2005 年 8 月 2 日 星期二 【晴】


今日係我幫阿誠教朝早第一班的日子，０８００～０９００
亦都係老婆最後一日留係我屋企的日子．．．

今朝一早六點七起左身，但係好衰唔衰咁我番訓／．＼！
結果我七點七先醒，o拿o拿聲執野之後飛的過太和游泳池。
趕到去火車站點知撞著不停站列車．．．

結果我遲左兩個字，去到就開始教兩個小朋友游蛙腳，
教咁耐以來第一次係凍到上半身落唔到水，
唔係太鐘意同黃ｓｉｒ做拍檔，大壓力之餘又無咩兩句。
教完同埋黃ｓｉｒ去一去粉嶺泳池就返去大埔搵謝心同埋老婆食早餐。

食完早餐去左美國冒險樂園玩一陣，今日入左會啊。哈哈。
而家暫時係老婆，ａｌａｎ，阿偉，溢，歐，同埋拯溺會某些人，
同埋以前打波的一群有聯繫同可以寄託外，其餘的都冷淡多了呢．．．

玩完之後老婆就同謝心一齊返太和老家了，
而我就玩左一陣就開始訓覺，個人迷迷的喔，訓到四點起身，
希希打來話今日同佢一齊教班呢，第一次同佢ｐａｒｔ喔．．．呵
約左佢去粉嶺食野，食吉野家呢，之後我以為會遲到喎，
所以趕過泳池，點知原來我預早左成半個鐘‧

教的時侯都好混亂下，不過其實都估到，學生唔聽希希話，
而且可能我地的教法唔ｍａｒｃｈ，所以ｄ學生會一頭煙呢，
唔緊要，之後好好配合就ｏｋ了．．．呵呵呵＾＾”
不過今日大至上無咩問題。

教完水就要趕過去大埔體育館睇康體拯溺班的ｃｐｒ，
比ｉｖａｎ話一話唯有惡ｄ對佢地啦，
比我，周周，ｉｖａｎ執過的大部份都無咩問題，
完左之後就去左泳池等埋拯溺會的隊員一齊去食飯了。
不過十六個鐘頭義務更真係好難頂呢．．．＞”＜

食完飯等埋賢上ｉｖａｎ家拎野就一齊返去ｌｕ，
知道左來緊這個星期都會同唔同的人ｐａｒｔ就．．．
而聽日更加要飛的先至趕得及去太和鄰里帶考呢，
真的很辛苦喔．．．．．．～＿～”

返到屋企，沖個涼執下野，爹地同媽咪都去完旅行回來了呢，
佢地看來都不是玩得太開心呢，好似野食方面唔係好得呢。
交帶左依幾日的事同埋ｄ人工之後，我就打陣機準備覺覺了。

這愉快忙碌的幾天就這樣完結了，
幸福不知道會否持續呢？


>>August 2, 2005 at 1:05:05 AM GMT+8

2005 年 8 月 1 日 星期一 【晴】


七月廿七日　至　八月一日

無可取代的日子, 但願日後的日子有妳相伴。

我愛妳呢, 老婆豬...


>>August 8, 2005 at 10:18:36 AM GMT+8

2005 年 7 月 24 日 星期日 【晴】

今日係我第二次玩拯溺比賽啊, 六點幾起身,
七點鐘行到去富善見未齊人就去左麥記買早餐食,
其間所有人都到齊就一齊出發喇, 而賢都講左由我中五畢業以來的現象,
點解富善村麥記無靚女的喔～～～～～～～～＞＜！？

之後一上到７３ｘ個個都訓到豬咁...呵^^"
去到城門谷泳池之後, 我地都等左成個鐘先入得去...
去到換好衫, 等齊人就開始下水熱身了。

自己做了適量的熱身就算了, 多年的比賽經驗話比我知,
熱身太多只會令自己流失太多的體力。
其實我唔係好想比賽, 一來未上完水上急救課程,
二來狀態很差呢, 體力精神都偏低, 最緊要的係我還未回復以前的水準。
雖然唔算係好出色, 但起碼可以係今次拎到獎。

訓左一會, 我就要參加第一項賽事了, 二百米游泳障礙賽。
原本二百米自由泳比賽係我強項, 但係而家有心無力呢...
仲要加埋潛過障礙物所需要的耐力平時練習沒有練到呢。
最後我得到第六名, 成績三分零八秒...好差勁呢...

