2005 年 7 月 1 日 星期五 【清涼】

七一回歸大遊行(待續)

>>July 6, 2005 at 12:18:52 AM GMT+8

2005 年 6 月 29 日 星期三 【晴】

教水(待續)

>>July 6, 2005 at 12:29:22 AM GMT+8

2005 年 6 月 28 日 星期二 【酷熱】

今日係國際獅子會大遊行表演, 所以我無得去打我喜愛的籃球啊...＞＜！
一點鐘集合, 但係我首先去左大埔墟新街市搵我心愛的老婆仔先...
陪左佢一陣, 佢送左我過三育就要走了呢, 真係想佢陪多我一陣。

去到三育的學校門口發現左一個好唔禮貌的校工,
真係好唔掂囉佢, 我真係忍唔住串左佢幾句,
算啦, 我都費事葉sir難做啦。

換完衫之後出現左一陣混亂, 不過好在最後都搞得掂,
之後就出車, 我就同bobo & bobo欣坐, 成班係度吹水。
架車真係好臭, 一大陣天拿水味, 令到個人好暈好辛苦。

到達左會展後, 要排隊等出發。
擾攘左一輪, 有一團日本來的人同我同大傻影樣喎...哈
影完之後都出發了, 但係我地係停車場等左好耐,
其間歐陽sir的band又係度哂力吹歌, 我地當然好好咁回敬一番啦。

等左好耐先至出發, 沿途好多人參觀, 好多外地人士呢,
外地的人比本港的更加熱情, 哈哈...
不過和我地同行的另一隊band真的有點不濟呢。
要用多好多力來輔助他們。

行了大約半個鐘多d度就到了終點了。
我地一齊食左d野同飲水就上車回程。
架車同樣好臭, 臭得令人暈厥。

返到大埔之後就開始換衫, 雖然唔係同佢地一齊食飯,
但係傻敏問我一唔一齊過大中, 所以等埋佢地先一齊走。

返到屋企, 阿爸發脾氣, 話我好咁夜返屋企,
之後我解釋左比佢知, 連阿媽都頂唔順要串佢,
我幫佢解圍反而比佢話呢...呵...
最搞笑的係佢講的野同我解釋的一模一樣。

今日最唔開心的係出隊個陣整唔左老婆織比我的手繩,
而且仲要係第三條了...有說不出的心痛呢。

>>July 2, 2005 at 11:45:03 PM GMT+8

2005 年 6 月 26 日 星期日 【晴】

考磁章...(待續)

>>July 6, 2005 at 12:41:23 AM GMT+8

2005 年 6 月 25 日 星期六 【晴】

拯溺泳池專項課程加磁章班...第一堂啊~(待續)

>>July 6, 2005 at 12:34:18 AM GMT+8

2005 年 6 月 25 日 星期六 【乍寒還暖】

今朝出左新街市食魚蛋粉, 之後去甜心屋度問下訂蛋糕的野,
中午同阿松去訂, 之後就去左神召會打波。

打完約左老婆, 點知見到佢爸爸喎...
跟住就開組, 食蛋糕, 返屋企食藥就訓了。

>>June 25, 2005 at 11:02:01 PM GMT+8

2005 年 6 月 20 日 星期一 【陰】


今日其實都幾充實下, 朝早等老婆放學上來我家,
所以連早餐都無食, 只係食左老豆整的腿旦治。

老婆上左來訓一陣, 見佢病左個人好辛苦, 其實真係好心痛,
佢仲要全身都好慶...應該仲發緊高燒, 但係佢就係都唔聽話。
唉...講得多又煩喎...擔心死人呢＞＿＜””
唔可以無左妳了, 我身邊已經無咩人係知道我的諗法,
並且支持我的人存在了, 而且令我這麼深愛的亦只有妳一個...

之後送左老婆返屋企之後, 買d野食就去左八號花園打波,
開頭都打得唔錯, 但係愈打就愈上唔到力, 暈下暈下咁...
打得勁差囉...唉...對唔住呢...alan同阿歐...我會打得好d嫁喇下次...

打完波alan就陪我去泳池, 其實都係吹吹水,
發覺水感返返來, 但係速度上就慢左好多...

不過真係好唔happy...拯溺會係好似好多野做咁,
但係時間上就唔到就好似脫哂節咁,
又無熟人, 又唔受到重用, 個感覺真係同返band差唔多。
唉...我為左興趣先會用自己的時間係依兩方面上,
當然係會想有一些志同道合, 可以玩得好熟的朋友係度,
就好似ive咁...但係事願遠遺...

