月 30 日 星期四 【晴】

咁就呃左一篇日記喇, 真好...=3="

1. 這問卷是誰傳給你的？ 倩雯

2. 跟他/她是在怎樣的情況下認識的？ 佢中1入band囉...

3. 認識多久了？ 佢而家中5 ,,即係識左4年


4. 他/她有甚麼別於一般人的特點？ 可愛, 得意, 鐘意玩, 白痴, 傻, kind, 細路女...
我諗都夠嫁喇。

5. 在你心中他/她是怎樣的人？
『望你不施脂粉多好看

自信坦率多可愛眼光

你碰上挫折仍硬朗 不沮喪不徬徨

看你鬥心多麼兇悍』 ＜～好中...


(但我覺得她需要一個包容她一切的人保護,

不然那率直的性格會令她經常受傷呢,

但願我能夠以朋友的身份再一次幫助她~)


6. 記一件他/她令你最印象深刻的事。 我諗有太多了, 價值都係一樣,

如果一定要揀的的係除夕~十二月三十一日個次。

雖然好平凡, 但真係好感動同埋浪漫的...(對我來說)...

仲有十九歲的生日牙, 依兩件事我一生人都會記得。


7. 傳給九個倒霉鬼：alan,,霆峰,,keith,,jenny,,愛嬅姐姐,,,,希小妹,,周周,, 倩雯*＊


>>March 31, 2006 at 12:11:38 AM GMT+8

2006 年 3 月 28 日 星期二 【晴】

reply to 過路貓: 哈, 我都以為妳唔再留言比我添...
識諗但係唔代表做得到的, 所以我唔叻-.-"...
聽姐姐咁講看來妳都有事發生喎, 得閒話比我知發生咩事丫...哈哈...

ＰＯＳＴ～下歌仔先．．．
原本唔係post依隻, 但係聽落依隻岩feel好多...呵呵

美麗之最 側田
曲/編 : 李漢文(On Your Mark) 詞 : 夏至 監 : 側田(On Your Mark)

手 願意捐給你拓著頭
做你的安枕剛好足夠
望你的天真可以永久
眼 看你半世還未夠
喜歡你的眉頭 哪怕皺起始終清秀

在某天 未發展 在某間咖啡店
尚記起坐你後面 習慣守望半天
望你從來都溫暖 想一生看下去
還會等一天八十歲 看你髮端灰色的點綴
未來只有樂趣 和你去拖手看新居
雙眼開始像飲醉 尤如觀星 你在這裡
我的雙眼裡 尋找到宇宙之最

心 像太專心看你在忙
望你不施脂粉多好看
自信坦率多可愛眼光
你碰上挫折仍硬朗 不沮喪不徬徨
看你鬥心多麼兇悍

但你竟 用決心 任意放棄所有
獨個走 我要殿後 視線跟著你走
直到你放開所有 想一生看下去
還會等一天八十歲 看你髮端灰色的點綴
未來只有樂趣 天真追我所追
只怕始終未登對 仍然想講我第一句
我的雙眼裡 尋找到美麗之最

說過愛你要接受意外 總要挑戰障礙比賽
最怕看見你抱著決心離開
說過要與你赤道看海 更說永遠愛你未變改
等著你 目光未會離開 等你 回我身邊繼續回味
眼裡每種溫馨好滋味 未來只看著你 微笑中
班點會皺起 得我始終望穿你
仍然想講 最後一句
我的雙眼裡 尋找到美麗之最


>>March 28, 2006 at 12:05:13 PM GMT+8

2006 年 3 月 26 日 星期日 【晴】

哈哈, 估唔到一個電話, 背後竟然有咁多的事,
原來唔係鼻敏感, 而係...由於無同我講發生咩事, 所以我都唔會妄想係咩事,
都係一句啦, 我永遠都會係妳值得相信, 撐妳的朋友。嘻嘻...^^

今日又是甚麼也不想去做, 所以決定煲埋隻霍元甲。
邊個話武打片只是岩小朋友看的??論動作, 可以說是一等一的,
真實得來又流暢, 最重要的是霍元甲好像不死身咁, 打極都嬴。
這一套戲只是說說霍元甲的身平就太過平庸了,
它表達的意義卻亦是深遠的。甚麼叫做自強不息??
每一個人都會想做英雄, 可能有些人會不想, 但是潛意識入面總會想出風頭。
有沒有想過有一天出風頭會令自己妻離子散, 家破人亡??
大地萬物都是有生命的, 雖然互相尊重, 唯有不斷地令自己進步,
擁有出息的人格品德, 才能保護身邊的一切。