游完無咩心機訓左一陣, 到中午就食飯了,
其間老婆打了來替我加加油呢, 是我這兩個星期收到最開心的一個電話。

(待續)

>>July 27, 2005 at 1:07:56 PM GMT+8

2005 年 7 月 22 日 星期五 【綿綿細雨】

Ｒe SaBi*~希: 果然是中文得到甲等成績的人, 厲害...應承了妳日日寫日記我一定寫。

一週年翌日

想不到經過昨天那麼幸福愉快的一天, 今天竟然會這麼的令我不高興...
今朝媽媽還在發脾氣, 所以我沒有吃早餐, 而且不知怎的, 渴睡呢!?

睡了一會, １１３０, 和媽媽一起出去大埔墟新街市吃東西。
吃東西時說了給阿媽知道昨天她這樣發脾氣令我很無瘾呢。
之後, 陪她去大中走走, 想買很多東西, 但我情願留多一點錢錢和老婆玩。

買了拖鞋, 就回家打"雞雞"了, 抖了一會, 阿媽返回學校做點事。
留了言給老婆, 想她上來我家完成昨天未完成的事。
打給她知道她和她的朋友在一起, 唔想她在她的朋友面前顧這樣那樣的,
而她又應承了打電話給我, 我就爽快地收線了。

等到１６３０, 和希希同周周傾完計, 我就出門了,
唉, 沒有人會知道我是多麼的失望, 原以為她會抽時間陪我一會呢。

換了新的拖鞋, 到了慧翠, 好搞笑地, 桃小姐竟然和我吹吹水喎=.="
因為今天我教的１３００　to　１４００的班調了過去和阿誠教的班,
所以多了很多小朋友呢。好玩了很多, 而且他們也很聽話呢。
其實都有點唔開心的, 錢少了不特以, 其實是不是對我的教學有了被人質疑的地方呢?
雖然個理由是１３００太曬了, 但我覺得不一定是這樣的。
不過最不喜歡的是不能由我決定的事情, 永遠通知的都是我...
矛盾地今日見到自己的學生有所進步, 而且是一大步, 是十分喜悅的。

教完了泳班便和阿誠一起前往太和泳池教拯溺班了。
今天累積了很多唔開心的事, 所以感覺好像惡了很多,
鬧也多了...不過最後briefing的時侯, 道歉了...
而他們也很明白事理, 提醒了他們考試時要注意的地方,
將自己所識的毫無保留地教給他們, 我說過我想我的學生個個都合格,
幫得了幾多我會盡量幫。

教完就開始比賽前的最後操水, 已經好疲倦了, 但是很想在比賽前調整一下,
雖然應承了鄧ｓｉｒ幫他看管著拯溺隊, 我還是破了戒, 下水一齊玩。
在最後做了很多的測試, 心知道自己的狀態很差,
一百拖帶假人就唔識扣假人, 二百米障礙就唔夠氣,
如果是最fit的時間我相信要嬴跟本不是難事...唉

之後悲劇發生了, 我幫助振波計時時, 怎知道阿善隻腳click到隻錶...
隻錶就這樣石沉大海, 而我又不可以怕隻錶趺下去, 而捉實它,
因為到時失去的可能係人命...但是眼見振波的樣子變black了...
自己十分之內疚...同時問了很多人我應該怎辦...
很感謝今日有比意見給我的人...

操完水一齊執拾東西的時間, 同振波傾了一會,
知道他不是為了秒錶的事而唔開心, 而是另一件事,
雖然是這樣, 但我已經決定了付那個責任陪償...
但是阿善好像不太願意呢...真的十分麻煩。

就在這麼唔開心的時侯很想和老婆談談,
但她的電話總是打不通呢。
回家途中和賢傾了不少教班的難處和事情...

回到家中已經２３００了, 抖了一會落街買飯吃,
之後老婆打來我不知道我應該怎樣面對她,
我可以嬲嗎?跟本就無可能嬲...她要陪伴朋友的,
我實在不是想和她的朋友爭甚麼地位, 而且我也覺得這是應該的。
我找不到她也是應該的, 她沒有電話在身, 而且也不是廿四小時oncall...
她有事情發生了, 難道我可以怪責她沒有即時告訴我嗎?

第一她沒有時間加上沒有電話可以打,
第二她覺得我沒空理會她, 而她覺得我已經很煩惱了,
所以她不想打擾我。
第三跟本沒必要通知我, 有她的朋友在事情已經可以處理好了,
而且她沒有責任告訴我的。

單憑這三點我可以唔開心嗎?不能夠呢...
我只是有一種說不出的不愉快...
我不想再這麼無理霸道的阻礙著她...
我只想她覺得幸福開心而不讓她知道我的唔開心...
所以我唔想說話...

