2006 年 2 月 7 日 星期二 【微冷】

繼續疲倦...

今日係放假後第一日返學的日子, 原本要返十二點半,
但係因為我要返學校搞重新開啟學位的事宜,
所以早d返去學校, 途中訓了一會, 因為尋晚訓唔到>"<

好頹, 去到果然同老豆講的一模一樣, 唉...
結果要死死地氣寫求情信, 仲要等佢批...罰左我四百蚊都仲要咁。
唉, 心情原本已經好返, 仲要一野打沉我, 唉, 雪上加霜。

搞掂哂時間尚早, 拎左粒波仔去射喇, 好熱, 打左一陣波仔就出汗了。

打完波就去上堂喇, 今日好比心機聽書, 聽得出依一科聽少一點都會唔識,
唔想好似上學期咁, 所以比心機喔...呵呵, 不過唔知有冇得繼續讀呢,
又唔知係唔係連補考都無得補考, 好煩好煩喔, 哈, 唔諗了, 一切順其自然。

放左學同同學們食飯仔, 好耐都無一齊食飯了, 開心牙,
jenny講得無錯呢, 我把聲自從想病想病個時開始未好返過~.~"
食完飯我同偉走先, 之後上左我屋企打機, 等我阿爸返來,
我又去左佢屋企玩, 玩到七點幾先返屋企食飯。

唉...見到拯溺個度就煩, 個個學生都同我講拯溺會有咩唔好唔好,
我又可以做到咩呢??我星期四仲要帶學生考試, 聽日又要打比個阿sir,
都唔明講野唔可以清楚d, 慢d的嗎??要拎note book啦, 又要磨成兩粒鐘啦係深水涉。

無奈...

廿一號仲要考泳池救生章, 咩都唔識, 星期日又要去上堂喇,
廿六號又要考水試...唉...成日都係咁, 唔想做個陣就係咁做,
想做個陣又無得做...

其實都係自己忐忑不安呢, 唔知點解好似少咁樣野咁個心。
唔好再亂諗野喇, 好希望可以寧靜一下呢...

>>February 7, 2006 at 9:50:50 PM GMT+8

2006 年 2 月 6 日 星期一 【晴】

身心疲憊了

其實我好耐以來都係度諗, 如果有一日我突然暈左係條街度,
比人送左去醫院, 除左我父母之外又會有邊個知??
又會有幾多人知道左之後真正的為我擔心??

今日無咩做, 但係周身都好疲倦。不過唔係好訓得到。
中午的時候比alan約左出街食飯, 傾左一陣,
佢要哄返佢女朋友所以要返屋企先, 送完佢我就慢慢行返去,
唔知我係唔係好似自己所講咁識諗同灑脫呢??哈...^^

之後返到屋企我就訓左一陣, 突然有個電話打來話我個學位被取消了,
原因係我無交到第二期學費, 但係無學費單又點樣交呢??
所以都問左點解決, 最後佢叫我寫信去解釋睇下可唔可以唔駛比個四百蚊。
而我亦都搵到我張學費單, 原因係當時我以為係收據, 擺埋左係一個file度。
之後我知衰, 咪我比個四百蚊囉。點知我老豆就係咁鬧了, 話我唔知衰咩,
佢講的我全部都有做但係點都唔願意認同我, 唉, 二十年喇, 都係咁。
算啦, 我咪當感受一下我阿媽的感受吧, 好等我不會重覆佢的錯誤。

唉, 心情差到極點, 搞到依幾日大好的心情沉寂了。
希望會快d無事啦。

>>February 6, 2006 at 9:20:50 PM GMT+8

2006 年 2 月 5 日 星期日 【炎熱】

出街...

今朝比人約左去打波, 無得推了, 想訓多一陣都唔得牙-.-"
打落發覺自己的身體機能都真係退步左好多, 好明顯我的腳步已經跟唔上。
而家能夠依靠的係自己的經驗同技術, 哈, 就係咁就出事了。
我兩隻腳都挍柴, 雖然係小挍, 但係都好痛呢...嗚嗚...>3<"

打完波, 原本係要去粉嶺上泳池救生章的堂,
但係我怕第時會風濕, 所以我無去到, 而且好倦倦呢。
返到屋企阿媽話去旺角行陣, 哈, 食完飯就要出去了。

出到去係咁行電器鋪, 因為我要買mp3機牙, ipod nano牙,
好令令但係又好貴喎, 不過阿媽竟然叫我買喎, 仲要唔駛等十號添,
所以去左周大福買左d金去, (好唔捨得添, 有三條鏈係我細個個時載嫁。)
之後就去買機喇, １６３０蚊牙, 嘩, 好貴, 好肉痛...唉, 都唔知開心定係唔開心。
4完夠鐘去埋皆旺睇埋件波衫, 五百五十蚊仲有錢減, 買左件新的落場版波衫了。