點解唔可以比多一點點的歸屬感給我?
我真係咁難親近嗎?真係咁cool?和我熟的人有講過這些話嗎?
我只是想做一個專業的拯溺運動員, 無論是教導還是作為運動員。
我只是想做一個對步操管樂團有興趣, 盡責的演出,
可以演奏喜歡的音樂的人。
唉～～～～～～真係好無瘾啊...

如果妳明白我的感覺就好了...哈哈...
快d好返啦...我情願自己病還好,
我起碼識得照顧自己身體, 但係妳就唔識,
而且唔乖, 那又怎會輕易的好返嗎?

真正的朋友自然會明白我為何會有以上的諗法,
唔多講了, 我亦都明白有心事想同人講的, 個o個聆聽者永遠都唔係我。
係朋友的唔需要我問亦都會自自然然同我講佢的事,
如果要我看出你有心事而問你的, 那朋友要來只是像我以上的人般,
像公關式的關係又有何分別呢??

如果以上的任何言行係得罪左任何的人, 又或者係覺得我點解咁講說話的,
我致萬二分的歉意, 看得我日記的人我諗我都當你是朋友了...
以上只是我的看法, 很主觀, 亦很現實, 不喜歡的人可以唔理會的...


>>June 20, 2005 at 11:12:07 PM GMT+8

2005 年 6 月 15 日 星期三 【溫暖】


1. 真正愛你的女孩，雖然嘴上討厭你說她小笨笨，可心裏卻很高興。
2. 真正愛你的女孩，真的很小氣，眼裏容不下一顆沙粒。
3. 真正愛你的女孩，每次生氣故作沒有消氣，只是想聽你來哄自己。
4. 真正愛你的女孩，不論在嘴上怎麼挑剔，在她心裏還是最愛你。
5. 真正愛你的女孩，很容易被你感動，哪怕是一件極小的事情。
6. 真正愛你的女孩，即使在能獨當一面，在你面前也會嬌滴滴。
7. 真正愛你的女孩，會不停的嘮叨你，其實那是對你的關心。
8. 真正愛你的女孩，不喜歡你有什麼事都自己一個人承擔，那樣她會更加擔心。
9. 真正愛你的女孩，是你最需要她時候，常裝著莫不關心，卻溫柔地問你沒事嗎?
10. 真正愛你的女孩，雖然不知你喜歡什麼，也甘心連夜親自織一條頸 巾，摺一大樽的星星...
11. 真正愛你的女孩，經常想致電給你，卻怕自己太煩擾。
12. 真正愛你的女孩，在你面前常亳不在意，其實她十分想知道你的心意。
13. 真正愛你的女孩，只要你輕輕摸她的頭，已經甜絲絲。
14. 真正愛你的女孩，雖然相隔，她會空想你與她的將來而傻笑。
15. 真正愛你的女孩，無論你傻的笨的，也覺得你很酷。
16. 真正愛你的女孩，你傷她心，會睡覺前想起你而且不自然地流淚。
17. 真正愛你的女孩，想告訴你知她的心意，但是卻步，因為怕失去你。
18. 真正愛你的女孩，是很多數不會叫你名字，她會叫你死人頭，喂...
19. 真正愛你的女孩，要你估那樣，要你估這樣，目的想你知她在想什麼，你想錯，她又罵你"沒事啦，笨蛋!"」

>>June 19, 2005 at 12:30:15 AM GMT+8

2005 年 6 月 14 日 星期二 【颱風】

如果有任何人傷害妳的話, 我是不會就此罷休的,
我會不惜一切的代價去追究...

為了妳我要變得更加努力和堅定, 我一定會讀好d書嫁...＞＜”
同埋一定會搵多ｄ錢錢養妳, 讓妳這可愛的老婆免受傷害啊...

可以的話真係唔想妳面對甚麼捉心理講大話的場面,
應該等我來幫妳面對, 因為我都唔識講大話的...呵呵~^^

小老婆就係小老婆...真係一d都唔想妳改變喔...
不過仍然係要改改一些壞習慣,
不是甚麼都可以玩可以信的...哈哈, 算啦, 改左就唔係妳。

唔願意見到妳有任何的傷害...＞＜”
有必要要對一個女孩做這種事嗎?而且是這麼多的人??

>>June 14, 2005 at 7:10:41 PM GMT+8

2005 年 6 月 13 日 星期一 【晴】

今日去左新街市打波啊...好多人啊...好耐無見喇...呵呵
之後一齊去左鴻強食野...

(待續)

>>June 14, 2005 at 6:55:07 PM GMT+8