唉...放鬆d啦...好似以前咁就好了, 何必要求自己在感情上進步呢?
至於其他的...用錢可以解決的問題已經不是問題了...

只是想不到岩岩經過了一天的幸福,
第二天就像消失了般...

『淡』可能就是這樣做成的...



>>July 23, 2005 at 2:03:31 AM GMT+8

2005 年 7 月 20 日 星期三 【晴】

近況～～～～～～～～

身體:

經過連日來的操勞, 吸收了連日以來的猛烈太陽,
皮膚變得黑黑的不特以, 仲令身體變得非常熱氣。
在泳池水這工作環境下, 皮膚頭髮相對變差,
多了很多不明所以的皮外傷...

而且因為時間休息, 連日來不斷教水, 考試, 上堂,
空餘的時間就返教會返band等等...
身子挨壞了, 作病...喉嚨首當其衝受罪了。

(待續)

>>July 21, 2005 at 12:21:54 AM GMT+8

2005 年 7 月 11 日 星期一 【清涼】

今日真係好唔開心, 好煩, 好燥,
都唔明做咩個個人都發我脾氣咁同我講野??

唔夠訓的情況下起身, 但係意外地再訓唔返,
咁就食早餐, 玩左一陣, 等夠鐘就出門口去粉嶺泳池。
今日又比預期中遲, 因為我唔記得左帶最重要的泳褲,
結果就是去了昌運的一間運動用品店買,
但係都好鬼, 而且無得試, 好驚唔岩著...
其間見到林伯伯, 真係好有緣份呢...(笑)

d皮真係好痛, 仲要揹一個好重的bag...
好唔想行的情況下咁去到粉嶺泳池,
今日意外地唔駛自費入場...

哈哈, 今日用左一堂時間記哂我所教的人的名,
一共十一個女仔, 一個男仔...
我都想同d學生建立好d個關係,
好想第時見到佢地都仲會叫聲我阿sir, 有野講下咁...

之後就係食飯, 再去粉嶺球場度打波,
等左好耐先至夠人打３　ｏｎ　３．．．
因為實在係太曬, 自己又曬左成日又點會唔知呢?
第一次同阿誠打波呢, 呵呵^^

之後就o拿o拿聲走過慧翠教泳班,
今日雖然好倦, 但係想諗多d野比d小朋友玩下,
講解的時候有人又唔聽話又要自己做...
結果就係我發脾氣唔理佢地, 之後再鬧...哈哈...
但係仲有個陳樹熙唔聽話去左深水區游, 真係拽。

返到太和直接到泳池, 等左一陣就要操水喇,
好倦, 好痛...唔想游, 但係我信老婆會來睇我所以我都盡力去游...
結果佢都有來一陣啊...我真係好開心...
今日終於都游返順個人, 有返水感好游好多。
游完就同賢, 君, 表弟, 一齊返屋企了。

今日又收到一個消息, 七月廿一日又要補堂...
好煩啊, 算啦, 我諗哂佢, 我安排好哂就可以了,
我唔想因為我令到老婆唔開心了。
今日無一個電話係傾得開心的,
如果日日都係咁的話, 我情願自己啞左唔講野...

好唔開心的一日, 返到屋企阿媽又發我脾氣...
算啦, 佢返工實在太辛苦了...後來佢都幫我搽護膚...

其實我打多左比佢係唔係一個錯呢?
以前咁咪幾好, 等佢打來佢又唔會唔得閒,
最多都係同第二個傾緊又或者icq緊...
最少自己唔會成為因為阻住佢而令佢比人鬧的人...
好過而家打比佢令到自己同佢都唔開心...
不過算啦, 佢一定會話自己無唔開心的...
佢一定會話因為佢個電話係廳唔講得, 一切都係情非得意。

哈哈, 只能講一句祝君好啦。

祝君好　　張智霖

聽 你不斷呼叫我 劃破 寧靜我的心下墮
在難過 講不出愛沒結果 口和唇 緊緊閉鎖
哭 也一話都不說 害怕 連累你一生日月
憾無缺 只差跟你曾遇過 給過你 太多波折

*寧願沒擁抱共你可到老(共你能夠終老)
任由你來去自如在我心底仍愛慕
如若踫到他比我好 只望停在遠處祝君安好
雖不可親口細訴 (多麼想親口細訴)*

說太多話我想說 但我 還是要啞口道別
任由我 天空海闊流著血 只要你 白似冰雪
Repeat**





>>July 12, 2005 at 12:44:03 AM GMT+8

2005 年 7 月 10 日 星期日 【清涼】

今日第一堂上拯溺專項課程,
其實我都唔係第一次上了,
已經考過水上急救了, 只是筆試肥左佬,
又無補返考試所以就要考返哂。
不過唔緊要, 就當溫故知新啦。

今次多數都係拍馮偉同埋李浩文,
佢地兩個無咩的, 可能知我識所以特別黏我。
但係佢地的理解力同行動力都非常差,
好多時講左好多次的野都仲要重覆...
不過唔緊要的, 都預左嫁喇。