買哂野就返屋企了, 夜晚食完飯去左阿偉屋企,
原本話打牌, 點知佢細佬要做功課唔打得, 仲好, 唔駛輸錢, 我d運仲未返來。
無計啦, 無左勝利女神, 自己努力d去摸返d運仔喔。呵呵...^^
打陣機就覺覺喇, 好倦好眼訓喔...ipod nano錫哂你喔...啜啜>3<"

>>February 6, 2006 at 4:00:04 PM GMT+8

2006 年 2 月 3 日 星期五 【颳風】

離別

過埋今日, 一個對我來說都幾重要的朋友就要離開香港了。
我諗我同佢認識其實真係唔太多, 最多接觸的時間就係佢今次返來香港的日子。

哈, 其實我都真係好想接觸佢多一d, 因為佢同一般的十六歲女仔好唔同。
我覺得佢諗野的成熟度, 作風都好好呢, 嘻。哈, 如果可以的話我都好想收埋佢做我妹妹。

我去唔到送妳機真係好遺憾呢, 兩次我都送唔到, 上次就幫鄧sir教水, 今次就考樂理。
不過我相信總有一天妳係可以同到我打波嫁。呵呵...(再打唔到就變做打妳了>"<)
祝妳的學業有進一步的發展吧, 祝妳等待的人會接受妳吧, 嘩卡卡...
不過我諗只係做朋友對妳來講都好幸福了吧^^...~

再見了, 今年的聖誕再見吧, 周周。



>>February 4, 2006 at 12:51:18 AM GMT+8

2006 年 1 月 30 日 星期一 【晴】

大年初一

哈, 今日好早起身去左富享陪阿媽去同佢的朋友食早餐,
順便拜埋年, 但係由於好眼訓, 所以十點到我地就返到屋企了,
訓左粒半鐘多d, 就要上大埔頭食飯加拜年。
今年幾好天氣牙, 又有得打波又可以睇人打牌, 順便就學埋打花章了...哈

大約點零鐘到, 就返返屋企拎一拎野, 同往年有點唔同,
今年要去婆婆度拜年, 平時係要年初二先可以上去的。
今年咁岩要去旅行...哈哈哈, 仲好少d人開心d。

坐到三點到就走了, 又係覺豬仔的時間, 訓到六點幾就要起身了,
因為今晚又係同往年唔同地去左姑媽度拜年加食飯,
仲有牌牌打添啊, 嘩卡卡, 第一次同親戚打牌啊, 第一次同阿爸打牌啊,
由於手氣好的關係救左我, 如果唔係真係輸到仆左係度啊,
感覺技術好了, 但係黑仔依樣野仍然係無變, 仍然都係差d差d咁,
不過就係因為咁覺得好玩。呵呵...

與其逃避, 不如學習成長的方法, 依句說話真係好正。
哈, 我覺得想起她是必然的, 咁不如將之看成兄妹之間的關心會更好,
何況那段一日裡面必有的ｄｏｗｎ時段已經愈來愈縮短了。
哈, 孤單痛苦的時候要盡情的笑, 就像個傻子般開心地笑,
直至那生命中的同伴和伴侶在扶持自己的那一刻。

希望新的一個狗年, 自己可以搵返那失去的自信,
希望會有一個新的開始, 希望做一些對自己有所交待的事吧。
最緊要的都係開開心心, 健健康康的。加油吧!?沈晉宏。

>>January 30, 2006 at 12:20:36 AM GMT+8

2006 年 1 月 28 日 星期六 【晴】

除夕２００５

今日係除夕, 我差唔多係近日來留係屋企最耐的日子,
今日除左朝早出左去街市食野, 下午出左去剪頭髮, 夜晚去左大埔頭食團年飯外,
我都係度訓覺咁制。不過我仍然覺得好眼訓, 精神仍然係好差。

唔想再多講了...

>>January 28, 2006 at 10:09:52 PM GMT+8

2006 年 1 月 27 日 星期五 【雷雨】

失去自信。

忽然之間覺得自己好無用, 聽到阿媽擔心我,
話送野比我個陣尤其覺得, 自己真係一事無成。
二十歲人了, 而家都仲係唔嗲唔吊咁。唉...
自從打完麻雀輸左百幾蚊之後, 信心同自尊都好似係個一剎那間,
一齊失去埋一樣。以前我會覺得無論點樣輸都好,
只要我仲有時間, 我可以去學習, 我可以吸收技術去嬴,
但係而家我完全感覺唔到依樣野係可行的。
雖然不嬲都唔在乎嬴定係輸, 但係我好想令到我身邊的人開心一點。

