2005 年 6 月 11 日 星期六 【晴】

十一號同十二號都係急性腸胃炎啊...
好鬼辛苦, 不過又好幸福...

(待續)

>>June 14, 2005 at 6:54:07 PM GMT+8

2005 年 6 月 10 日 星期五 【晴】

http://myweb.hinet.net/home10/soaman/page_12-4.htm

如果妳現在正在看我的日記的話, 我很想妳看一看以上的小說,
很長很長, 對妳來說妳可能會覺得煩厭吧, 但是看完後可能妳會明白我多一點吧。

故事裡的主角與我很像, 雖然我不像小說裡描述般帥, 整齊, 浪漫...
而女主角亦有很多地方與妳相似, 某程度上我想妳的想法和她相同吧。

幸福是什麼?而愛又是什麼的感覺?
記得妳很久前問過我這個問題...

處女座的男生原來都是一個模樣的喔...哈
心口不一, 愛裝酷, 對自己要度嚴格對別人就懶理的...

當妳看完這篇小說後, 有甚麼感動,
又或者甚麼感覺也沒有的, 都將那心情埋於自己心入面吧,
不要對我說了, 嘗試一下代我和妳入小說入面,
也才會感受到我的心情呢...

>>June 14, 2005 at 11:46:11 AM GMT+8

2005 年 6 月 9 日 星期四 【晴】

教水第二日～發脾氣．．．

今日終於都發左老婆脾氣, 不是有心的,
一共十二日沒有見面了, 每天都只有數分鐘時間傾電話,
雖然好想聽見妳的聲音, 但是一說起話來又不知如何說起。
可能是太倦了, 我沒有能力控制好自己的情緒,
我只想哄妳開心的同時得到一絲快樂幸福的感覺,
可能就是愈想得到愈得不到的關係, 我只是非常的燥..

想起妳為了朋友的事已經非常煩惱,
憑著妳那少少東西都會煩惱的小腦袋,
我想妳是多麼的想找個可靠的依靠吧...
為何一定要像我般騙自己不需要任何人呢?
我就是環境迫成的, 而妳又何必勉強自己做一些不適合自己的事呢?

不是想妳不說妳和妳朋友的事, 我很喜歡聽妳說妳的事給我知道,
但是我只想妳表現多一點對我的感覺, 算啦, 妳又會誤解我的意思的了...哈...

哈哈, 我就只是在亂想, 亂估, 亂發脾氣,
我知道我又比緊壓力妳了...唉...
可能愈難行的路, 得出來的結果會愈好吧...！？
在將失去妳的心情底下先知道自己原來係咁愛妳...

要改變的係我唔係妳, 我唔希望妳有任何改變,
小老婆就係小老婆...變左的話就唔可愛了。

哈哈, 有時間一定要聽下同睇下下面隻歌。
好好聽, 同埋好岩心情呢...eason唱嫁。


冤氣

作曲:廖偉鵬
填詞:林夕
編曲:劉志遠
監製:Jim Lee

在電話粥會會合你 喂你新衫我實在好奇
卻可惜 聽朝想早起 你說此刻肚餓到你
我說家中有便當趕到你家轉眼已晨曦

*明明連名帶性是你 然而如何似愛著你
叫你情人知己兼心肝寶貝都不歡喜*

#喂喂 我這麼稱呼你
喂喂 我這麼喜歡你
每次 我喂你也有愛煞你滋味
我每次叫你名字仿彿都緊張得喘氣
暱稱方可親暱死你 慘得過歡喜這冤氣

喂喂 我不敢委屈你
喂喂 我不敢不寵你
奮鬥再奮鬥要有你與我天地
我也會故意頑劣引誘你不得不生氣
專登俾心機呵番你 慘得過我真的比較冤氣#

在電話粥再會合你
你說剛剛那便當夠味
我(目因)得 將雙眼撐起
喂你應該答謝救你
你說這可鍛鍊我不眠聊天增進我自己

Repeat *#

專登俾心機呵番你 慘得過我真的比較冤氣


>>June 9, 2005 at 1:06:22 AM GMT+8

2005 年 6 月 7 日 星期二 【微冷】

小別勝新婚！？

八點鐘準時食早餐, 老豆突然變左我的人肉鬧鐘, 不過我又係訓過。
因為食完藥, 就會昏迷一排。

醒左做左陣教學大綱, 點幾到同alan去左食飯,
之後上我屋企諗住做ipoda, 點知變左打機...