上完practise堂之後就飛的去慧遠整理制服喇。
見仲有時間吹了幾隻歌仔, 好倦呢, 不過好多咀力...呵呵^^~
不過都係無執到制服, 因為d衫比人洗哂....>"<

講起歸屬感依個問題呢, 哈哈.............
只可以講拯溺而家多左野教大左,
而band有比賽係一件好事,
雖然好希望自己所屬的樂隊進步,
但是近掛又唔得閒喇...唉...魚與熊掌不能兼得。

返完band同老婆去左食野, 唔好味的...=,="
之後就返左屋企了, 見無咩時間, d皮又痛,
所以無訓到就要去上堂喇。

一路傾電話一路出發, 六點半先去到太和鄰里社區會堂,
今次做陸上拯救, 又係同上述的兩個人一齊做,
結果就係我shift左三個位來做...

上完就返屋企lu...搞急救個d真係好煩。
又唔知道幾時過期。

老婆唔好唔開心啦, 老公錫錫...
妳仲有我啊。



>>July 11, 2005 at 12:30:46 AM GMT+8

2005 年 7 月 9 日 星期六 【晴】

今日要同老婆豬約會, 我地都有成兩個月無一齊出街玩過了。
九點鐘先至起到身, 以為

>>July 11, 2005 at 12:43:34 AM GMT+8

2005 年 7 月 5 日 星期二 【清涼】

經過尋日辛勞的一日, 今日都只可以訓到八點鐘,
朝早老豆買早餐比我食, 食完之後佢就叫左我去睇趺打了。

由於實在隻右腳太痛同好唔舒服,
去到老豆常去的跌打鋪, 就開始做電療, 再射熱燈。
搞左一輪先開始捽, 捽完只係鬆左d...

返屋企等左陣老豆打來話唔返屋企直接返工,
所以我就落街接老婆豬上來玩, 訓左陣到四點。

四點三度出門搭火車搵阿誠, 之後開始教水,
今日教蛙式, 都唔明點解d洩的學生就比哂我,
聽話的係哂阿城度, 由於d學生洩, 所以我相對地變得惡左。
不過d家長好鼓勵我惡喎...無奈...惡得來帶輕挑地惡...>"<

教完我要自己一個人返屋企...
返到屋企先發現原來媽咪要去學跳舞,
難得一日得閒同佢食飯就咁就無左喇...>嗚<"...

自己一個食飯...自己一個係屋企...
夜晚隻眼又發作喇...好痛好痕啊...
隻腳仲未好返...好痛啊...

愛屎妳喇, 白痴婆


>>July 6, 2005 at 12:04:14 AM GMT+8

2005 年 7 月 2 日 星期六 【晴】

生日快樂　to　my　dear　媽咪

今日係我媽咪生日, 所以我經已推卻了全部我應有的活動陪她。
但換來的只有沉悶, 和睡覺的時間。

由於阿爸唔需要返工, 所以今日又係佢話事,
原本的計劃, 同阿媽出去食日本野泡湯了。

朝早去左食魚蛋粉, 返屋企訓覺, 四五點度阿爸買包返來吃,
而我就去左買魚生同蛋糕比媽咪。

去到八點, 阿爸忽然叫我地去富山食日本野,
我諗依個已經表達左佢重視左媽咪的生日,
只不過佢仍然唔肯講一句生日快樂, 我想他是要保持面子吧。
而我媽咪亦都是一個頑固的人呢。

想到她們的關係, 以至我不想效法她們是但一人的性格。
甚麼大男人, 小男人, 只要令到自己的女人幸福快樂就是好男人吧?
忽然回想起了和老婆剛剛開始到現在的種種, 真的很愛她呢。

但是今天真的很不開心, 不知道是因為掛住佢但是又無機會見佢?
佢來到大中也不找找我?聽見她的樂器被人吹了?
她受傷流血而我又不在她身邊?在家煩悶了很久??
哈哈...多到數唔哂的原因, 其實都係我自己白痴...

習慣了被寵就會變得依賴, 看來我還是適合被討厭, 從中拾獲點點來自妳的溫柔。

晚上最後的一個電話, 最後一個sms最令我心痛呢。哈

>>July 3, 2005 at 12:07:25 AM GMT+8