依個係唔係已經係我人生的谷底了??
失去左自己最深愛的人, 但係又要迫自己唔再去想佢。
工作學業, 而家好像無一樣是成功的, 相對的, 運氣亦會跟隨著失去。

就在這段時間裡磨練返自己的信心吧。
無論有冇人係身邊支持自己都好, 自己還是要絕對的相信自己。

至於愛情, 哈, 已經夠傷了, 我還未可以去愛一個唔愛自己的人呢,
還是放開手, 祝福妳(們)有幸福吧。

哈, 就快去旅行了, 連續三日, 初二至初四,
大家再見了。我會休息一下呢。嘻嘻~

>>January 28, 2006 at 5:38:28 PM GMT+8

2006 年 1 月 26 日 星期四 【晴】

我諗無人比我更加明白那一種, 明明好想念一個人,
但係又唔可以比個o個人知道, 更加要強迫自己唔去想。
因為比佢知道除左會令到佢唔開心之外, 最唔開心個o個其實係自己。

我諗每一日入面都會有一段時間係唔開心的,
身體不自覺地就會去諗一些所謂會令自己唔開心的野。
有些人會選擇享受個一刻, 亦有些人會做另一些事情去分散它。

每當我以為自己已經可以將那一段令自己唔開心的一剎那間減少的時候。
唔知點解都會不自覺地去想去沉溺左係入面。哈哈。

倦了, 無論我點樣去改變都好我都係沈晉宏, 我唔會變靚仔,
亦都唔會變得有型, 我唔知道我點解需要d咁的野, 人唔係睇內在的嗎??
我自問已經做得好好了, 我應該無遺憾喇, 就算心態改變了又如何,
係人地的心目中的我仍然係無變, 我仍然係咁自以為是, 咁白痴。

一早就知道自己應該放手, 唔應該繼續抖纏下去。
無論點都好, 係妳心入面的沈晉宏無變的話, 只會有下次的心痛,
而且"佢"係一個可以帶比妳快樂的人, 我唔知妳心入面的真正想法係咩,
亦都唔會想知道, "佢", 我諗係妳會愛的人, 而我係愛妳的人,
妳當然唔會知道點去揀吧。不過當然已經無咩所謂了,
我幫妳揀的話唔會係更加好嗎??妳已經為左雞雞的事好煩了,
少了一件應該會更加好。哈哈...

靜...內心除了靜, 還有痛, 但願能夠盡快縮短那復原的時間。

"If you love someone, let it be and set him/her free, if he/she comes back to you, it's meant to be "
如果你愛一個人，隨遇而安，讓他/她自由的飛，如果最後 他/她還是回到你身邊，那就是命中注定的。


>>January 26, 2006 at 6:16:29 PM GMT+8

2006 年 1 月 25 日 星期三 【炎熱】

平凡的一日

今日返左青衣ｉｖｅ溫書，原本以為依一科係最難，
點知原來係最少野溫的一科。一路溫到四點到，
去問阿ｓｉｒ野，問完溫多一陣就返屋企了。

返到屋企就要食飯了，食完飯ｈｅａ陣，
唔知點解好唔想溫，無咩心機，所以我決定聽日早ｄ起身溫，
今晚早ｄ覺覺算數。




>>January 26, 2006 at 6:16:19 PM GMT+8

2006 年 1 月 24 日 星期二 【晴】

沙田ive

唔需要多講, 我今日朝早又係去左溫書,
不過有唔同的係, 我返左去陪左我兩年的學校 - 沙田ive。

我地print notes, turs, past paper等等。
之後就去左圖書館溫書。不過我用左大部份的時間睇急救。
因為我今日無端端比人報左我我今日去考急救, 無奈。

溫完急救之後開始溫書, 依一科我原本以為我咩都唔識,
原來識得最多的係我。哈哈, 今日見到yuki, 無咩點變喎。

溫到四點幾到我就要出發去灣仔了,
早左成半個鐘去到, 考得好急, 個考官好似趕住收工咁。
今次考試我好驚又會唔合格, 再唔合格就炒左三次了,
考完八點到返到屋企, 阿爸熹左飯比我食, 食完抖左一陣就訓了,
我唔係好想溫書。唉...考試就咁忙, 唔考試就咁得閒。

今晚聽到個唔係幾好的消息, 係度祝佢無事吧。
我相信有心的祝福已經好夠, 我亦都唔想知咁多解釋咁多,
當時人可以明白可以接受就可以了。雖然佢唔會知道。

好想有一個可以比我寧靜下來的心, 擁有真愛,
供我恣意徜遊。

不再迷茫了, 已經迷茫左好幾日了,
雖然未有明確的答案, 係碼已經知道自己要點做了。
希望快一點完成吧, 那一百個願望。

re:周周, 係牙,妳咁快就要走喇??我好唔捨得呢,
妳記住要聯絡我多d牙, 我會好掛住妳呢。哈,
點解仲叫我小b的??係唔係叫慣左呢, 不過無所謂啦。
打波幾時都打得牙, 約左時間就可以了。不過唔知妳幾時得閒呢??

>>January 24, 2006 at 11:22:46 PM GMT+8