今日打比阿媽又發脾氣, 真係唔打好過打...
老婆又唔上得來...唉...

夜晚飯都無食就去左"蹬"腳...
咀咒成功, 成日我食得一鋪牌...

我唔會為自己咒過自己而後悔,
因為依一個係我對唔住老婆的報應...

雖然話小別勝新婚, 但係一個星期已經令到我焦躁難安了,
一日只有短短的幾個字傾談, 而且計返除了上我家外,
我們已經有很久沒有約會過了, 就連一起行街也沒有...

唉～～～～～～～～～～～～～～～＞＜！

>>June 8, 2005 at 12:56:47 AM GMT+8

2005 年 6 月 5 日 星期日 【晴】

想哭!?!?!?

起身發覺眼睛又通紅了, 發痕發痛的,
回想起尋晚哭了, 並且睡得不好。

可能是我從小到大都聽到令妳覺得難受的說話,
所以我就像習慣成自然般說了出來,
在此作出萬二分的歉意。

不知道妳是否被人責備, 又或者朋友給了妳壓力和煩惱,
最近這一個禮拜都有一種冷淡了的感覺。
很想在言語上令妳了解我多一點, 和令妳開心一點。
但總是覺得自己令妳更加煩惱, 像是對我說的話不感興趣。
哈哈, 可能這就是適得其反吧？
忘記了如果妳想我講多一點自己的事給妳知就自然會問我,
以後都唔會在咁容易講自己的情感了。
我情願做一個聆聽者, 我情願做一個了解妳的人...
被唔被妳了解機本上已經唔再重要。

哈哈, 對不起呢, 一切都是我太急進, 太自以為事,
忽略了妳的感受。

就讓我咀咒自己除了妳在我身邊外一世沒運行,
身體一日比一日更差來彌補我的錯失啦。

日記已經唔會再寫咁多自己的感覺了,
會比以前更加簡短的了。

講返今日做過ｄ咩先啦,
今日食完魚蛋粉就返屋企等拜仁ａｄｄ我,
不過我有ｄ唔係好想去, 一來太倦, 二來掛住人去到都唔會太集中。

雖然ｂｅｎｎｙ同埋大家姐(阿豪)都唔去,
但係ａｌａｎ話去所以我就一齊去源禾路打波喇。
唔知係唔係比自己的咀咒影響, 真係相當黑仔喎。
一去到火炭就落雨了。

等左一陣, 停左雨, 鬥左陣波。
今日表現都唔錯啊, 不往成日都去打,
最搞笑的係唔熟我同ａｌａｎ的人係唔知我地係會鬧交嫁。
睇到ｂｙａｎ呆哂．．．

打完波就返屋企食飯ｌｕ～～～～～


>>June 5, 2005 at 8:10:59 PM GMT+8

2005 年 6 月 4 日 星期六 【溫暖】

人口普查面試日の失敗...

今日比返學更加早起身, 原因為去見今個暑假的最大收入來源----->『人口普查』
七點鐘出門, 有媽咪陪我食早餐, 食完就搭２７１巴士出尖沙咀。
結果我訓左一陣就到達了總站, 再行去中港城方向搵廣東道政府合署。
點知我八點半就到了, 比所有員工更早到呢...