哈, 可能說來說去, 都是那些東西, 感動就是感動,
沒感動的, 怎麼去看都是沒有感動。霍元甲明白到自己的過錯,
挺身而出, 為國家爭光, 放棄了自己所愛的女人。
精武門就是這樣才得來的, 不然之後又怎會有李小龍呢...呵

戲睇完, 就約左alan去打波, 見到上個星期個教練牙,
同佢打左一陣波, 估唔到佢原來同我一樣大=.="
個女朋友都好靚女下, 我地開頭估佢地結左婚添牙=.="

之後得返我地兩個, 練下jump shot, 嘩, 超辛苦,
好明顯唔慣成日跳。

打完波, 一齊食飯吹吹水, 走的時候係摩登見到沛雞,
哈哈, 比我知道左事情始末原來係咁...都幾無奈下。

送佢地兩個走, 回程的時候, 打去問侯下...
哈...希望能夠令妳有短暫的開心吧^^

之後返到屋企阿爸去完旅行發脾氣...成日見嫁啦, 都多見少怪了。
之後同左好多人chat msn, 嘩, 未試過咁多人喎。

>>March 27, 2006 at 12:35:40 PM GMT+8

2006 年 3 月 25 日 星期六 【颳風】

由於爸爸媽媽都去了旅行的關係, 屋企只剩下我一人。
人就是這樣的, 沒有時間的時候會盡力的去完成事情, 但是永遠都會埋怨沒有時間。
相反, 擁有時間的一刻反而沒有任何心機去完成事情, 還有一種悶的感覺。

所以我今日買了兩隻碟睇, 一隻是最愛女人購物狂; 另一隻是霍元甲。
我當然是選了前者看先了。

這一套戲利用了四位主角表演了四種不同的香港人心態,
第一種是不能選擇東西的能力, 第二種是過度自卑導致只會購買廉價物品;
第三種就是守財牢加上見人買甚麼就買甚麼, 最後的就是購物狂了。
我想其實最厲害的還是那釋演殿堂購物狂的徐小鳳小姐吧。
那種慢慢散發的貴氣, 是不能靠演技表演出來的。
加上她那出手『闊綽』的手法真令人震驚...

這是一套喜劇當然會有很多的笑位吧, 由其是劉清雲那呆呆的表達手法真是棒。
但官恩娜亦應記一功, 演技有進步之餘亦顯得份外可愛呢。
主要的感動位有一個, 就是劉青雲捉實張柏芝的手唔放開, 雖然有一班人圍著他,
就是那一份意志令人感動呢。兩人都有病, 兩人都不知道應該如何選擇,
但是那一份為對方改變和堅持下去的心令他們的關係產生了變化。

沒錯呢, 這個亦是一個借鏡, 雙方要有改變自己的想法,
無論是否做得到, 都會令關係更進一步。當然亦都需要有更大的能力呢,
如果可以好似戲中兩位主角咁有錢的話, 當然可以想點就點啦。

唔適合就是唔適合, 我已經沒那麼迷茫了,
增強自己的能力吧, 再一次學習甚麼叫做獨立, 機會還是要看缘份呢。

>>March 25, 2006 at 6:02:25 PM GMT+8

2006 年 3 月 25 日 星期六 【乍寒還暖】

真係好耐無寫過日記喇, 真係無咩野時間, (有時間睇人地日記就無時間寫...呵呵)
近排發生咩事??我諗都係專注於讀書方面啦。做功課, 溫書, 得閒的話就會打一陣籃球,
運動多一點好喔, 減減肥...呵呵...^^"

POST下歌仔先...

我代你哭

作曲：鄭中基
填詞：林夕
編曲：陳達偉
監製：歐丁玉/鄭中基

寧願擔心亦期望你多找幾個情人
別這麼愛奉獻　但求自己快樂要緊
曾經一起未留住你都清楚你為人
越傷心你越會興奮

＊還未答謝你　曾付出的跟你沒法比
寧願這福氣　來日全部回贈你
如果那個他不愛護你准我代你哭
因你受罪是多麼滿足
離開了你都可以代你歡笑代你哭
若痛恨誰讓我代你痛＊

如得不到甜言蜜語得到知己好過
若果這個是我　盡情地傾訴像最初
誰管當初是誰做錯　將悲傷交給我
為感激你曾太愛我

Repeat　＊

就算離別後我亦會痛



>>March 25, 2006 at 1:13:31 PM GMT+8

2006 年 3 月 21 日 星期二 【晴】

尋晚各方好友聚首一堂, 精精彩彩咁打一場為時兩小時的比賽...
比賽有沒有盡力, 又或者對誰人不滿也好, 最終都是為了大家再一次聚在一起。

(後續...上堂個陣寫唔切牙...)

>>March 21, 2006 at 12:23:54 PM GMT+8