坐左陣同ｄ員工傾左陣計, 同打左招呼之後,
大約九點到就有兩位靚姐姐到左, 立即緊張了不少,
而且見到張招聘狀上面寫住會派返去大埔做就咁加大壓力。

到左九點三開始面試, 首先交學歷証明, 學生証＆身份証等資料,
之後就排排坐來一個寫字測試, 五分鐘內填好一份ｆｏｒｍ。

再來就係面試了, 有兩個考官, 一個就問興趣, 個人資料(工作, 上一次人口普查的經驗)等,
另一個人就負責問問題, 考隨機應變等, 例如香港歷史博物館係邊度？
又或者問你係邊度去邊度要搭咩車等等...整體來說表現都好差,
除左淡定同有禮貌外...唉...見完出來自己都好失望。

之後我就搭車返屋企, 好想搵人傾下, 就打比我媽咪同埋我老婆...
好可惜, 一個就表現得好似預左咁, 一個就未訓醒...唉～＿～”
返到屋企食完藥訓左一陣, 就約左ａｌａｎ出來食飯。
去左ｆｕｎｎｙ打左兩鋪機, 之後就去左味千食飯。
問ａｌａｎ拎埋ｄ碟睇就返左屋企睇o歷咕o歷咕新年財。
聽完收到通知今日唔駛開組就決定左去打波了。

老婆期間打過比我, 不過一來我覺得我好對佢唔住,
我諗佢一定好失望, 二來食完藥個人勁燥...
聽到佢好似唔多想傾ｄ態度又有ｄ問題咁,
所以我就出門口去跟籃球隊練波了...

同ａｌａｎ去左大圍打波, 覺得好得意,
今日學左好多野, 防守啦, 走籃啦, passing game啦...
雖然好似係好簡單的野, 但係第一次玩就會覺得好好玩...

練完波避左陣雨就返大埔lu...
返到大埔食少少野就返屋企沖涼食藥,
傾左一陣電話...真係一陣咋...＝．＝！
之後等多陣老婆的電話就應該訓了。

>>June 5, 2005 at 12:54:26 PM GMT+8

2005 年 6 月 3 日 星期五 【晴】

教拯溺．．．倦．．．食藥．．．
聽日人口普查面試啊．．．＞＜！


（待續）

>>June 3, 2005 at 11:35:04 PM GMT+8

2005 年 6 月 2 日 星期四 【晴】

同ａｌａｎ食飯，之後老婆上左我家．．．
再出左樂富打波．．．

（待續）

>>June 3, 2005 at 11:33:54 PM GMT+8

2005 年 6 月 1 日 星期三 【晴】

考試結束．．．．（待續）

>>June 3, 2005 at 11:34:16 PM GMT+8

2005 年 5 月 25 日 星期三 【晴】

沉默就像妳我之間的隔膜吧？

我不懂得關心妳, 著緊妳, 緊張妳之餘,
表現得滿不在乎, 好冷靜咁控制好自己的情緒...

妳說過如果給人責備的係我, 我也會像妳般著急焦燥難安。
是的呢, 我也會像妳一樣, 但我會將之控制得最親切的情況下收線。
因為我覺得無論怎樣都是我要求要收線, 所以我覺得最低限度要令妳開心和放心。
當然我是妳的男朋友應該更加體諒妳, 是我的不足。對不起呢。

聽到妳比人整到痛和唔開心, 難道最心痛不就是我嗎??
但是我可以怎樣呢??嬲嗎??妳說妳沒有做錯我又可以嬲甚麼呢??
我說妳的朋友錯又是我不對呢...那一定是我的錯了。哈哈...

哈哈...如何能夠聽到妳的咳嗽, 聽到妳比人整到, 覺得痛,
還能若無其事般呢??有d野真係內在咁知道就夠??
妳知道我擔心, 而我亦知道妳知道我擔心就夠??
哈哈, 我都真係幾白痴的, 完全做不到咁高深的境界。

不過如果一定要我做的話, 我諗我一定可以做得到...
那種深層的情感表達...個陣時我一定唔愛妳。

有歡樂, 有難過, 有舒服, 有痛苦,
在這些過程中慢慢的有了幸福的感覺...
睇怕我有排都做唔到依個目標了。
有點兒覺得自己離目標愈來愈遠。

>>May 26, 2005 at 12:07:40 AM GMT+8